ᱪᱮᱱᱰᱟ

ᱪᱮᱱᱰᱟ ᱢᱮᱞᱟᱢ (ചെണ്ട മേളം)

ᱯᱟᱱᱰᱤ ᱢᱮᱞᱟᱢ

ᱪᱮᱱᱰᱟ (Malayalam: ചെണ്ട, ml) ᱫᱚ ᱢᱤᱫ ᱥᱤᱞᱤᱱᱰᱟᱨ ᱞᱮᱠᱟᱱ ᱨᱩ ᱥᱟᱯᱟᱵ ᱠᱟᱱᱟ ᱡᱟᱦᱟᱸ ᱫᱚ ᱥᱤᱧᱚᱛ ᱨᱮᱭᱟᱜ ᱠᱮᱨᱟᱞᱟ ᱯᱚᱱᱚᱛ ᱠᱷᱚᱱ ᱮᱦᱚᱵ ᱟᱠᱟᱱᱟ ᱟᱨ ᱠᱚᱨᱱᱟᱴᱚᱠ ᱨᱮᱭᱟᱜ ᱛᱩᱞᱩ ᱱᱟᱰᱩ ᱨᱮ ᱟᱹᱰᱤ ᱵᱟᱹᱲᱛᱤ ᱵᱮᱵᱷᱟᱨᱚᱜᱼᱟ ᱾ ᱛᱩᱞᱩ ᱱᱟᱰᱩ (ᱫᱚᱨᱭᱟ ᱫᱷᱟᱨᱮ ᱠᱚᱨᱱᱟᱴᱚᱠ) ᱨᱮ, ᱱᱚᱣᱟ ᱫᱚ ᱪᱮᱱᱰᱮ ᱢᱮᱱᱛᱮ ᱵᱟᱰᱟᱭᱚᱜᱼᱟ ᱾ ᱱᱚᱣᱟ ᱥᱟᱯᱟᱵ ᱫᱚ ᱠᱮᱨᱟᱞᱟ ᱟᱨ ᱛᱩᱞᱩ ᱱᱟᱰᱩ ᱵᱟᱱᱟᱨ ᱨᱮᱭᱟᱜ ᱞᱟᱠᱪᱟᱨ ᱩᱯᱨᱩᱢ ᱥᱟᱶ ᱟᱹᱰᱤ ᱜᱟᱦᱤᱨ ᱡᱚᱲᱟᱣ ᱢᱮᱱᱟᱜᱼᱟ ᱾ ᱟᱹᱨᱤᱪᱟᱹᱞᱤ ᱞᱮᱠᱟᱛᱮ, ᱱᱚᱣᱟ ᱫᱚ ᱠᱮᱨᱟᱞᱟ ᱨᱮ ᱢᱟᱞᱟᱭᱟᱨ ᱡᱟᱹᱛᱤ ᱜᱩᱴ ᱠᱚ ᱦᱚᱛᱮᱛᱮ ᱵᱮᱵᱷᱟᱨᱚᱜᱼᱟ ᱾ ᱩᱱᱠᱩᱣᱟᱜ ᱯᱟᱹᱛᱭᱟᱹᱣ ᱞᱮᱠᱟᱛᱮ, ᱵᱚᱸᱜᱟ ᱥᱤᱵᱽ ᱫᱚ ᱩᱱᱠᱩ ᱪᱮᱱᱰᱟ ᱟᱨ ᱢᱟᱛᱨᱟᱵᱷᱚᱫᱚᱢ ᱵᱟᱱᱟᱨ ᱛᱮᱭ ᱛᱷᱩᱢ ᱟᱫ ᱠᱚ ᱛᱟᱦᱮᱸᱫ, ᱡᱟᱦᱟᱸ ᱫᱚ ᱩᱱᱠᱩᱣᱟᱜ ᱢᱚᱱᱛᱨᱚᱵᱷᱚᱫᱚᱢ ᱟᱹᱨᱤᱪᱟᱹᱞᱤ ᱨᱮ ᱢᱤᱫ ᱥᱚᱢᱟᱱ ᱜᱮ ᱢᱟᱱᱟᱣᱚᱜᱼᱟ, ᱡᱟᱦᱟᱸ ᱨᱮ ᱥᱟᱰᱮ ᱫᱚ ᱢᱤᱫ ᱢᱩᱬᱩᱛ ᱴᱷᱟᱶ ᱮ ᱟᱢᱮᱴᱟ ᱾

ᱱᱚᱣᱟ ᱥᱟᱯᱟᱵ ᱫᱚ ᱱᱚᱣᱟ ᱨᱮᱭᱟᱜ ᱟᱹᱰᱤ ᱡᱩᱨ ᱟᱨ ᱠᱮᱴᱮᱡ ᱥᱟᱰᱮ ᱞᱟᱹᱜᱤᱫ ᱧᱩᱛᱩᱢᱟᱱᱟ ᱾ ᱢᱤᱫ ᱪᱮᱱᱰᱟ ᱨᱮᱭᱟᱜ ᱵᱟᱨᱭᱟ ᱯᱟᱦᱴᱟ ᱛᱟᱦᱮᱸᱱᱟ, ᱞᱮᱸᱜᱟ ᱯᱟᱦᱴᱟ ᱫᱚ "ᱮᱫᱟᱢᱛᱷᱟᱞᱟ" (ഇടം തല)(ᱞᱮᱸᱜᱟ ᱵᱚᱦᱚᱜ) ᱟᱨ ᱡᱚᱡᱚᱢ ᱯᱟᱦᱴᱟ ᱫᱚ "ᱵᱷᱟᱞᱟᱢᱛᱷᱟᱞᱟ" (വലം തല)(ᱡᱚᱡᱚᱢ ᱵᱚᱦᱚᱜ) ᱠᱚ ᱢᱮᱛᱟᱜᱼᱟ ᱾ "ᱮᱫᱟᱢᱛᱷᱟᱞᱟ" ᱫᱚ ᱮᱠᱮᱱ ᱢᱤᱫ/ᱵᱟᱨ ᱯᱚᱨᱚᱛ ᱜᱟᱹᱭ ᱪᱟᱢᱲᱟ ᱛᱮ ᱵᱮᱱᱟᱣᱜᱼᱟ ᱟᱨ "ᱵᱷᱟᱞᱟᱢᱛᱷᱟᱞᱟ" ᱨᱮᱫᱚ ᱢᱚᱬᱮ/ᱮᱭᱟᱭ ᱯᱚᱨᱚᱛ ᱪᱟᱢᱲᱟ ᱛᱟᱦᱮᱸᱱᱟ, ᱡᱟᱦᱟᱸ ᱛᱮ ᱱᱚᱣᱟ ᱨᱮ ᱵᱟᱥ ᱥᱟᱰᱮ ᱦᱤᱡᱩᱜᱼᱟ ᱾ ᱪᱟᱢᱲᱟ ᱫᱚ ᱩᱢᱩᱞ ᱨᱮᱠᱚ ᱨᱚᱦᱚᱲᱟ ᱟᱨ ᱴᱚᱴᱷᱟ ᱨᱮ ᱧᱟᱢᱚᱜ ᱠᱟᱱ ᱛᱟᱞᱮ ᱫᱟᱨᱮ (ᱤᱨᱟᱱᱯᱟᱱᱟ) ᱥᱮ ᱢᱟᱫ ᱨᱮᱭᱟᱜ ᱜᱩᱱᱰᱤ ᱛᱮ ᱵᱮᱱᱟᱣ ᱟᱠᱟᱱ ᱠᱟᱴ ᱨᱮᱭᱟᱜ ᱨᱤᱝ (ᱪᱮᱱᱰᱟ ᱵᱷᱟᱴᱴᱟᱢ, ചെണ്ട വട്ടം) ᱨᱮᱠᱚ ᱛᱚᱞᱟ, ᱡᱟᱦᱟᱸ ᱞᱟᱹᱜᱤᱫ "ᱯᱟᱱᱟᱱᱪᱤ ᱢᱟᱨᱟᱢ" ᱧᱩᱛᱩᱢᱟᱱ ᱫᱟᱨᱮ ᱨᱮᱭᱟᱜ ᱡᱟᱝ ᱠᱷᱚᱱ ᱵᱮᱱᱟᱣ ᱟᱠᱟᱱ ᱟᱴᱷᱟ ᱠᱚ ᱵᱮᱵᱷᱟᱨᱟ ᱾ ᱜᱩᱞᱟᱹᱭ ᱯᱷᱨᱮᱢ ᱫᱚ ᱢᱤᱫ ᱴᱩᱠᱩᱡ ᱨᱮᱠᱚ ᱫᱚᱦᱚᱭᱟ, ᱜᱚᱴᱟ ᱥᱤᱧ ᱠᱚ ᱦᱮᱰᱮᱡᱟ ᱟᱨ ᱚᱱᱟ ᱛᱟᱭᱚᱢ ᱜᱩᱞᱟᱹᱭ ᱨᱩᱯ ᱨᱮ ᱠᱩᱸᱪᱤ ᱠᱟᱛᱮ ᱠᱚ ᱨᱚᱦᱚᱲᱟ ᱾ ᱪᱮᱱᱰᱟ ᱨᱮᱭᱟᱜ ᱦᱚᱲᱢᱚ ᱡᱟᱦᱟᱸ ᱫᱚ ᱰᱟᱭᱟᱢᱤᱴᱟᱨ ᱨᱮ 1 foot (30 cm) ᱟᱨ ᱢᱚᱴᱟ ᱨᱮ 1.5 inches (3.8 cm) ᱛᱟᱦᱮᱸᱱᱟ, ᱚᱱᱟ ᱫᱚ ᱠᱟᱱᱴᱷᱟᱲ ᱫᱟᱨᱮ (വരിക്ക പ്ലാവ്) (ᱵᱷᱟᱨᱤᱠᱠᱟ ᱯᱞᱟᱵᱷᱩ) ᱨᱮᱭᱟᱜ ᱞᱮᱵᱮᱡ ᱠᱟᱴ ᱛᱮ ᱵᱮᱱᱟᱣᱜᱼᱟ ᱾ ᱢᱚᱴᱟ ᱫᱚ ᱟᱨᱦᱚᱸ 0.25 inches (0.64 cm) ᱠᱚ ᱠᱚᱢᱟ, ᱡᱟᱦᱟᱸ ᱫᱚ 4 inches (10 cm) ᱥᱟᱺᱜᱤᱧ ᱨᱮ ᱢᱮᱱᱟᱜ ᱵᱤᱱᱫᱩ ᱠᱚᱨᱮ ᱦᱩᱭᱩᱜᱼᱟ ᱾ ᱱᱚᱣᱟ ᱫᱚ ᱟᱹᱰᱤ ᱵᱟᱹᱲᱛᱤ ᱜᱩᱸᱡᱟᱹᱣᱜ ᱥᱟᱰᱮ ᱵᱮᱱᱟᱣ ᱞᱟᱹᱜᱤᱫ ᱠᱚ ᱠᱚᱨᱟᱣᱟ ᱾ ᱡᱚᱠᱷᱚᱱ ᱥᱟᱰᱮ ᱨᱮᱭᱟᱜ ᱜᱩᱱ ᱱᱟᱯᱟᱭ ᱵᱟᱝ ᱛᱟᱦᱮᱸᱱᱟ ᱩᱱ ᱚᱠᱛᱚ ᱮᱠᱮᱱ ᱪᱟᱢᱲᱟ ᱥᱟᱶ ᱠᱟᱴ ᱨᱮᱭᱟᱜ ᱨᱤᱝ ᱠᱚᱜᱮ (ᱪᱮᱱᱰᱟ ᱵᱷᱟᱴᱴᱟᱢ) ᱵᱚᱫᱚᱞᱚᱜᱼᱟ ᱾ ᱫᱤᱱᱟᱹᱢ ᱨᱩᱨᱩ ᱠᱟᱱ ᱪᱮᱱᱰᱟ ᱟᱨᱴᱤᱥᱴ ᱠᱚ ᱞᱟᱹᱜᱤᱫ ᱥᱮᱨᱢᱟ ᱯᱤᱪᱷᱤ ᱟᱢᱫᱟᱡᱽ ᱑᱕ ᱜᱚᱴᱟᱝ ᱨᱤᱝ ᱞᱟᱹᱠᱛᱤᱜᱼᱟ ᱾^{[ᱥᱟᱹᱠᱭᱟᱹᱛ ᱞᱟᱹᱠᱛᱤ ᱠᱟᱱᱟ]}

ᱪᱮᱱᱰᱟ ᱫᱚ ᱢᱩᱬᱩᱛ ᱞᱮᱠᱟᱛᱮ ᱦᱤᱱᱫᱩ ᱢᱚᱱᱫᱤᱨ ᱨᱮᱭᱟᱜ ᱯᱟᱨᱟᱵᱽ ᱠᱚᱨᱮ ᱟᱨ ᱠᱮᱨᱟᱞᱟ ᱨᱮᱭᱟᱜ ᱫᱷᱚᱨᱚᱢ ᱟᱨᱴ ᱨᱩᱯ ᱠᱚᱨᱮ ᱥᱟᱶᱛᱮ ᱠᱚ ᱨᱩᱭᱟ ᱾ ᱪᱮᱱᱰᱟ ᱫᱚ ᱠᱮᱨᱟᱞᱟ ᱨᱮ ᱠᱚᱛᱷᱚᱠᱚᱞᱤ, ᱠᱩᱰᱤᱭᱟᱴᱴᱟᱢ, ᱠᱟᱱᱱᱭᱟᱨ ᱠᱟᱞᱤ, ᱛᱷᱮᱭᱭᱟᱢ ᱟᱨ ᱮᱴᱟᱜ ᱟᱭᱢᱟ ᱞᱮᱠᱟᱱ ᱮᱱᱮᱡ ᱟᱨ ᱟᱹᱨᱤᱪᱟᱹᱞᱤ ᱠᱚᱨᱮ ᱥᱟᱶᱛᱮ ᱠᱚ ᱵᱮᱵᱷᱟᱨᱟ ᱾ ᱱᱚᱣᱟ ᱫᱚ ᱡᱚᱠᱥᱚᱜᱟᱱᱟ (ᱛᱮᱱᱠᱩ ᱛᱷᱤᱴᱴᱩ) ᱧᱩᱛᱩᱢᱟᱱ ᱢᱤᱫ ᱮᱱᱮᱡ-ᱜᱟᱭᱟᱱ ᱨᱮᱦᱚᱸ ᱠᱚ ᱨᱩᱭᱟ ᱡᱟᱦᱟᱸ ᱫᱚ ᱠᱚᱨᱱᱟᱴᱚᱠ ᱨᱮᱭᱟᱜ ᱛᱩᱞᱩ ᱱᱟᱰᱩ ᱨᱮ ᱧᱩᱛᱩᱢᱟᱱᱟ ᱾ ᱡᱚᱠᱥᱚᱜᱟᱱᱟ ᱨᱮᱭᱟᱜ ᱠᱚᱧᱮ ᱤᱥᱠᱩᱞ ᱨᱮ ᱵᱮᱵᱷᱟᱨᱚᱜ ᱠᱟᱱ ᱱᱚᱣᱟ ᱥᱟᱯᱟᱵ ᱨᱮᱭᱟᱜ ᱢᱤᱫ ᱵᱷᱮᱜᱟᱨ ᱨᱩᱯ ᱢᱮᱱᱟᱜᱼᱟ ᱡᱟᱦᱟᱸ ᱫᱚ ᱪᱟᱱᱰᱮ ᱠᱚ ᱢᱮᱛᱟᱜᱼᱟ ᱾ ᱱᱚᱣᱟ ᱫᱚ ᱟᱹᱨᱤᱪᱟᱹᱞᱤ ᱞᱮᱠᱟᱛᱮ ᱢᱤᱫ ᱚᱥᱩᱨ ᱵᱟᱫᱽᱭᱟᱢ (ᱚᱥᱩᱨ ᱥᱟᱯᱟᱵ) ᱢᱮᱱᱛᱮ ᱢᱟᱱᱟᱣᱚᱜᱼᱟ ᱡᱟᱦᱟᱸ ᱨᱮᱭᱟᱜ ᱢᱮᱱᱮᱛ ᱫᱚ ᱱᱚᱣᱟ ᱥᱩᱨ ᱨᱮ ᱵᱟᱝ ᱪᱟᱞᱟᱣ ᱫᱟᱲᱮᱭᱟᱜᱼᱟ ᱾ ᱪᱮᱱᱰᱟ ᱫᱚ ᱠᱮᱨᱟᱞᱟ ᱨᱮᱭᱟᱜ ᱡᱚᱛᱚ ᱞᱮᱠᱟᱱ ᱞᱟᱠᱪᱟᱨ ᱠᱟᱹᱢᱤᱦᱚᱨᱟ ᱠᱚᱨᱮ ᱢᱤᱫ ᱟᱹᱰᱤ ᱞᱟᱹᱠᱛᱤᱭᱟᱱ ᱨᱩ ᱥᱟᱯᱟᱵ ᱠᱟᱱᱟ ᱾

ᱠᱮᱨᱟᱞᱟ ᱨᱮ ᱪᱮᱱᱰᱟ ᱵᱮᱱᱟᱣ ᱨᱮᱭᱟᱜ ᱠᱟᱹᱢᱤ ᱫᱚ ᱱᱤᱛᱚᱜ ᱯᱮᱨᱩᱵᱷᱮᱢᱵᱩ, ᱱᱮᱢᱢᱟᱨᱟ, ᱞᱟᱠᱠᱤᱰᱤ, ᱵᱷᱮᱞᱞᱟᱨᱠᱟᱰ ᱟᱨ ᱵᱷᱟᱞᱟᱯᱯᱟᱭᱟ ᱟᱹᱛᱩ ᱨᱮᱱ ᱠᱤᱪᱷᱩ "ᱯᱮᱨᱩᱢᱠᱳᱞᱞᱟᱱ" (ᱠᱟᱢᱟᱨ) ᱜᱷᱟᱨᱚᱸᱡᱽ ᱠᱚ ᱥᱟᱶ ᱡᱚᱲᱟᱣ ᱢᱮᱱᱟᱜᱼᱟ ᱾ ᱠᱮᱨᱟᱞᱟ ᱨᱮᱱ ᱟᱭᱢᱟ ᱧᱩᱛᱩᱢᱟᱱ ᱪᱮᱱᱰᱟ ᱨᱩᱨᱩ ᱠᱚ ᱟᱠᱚᱣᱟᱜ ᱪᱮᱱᱰᱟ ᱫᱚ ᱵᱷᱮᱞᱞᱟᱨᱠᱟᱰ ᱟᱹᱛᱩ ᱠᱷᱚᱱ ᱠᱚ ᱵᱮᱱᱟᱣ ᱦᱚᱪᱚᱭᱟ ᱪᱮᱫᱟᱜ ᱥᱮ ᱱᱚᱣᱟ ᱫᱚ ᱥᱟᱯᱟᱵ ᱨᱮᱭᱟᱜ ᱜᱩᱱ ᱞᱟᱹᱜᱤᱫ ᱧᱩᱛᱩᱢᱟᱱᱟ ᱾

ᱪᱮᱱᱰᱟ ᱨᱮᱭᱟᱜ ᱞᱮᱠᱟᱱ ᱠᱚ

ᱪᱮᱱᱰᱟ ᱫᱚ ᱟᱭᱢᱟ ᱞᱮᱠᱟᱱᱟᱜ ᱢᱮᱱᱟᱜᱼᱟ, "ᱪᱮᱱᱰᱟ ᱵᱷᱟᱴᱴᱟᱢ" (ചെണ്ട വട്ടം) ᱨᱮᱭᱟᱜ ᱰᱟᱭᱟᱢᱤᱴᱟᱨ ᱞᱮᱠᱟᱛᱮ ᱱᱚᱣᱟ ᱠᱚᱫᱚ "ᱮᱴᱴᱟᱨᱟ ᱵᱷᱤᱪᱟᱱ ᱪᱮᱱᱰᱟ" (എട്ടര വീച്ചാൺ ചെണ്ട) (᱘.᱕), "ᱳᱢᱯᱟᱛᱷᱩ ᱵᱷᱤᱪᱟᱱ ᱪᱮᱱᱰᱟ" (ഒമ്പത് വീച്ചാൺ ചെണ്ട) (᱙), "ᱳᱢᱯᱟᱛᱷᱮ ᱠᱟᱞ ᱵᱷᱤᱪᱟᱱ ᱪᱮᱱᱰᱟ" (ഒമ്പതേക്കാൽ വീച്ചാൺ ചെണ്ട)(᱙ ᱑/᱔), "ᱳᱢᱯᱟᱛᱷᱟᱨᱟ ᱵᱷᱤᱪᱟᱱ ᱪᱮᱱᱰᱟ" (ഒമ്പതര വീചാൻ ചെണ്ട)(᱙.᱕), "ᱳᱢᱯᱟᱛᱷᱮ ᱢᱩᱠᱠᱟᱞ ᱵᱷᱤᱪᱟᱱ ᱪᱮᱱᱰᱟ" (ഒൻപതേ മുക്കാൽ വീചാൻ ചെണ്ട) (᱙ ᱓/᱔), "ᱳᱢᱯᱟᱛᱷᱮ ᱢᱩᱠᱠᱟᱞ ᱠᱟᱞᱤ ᱪᱮᱱᱰᱟ" (ഒൻപതേ മുക്കാൽക്കാലേ വീചാൻ ചെണ്ട)(> ᱙ ᱓/᱔ ᱢᱮᱱᱠᱷᱟᱱ < ᱑᱐) ᱠᱚ ᱢᱮᱛᱟᱜᱼᱟ ᱾ ᱱᱚᱣᱟ ᱪᱮᱱᱰᱟ ᱠᱚᱫᱚ ᱡᱩᱫᱟᱹ ᱡᱩᱫᱟᱹ ᱠᱟᱹᱢᱤ ᱞᱟᱹᱜᱤᱫ ᱟᱥᱚᱠᱟᱭ ᱛᱮ ᱡᱩᱫᱟᱹ ᱡᱩᱫᱟᱹ ᱟᱨᱴ ᱨᱩᱯ ᱠᱚ ᱞᱟᱹᱜᱤᱫ ᱵᱮᱵᱷᱟᱨᱚᱜᱼᱟ ᱾

ᱪᱮᱱᱰᱟ ᱨᱮᱭᱟᱜ ᱥᱟᱭᱤᱡᱽ, ᱵᱮᱱᱟᱣ ᱟᱨ ᱠᱟᱹᱢᱤ ᱞᱮᱠᱟᱛᱮ, ᱱᱚᱣᱟ ᱠᱚᱫᱚ "ᱵᱷᱤᱠᱠᱩ ᱪᱮᱱᱰᱟ" (വീക് ചെണ്ട) ᱥᱮ "ᱟᱪᱪᱷᱟᱱ ᱪᱮᱱᱰᱟ" (അച്ഛൻ ചെണ്ട), "ᱩᱨᱩᱴᱴᱩ ᱪᱮᱱᱰᱟ" (ഉരുട്ട് ചെണ്ട), "ᱢᱩᱨᱤ ᱪᱮᱱᱰᱟ" ᱮᱢᱟᱱ ᱞᱮᱠᱟᱛᱮ ᱦᱟᱹᱴᱤᱧ ᱟᱠᱟᱱᱟ ᱾

"ᱩᱨᱩᱴᱴᱩ ᱪᱮᱱᱰᱟ" (ഉരുട്ട് ചെണ്ട) ᱫᱚ ᱥᱮᱨᱮᱧ ᱨᱮ ᱵᱷᱮᱜᱟᱨ ᱵᱷᱮᱜᱟᱨᱟᱜ ᱨᱩ ᱞᱟᱹᱜᱤᱫ ᱵᱮᱵᱷᱟᱨᱚᱜᱼᱟ ᱾ ᱱᱚᱣᱟ ᱫᱚ ᱚᱨᱠᱮᱥᱴᱨᱟ ᱟᱹᱭᱩᱨ ᱞᱟᱹᱜᱤᱫ ᱵᱮᱵᱷᱟᱨᱚᱜᱼᱟ ᱾ ᱱᱚᱣᱟ ᱫᱚ "ᱯᱨᱟᱢᱟᱱᱟᱵᱷᱟᱫᱷᱭᱟ" (ᱟᱹᱭᱩᱨ ᱥᱟᱯᱟᱵ) ᱠᱚ ᱢᱮᱛᱟᱜᱼᱟ ᱾ "ᱩᱨᱩᱴᱴᱩ ᱪᱮᱱᱰᱟ" ᱨᱮᱭᱟᱜ "ᱪᱮᱱᱰᱟ ᱵᱷᱟᱴᱴᱟᱢ" (ചെണ്ട വട്ടം) ᱫᱚ ᱡᱟᱣᱜᱮ "ᱮᱫᱟᱢ ᱛᱷᱟᱞᱟ" ᱥᱮ "ᱞᱮᱸᱜᱟ ᱵᱚᱦᱚᱜ" ᱛᱟᱦᱮᱸᱱᱟ ᱡᱟᱦᱟᱸ ᱫᱚ ᱞᱮᱵᱮᱡ, ᱮᱠᱮᱱ ᱜᱟᱹᱭ ᱪᱟᱢᱲᱟ ᱛᱮ ᱵᱮᱱᱟᱣ ᱠᱚᱜᱼᱟ ᱾ ᱢᱟᱞᱟᱭᱟᱞᱟᱢ ᱯᱟᱹᱨᱥᱤ ᱛᱮ "ᱩᱨᱩᱴᱴᱩ" (ഉരുട്ട്) ᱨᱮᱭᱟᱜ ᱢᱮᱱᱮᱛ ᱫᱚ "ᱜᱩᱞᱤ ᱟᱹᱪᱩᱨ" ᱠᱟᱱᱟ ᱾ ᱟᱨᱴᱤᱥᱴ ᱫᱚ ᱟᱡᱟᱜ ᱡᱚᱡᱚᱢ ᱛᱤ ᱨᱮᱭᱟᱜ ᱢᱩᱴᱷᱟᱹ ᱟᱹᱪᱩᱨ ᱠᱟᱛᱮ "ᱩᱨᱩᱴᱴᱩ ᱪᱮᱱᱰᱟ" ᱨᱮ ᱥᱟᱰᱮᱭ ᱚᱰᱚᱠᱟ ᱾ ᱯᱩᱭᱞᱩ ᱫᱟᱞ ᱚᱠᱛᱚ ᱴᱷᱮᱸᱜᱟ ᱥᱟᱵ ᱟᱠᱟᱫ ᱛᱤ ᱛᱟᱞᱠᱷᱟ ᱫᱚ ᱟᱨᱴᱤᱥᱴ ᱥᱮᱫ (ᱵᱷᱤᱛᱨᱤ ᱥᱮᱫ) ᱛᱟᱦᱮᱸᱱᱟ, ᱚᱱᱟ ᱛᱟᱭᱚᱢ ᱫᱚᱥᱟᱨ ᱫᱟᱞ ᱚᱠᱛᱚ (ᱚᱱᱟ ᱡᱚᱡᱚᱢ ᱛᱤ ᱜᱮ ᱵᱮᱵᱷᱟᱨ ᱠᱟᱛᱮ) ᱛᱤ ᱛᱟᱞᱠᱷᱟ ᱫᱚ ᱩᱞᱴᱟᱹ ᱥᱮᱫ (ᱵᱟᱦᱨᱮ ᱥᱮᱫ) ᱛᱟᱦᱮᱸᱱᱟ ᱾ ᱱᱚᱣᱟ ᱫᱚ ᱢᱩᱴᱷᱟᱹ ᱟᱹᱪᱩᱨ ᱠᱟᱛᱮ ᱦᱩᱭᱩᱜᱼᱟ ᱾

"ᱵᱷᱤᱠᱠᱩ ᱪᱮᱱᱰᱟ" (വീക്ക് ചെണ്ട) ᱥᱮ "ᱟᱪᱪᱷᱟᱱ ᱪᱮᱱᱰᱟ" (അച്ഛൻ ചെണ്ട) ᱫᱚ "ᱛᱷᱟᱞᱟᱢ" (താളം) ᱥᱮ ᱢᱩᱬᱩᱛ ᱨᱤᱫᱚᱢ ᱫᱚᱦᱚ ᱞᱟᱹᱜᱤᱫ ᱵᱮᱵᱷᱟᱨᱚᱜᱼᱟ ᱾ "ᱵᱷᱤᱠᱠᱩ ᱪᱮᱱᱰᱟ" ᱨᱮᱭᱟᱜ "ᱪᱮᱱᱰᱟ ᱵᱷᱟᱴᱴᱟᱢ" (ചെണ്ട വട്ടം) ᱫᱚ ᱡᱟᱣᱜᱮ "ᱵᱷᱟᱞᱟᱢ ᱛᱷᱟᱞᱟ" ᱥᱮ "ᱡᱚᱡᱚᱢ ᱵᱚᱦᱚᱜ" ᱛᱟᱦᱮᱸᱱᱟ ᱡᱟᱦᱟᱸ ᱫᱚ ᱵᱟᱥ ᱥᱟᱰᱮ ᱚᱰᱚᱠ ᱞᱟᱹᱜᱤᱫ ᱟᱭᱢᱟ ᱯᱚᱨᱚᱛ ᱪᱟᱢᱲᱟ ᱛᱮ ᱵᱮᱱᱟᱣ ᱠᱚᱜᱼᱟ ᱾ ᱢᱟᱞᱟᱭᱟᱞᱟᱢ ᱯᱟᱹᱨᱥᱤ ᱛᱮ "ᱵᱷᱤᱠᱠᱩ" ᱨᱮᱭᱟᱜ ᱢᱮᱱᱮᱛ ᱫᱚ "ᱡᱩᱨ ᱛᱮ ᱫᱟᱞ" ᱠᱟᱱᱟ ᱾ ᱟᱨᱴᱤᱥᱴ ᱫᱚ ᱟᱡᱟᱜ ᱢᱩᱴᱷᱟᱹ ᱵᱟᱝ ᱠᱩᱸᱪᱤ ᱠᱟᱛᱮ ᱥᱮ ᱵᱟᱝ ᱟᱹᱪᱩᱨ ᱠᱟᱛᱮ ᱴᱷᱮᱸᱜᱟ ᱛᱮ ᱰᱨᱟᱢ ᱫᱟᱞ ᱠᱟᱛᱮ "ᱵᱷᱤᱠᱠᱩ ᱪᱮᱱᱰᱟ" ᱨᱮ ᱥᱟᱰᱮᱭ ᱚᱰᱚᱠᱟ ᱾

ᱪᱮᱱᱰᱟ ᱢᱮᱞᱟᱢ

ᱠᱮᱨᱟᱞᱟ ᱨᱮᱭᱟᱜ ᱪᱮᱱᱰᱟᱢᱮᱞᱟᱢ

ᱢᱤᱫ "ᱪᱮᱱᱰᱟ ᱢᱮᱞᱟᱢ" ᱨᱮᱭᱟᱜ ᱢᱮᱱᱮᱛ ᱫᱚ ᱪᱮᱱᱰᱟ ᱵᱮᱵᱷᱟᱨ ᱠᱟᱛᱮ ᱨᱩ ᱠᱟᱱᱟ ᱾ ᱪᱮᱱᱰᱟ ᱫᱚ ᱯᱨᱟᱭ ᱡᱚᱛᱚ ᱠᱮᱨᱟᱞᱟ ᱟᱨᱴ ᱨᱩᱯ ᱠᱚ ᱡᱮᱞᱮᱠᱟ ᱠᱚᱛᱷᱚᱠᱚᱞᱤ, ᱠᱳᱰᱤᱭᱟᱴᱴᱟᱢ, ᱛᱷᱮᱭᱭᱟᱢ ᱮᱢᱟᱱ ᱠᱚᱨᱮ ᱢᱤᱫ ᱨᱩ ᱥᱟᱯᱟᱵ ᱞᱮᱠᱟᱛᱮ ᱵᱮᱵᱷᱟᱨᱚᱜᱼᱟ ᱾ ᱪᱮᱱᱰᱟ ᱢᱮᱞᱟᱢ ᱫᱚ ᱠᱮᱨᱟᱞᱟ ᱨᱮ ᱡᱚᱛᱚ ᱠᱷᱚᱱ ᱧᱩᱛᱩᱢᱟᱱ ᱨᱩᱯ ᱠᱟᱱᱟ, ᱓᱐᱐ ᱥᱮᱨᱢᱟ ᱠᱷᱚᱱ ᱦᱚᱸ ᱵᱟᱹᱲᱛᱤ ᱚᱠᱛᱚ ᱠᱷᱚᱱ ᱾ ᱢᱤᱫ ᱪᱮᱱᱰᱟ ᱢᱮᱞᱟᱢ ᱫᱚ ᱠᱮᱨᱟᱞᱟ ᱨᱮᱭᱟᱜ ᱡᱚᱛᱚ ᱯᱟᱨᱟᱵᱽ ᱨᱮᱭᱟᱜ ᱢᱤᱫ ᱞᱟᱹᱠᱛᱤᱭᱟᱱ ᱦᱟᱹᱴᱤᱧ ᱠᱟᱱᱟ ᱾ ᱱᱚᱸᱰᱮ ᱗ ᱞᱮᱠᱟᱱ "ᱢᱮᱞᱟᱝᱜᱟᱞ" ᱢᱮᱱᱟᱜᱼᱟ ᱡᱮᱞᱮᱠᱟ ᱯᱟᱧᱪᱟᱨᱤ ᱢᱮᱞᱟᱢ, ᱪᱟᱢᱯᱟ, ᱪᱮᱢᱯᱟᱰᱟ, ᱟᱫᱟᱱᱛᱷᱟ, ᱟᱱᱪᱟᱫᱟᱛᱷᱟ, ᱫᱨᱩᱵᱷᱟᱢ ᱟᱨ ᱯᱟᱱᱰᱤ ᱢᱮᱞᱟᱢ ᱾ ᱢᱟᱲᱟᱝ ᱨᱮᱭᱟᱜ ᱖ ᱢᱮᱞᱟᱢ ᱠᱚᱫᱚ "ᱪᱮᱢᱯᱟᱰᱟ ᱢᱮᱞᱟᱝᱜᱟᱞ" ᱠᱚ ᱢᱮᱛᱟᱜᱼᱟ ᱾ ᱱᱚᱣᱟ ᱮᱭᱟᱭ "ᱢᱮᱞᱟᱢ" ᱠᱚ ᱵᱮᱜᱚᱨ ᱦᱚᱸ ᱠᱮᱨᱟᱞᱟ ᱨᱮ ᱟᱨᱦᱚᱸ ᱵᱟᱨᱭᱟ ᱢᱮᱞᱟᱢ ᱢᱮᱱᱟᱜᱼᱟ "ᱱᱟᱵᱷᱟᱢ" ᱟᱨ "ᱠᱟᱞᱯᱟᱢ" ᱾

"ᱪᱮᱱᱰᱟ ᱵᱷᱟᱴᱴᱟᱢ" ᱥᱮ ᱪᱮᱱᱰᱟ ᱨᱮ ᱵᱮᱵᱷᱟᱨᱚᱜ ᱠᱟᱱ ᱪᱟᱢᱲᱟ ᱫᱚ ᱠᱞᱟᱥᱤᱠ ᱪᱮᱱᱰᱟ ᱢᱮᱞᱟᱢ ᱡᱮᱞᱮᱠᱟ ᱯᱟᱧᱪᱟᱨᱤ ᱢᱮᱞᱟᱢ, ᱯᱟᱱᱰᱤ ᱢᱮᱞᱟᱢ ᱥᱮ ᱛᱷᱟᱭᱟᱢᱵᱟᱠᱟ ᱞᱟᱹᱜᱤᱫ ᱟᱹᱰᱤ ᱯᱟᱛᱞᱟ ᱦᱩᱭᱩᱜ ᱞᱟᱹᱠᱛᱤᱭᱟ ᱢᱮᱱᱠᱷᱟᱱ ᱥᱤᱝᱜᱟᱨᱤ ᱢᱮᱞᱟᱢ ᱪᱮᱱᱰᱟ ᱞᱟᱹᱜᱤᱫ ᱫᱚ "ᱪᱮᱱᱰᱟ ᱵᱷᱟᱴᱴᱟᱢ" ᱠᱮᱴᱮᱡ ᱜᱮ ᱛᱟᱦᱮᱸᱱᱟ, ᱡᱟᱦᱟᱸ ᱫᱚ ᱵᱮᱱᱟᱣ ᱨᱮ ᱟᱹᱰᱤ ᱥᱟᱥᱛᱟ ᱜᱮᱭᱟ ᱾ "ᱥᱤᱝᱜᱟᱨᱤ ᱢᱮᱞᱟᱢ" ᱫᱚ ᱟᱨᱴ ᱨᱮᱭᱟᱜ ᱢᱤᱫ ᱠᱞᱟᱥᱤᱠᱟᱞ ᱨᱩᱯ ᱞᱮᱠᱟᱛᱮ ᱵᱟᱝ ᱢᱟᱱᱟᱣᱚᱜᱼᱟ ᱾

ᱪᱮᱫᱚᱜ

ᱮᱛᱚᱢ ᱥᱤᱧᱚᱛ ᱨᱮᱭᱟᱜ ᱠᱮᱨᱟᱞᱟ ᱯᱚᱱᱚᱛ ᱨᱮᱭᱟᱜ ᱟᱹᱨᱤᱪᱟᱹᱞᱤ ᱢᱮᱞᱟ

ᱢᱤᱫ ᱪᱮᱱᱰᱟ ᱫᱚ ᱟᱹᱨᱤᱪᱟᱹᱞᱤ ᱦᱚᱨᱟ ᱛᱮ ᱪᱮᱫ ᱦᱩᱭᱩᱜᱼᱟ, ᱯᱟᱹᱴᱷᱩᱣᱟᱹ ᱠᱚ ᱫᱷᱤᱨᱤ ᱥᱮ ᱠᱟᱴ ᱪᱮᱛᱟᱱ ᱨᱮ ᱢᱤᱫ ᱠᱮᱴᱮᱡ ᱟᱨ ᱢᱚᱴᱟ ᱴᱷᱮᱸᱜᱟ ᱵᱮᱵᱷᱟᱨ ᱠᱟᱛᱮ ᱚᱵᱷᱭᱟᱥ ᱦᱩᱭᱩᱜ ᱛᱟᱠᱚᱣᱟ ᱡᱟᱦᱟᱸ ᱫᱚ ᱥᱟᱫᱷᱟᱨᱚᱱ ᱞᱮᱠᱟᱛᱮ ᱡᱚᱡᱚ ᱫᱟᱨᱮ ᱨᱮᱭᱟᱜ ᱪᱚᱠᱟᱜ ᱛᱮ ᱵᱮᱱᱟᱣ ᱠᱚᱜᱼᱟ ᱾ ᱪᱮᱫᱚᱜ ᱴᱷᱮᱸᱜᱟ ᱫᱚ ᱡᱤᱞᱤᱧ ᱨᱮ ᱒᱙ ᱥᱮᱱᱴᱤᱢᱤᱴᱟᱨ, ᱢᱤᱫ ᱥᱮᱫ ᱰᱟᱭᱟᱢᱤᱴᱟᱨ ᱨᱮ ᱓ ᱥᱮᱱᱴᱤᱢᱤᱴᱟᱨ ᱟᱨ ᱟᱨᱢᱤᱫ ᱥᱮᱫ ᱒.᱕ ᱥᱮᱱᱴᱤᱢᱤᱴᱟᱨ ᱛᱟᱦᱮᱸᱱᱟ ᱾ ᱢᱤᱫ ᱫᱷᱟᱣ ᱫᱷᱤᱨᱤ ᱪᱮᱛᱟᱱ ᱨᱮ ᱪᱮᱫᱚᱜ ᱢᱩᱪᱟᱹᱫ ᱞᱮᱱᱠᱷᱟᱱ, ᱯᱟᱹᱴᱷᱩᱣᱟᱹ ᱠᱚ ᱵᱷᱤᱠᱠᱩ ᱪᱮᱱᱰᱟ (വീക് ചെണ്ട) ᱥᱮ ᱪᱮᱱᱰᱟ ᱨᱮᱭᱟᱜ ᱵᱷᱟᱞᱟᱢ ᱛᱷᱟᱞᱟ (വലം തല) ᱦᱟᱹᱴᱤᱧ ᱨᱮᱠᱚ ᱪᱮᱫᱚᱜᱼᱟ ᱡᱟᱦᱟᱸ ᱫᱚ ᱟᱭᱢᱟ ᱯᱚᱨᱚᱛ ᱪᱟᱢᱲᱟ ᱛᱮ ᱵᱮᱱᱟᱣ ᱠᱚᱜᱼᱟ ᱾ "ᱵᱷᱟᱞᱟᱢ ᱛᱷᱟᱞᱟ ᱪᱮᱱᱰᱟ" ᱫᱚ ᱢᱤᱫ ᱡᱤᱞᱤᱧ ᱟᱨ ᱯᱟᱛᱞᱟ ᱴᱷᱮᱸᱜᱟ ᱵᱮᱵᱷᱟᱨ ᱠᱟᱛᱮ ᱠᱚ ᱨᱩᱭᱟ ᱾ ᱢᱤᱫ ᱫᱷᱟᱣ ᱯᱟᱹᱴᱷᱩᱣᱟᱹ ᱠᱚ "ᱵᱷᱟᱞᱟᱢ ᱛᱷᱟᱞᱟ ᱪᱮᱱᱰᱟ" ᱨᱮ ᱨᱩ ᱠᱚ ᱥᱮᱬᱟ ᱞᱮᱠᱷᱟᱱ, ᱯᱟᱹᱴᱷᱩᱣᱟᱹ ᱠᱚ ᱩᱨᱩᱴᱴᱩ ᱪᱮᱱᱰᱟ (ഉര്രുട്ട് ചെണ്ട) ᱥᱮ ᱪᱮᱱᱰᱟ ᱨᱮᱭᱟᱜ ᱮᱫᱟᱢ ᱛᱷᱟᱞᱟ (ഇടം തല) ᱦᱟᱹᱴᱤᱧ ᱨᱮ ᱪᱮᱫᱚᱜ ᱠᱚ ᱮᱦᱚᱵᱟ ᱡᱟᱦᱟᱸ ᱨᱮ ᱮᱠᱮᱱ ᱢᱤᱫ ᱯᱚᱨᱚᱛ ᱪᱟᱢᱲᱟ ᱛᱟᱦᱮᱸᱱᱟ ᱾

ᱵᱟᱨᱭᱟ ᱴᱷᱮᱸᱜᱟ ᱛᱮ ᱪᱮᱱᱰᱟ ᱨᱮ ᱫᱟᱞ ᱚᱠᱛᱚ, ᱡᱚᱡᱚᱢ ᱛᱤ ᱨᱮᱭᱟᱜ ᱴᱷᱮᱸᱜᱟ ᱫᱚ "ᱪᱮᱱᱰᱟ ᱵᱷᱟᱴᱴᱟᱢ" ᱨᱮᱭᱟᱜ ᱪᱮᱛᱟᱱ ᱦᱟᱹᱴᱤᱧ ᱨᱮ (ᱛᱟᱞᱟ ᱦᱟᱹᱴᱤᱧ ᱠᱷᱚᱱ ᱱᱟᱥᱮ ᱪᱮᱛᱟᱱ ᱨᱮ) ᱠᱚ ᱫᱟᱞᱟ ᱟᱨ ᱞᱮᱸᱜᱟ ᱛᱤ ᱨᱮᱭᱟᱜ ᱴᱷᱮᱸᱜᱟ ᱫᱚ "ᱪᱮᱱᱰᱟ ᱵᱷᱟᱴᱴᱟᱢ" ᱨᱮᱭᱟᱜ ᱞᱟᱛᱟᱨ ᱦᱟᱹᱴᱤᱧ ᱨᱮ (ᱛᱟᱞᱟ ᱠᱷᱚᱱ ᱱᱟᱥᱮ ᱞᱟᱛᱟᱨ ᱨᱮ) ᱠᱚ ᱫᱟᱞᱟ ᱾

ᱠᱮᱨᱟᱞᱟ ᱨᱮ ᱢᱤᱫ ᱟᱹᱨᱤᱪᱟᱹᱞᱤ ᱪᱮᱱᱰᱟ ᱪᱮᱫᱚᱜ ᱫᱚ ᱡᱟᱣᱜᱮ "ᱜᱟᱱᱟᱯᱟᱛᱷᱤ ᱠᱟᱭ" (ഗണപതി കൈ) ᱥᱟᱶ ᱮᱦᱚᱵ ᱟᱨ ᱢᱩᱪᱟᱹᱫᱚᱜᱼᱟ, ᱱᱚᱣᱟ ᱫᱚ ᱦᱤᱱᱫᱩ ᱵᱚᱸᱜᱟ ᱜᱟᱱᱟᱯᱟᱛᱷᱤ ᱴᱷᱮᱱ ᱢᱤᱫ ᱱᱮᱦᱚᱸᱨ ᱟᱨ ᱟᱞᱟᱭ ᱠᱟᱱᱟ ᱾

ᱢᱤᱫ "ᱜᱟᱱᱟᱯᱟᱛᱷᱤ ᱠᱟᱭ" ᱨᱮ ᱓᱗ ᱫᱟᱞ ᱛᱟᱦᱮᱸᱱᱟ ᱾

ᱜᱤ... ᱠᱟᱢ...

ᱱᱟ.ᱠᱟ. ᱛᱷᱟ.ᱨᱟ. ᱠᱟᱢ...

ᱫᱷᱟ.ᱨᱤ. ᱠᱤ.ᱰᱟ. ᱫᱷᱤ.ᱠᱟ. ᱛᱷᱟ.ᱨᱟ. ᱠᱟᱢ...

ᱱᱟ.ᱠᱟ. ᱛᱷᱟ.ᱨᱟ. ᱠᱟᱢ...

ᱫᱷᱤ.ᱠᱤ. ᱱᱟ.ᱱᱟ. ᱠᱟᱢ...

ᱫᱷᱤ.ᱫᱷᱤ

ᱫᱷᱟ.ᱨᱤ. ᱠᱤ.ᱰᱟ. ᱫᱷᱤ.ᱠᱟ. ᱛᱷᱟ.ᱨᱟ. ᱠᱟᱢ...

ᱱᱚᱸᱰᱮ "G" (ഗീ) ᱟᱨ "K" (ക) ᱛᱮ ᱮᱦᱚᱵᱚᱜ ᱠᱟᱱ ᱟᱠᱷᱚᱨ ᱠᱚᱫᱚ ᱞᱮᱸᱜᱟ ᱛᱤ ᱵᱮᱵᱷᱟᱨ ᱠᱟᱛᱮ ᱠᱚ ᱫᱟᱞᱟ ᱟᱨ ᱮᱴᱟᱜ ᱠᱚᱫᱚ ᱡᱚᱡᱚᱢ ᱛᱤ ᱛᱮ ᱾

ഗീ.... കാം......

ണ ക ത ര കാം

ധി രി കി ട ണ ക ത ര കാം

ണ ക ത ര കാം

ധി കാം... ധി കാം...

ഡ്

ധി രി കി ട ത ക ത ര കാം

ᱢᱤᱫ ᱫᱷᱟᱣ ᱯᱟᱹᱴᱷᱩᱣᱟᱹ ᱠᱚ "ᱜᱟᱱᱟᱯᱟᱛᱷᱤ ᱠᱟᱭ" (ഗണപതി കൈ) ᱠᱚᱨᱟᱣ ᱠᱚ ᱪᱮᱫ ᱞᱮᱠᱷᱟᱱ, ᱢᱟᱥᱴᱟᱨ ᱫᱚ ᱪᱮᱱᱰᱟ "ᱥᱟᱫᱷᱟᱠᱟᱢ" (സാധകം) ᱥᱮ ᱵᱟᱨᱵᱟᱨ ᱚᱵᱷᱭᱟᱥ ᱪᱮᱫ ᱟᱠᱚᱭ ᱮᱦᱚᱵᱟ ᱾ ᱥᱟᱫᱷᱟᱨᱚᱱ ᱞᱮᱠᱟᱛᱮ ᱢᱤᱫ "ᱥᱟᱫᱷᱟᱠᱟᱢ" ᱫᱚ ᱯᱮᱭᱟ ᱫᱟᱞ ᱨᱮᱭᱟᱜ ᱥᱟᱫᱷᱟᱠᱟᱢ ᱥᱟᱶ ᱮᱦᱚᱵᱚᱜᱼᱟ ᱡᱟᱦᱟᱸ ᱫᱚ "ᱛᱷᱟ ᱠᱤ ᱴᱟ" ᱥᱟᱫᱷᱟᱠᱟᱢ (ത കി ട സാധകം) ᱠᱚ ᱢᱮᱛᱟᱜᱼᱟ ᱾

ᱢᱤᱫ "ᱛᱷᱟ ᱠᱤ ᱴᱟ" ᱥᱟᱫᱷᱟᱠᱟᱢ (ത കി ട സാധകം) ᱥᱮ ᱯᱮᱭᱟ ᱫᱟᱞ ᱨᱮᱭᱟᱜ ᱥᱟᱫᱷᱟᱠᱟᱢ ᱫᱚ "ᱳᱱᱱᱟᱢ ᱠᱟᱞᱟᱢ" (ഒന്നാം കാലം) ᱥᱮ ᱡᱤᱭᱳᱢᱮᱴᱨᱤᱠ ᱥᱯᱤᱰ ᱨᱮᱭᱟᱜ ᱯᱩᱭᱞᱩ ᱰᱤᱜᱽᱨᱤ ᱥᱟᱶ ᱮᱦᱚᱵᱚᱜᱼᱟ ᱾ ᱡᱟᱦᱟᱸ ᱫᱚ ᱜᱚᱴᱟ ᱨᱩ ᱩᱫᱩᱜ ᱥᱚᱫᱚᱨ (ᱢᱮᱞᱟᱢ) ᱨᱮ "ᱛᱷᱟᱞᱟᱢ" (താളം) ᱥᱮ ᱢᱩᱬᱩᱛ ᱨᱤᱫᱚᱢ ᱠᱟᱱᱟ ᱾ ᱢᱤᱫ ᱫᱷᱟᱣ "ᱳᱱᱱᱟᱢ ᱠᱟᱞᱟᱢ" ᱚᱵᱷᱭᱟᱥ ᱞᱮᱱᱠᱷᱟᱱ ᱯᱟᱹᱴᱷᱩᱣᱟᱹ ᱠᱚ "ᱨᱟᱱᱰᱟᱢ ᱠᱟᱞᱟᱢ" (രണ്ടാം കാലം) ᱥᱮ ᱡᱤᱭᱳᱢᱮᱴᱨᱤᱠ ᱥᱯᱤᱰ ᱨᱮᱭᱟᱜ ᱫᱚᱥᱟᱨ ᱰᱤᱜᱽᱨᱤ ᱚᱵᱷᱭᱟᱥ ᱠᱚ ᱪᱮᱫᱟ, ᱚᱱᱟ ᱛᱟᱭᱚᱢ "ᱢᱩᱱᱟᱢ ᱠᱟᱞᱟᱢ" (മൂനാം കാലം) ᱥᱮ ᱡᱤᱭᱳᱢᱮᱴᱨᱤᱠ ᱥᱯᱤᱰ ᱨᱮᱭᱟᱜ ᱛᱮᱥᱟᱨ ᱰᱤᱜᱽᱨᱤ ᱟᱨ ᱱᱚᱝᱠᱟ ᱜᱮ ᱞᱟᱦᱟ ᱥᱮᱫ ᱾

ᱢᱤᱫ "ᱛᱷᱟ ᱠᱤ ᱴᱟ" ᱥᱟᱫᱷᱟᱠᱟᱢ ᱞᱟᱹᱜᱤᱫ "ᱳᱱᱱᱟᱢ ᱠᱟᱞᱟᱢ" ᱫᱚ ᱢᱤᱫ ᱡᱤᱭᱳᱢᱮᱴᱨᱤᱠ ᱥᱯᱤᱰ ᱨᱮ ᱓ ᱫᱟᱞ ᱠᱟᱱᱟ ᱾ ᱚᱱᱟᱛᱮ "ᱨᱟᱱᱰᱟᱢ ᱠᱟᱞᱟᱢ" (രണ്ടാം കാലം) ᱫᱟᱞ ᱫᱚ "ᱳᱱᱱᱟᱢ ᱠᱟᱞᱟᱢ" ᱨᱮᱭᱟᱜ ᱜᱟᱵᱟᱱ ᱦᱩᱭᱩᱜᱼᱟ, ᱖ ᱫᱟᱞ ᱾ "ᱢᱩᱱᱟᱢ ᱠᱟᱞᱟᱢ" (മൂനാം കാലം) ᱫᱚ "ᱨᱟᱱᱰᱟᱢ ᱠᱟᱞᱟᱢ" ᱨᱮᱭᱟᱜ ᱜᱟᱵᱟᱱ ᱦᱩᱭᱩᱜᱼᱟ, ᱑᱒ ᱫᱟᱞ, "ᱱᱟᱞᱟᱢ ᱠᱟᱞᱟᱢ" (നാലാം കാലം) ᱫᱚ ᱒୪ ᱫᱟᱞ ᱦᱩᱭᱩᱜᱼᱟ ᱟᱨ ᱱᱚᱝᱠᱟ ᱜᱮ ᱞᱟᱦᱟ ᱥᱮᱫ ᱾ ᱢᱤᱫ "ᱨᱟᱱᱰᱟᱢ ᱠᱟᱞᱟᱢ" ᱠᱚᱨᱟᱣ ᱚᱠᱛᱚ, "ᱳᱱᱱᱟᱢ ᱠᱟᱞᱟᱢ" ᱨᱮᱭᱟᱜ ᱓ ᱫᱟᱞ ᱞᱟᱹᱜᱤᱫ ᱦᱟᱛᱟᱣ ᱟᱠᱟᱱ ᱚᱠᱛᱚ ᱛᱮ ᱖ ᱫᱟᱞ ᱢᱩᱪᱟᱹᱫᱚᱜ ᱞᱟᱹᱠᱛᱤᱭᱟ ᱾ ᱚᱱᱠᱟ ᱜᱮ "ᱢᱩᱱᱟᱢ ᱠᱟᱞᱟᱢ" (᱑᱒ ᱫᱟᱞ) ᱫᱚ "ᱳᱱᱱᱟᱢ ᱠᱟᱞᱟᱢ" ᱨᱮᱭᱟᱜ ᱓ ᱫᱟᱞ ᱞᱟᱹᱜᱤᱫ ᱦᱟᱛᱟᱣ ᱟᱠᱟᱱ ᱚᱠᱛᱚ ᱛᱮ ᱢᱩᱪᱟᱹᱫᱚᱜ ᱞᱟᱹᱠᱛᱤᱭᱟ ᱾ ᱢᱤᱫ "ᱱᱟᱞᱟᱢ ᱠᱟᱞᱟᱢ" ᱞᱟᱹᱜᱤᱫ, ᱒୪ ᱫᱟᱞ ᱫᱚ "ᱳᱱᱱᱟᱢ ᱠᱟᱞᱟᱢ" ᱞᱟᱹᱜᱤᱫ ᱦᱟᱛᱟᱣ ᱟᱠᱟᱱ ᱚᱠᱛᱚ ᱛᱮ ᱢᱩᱪᱟᱹᱫᱚᱜ ᱞᱟᱹᱠᱛᱤᱭᱟ ᱾ ᱚᱱᱟ ᱠᱷᱟᱹᱛᱤᱨ ᱜᱮ "ᱳᱱᱱᱟᱢ ᱠᱟᱞᱟᱢ" ᱫᱚ "ᱛᱷᱟᱞᱟᱢ" (താളം) ᱥᱮ ᱢᱩᱬᱩᱛ ᱨᱤᱫᱚᱢ (ᱫᱟᱞ ᱨᱮᱭᱟᱜ ᱢᱤᱫ ᱥᱟᱭᱠᱮᱞ ᱯᱩᱨᱟᱹᱣ ᱞᱟᱹᱜᱤᱫ ᱦᱟᱛᱟᱣ ᱟᱠᱟᱱ ᱚᱠᱛᱚ, ᱱᱚᱸᱰᱮ "ᱛᱷᱟ ᱠᱤ ᱴᱟ" ᱞᱟᱹᱜᱤᱫ, ᱓ ᱫᱟᱞ) ᱠᱚ ᱢᱮᱛᱟᱜᱼᱟ ᱾

"ᱵᱷᱟᱭᱤ ᱛᱷᱟᱨᱤ" (വായി താരി), ᱪᱮᱱᱰᱟ ᱨᱮ ᱫᱟᱞ ᱚᱠᱛᱚ ᱯᱟᱹᱴᱷᱩᱣᱟᱹ ᱦᱚᱛᱮᱛᱮ ᱵᱮᱱᱟᱣ ᱟᱠᱟᱱ ᱰᱨᱟᱢ ᱞᱮᱠᱟᱱ ᱥᱟᱰᱮ ᱾ ᱑ ᱞᱩ, ᱒ ᱥᱟᱨ, ᱓ ᱥᱟᱨ ᱟᱨ ᱔ ᱟᱱᱟᱜ "ᱠᱟᱞᱟᱢ" ᱨᱮ ᱛᱷᱟ-ᱠᱤ-ᱴᱟ ᱨᱮᱭᱟᱜ "ᱵᱷᱟᱭᱤ ᱛᱷᱟᱨᱤ" ᱾

᱑. ᱠᱤ-(ᱴᱟ) ᱛᱷᱟ-(ᱠᱟ) ᱛᱷᱟ-(ᱨᱤ) → ᱱᱚᱸᱰᱮ ᱡᱩᱫᱤᱦᱚᱸ ᱖ ᱜᱚᱴᱟᱝ ᱥᱟᱰᱮ ᱚᱰᱚᱠᱚᱜᱼᱟ ᱮᱠᱮᱱ ᱯᱮᱭᱟ ᱫᱟᱞ ᱜᱮ ᱦᱩᱭᱩᱜᱼᱟ ᱾

᱒. ᱠᱤ-ᱴᱟ ᱛᱷᱟ-ᱠᱟ ᱛᱷᱟ-ᱨᱤ → ᱱᱚᱸᱰᱮ ᱖ ᱜᱚᱴᱟᱝ ᱥᱟᱰᱮ ᱚᱰᱚᱠᱚᱜᱼᱟ ᱟᱨ ᱖ ᱫᱟᱞ ᱦᱩᱭᱩᱜᱼᱟ ᱾

᱓. ᱠᱤ-ᱴᱟ-ᱛᱷᱟ-ᱠᱟ ᱛᱷᱟ-ᱨᱤ-ᱠᱤ-ᱴᱟ ᱛᱷᱟ-ᱠᱟ-ᱛᱷᱟ-ᱨᱤ → ᱑᱒ ᱜᱚᱴᱟᱝ ᱥᱟᱰᱮ ᱚᱰᱚᱠᱚᱜᱼᱟ ᱟᱨ ᱑᱒ ᱫᱟᱞ ᱦᱩᱭᱩᱜᱼᱟ ᱾

᱔. ᱠᱤ-ᱴᱟ-ᱛᱷᱟ-ᱠᱟ-ᱛᱷᱟ-ᱨᱤ-ᱠᱤ-ᱴᱟ ᱛᱷᱟ-ᱠᱟ-ᱛᱷᱟ-ᱨᱤ-ᱠᱤ-ᱴᱟ-ᱛᱷᱟ-ᱠᱟ ᱛᱷᱟ-ᱨᱤ-ᱠᱤ-ᱴᱟ-ᱛᱷᱟ-ᱠᱟ-ᱛᱷᱟ-ᱨᱤ

1. കീ...ട ത...ക താ...രി

2. കീ...ട ത...ക താ...രി

3. കിട.തക തരി.കിട തക.തരി

4. കിടതക.തരികിട തകതരി.കിടതക തരികിട.തകതരി

ᱠᱟᱞᱟᱢ ᱩᱭᱦᱟᱹᱨ ᱠᱚ

ᱵᱷᱮᱜᱟᱨ ᱵᱷᱮᱜᱟᱨ "ᱠᱟᱞᱟᱢ" (കാലം), ᱡᱤᱭᱳᱢᱮᱴᱨᱤᱠ ᱥᱯᱤᱰ ᱨᱮᱭᱟᱜ ᱰᱤᱜᱽᱨᱤ

"ᱠᱟᱞᱟᱢ" (കാലം) ᱫᱚ ᱡᱤᱭᱳᱢᱮᱴᱨᱤᱠ ᱥᱯᱤᱰ ᱨᱮᱭᱟᱜ ᱢᱤᱫ ᱰᱤᱜᱽᱨᱤ ᱠᱟᱱᱟ ᱾ ᱢᱤᱫ "ᱠᱟᱞᱟᱢ" ᱫᱚ "ᱳᱱᱱᱟᱢ ᱠᱟᱞᱟᱢ" (ഒന്നാം കാലം) ᱥᱮ ᱡᱤᱭᱳᱢᱮᱴᱨᱤᱠ ᱥᱯᱤᱰ ᱨᱮᱭᱟᱜ ᱯᱩᱭᱞᱩ ᱰᱤᱜᱽᱨᱤ ᱥᱟᱶ ᱮᱦᱚᱵᱚᱜᱼᱟ ᱾ ᱡᱟᱦᱟᱸ ᱫᱚ ᱜᱚᱴᱟ ᱨᱩ ᱩᱫᱩᱜ ᱥᱚᱫᱚᱨ (ᱢᱮᱞᱟᱢ) ᱨᱮ "ᱛᱷᱟᱞᱟᱢ" (താളം) ᱥᱮ ᱢᱩᱬᱩᱛ ᱨᱤᱫᱚᱢ ᱠᱟᱱᱟ ᱾ ᱢᱤᱫ ᱫᱷᱟᱣ "ᱳᱱᱱᱟᱢ ᱠᱟᱞᱟᱢ" ᱚᱵᱷᱭᱟᱥ ᱞᱮᱱᱠᱷᱟᱱ ᱯᱟᱹᱴᱷᱩᱣᱟᱹ ᱠᱚ "ᱨᱟᱱᱰᱟᱢ ᱠᱟᱞᱟᱢ" (രണ്ടാം കാലം) ᱥᱮ ᱡᱤᱭᱳᱢᱮᱴᱨᱤᱠ ᱥᱯᱤᱰ ᱨᱮᱭᱟᱜ ᱫᱚᱥᱟᱨ ᱰᱤᱜᱽᱨᱤ ᱚᱵᱷᱭᱟᱥ ᱠᱚ ᱪᱮᱫᱟ, ᱚᱱᱟ ᱛᱟᱭᱚᱢ "ᱢᱩᱱᱱᱟᱢ ᱠᱟᱞᱟᱢ" (മൂന്നാം കാലം) ᱥᱮ ᱡᱤᱭᱳᱢᱮᱴᱨᱤᱠ ᱥᱯᱤᱰ ᱨᱮᱭᱟᱜ ᱛᱮᱥᱟᱨ ᱰᱤᱜᱽᱨᱤ ᱚᱱᱟ ᱛᱟᱭᱚᱢ "ᱱᱟᱞᱟᱢ ᱠᱟᱞᱟᱢ" ᱥᱮ ᱡᱤᱭᱳᱢᱮᱴᱨᱤᱠ ᱥᱯᱤᱰ ᱨᱮᱭᱟᱜ ᱯᱩᱱᱟᱜ ᱰᱤᱜᱽᱨᱤ ᱟᱨ ᱱᱚᱝᱠᱟ ᱜᱮ ᱞᱟᱦᱟ ᱥᱮᱫ ᱾ ᱚᱵᱷᱭᱟᱥ ᱟᱨ ᱯᱟᱹᱨᱩᱠᱷᱤᱭᱟᱹ ᱞᱮᱠᱟᱛᱮ ᱢᱤᱫ ᱪᱮᱱᱰᱟ ᱩᱫᱩᱜ ᱥᱚᱫᱚᱨᱤᱡ ᱫᱚ ᱗, ᱘, ᱙ ᱥᱮ ᱑᱐ "ᱠᱟᱞᱟᱢ" ᱨᱮᱦᱚᱸ ᱩᱫᱩᱜ ᱥᱚᱫᱚᱨ ᱫᱟᱲᱮᱭᱟᱜᱼᱟᱭ ᱾

ᱡᱩᱫᱤ ᱢᱤᱫ ᱩᱫᱩᱜ ᱥᱚᱫᱚᱨᱤᱡ ᱓ ᱫᱟᱞ ᱥᱟᱶ ᱮ ᱮᱦᱚᱵᱟ ᱟᱨ ᱱᱚᱣᱟ ᱫᱟᱞ ᱠᱚ ᱔ ᱥᱮᱠᱮᱱᱰ (ᱡᱤᱭᱳᱢᱮᱴᱨᱤᱠ ᱥᱯᱤᱰ) ᱨᱮᱭ ᱯᱩᱨᱟᱹᱣᱟ, ᱱᱚᱣᱟ ᱫᱚ ᱓ ᱫᱟᱞ ᱨᱮᱭᱟᱜ ᱢᱤᱫ "ᱳᱱᱱᱟᱢ ᱠᱟᱞᱟᱢ" (ഒന്നാം കാലം) ᱠᱚ ᱢᱮᱛᱟᱜᱼᱟ ᱾ ᱚᱱᱟᱛᱮ "ᱨᱟᱱᱰᱟᱢ ᱠᱟᱞᱟᱢ" (രണ്ടാം കാലം) ᱫᱟᱞ ᱫᱚ "ᱳᱱᱱᱟᱢ ᱠᱟᱞᱟᱢ" ᱨᱮᱭᱟᱜ ᱜᱟᱵᱟᱱ ᱦᱩᱭᱩᱜᱼᱟ, ᱖ ᱫᱟᱞ ᱔ ᱥᱮᱠᱮᱱᱰ ᱨᱮ ᱯᱩᱨᱟᱹᱣᱜᱼᱟ ᱾ "ᱢᱩᱱᱟᱢ ᱠᱟᱞᱟᱢ" (മൂനാം കാലം) ᱫᱚ "ᱨᱟᱱᱰᱟᱢ ᱠᱟᱞᱟᱢ" ᱨᱮᱭᱟᱜ ᱜᱟᱵᱟᱱ ᱦᱩᱭᱩᱜᱼᱟ, ᱑᱒ ᱫᱟᱞ ᱔ ᱥᱮᱠᱮᱱᱰ ᱨᱮ ᱯᱩᱨᱟᱹᱣᱜᱼᱟ, "ᱱᱟᱞᱟᱢ ᱠᱟᱞᱟᱢ" (നാലാം കാലം) ᱫᱚ ᱒୪ ᱫᱟᱞ ᱔ ᱥᱮᱠᱮᱱᱰ ᱨᱮ ᱯᱩᱨᱟᱹᱣᱜᱼᱟ ᱟᱨ ᱱᱚᱝᱠᱟ ᱜᱮ ᱞᱟᱦᱟ ᱥᱮᱫ ᱾ ᱚᱱᱠᱟ ᱜᱮ ᱡᱩᱫᱤ ᱩᱫᱩᱜ ᱥᱚᱫᱚᱨᱤᱡ ᱔ ᱫᱟᱞ ᱥᱟᱶ ᱮ ᱮᱦᱚᱵᱟ ᱟᱨ ᱫᱟᱞ ᱠᱚ ᱔ ᱥᱮᱠᱮᱱᱰ ᱨᱮᱭ ᱯᱩᱨᱟᱹᱣᱟ, ᱮᱱᱠᱷᱟᱱ "ᱨᱟᱱᱰᱟᱢ ᱠᱟᱞᱟᱢ" ᱫᱟᱞ ᱫᱚ "ᱳᱱᱱᱟᱢ ᱠᱟᱞᱟᱢ" ᱨᱮᱭᱟᱜ ᱜᱟᱵᱟᱱ ᱦᱩᱭᱩᱜᱼᱟ, ᱘ ᱫᱟᱞ ᱔ ᱥᱮᱠᱮᱱᱰ ᱨᱮ ᱯᱩᱨᱟᱹᱣᱜᱼᱟ, "ᱢᱩᱱᱟᱢ ᱠᱟᱞᱟᱢ" ᱫᱚ "ᱨᱟᱱᱰᱟᱢ ᱠᱟᱞᱟᱢ" ᱨᱮᱭᱟᱜ ᱜᱟᱵᱟᱱ ᱦᱩᱭᱩᱜᱼᱟ, ᱑᱖ ᱫᱟᱞ ᱔ ᱥᱮᱠᱮᱱᱰ ᱨᱮ ᱯᱩᱨᱟᱹᱣᱜᱼᱟ ᱾ ᱡᱩᱫᱤ ᱩᱫᱩᱜ ᱥᱚᱫᱚᱨᱤᱡ ᱚᱱᱟ ᱔ ᱫᱟᱞ ᱥᱟᱶ ᱜᱮᱭ ᱮᱦᱚᱵᱟ ᱟᱨ ᱫᱟᱞ ᱠᱚ ᱒ ᱥᱮᱠᱮᱱᱰ ᱨᱮᱭ ᱯᱩᱨᱟᱹᱣᱟ, ᱮᱱᱠᱷᱟᱱ "ᱨᱟᱱᱰᱟᱢ ᱠᱟᱞᱟᱢ" ᱫᱚ ᱘ ᱫᱟᱞ ᱦᱩᱭᱩᱜᱼᱟ ᱟᱨ ᱒ ᱥᱮᱠᱮᱱᱰ ᱨᱮ ᱯᱩᱨᱟᱹᱣᱜ ᱞᱟᱹᱠᱛᱤᱭᱟ, "ᱢᱩᱱᱟᱢ ᱠᱟᱞᱟᱢ" ᱫᱚ ᱑᱖ ᱫᱟᱞ ᱦᱩᱭᱩᱜᱼᱟ ᱟᱨ ᱒ ᱥᱮᱠᱮᱱᱰ ᱨᱮ ᱯᱩᱨᱟᱹᱣᱜ ᱞᱟᱹᱠᱛᱤᱭᱟ ᱾

ᱢᱤᱫ "ᱠᱟᱞᱟᱢ" ᱯᱩᱨᱟᱹᱣ ᱨᱮᱭᱟᱜ ᱚᱠᱛᱚ ᱫᱚ "ᱛᱷᱟᱞᱟᱵᱷᱟᱴᱴᱟᱢ" (താളവട്ടം) ᱠᱚ ᱢᱮᱛᱟᱜᱼᱟ ᱟᱨ "ᱳᱱᱱᱟᱢ ᱠᱟᱞᱟᱢ" (ഒന്നാം കാലം) ᱫᱚ "ᱛᱷᱟᱞᱟᱢ" (താളം) ᱥᱮ ᱜᱚᱴᱟ ᱨᱩ ᱩᱫᱩᱜ ᱥᱚᱫᱚᱨ ᱨᱮᱭᱟᱜ ᱢᱩᱬᱩᱛ ᱨᱤᱫᱚᱢ ᱠᱚ ᱢᱮᱛᱟᱜᱼᱟ ᱾

ᱥᱟᱹᱠᱷᱭᱟᱹᱛ ᱠᱚ

Application of composite materials to the chenda, an Indian percussion instrument^[᱑]

↑ Damodaran, Ajith; Mansour, Hossein; Lessard, Larry; Scavone, Gary; Suresh Babu, A. (2015-02-01). "Application of composite materials to the chenda, an Indian percussion instrument". Applied Acoustics (in ᱟᱝᱜᱽᱨᱮᱡᱤ). 88: 1–5. doi:10.1016/j.apacoust.2014.07.013. ISSN 0003-682X.

ᱵᱟᱦᱨᱮ ᱡᱚᱱᱚᱲ ᱠᱚ

ᱵᱤᱡᱚᱭᱣᱟᱲᱟ ᱨᱮ ᱪᱮᱱᱰᱟ ᱢᱮᱞᱟᱢ - ᱵᱤᱥᱟᱠᱷᱟᱯᱟᱴᱱᱟᱢ ᱨᱮ ᱪᱮᱱᱰᱟ ᱢᱮᱞᱟᱢ
ᱵᱮᱝᱜᱟᱞᱩᱨᱩ ᱨᱮ ᱪᱮᱱᱰᱟ ᱢᱮᱞᱟᱢ - ᱥᱤᱝᱜᱟᱨᱤᱢᱮᱞᱟᱢ Archived ᱑᱖ ᱯᱷᱮᱵᱽᱨᱩᱣᱟᱨᱤ ᱒᱐᱒᱐ at the Wayback Machine.
ᱵᱟᱫᱷᱭᱟ ᱠᱟᱞᱟ
ചെണ്ട മേളം

[1] Damodaran, Ajith; Mansour, Hossein; Lessard, Larry; Scavone, Gary; Suresh Babu, A. (2015-02-01). "Application of composite materials to the chenda, an Indian percussion instrument". Applied Acoustics (in ᱟᱝᱜᱽᱨᱮᱡᱤ). 88: 1–5. doi:10.1016/j.apacoust.2014.07.013. ISSN 0003-682X.

[᱑]