ᱯᱩᱞᱤᱠᱟᱞᱤ

ᱯᱩᱞᱤᱠᱟᱞᱤ
പുലിക്കളി
ᱯᱩᱞᱤᱠᱟᱞᱤ; പുലിക്കളി
ᱢᱟᱹᱦᱤᱛ ᱠᱚ	ᱳᱱᱟᱢ ᱨᱮᱭᱟᱜ ᱔ ᱟᱱᱟᱜ ᱢᱟᱦᱟᱸ (ᱵᱤᱥᱟᱠᱷᱟᱢ) ᱪᱤᱝᱜᱟᱢ ᱪᱟᱸᱫᱚ ᱨᱮ
ᱫᱚᱦᱚᱲᱟ	ᱥᱮᱨᱢᱟᱠᱤᱭᱟᱹ
ᱡᱟᱭᱜᱟ	ᱥᱣᱚᱨᱟᱡᱽ ᱨᱟᱣᱩᱱᱰ, ᱛᱷᱨᱤᱥᱩᱨ
ᱫᱤᱥᱚᱢ	ᱥᱤᱧᱚᱛ
ᱵᱮᱱᱟᱣ	1886; Expression error: ᱵᱟᱝ ᱧᱮᱞ ᱴᱷᱤᱠᱚᱜᱠᱟᱱ ᱪᱤᱱᱦᱟᱹ ᱠᱚ "᱑". Expression error: ᱵᱟᱝ ᱧᱮᱞ ᱴᱷᱤᱠᱚᱜᱠᱟᱱ ᱪᱤᱱᱦᱟᱹ ᱠᱚ "᱑".
ᱛᱷᱟᱯᱚᱱᱤᱭᱟᱹ	ᱥᱟᱠᱛᱷᱟᱱ ᱛᱷᱟᱢᱯᱩᱨᱟᱱ

ᱯᱩᱞᱤᱠᱟᱞᱤ (Malayalam: പുലിക്കളി) ᱫᱚ ᱥᱤᱧᱚᱛ ᱨᱮᱭᱟᱜ ᱠᱮᱨᱟᱞᱟ ᱯᱚᱱᱚᱛ ᱨᱮᱭᱟᱜ ᱢᱤᱫ ᱨᱟᱹᱥᱠᱟᱹ ᱟᱱ ᱦᱚᱲ ᱮᱱᱮᱡ ᱟᱨᱴ (folk art) ᱠᱟᱱᱟ,^[᱑] ᱡᱟᱦᱟᱸ ᱫᱚ ᱥᱮᱨᱢᱟᱠᱤᱭᱟᱹ ᱤᱨᱚᱜ ᱯᱟᱨᱟᱵᱽ ᱳᱱᱟᱢ ᱚᱠᱛᱚ ᱨᱮ ᱩᱫᱩᱜ ᱥᱚᱫᱚᱨᱚᱜᱼᱟ ᱾^[᱒] ᱱᱚᱣᱟ ᱩᱫᱩᱜ ᱥᱚᱫᱚᱨ ᱫᱚ ᱛᱟᱹᱨᱩᱵ ᱥᱮᱸᱫᱽᱨᱟ ᱨᱮᱭᱟᱜ ᱥᱟᱛᱟᱢ ᱪᱮᱛᱟᱱ ᱨᱮ ᱟᱹᱪᱩᱨᱚᱜᱼᱟ ᱾

ᱳᱱᱟᱢ ᱢᱟᱱᱟᱣ ᱨᱮᱭᱟᱜ ᱯᱩᱱ ᱟᱱᱟᱜ ᱢᱟᱦᱟᱸ ᱨᱮ (ᱱᱟᱞᱟᱢ ᱳᱱᱟᱢ ᱥᱮ ᱪᱟᱛᱷᱟᱭᱟᱢ), ᱩᱫᱩᱜ ᱥᱚᱫᱚᱨᱤᱭᱟᱹ ᱠᱚ ᱛᱟᱹᱨᱩᱵ ᱟᱨ ᱥᱚᱱᱟ ᱪᱤᱛᱟᱹ ᱞᱮᱠᱟ ᱟᱠᱚᱣᱟᱜ ᱦᱚᱲᱢᱚ ᱨᱮ ᱥᱟᱥᱟᱝ, ᱟᱨᱟᱜ, ᱟᱨ ᱦᱮᱸᱫᱮ ᱨᱚᱝ ᱠᱚ ᱞᱟᱜᱟᱣᱟ ᱟᱨ ᱟᱠᱚᱣᱟᱜ ᱞᱟᱡ ᱠᱚ ᱦᱤᱞᱟᱹᱣᱟ ᱟᱨ ᱪᱮᱱᱰᱟ ᱟᱨ ᱪᱮᱝᱜᱤᱞᱟ ᱞᱮᱠᱟᱱ ᱵᱟᱡᱟᱣ ᱥᱟᱯᱟᱵ ᱨᱮᱭᱟᱜ ᱥᱟᱰᱮ ᱥᱟᱶ ᱠᱚ ᱮᱱᱮᱡᱟ ᱾^[᱓] ᱳᱱᱟᱢ ᱨᱮᱭᱟᱜ ᱯᱩᱱ ᱟᱱᱟᱜ ᱢᱟᱦᱟᱸ ᱨᱮ ᱛᱷᱨᱤᱥᱩᱨ ᱨᱮ, ᱜᱚᱴᱟ ᱦᱚᱱᱚᱛ ᱠᱷᱚᱱ ᱯᱩᱞᱤᱠᱟᱞᱤ ᱫᱚᱞ ᱠᱚ ᱟᱠᱚᱣᱟᱜ ᱦᱩᱱᱟᱹᱨ ᱩᱫᱩᱜ ᱥᱚᱫᱚᱨ ᱞᱟᱹᱜᱤᱫ ᱠᱚ ᱡᱟᱣᱨᱟᱜᱼᱟ, ᱡᱟᱦᱟᱸ ᱫᱚ ᱛᱷᱨᱤᱥᱩᱨ ᱨᱮ ᱦᱟᱡᱟᱨ ᱦᱟᱡᱟᱨ ᱦᱚᱲ ᱮ ᱚᱨ ᱟᱹᱜᱩ ᱠᱚᱣᱟ ᱾ ᱯᱩᱞᱤᱠᱟᱞᱤ ᱫᱚ ᱮᱴᱟᱜ ᱯᱟᱨᱟᱵᱽ ᱚᱠᱛᱚ ᱠᱚᱨᱮ ᱦᱚᱸ ᱩᱫᱩᱜ ᱥᱚᱫᱚᱨᱚᱜᱼᱟ ᱾^{[ᱥᱟᱹᱠᱭᱟᱹᱛ ᱞᱟᱹᱠᱛᱤ ᱠᱟᱱᱟ]}

ᱱᱟᱜᱟᱢ

ᱯᱩᱞᱤᱠᱟᱞᱤ ᱨᱮᱭᱟᱜ ᱮᱛᱚᱦᱚᱵ ᱫᱚ ᱒᱐᱐ ᱥᱮᱨᱢᱟ ᱠᱷᱚᱱ ᱦᱚᱸ ᱢᱟᱨᱮᱭᱟ, ᱡᱚᱠᱷᱚᱱ ᱢᱚᱦᱟᱨᱟᱡᱟ ᱨᱟᱢᱟ ᱵᱷᱟᱨᱢᱟ ᱥᱟᱠᱛᱷᱟᱱ ᱛᱷᱟᱢᱯᱩᱨᱟᱱ, ᱩᱱ ᱚᱠᱛᱚ ᱠᱳᱪᱤᱱ ᱨᱮᱱ ᱢᱚᱦᱟᱨᱟᱡᱟ, ᱱᱚᱣᱟ ᱦᱚᱲ ᱟᱨᱴ ᱮ ᱮᱛᱚᱦᱚᱵ ᱞᱮᱫᱟ ᱢᱮᱱᱛᱮ ᱞᱟᱹᱭᱚᱜᱼᱟ ᱾ ᱩᱱᱠᱩ ᱫᱚ ᱛᱟᱹᱨᱩᱵ ᱞᱮᱠᱟ ᱥᱟᱡᱟᱣ ᱠᱟᱛᱮ ᱵᱷᱮᱜᱟᱨ ᱵᱷᱮᱜᱟᱨ ᱛᱟᱲᱟᱢ ᱛᱮ ᱱᱚᱣᱟ ᱟᱨᱴ ᱠᱚ ᱩᱫᱩᱜ ᱥᱚᱫᱚᱨᱮᱫ ᱛᱟᱦᱮᱸᱫ, ᱡᱟᱦᱟᱸ ᱫᱚ ᱛᱟᱹᱨᱩᱵ ᱞᱮᱠᱟ ᱧᱮᱞᱚᱜ ᱠᱟᱱ ᱛᱟᱦᱮᱸᱫ, ᱩᱱ ᱚᱠᱛᱚ ᱱᱚᱣᱟ ᱫᱚ 'ᱯᱩᱞᱤᱠᱠᱮᱴᱴᱤᱠᱟᱞᱤ' ᱢᱮᱱᱛᱮ ᱵᱟᱰᱟᱭᱚᱜ ᱠᱟᱱ ᱛᱟᱦᱮᱸᱫ, ᱡᱟᱦᱟᱸ ᱫᱚ ᱴᱚᱴᱷᱟᱠᱤᱭᱟᱹ ᱦᱚᱲ ᱠᱚ ᱟᱹᱰᱤ ᱠᱚ ᱠᱩᱥᱤᱭᱟᱜ ᱠᱟᱱ ᱛᱟᱦᱮᱸᱫ ᱾ ᱛᱷᱨᱤᱥᱩᱨ ᱨᱮ ᱯᱩᱞᱤᱠᱟᱞᱤ ᱫᱚ ᱱᱚᱣᱟ ᱜᱷᱚᱴᱚᱱ ᱨᱮᱭᱟᱜ ᱩᱭᱦᱟᱹᱨ ᱨᱮ ᱥᱟᱯᱲᱟᱣᱜᱼᱟ ᱾^[᱔]

ᱱᱟᱦᱟᱜ

ᱥᱮᱨᱢᱟ ᱯᱟᱨᱚᱢᱚᱜ ᱥᱟᱶᱛᱮ, ᱯᱩᱞᱤᱠᱟᱞᱤ ᱮᱱᱮᱡᱤᱡ ᱠᱚᱣᱟᱜ ᱥᱟᱡᱟᱣ ᱨᱮ ᱵᱚᱫᱚᱞ ᱦᱮᱡ ᱟᱠᱟᱱᱟ ᱾ ᱮᱛᱚᱦᱚᱵ ᱫᱤᱱ ᱠᱚᱨᱮ, ᱢᱟᱥᱠ ᱫᱚ ᱵᱟᱝ ᱵᱮᱵᱷᱟᱨᱚᱜ ᱠᱟᱱ ᱛᱟᱦᱮᱸᱫ ᱟᱨ ᱥᱮᱞᱮᱫᱤᱭᱟᱹ ᱠᱚ ᱟᱠᱚᱣᱟᱜ ᱜᱚᱴᱟ ᱦᱚᱲᱢᱚ ᱥᱟᱶᱛᱮ ᱢᱮᱫᱦᱟᱸ ᱨᱮᱦᱚᱸ ᱨᱚᱝ ᱠᱚ ᱞᱟᱜᱟᱣᱮᱫ ᱛᱟᱦᱮᱸᱫ ᱾ ᱢᱮᱱᱠᱷᱟᱱ ᱱᱤᱛᱚᱜ ᱫᱚ, ᱨᱮᱰᱤᱢᱮᱰ ᱢᱟᱥᱠ, ᱟᱨᱴᱤᱯᱷᱤᱥᱤᱭᱟᱞ ᱰᱟᱴᱟ, ᱟᱞᱟᱝ, ᱫᱟᱹᱲᱤ ᱟᱨ ᱜᱚᱪᱷᱚ ᱠᱚ ᱥᱮᱞᱮᱫᱤᱭᱟᱹ ᱠᱚ ᱟᱠᱚᱣᱟᱜ ᱦᱚᱲᱢᱚ ᱨᱮ ᱨᱚᱝ ᱥᱟᱶᱛᱮ ᱠᱚ ᱵᱮᱵᱷᱟᱨᱮᱫᱟ ᱾ ᱛᱟᱹᱨᱩᱵ ᱠᱚᱫᱚ ᱟᱠᱚᱣᱟᱜ ᱰᱟᱸᱰᱟ ᱨᱮ ᱡᱷᱩᱱᱠᱟᱹ ᱟᱱ ᱢᱤᱫ ᱚᱥᱟᱨ ᱵᱮᱞᱴ ᱦᱚᱸᱠᱚ ᱦᱚᱨᱚᱜᱟ ᱾ ᱛᱷᱨᱤᱥᱩᱨ ᱨᱮ ᱱᱚᱣᱟ ᱯᱟᱨᱟᱵᱽ ᱫᱚ ᱢᱤᱫ ᱟᱹᱰᱤ ᱧᱩᱛᱩᱢᱟᱱ ᱜᱩᱴ ᱠᱟᱹᱢᱤᱦᱚᱨᱟ ᱵᱮᱱᱟᱣ ᱟᱠᱟᱱᱟ, ᱡᱟᱦᱟᱸ ᱨᱮ ᱴᱚᱴᱷᱟᱠᱤᱭᱟᱹ ᱡᱩᱣᱟᱹᱱ ᱠᱚᱣᱟᱜ ᱠᱮᱴᱮᱡ ᱥᱮᱞᱮᱫ ᱟᱨ ᱥᱯᱚᱱᱥᱚᱨ ᱠᱚᱣᱟᱜ ᱠᱮᱴᱮᱡ ᱜᱚᱲᱚ ᱧᱟᱢᱚᱜᱼᱟ ᱾ ᱱᱚᱣᱟ ᱠᱟᱹᱢᱤᱦᱚᱨᱟ ᱫᱚ ᱯᱩᱞᱤᱠᱟᱞᱤ ᱠᱳ-ᱚᱨᱰᱤᱱᱮᱥᱚᱱ ᱠᱚᱢᱤᱴᱤ ᱦᱚᱛᱮᱛᱮ ᱥᱟᱯᱲᱟᱣᱜᱼᱟ, ᱡᱟᱦᱟᱸ ᱫᱚ ᱒᱐０᱔ ᱨᱮ ᱛᱷᱨᱤᱥᱩᱨ ᱨᱮ ᱯᱩᱞᱤᱠᱟᱞᱤ ᱜᱩᱴ ᱠᱚᱣᱟᱜ ᱢᱤᱫ ᱢᱤᱞᱟᱹᱣ ᱟᱠᱟᱱ ᱠᱟᱣᱩᱱᱥᱤᱞ ᱞᱮᱠᱟᱛᱮ ᱵᱮᱱᱟᱣ ᱞᱮᱱᱟ, ᱡᱟᱦᱟᱸ ᱨᱮᱭᱟᱜ ᱡᱚᱥ ᱫᱚ ᱱᱚᱣᱟ ᱟᱨᱴ ᱟᱡᱟᱜ ᱥᱟᱹᱨᱤ ᱨᱚᱝ ᱟᱨ ᱨᱩᱯ ᱨᱮ ᱵᱟᱧᱪᱟᱣ ᱟᱨ ᱯᱟᱥᱱᱟᱣ ᱠᱟᱱᱟ ᱾ ᱛᱷᱨᱤᱥᱩᱨ ᱢᱩᱱᱤᱥᱤᱯᱟᱞ ᱠᱚᱨᱯᱚᱨᱮᱥᱚᱱ ᱫᱚ ᱡᱚᱛᱚ ᱯᱩᱞᱤᱠᱟᱞᱤ ᱫᱚᱞ ᱞᱟᱹᱜᱤᱫ ᱓᱐,᱐᱐᱐ ᱴᱟᱠᱟ ($᱔᱐᱐) ᱨᱮᱭᱟᱜ ᱜᱨᱟᱱᱴ ᱮᱢᱚᱜᱼᱟ ᱾

ᱯᱩᱞᱤᱠᱟᱞᱤ - പുലിക്കളി

ᱥᱟᱫᱷᱟᱨᱚᱱ ᱞᱮᱠᱟᱛᱮ, ᱠᱚᱲᱟ ᱟᱨ ᱜᱤᱫᱽᱨᱟᱹ ᱠᱚ ᱱᱚᱣᱟ ᱟᱨᱴ ᱠᱚ ᱩᱫᱩᱜ ᱥᱚᱫᱚᱨᱟ ᱾ ᱯᱩᱭᱞᱩ ᱫᱷᱟᱣ ᱞᱟᱹᱜᱤᱫ, ᱒᱐᱑᱖ ᱨᱮ ᱛᱷᱨᱤᱥᱩᱨ ᱨᱮ ᱢᱤᱫ ᱕᱑-ᱥᱚᱦᱮᱫ ᱟᱱ ᱫᱚᱞ ᱢᱩᱫᱽ ᱨᱮ ᱓ ᱜᱚᱴᱟᱝ ᱛᱤᱨᱞᱟᱹ ᱠᱚ ᱯᱩᱞᱤᱠᱟᱞᱤ ᱨᱮ ᱠᱚ ᱥᱮᱞᱮᱫ ᱞᱮᱱᱟ ᱾^[᱕]^[᱖]

ᱠᱳᱵᱷᱤᱰ-᱑᱙ ᱟᱨ ᱞᱚᱠᱰᱟᱣᱩᱱ ᱨᱮᱭᱟᱜ ᱵᱟᱨᱚᱱ ᱠᱷᱟᱹᱛᱤᱨ, ᱟᱭᱢᱟ ᱳᱱᱟᱢ ᱢᱟᱱᱟᱣ ᱠᱚ ᱵᱚᱸᱫᱽ ᱞᱮᱱᱟ ᱾ ᱟᱭᱭᱟᱱᱛᱷᱳᱞ ᱫᱮᱥᱟᱢ ᱯᱩᱞᱤᱠᱟᱞᱤ ᱥᱟᱢᱤᱛᱤ ᱟᱜ ᱠᱩᱨᱩᱢᱩᱴᱩ ᱛᱮ, ᱯᱩᱞᱤᱠᱟᱞᱤ ᱫᱚ ᱩᱱᱠᱩᱣᱟᱜ ᱯᱷᱮᱥᱵᱩᱠ ᱯᱮᱡᱽ ᱨᱮ ᱞᱟᱭᱤᱵᱽ-ᱥᱴᱨᱤᱢ ᱞᱮᱱᱟ ᱾ ᱟᱢᱫᱟᱡᱽ ᱑᱗ ᱦᱚᱲ ᱵᱷᱮᱜᱟᱨ ᱵᱷᱮᱜᱟᱨ ᱴᱷᱟᱶ ᱠᱷᱚᱱ ᱵᱷᱟᱨᱪᱩᱣᱟᱞᱤ ᱮᱱᱮᱡ ᱨᱮᱠᱚ ᱥᱮᱞᱮᱫ ᱞᱮᱱᱟ ᱾^[᱗]^[᱘]^[᱙]

ᱥᱟᱯᱲᱟᱣ ᱠᱚ

ᱱᱚᱣᱟ ᱦᱚᱲ ᱟᱨᱴ ᱨᱮᱭᱟᱜ ᱢᱤᱫ ᱢᱩᱬᱩᱛ ᱡᱤᱱᱤᱥ ᱫᱚ ᱩᱫᱩᱜ ᱥᱚᱫᱚᱨᱤᱭᱟᱹ ᱠᱚᱣᱟᱜ ᱨᱚᱝ-ᱵᱤᱨᱚᱝ ᱨᱩᱯ ᱠᱟᱱᱟ ᱾ ᱨᱚᱝ ᱵᱮᱱᱟᱣ ᱞᱟᱹᱜᱤᱫ ᱫᱚ ᱴᱮᱢᱯᱮᱨᱟ ᱯᱟᱣᱰᱟᱨ ᱟᱨ ᱵᱷᱟᱨᱱᱤᱥ ᱥᱮ ᱤᱱᱟᱢᱮᱞ ᱨᱮᱭᱟᱜ ᱢᱤᱫ ᱵᱤᱥᱮᱥ ᱢᱮᱥᱟ ᱠᱚ ᱵᱮᱵᱷᱟᱨᱟ ᱾ ᱡᱚᱛᱚ ᱠᱷᱚᱱ ᱢᱟᱲᱟᱝ ᱨᱮ, ᱮᱱᱮᱡᱤᱡ ᱠᱚ ᱦᱚᱲᱢᱚ ᱠᱷᱚᱱ ᱩᱵ ᱠᱚ ᱚᱪᱚᱜᱟ, ᱟᱨ ᱚᱱᱟ ᱛᱟᱭᱚᱢ, ᱩᱱᱠᱩ ᱪᱮᱛᱟᱱ ᱨᱮ ᱨᱚᱝ ᱨᱮᱭᱟᱜ ᱵᱮᱥ ᱠᱳᱴ ᱠᱚ ᱞᱟᱜᱟᱣᱟ ᱾ ᱠᱳᱴᱤᱝ ᱨᱚᱦᱚᱲᱚᱜ ᱞᱟᱹᱜᱤᱫ ᱵᱟᱨ ᱠᱷᱚᱱ ᱯᱮ ᱴᱟᱲᱟᱝ ᱚᱠᱛᱚ ᱞᱟᱜᱟᱣᱜᱼᱟ ᱾ ᱚᱱᱟ ᱛᱟᱭᱚᱢ, ᱢᱤᱫ ᱱᱟᱯᱟᱭ ᱰᱤᱡᱟᱭᱤᱱ ᱥᱟᱶᱛᱮ ᱫᱚᱥᱟᱨ ᱠᱳᱴ ᱨᱚᱝ ᱠᱚ ᱞᱟᱜᱟᱣᱟ ᱾ ᱱᱚᱣᱟ ᱜᱚᱴᱟ ᱠᱟᱹᱢᱤᱦᱚᱨᱟ ᱨᱮ ᱠᱚᱢ ᱥᱮ ᱠᱚᱢ ᱢᱚᱬᱮ ᱠᱷᱚᱱ ᱮᱭᱟᱭ ᱴᱟᱲᱟᱝ ᱚᱠᱛᱚ ᱞᱟᱜᱟᱣᱜᱼᱟ ᱾ ᱛᱟᱹᱨᱩᱵ ᱠᱚ ᱪᱮᱛᱟᱱ ᱨᱮ ᱨᱚᱝ ᱞᱟᱜᱟᱣ ᱞᱟᱹᱜᱤᱫ ᱟᱭᱢᱟ ᱟᱨᱴᱤᱥᱴ ᱠᱚ ᱡᱟᱣᱨᱟᱜᱼᱟ ᱾ ᱱᱚᱣᱟ ᱫᱚ ᱢᱤᱫ ᱟᱹᱰᱤ ᱡᱚᱛᱚᱱ ᱟᱱ ᱠᱟᱹᱢᱤᱦᱚᱨᱟ ᱠᱟᱱᱟ ᱟᱨ ᱟᱭᱢᱟ ᱚᱠᱛᱚ ᱥᱮᱛᱟᱜ ᱟᱹᱰᱤ ᱞᱚᱜᱚᱱ ᱮᱦᱚᱵᱚᱜᱼᱟ ᱾ ᱛᱤᱠᱤᱱ ᱥᱮᱫ, ᱯᱩᱞᱤᱠᱟᱞᱤ ᱜᱩᱴ ᱠᱚ ᱥᱮ 'ᱥᱟᱝᱜᱟᱢᱥ', ᱛᱷᱨᱤᱥᱩᱨ ᱨᱮᱭᱟᱜ ᱯᱩᱱᱭᱟᱹ ᱠᱚᱬ ᱠᱷᱚᱱ ᱢᱤᱫ ᱨᱚᱛᱷ ᱡᱟᱛᱨᱟ ᱞᱮᱠᱟᱛᱮᱠᱚ ᱚᱰᱚᱠᱚᱜᱼᱟ, ᱮᱱᱮᱡ ᱠᱟᱛᱮ, ᱫᱚᱱ ᱠᱟᱛᱮ ᱟᱨ ᱟᱠᱚᱣᱟᱜ ᱞᱟᱡ ᱦᱤᱞᱟᱹᱣ ᱠᱟᱛᱮ ᱰᱟᱢᱟᱠ ᱥᱟᱰᱮ ᱥᱟᱶᱛᱮ ᱦᱚᱨ ᱛᱟᱞᱟ ᱛᱮ ᱯᱮᱞᱮᱥ ᱨᱳᱰ, ᱠᱟᱨᱩᱱᱟᱠᱟᱨᱟᱱ ᱱᱟᱢᱵᱤᱭᱟᱨ ᱨᱳᱰ, ᱥᱳᱨᱱᱩᱨ ᱨᱳᱰ, ᱮ ᱟᱨ ᱢᱮᱱᱚᱱ ᱨᱳᱰ, ᱟᱨ ᱮᱢᱡᱤ ᱨᱳᱰ ᱥᱮᱫ ᱛᱮ ᱥᱚᱦᱚᱨ ᱛᱟᱞᱟ ᱨᱮ ᱢᱮᱱᱟᱜ ᱥᱣᱚᱨᱟᱡᱽ ᱨᱟᱣᱩᱱᱰ, ᱛᱷᱨᱤᱥᱩᱨ ᱛᱮᱠᱚ ᱪᱟᱞᱟᱜᱼᱟ ᱾

ᱛᱟᱹᱨᱩᱵ ᱢᱤᱫ ᱡᱤᱭᱟᱹᱞᱤ ᱥᱮᱸᱫᱽᱨᱟᱭᱮᱫ ᱠᱟᱱ, ᱟᱨ ᱢᱤᱫ ᱥᱮᱸᱫᱽᱨᱟᱭᱤᱡ ᱦᱚᱛᱮᱛᱮ ᱛᱟᱹᱨᱩᱵ ᱥᱮᱸᱫᱽᱨᱟ ᱚᱪᱚᱜ ᱠᱟᱱ ᱞᱮᱠᱟᱱ ᱥᱤᱱ ᱠᱚ ᱛᱟᱞᱟ ᱨᱮ ᱟᱹᱰᱤ ᱱᱟᱯᱟᱭ ᱛᱮᱠᱚ ᱩᱫᱩᱜ ᱥᱚᱫᱚᱨᱟ ᱾ ᱦᱟᱡᱟᱨ ᱦᱟᱡᱟᱨ ᱧᱮᱧᱮᱞᱤᱭᱟᱹ ᱠᱚ ᱦᱚᱨ ᱟᱲᱮ ᱨᱮᱠᱚ ᱛᱤᱸᱜᱩᱱᱟ, ᱮᱱᱮᱡ ᱠᱚ ᱨᱟᱹᱥᱠᱟᱹᱭᱟ ᱟᱨ ᱮᱱᱮᱡᱤᱡ ᱠᱚᱠᱚ ᱥᱟᱨᱦᱟᱣ ᱠᱚᱣᱟ ᱾ ᱩᱱᱠᱩ ᱢᱩᱫᱽ ᱨᱮ ᱟᱫᱚᱢ ᱠᱚᱫᱚ ᱥᱮᱞᱮᱫᱚᱜ ᱨᱮᱭᱟᱜ ᱦᱚᱸᱠᱚ ᱨᱤᱠᱟᱹᱭᱟ ᱾ ᱜᱩᱴ ᱠᱚᱫᱚ ᱵᱷᱟᱫᱟᱠᱠᱩᱱᱱᱟᱛᱷᱟᱱ ᱢᱚᱱᱫᱤᱨ ᱥᱟᱢᱟᱝ ᱨᱮ ᱥᱣᱚᱨᱟᱡᱽ ᱨᱟᱣᱩᱱᱰ, ᱛᱷᱨᱤᱥᱩᱨ ᱨᱮ ᱱᱟᱰᱩᱵᱷᱤᱞᱟᱞ ᱨᱮᱠᱚ ᱡᱟᱣᱨᱟᱜᱼᱟ ᱟᱨ ᱴᱟᱺᱰᱤ ᱵᱮᱲᱦᱟᱭ ᱛᱮ ᱨᱚᱛᱷ ᱡᱟᱛᱨᱟ ᱨᱮ ᱪᱟᱞᱟᱜ ᱢᱟᱲᱟᱝ, ᱱᱚᱸᱰᱮᱱᱟᱜ ᱜᱚᱬᱮᱥ ᱢᱚᱱᱫᱤᱨ (ᱱᱟᱰᱩᱵᱷᱤᱞᱟᱞ ᱜᱚᱱᱚᱯᱚᱛᱤ ᱠᱳᱵᱷᱤᱞ) ᱨᱮᱱ ᱵᱚᱸᱜᱟ ᱴᱷᱮᱱ ᱢᱤ-ᱢᱤᱫᱴᱟᱹᱝ ᱱᱟᱹᱬᱠᱚᱲ ᱠᱚ ᱮᱢᱟ ᱾ ᱨᱚᱛᱷ ᱡᱟᱛᱨᱟ ᱨᱮ ᱡᱚᱛᱚ ᱟᱹᱛᱩ ᱠᱷᱚᱱ ᱯᱷᱞᱳᱴᱥ ᱦᱚᱸ ᱥᱮᱞᱮᱫ ᱛᱟᱦᱮᱸᱱᱟ ᱾ ᱵᱷᱮᱜᱟᱨ ᱵᱷᱮᱜᱟᱨ ᱫᱚᱞ ᱠᱚ ᱡᱚᱛᱚ ᱠᱷᱚᱱ ᱱᱟᱯᱟᱭ ᱯᱷᱞᱳᱴᱥ ᱟᱨ ᱡᱚᱛᱚ ᱠᱷᱚᱱ ᱱᱟᱯᱟᱭ ᱥᱟᱡᱟᱣ ᱟᱠᱟᱱ ᱛᱟᱹᱨᱩᱵ ᱵᱮᱱᱟᱣ ᱞᱟᱹᱜᱤᱫ ᱟᱠᱚ ᱟᱠᱚ ᱛᱟᱞᱟ ᱨᱮᱠᱚ ᱦᱮᱯᱨᱟᱣᱜᱼᱟ ᱾

ᱪᱤᱛᱟᱹᱨ ᱠᱚ

ᱯᱩᱞᱤ ᱠᱟᱞᱤ ᱟᱨᱴᱤᱥᱴ
ᱟᱨᱴᱤᱥᱴ ᱛᱟᱭᱚᱢ ᱥᱮᱫ ᱛᱟᱹᱨᱩᱵ ᱜᱟᱨ ᱠᱚᱭ ᱨᱚᱝ ᱮᱫᱟ
ᱯᱩᱞᱤᱠᱟᱞᱤ ᱒᱐᱑᱐
ᱛᱷᱨᱤᱥᱩᱨ ᱨᱮ ᱒᱐᱒᱔ ᱯᱩᱞᱤᱠᱟᱞᱤ ᱚᱠᱛᱚ ᱯᱷᱳᱴᱳᱣᱟᱠ (Photowalk)

ᱥᱟᱹᱠᱷᱭᱟᱹᱛ

↑ Pulikkali Procession on the occasion of Athachamayam celebrations in Tripunithura, Kerala, Musicmalt.com
↑ "Pulikali". Kerala Tourism (in English). Archived from the original on January 18, 2021.{{cite web}}: CS1 maint: unrecognized language (link)
↑ "Pulikali, Tiger Dance, Onam" (in English). Archived from the original on November 24, 2020.{{cite web}}: CS1 maint: unrecognized language (link)
↑ "Colourful tiger art with folk dance for Onam". Sify. Archived from the original on 17 January 2020. Retrieved 12 September 2010.
↑ "Tigresses roar: Kerala's Pulikali dance sees women actors for the first time in 200 years". September 17, 2016.
↑ "Three women make roaring entry into Kerala's male-dominated Pulikali show".
↑ "This year, over 25,000 Pulikali lovers watched the 'tigers' from Thrissur online".
↑ "Pulikkali to go online this Onam".
↑ "A virtual 'pulikali' in Thrissur this year".^{[permanent dead link]}

ᱵᱟᱦᱨᱮ ᱡᱚᱱᱚᱲ

```

[1] Pulikkali Procession on the occasion of Athachamayam celebrations in Tripunithura, Kerala, Musicmalt.com

[2] "Pulikali". Kerala Tourism (in English). Archived from the original on January 18, 2021.{{cite web}}: CS1 maint: unrecognized language (link)

[3] "Pulikali, Tiger Dance, Onam" (in English). Archived from the original on November 24, 2020.{{cite web}}: CS1 maint: unrecognized language (link)

[4] "Colourful tiger art with folk dance for Onam". Sify. Archived from the original on 17 January 2020. Retrieved 12 September 2010.

[5] "Tigresses roar: Kerala's Pulikali dance sees women actors for the first time in 200 years". September 17, 2016.

[6] "Three women make roaring entry into Kerala's male-dominated Pulikali show".

[7] "This year, over 25,000 Pulikali lovers watched the 'tigers' from Thrissur online".

[8] "Pulikkali to go online this Onam".

[9] "A virtual 'pulikali' in Thrissur this year".^{[permanent dead link]}

[᱑]

[᱒]

[᱓]

[᱔]

[᱕]

[᱖]

[᱗]

[᱘]

[᱙]