Jump to content

ᱡᱚᱭᱨᱟᱢ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱡᱚᱭᱨᱟᱢ
᱒᱐᱒᱖ ᱨᱮ ᱡᱚᱭᱨᱟᱢ
ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ  ᱟᱨ  ᱡᱟᱱᱟᱢ ᱴᱷᱟᱶᱡᱚᱭᱨᱟᱢ ᱥᱩᱵᱽᱨᱚᱢᱚᱱᱤᱭᱚᱢ
᱑᱐ ᱰᱤᱥᱮᱢᱵᱚᱨ ᱑᱙᱖᱔ (1964-12-10) (᱖᱑ ᱥᱮᱨᱢᱟ)
ᱯᱮᱨᱩᱢᱵᱟᱵᱷᱩᱨ, ᱠᱮᱨᱟᱞᱟ, ᱥᱤᱧᱚᱛ[᱑]
ᱥᱮᱪᱮᱫ ᱟᱠᱷᱲᱟᱥᱨᱤ ᱥᱚᱝᱠᱚᱨᱟ ᱠᱚᱞᱮᱡᱽ
ᱠᱟᱹᱢᱤᱟᱠᱴᱚᱨ
ᱠᱟᱹᱢᱤ ᱚᱠᱛᱚ᱑᱙᱘᱘–ᱱᱤᱛ
Worksᱯᱩᱨᱟᱹ ᱛᱟᱹᱞᱠᱟᱹ
ᱡᱤᱭᱚᱱ ᱥᱚᱦᱮᱫ
ᱯᱟᱨᱵᱚᱛᱤ ᱡᱚᱭᱨᱟᱢ (m. 1992)
ᱦᱚᱯᱚᱱ᱒, ᱡᱟᱦᱟᱸ ᱨᱮ ᱠᱟᱞᱤᱫᱟᱥ ᱡᱚᱭᱨᱟᱢ ᱥᱮᱞᱮᱫ ᱢᱮᱱᱟᱭᱟ
ᱥᱤᱨᱯᱷᱟᱹᱯᱚᱫᱽᱢᱚ ᱥᱨᱤ (᱒᱐᱑᱑)

ᱡᱚᱭᱨᱟᱢ ᱥᱩᱵᱽᱨᱚᱢᱚᱱᱤᱭᱚᱢ (ᱡᱟᱱᱟᱢ ᱑０ ᱰᱤᱥᱮᱢᱵᱚᱨ ᱑᱙᱖᱔), ᱡᱟᱦᱟᱸᱭ ᱫᱚ ᱮᱠᱮᱱ ᱡᱚᱭᱨᱟᱢ ᱧᱩᱛᱩᱢ ᱛᱮ ᱵᱟᱰᱟᱭᱚᱜᱼᱟᱭ, ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱟᱠᱴᱚᱨ ᱠᱟᱱᱟᱭ ᱡᱟᱦᱟᱸᱭ ᱫᱚ ᱢᱩᱬᱩᱛ ᱞᱮᱠᱟᱛᱮ ᱢᱟᱞᱟᱭᱟᱞᱟᱢ ᱥᱤᱱᱮᱢᱟ ᱨᱮᱭ ᱠᱟᱹᱢᱤᱭᱟ, ᱱᱚᱶᱟ ᱵᱮᱜᱚᱨ ᱛᱟᱢᱤᱞ, ᱛᱮᱞᱩᱜᱩ, ᱠᱚᱱᱱᱚᱰ, ᱦᱤᱱᱫᱤ ᱟᱨ ᱥᱚᱸᱥᱠᱨᱤᱛ ᱯᱷᱤᱞᱢ ᱠᱚᱨᱮ ᱦᱚᱸᱭ ᱠᱟᱹᱢᱤ ᱟᱠᱟᱫᱟ ᱾ ᱩᱱᱤ ᱫᱚ ᱢᱤᱫ ᱪᱮᱱᱰᱟ ᱨᱩᱨᱩᱭᱤᱡ, ᱢᱤᱢᱤᱠᱨᱤ ᱟᱨᱴᱤᱥᱴ, ᱟᱨ ᱚᱠᱛᱚ ᱚᱠᱛᱚ ᱨᱮ ᱯᱞᱮᱵᱮᱠ ᱥᱮᱨᱮᱧᱤᱭᱟᱹ ᱦᱚᱸ ᱠᱟᱱᱟᱭ ᱾ ᱡᱚᱭᱨᱟᱢ ᱫᱚ ᱒᱐᱐ ᱠᱷᱚᱱ ᱵᱟᱹᱲᱛᱤ ᱯᱷᱤᱞᱢ ᱨᱮ ᱟᱠᱴᱤᱝ ᱟᱠᱟᱫᱟᱭ ᱟᱨ ᱟᱭᱢᱟ ᱥᱤᱨᱯᱷᱟᱹ ᱮ ᱧᱟᱢ ᱟᱠᱟᱫᱟ, ᱡᱟᱦᱟᱸ ᱨᱮ ᱯᱚᱫᱽᱢᱚ ᱥᱨᱤ, ᱵᱟᱨᱭᱟ ᱠᱮᱨᱟᱞᱟ ᱯᱚᱱᱚᱛ ᱯᱷᱤᱞᱢ ᱥᱤᱨᱯᱷᱟᱹ, ᱵᱟᱨᱭᱟ ᱠᱮᱨᱟᱞᱟ ᱯᱷᱤᱞᱢ ᱠᱨᱤᱴᱤᱠᱥ ᱮᱥᱳᱥᱤᱭᱮᱥᱚᱱ ᱥᱤᱨᱯᱷᱟᱹ, ᱢᱤᱫ ᱛᱟᱢᱤᱞᱱᱟᱰᱩ ᱯᱚᱱᱚᱛ ᱯᱷᱤᱞᱢ ᱥᱤᱨᱯᱷᱟᱹ, ᱢᱤᱫ ᱮᱛᱚᱢ ᱥᱤᱧᱚᱛᱤᱭᱟᱹ ᱡᱮᱜᱮᱛᱟᱹᱨᱤ ᱢᱩᱵᱷᱤ ᱥᱤᱨᱯᱷᱟᱹ, ᱯᱩᱱᱭᱟ ᱯᱷᱤᱞᱢᱯᱷᱮᱭᱟᱨ ᱥᱤᱨᱯᱷᱟᱹ ᱮᱛᱚᱢ ᱟᱨ ᱮᱭᱟᱭ ᱮᱥᱤᱭᱟᱱᱮᱴ ᱯᱷᱤᱞᱢ ᱥᱤᱨᱯᱷᱟᱹ ᱥᱮᱞᱮᱫ ᱢᱮᱱᱟᱜᱼᱟ ᱾ ᱩᱱᱤ ᱫᱚ ᱨᱟᱡᱽᱥᱮᱱᱚᱱ ᱦᱚᱛᱮᱛᱮ ᱰᱟᱭᱨᱮᱠᱴ ᱟᱠᱟᱱ ᱯᱷᱤᱞᱢ ᱢᱮᱞᱮᱯᱟᱨᱟᱢᱵᱤᱞ ᱟᱱᱵᱷᱤᱰᱩ (᱑᱙᱙᱓) ᱛᱟᱞᱟ ᱛᱮ ᱢᱟᱞᱟᱭᱟᱞᱟᱢ ᱯᱷᱤᱞᱢ ᱤᱱᱰᱟᱥᱴᱨᱤ ᱨᱮᱱ ᱢᱤᱫ ᱤᱥᱴᱟᱨ ᱮ ᱵᱮᱱᱟᱣ ᱮᱱᱟ ᱾[᱒]

ᱡᱚᱭᱨᱟᱢ ᱫᱚ ᱑᱙᱘᱐ ᱜᱮᱞᱟᱝ ᱥᱮᱨᱢᱟ ᱨᱮ ᱠᱟᱞᱟᱵᱷᱟᱵᱷᱟᱱ ᱤᱱᱥᱴᱤᱴᱤᱭᱩᱴ ᱨᱮ ᱢᱤᱫ ᱢᱤᱢᱤᱠᱨᱤ ᱟᱨᱴᱤᱥᱴ ᱞᱮᱠᱟᱛᱮᱭ ᱮᱛᱚᱦᱚᱵ ᱞᱮᱫᱟ ᱾ ᱩᱱᱤ ᱫᱚ ᱯᱚᱫᱽᱢᱚᱨᱟᱡᱚᱱ ᱟᱜ ᱑᱙᱘᱘ ᱨᱮᱱᱟᱜ ᱯᱷᱤᱞᱢ ᱟᱯᱟᱨᱟᱱ ᱨᱮ ᱢᱤᱫ ᱢᱩᱬᱩᱛ ᱨᱳᱞ ᱛᱟᱞᱟ ᱛᱮ ᱟᱠᱴᱤᱝ ᱨᱮᱭ ᱮᱛᱚᱦᱚᱵ ᱞᱮᱫᱟ ᱾[᱓] ᱩᱱᱤ ᱫᱚ ᱑᱙᱙᱐ ᱜᱮᱞᱟᱝ ᱥᱮᱨᱢᱟ ᱨᱮ ᱜᱷᱟᱨᱚᱸᱡᱽ ᱰᱨᱟᱢᱟ ᱟᱨ ᱠᱳᱢᱮᱰᱤ ᱯᱷᱤᱞᱢ ᱠᱚᱨᱮ ᱟᱠᱴᱤᱝ ᱠᱟᱛᱮ ᱢᱤᱫ ᱥᱟᱠᱥᱮᱥᱯᱷᱩᱞ ᱢᱩᱬᱩᱛ ᱟᱠᱴᱚᱨ ᱞᱮᱠᱟᱛᱮ ᱟᱡ ᱛᱮᱭ ᱛᱷᱟᱯᱚᱱ ᱮᱱᱟ—ᱡᱮᱞᱮᱠᱟ ᱯᱮᱨᱩᱵᱷᱟᱱᱱᱟᱯᱩᱨᱟᱛᱷᱮ ᱵᱤᱥᱮᱥᱟᱝᱜᱟᱞ (᱑᱙᱘᱙), ᱥᱩᱵᱷᱟᱭᱟᱛᱷᱨᱟ (᱑᱙᱙᱐), ᱥᱟᱱᱫᱷᱮᱥᱟᱢ (᱑᱙᱙᱑), ᱡᱚᱨᱡᱩᱴᱴᱤ ᱥᱤ/ᱳ ᱡᱚᱨᱡᱩᱴᱴᱤ (᱑᱙᱙᱑), ᱢᱟᱞᱩᱴᱴᱤ (᱑᱙᱙᱒), ᱟᱭᱟᱞᱟᱛᱷᱮ ᱟᱫᱷᱮᱦᱟᱢ (᱑᱙۹᱒), ᱢᱮᱞᱮᱯᱟᱨᱟᱢᱵᱤᱞ ᱟᱱᱵᱷᱤᱰᱩ (᱑᱙۹᱓), ᱥᱤᱟᱭᱰᱤ ᱩᱱᱱᱤᱠᱨᱤᱥᱱᱟᱱ ᱵᱤ.ᱮ., ᱵᱤ.ᱮᱰ. (᱑᱙᱙᱔), ᱯᱩᱛᱷᱩᱠᱠᱳᱴᱴᱟᱭᱤᱞᱮ ᱯᱩᱛᱷᱩᱢᱟᱱᱟᱵᱷᱟᱞᱟᱱ (᱑᱙᱙᱕), ᱟᱱᱤᱭᱟᱱ ᱵᱟᱵᱷᱟ ᱪᱮᱛᱟᱱ ᱵᱟᱵᱷᱟ (᱑᱙᱙᱕), ᱛᱷᱩᱵᱷᱟᱞ ᱠᱳᱴᱴᱟᱨᱟᱢ (᱑᱙᱙᱖), ᱠᱨᱤᱥᱱᱟᱜᱩᱰᱤᱭᱤᱞ ᱳᱨᱩ ᱯᱨᱟᱱᱟᱭᱟᱠᱟᱞᱟᱛᱷᱩ (᱑᱙۹᱗), ᱥᱟᱢᱟᱨ ᱤᱱ ᱵᱮᱛᱷᱞᱮᱦᱮᱢ (᱑᱙᱙᱘), ᱵᱷᱤᱱᱰᱩᱢ ᱪᱤᱞᱟ ᱵᱷᱤᱴᱴᱩᱠᱟᱨᱭᱟᱝᱜᱟᱞ (᱑᱙᱙᱙), ᱣᱟᱱ ᱢᱮᱱ ᱥᱳ (᱒᱐᱐᱑), ᱟᱨ ᱢᱟᱱᱟᱥᱥᱤᱱᱟᱠᱠᱟᱨᱮ (᱒᱐᱐᱓) ᱾

᱒᱐᱐᱐ ᱨᱮᱱᱟᱜ ᱛᱟᱢᱤᱞ ᱯᱷᱤᱞᱢ ᱛᱷᱮᱱᱟᱞᱤ ᱫᱚ ᱩᱱᱤ ᱢᱚᱬᱮ ᱜᱚᱴᱟᱝ ᱛᱟᱢᱤᱞᱱᱟᱰᱩ ᱯᱚᱱᱚᱛ ᱯᱷᱤᱞᱢ ᱥᱤᱨᱯᱷᱟᱹ ᱮ ᱡᱤᱛᱠᱟᱹᱨ ᱚᱪᱚ ᱞᱮᱫᱮᱭᱟ ᱾[᱔] ᱡᱚᱭᱨᱟᱢ ᱫᱚ ᱛᱷᱩᱵᱷᱟᱞ ᱠᱳᱴᱴᱟᱨᱟᱢ (᱑᱙᱙᱖) ᱨᱮ ᱟᱡᱟᱜ ᱯᱟᱨᱯᱷᱚᱨᱢᱟᱱᱥ ᱞᱟᱹᱜᱤᱫ ᱟᱡᱟᱜ ᱯᱩᱭᱞᱩ ᱠᱮᱨᱟᱞᱟ ᱯᱚᱱᱚᱛ ᱯᱷᱤᱞᱢ ᱥᱤᱨᱯᱷᱟᱹ, ᱥᱯᱮᱥᱤᱭᱟᱞ ᱡᱩᱨᱤ ᱥᱤᱨᱯᱷᱟᱹ ᱮ ᱡᱤᱛᱠᱟᱹᱨ ᱞᱮᱱᱟ ᱾ ᱩᱱᱤ ᱫᱚ ᱥᱣᱟᱭᱟᱢᱵᱷᱟᱨᱟ ᱯᱟᱱᱛᱷᱟᱞ (᱒᱐᱐᱐) ᱨᱮ ᱟᱡᱟᱜ ᱯᱟᱨᱯᱷᱚᱨᱢᱟᱱᱥ ᱞᱟᱹᱜᱤᱫ ᱫᱚᱥᱟᱨ ᱡᱚᱛᱚ ᱠᱷᱚᱱ ᱱᱟᱯᱟᱭ ᱟᱠᱴᱚᱨ ᱞᱟᱹᱜᱤᱫ ᱠᱮᱨᱟᱞᱟ ᱯᱚᱱᱚᱛ ᱯᱷᱤᱞᱢ ᱥᱤᱨᱯᱷᱟᱹ ᱮ ᱡᱤᱛᱠᱟᱹᱨ ᱞᱮᱱᱟ ᱾ ᱡᱚᱭᱨᱟᱢ ᱫᱚ ᱛᱷᱩᱵᱷᱟᱞ ᱠᱳᱴᱴᱟᱨᱟᱢ (᱑᱙۹᱖), ᱛᱷᱤᱨᱛᱷᱟᱫᱟᱱᱟᱢ (᱒᱐᱐᱑), ᱟᱨ ᱢᱟᱱᱟᱥᱥᱤᱱᱟᱠᱠᱟᱨᱮ (᱒᱐᱐᱓) ᱨᱮ ᱟᱡᱟᱜ ᱯᱟᱨᱯᱷᱚᱨᱢᱟᱱᱥ ᱞᱟᱹᱜᱤᱫ ᱯᱮ ᱫᱷᱟᱣ ᱡᱚᱛᱚ ᱠᱷᱚᱱ ᱱᱟᱯᱟᱭ ᱟᱠᱴᱚᱨ ᱞᱟᱹᱜᱤᱫ ᱯᱷᱤᱞᱢᱯᱷᱮᱭᱟᱨ ᱥᱤᱨᱯᱷᱟᱹ ᱮ ᱡᱤᱛᱠᱟᱹᱨ ᱞᱮᱱᱟ ᱾ ᱒᱐᱑᱑ ᱥᱟᱞᱮ ᱨᱮ, ᱥᱤᱧᱚᱛ ᱥᱚᱨᱠᱟᱨ ᱫᱚ ᱥᱤᱧᱚᱛᱤᱭᱟᱹ ᱯᱷᱤᱞᱢ ᱤᱱᱰᱟᱥᱴᱨᱤ ᱨᱮ ᱟᱡᱟᱜ ᱮᱱᱮᱢ ᱞᱟᱹᱜᱤᱫ ᱫᱤᱥᱚᱢ ᱨᱮᱱᱟᱜ ᱯᱩᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱥᱤᱵᱷᱤᱞᱤᱭᱟᱱ ᱥᱤᱨᱯᱷᱟᱹ ᱯᱚᱫᱽᱢᱚ ᱥᱨᱤ ᱛᱮᱠᱚ ᱢᱟᱱᱚᱛ ᱞᱮᱫᱮᱭᱟ ᱾[᱓][᱕]

ᱮᱛᱚᱦᱚᱵ ᱡᱤᱭᱚᱱ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱚᱭᱨᱟᱢ ᱥᱩᱵᱽᱨᱚᱢᱚᱱᱤᱭᱚᱢ ᱫᱚ ᱠᱮᱨᱟᱞᱟ ᱨᱮᱱᱟᱜ ᱯᱮᱨᱩᱢᱵᱟᱵᱷᱩᱨ ᱨᱮ ᱵᱚᱸᱜᱟ ᱛᱟᱞᱟ ᱟᱠᱟᱱ ᱥᱩᱵᱽᱨᱚᱢᱚᱱᱤᱭᱚᱢ ᱟᱨ ᱛᱷᱟᱝᱠᱟᱢ ᱨᱤᱱ ᱯᱮᱭᱟ ᱜᱤᱫᱽᱨᱟᱹ ᱢᱩᱫᱽ ᱨᱮ ᱫᱚᱥᱟᱨᱤᱡ ᱠᱟᱱᱟᱭ ᱾ ᱟᱡ ᱵᱟᱵᱟ ᱫᱚ ᱠᱮᱨᱟᱞᱟ ᱨᱮᱱᱟᱜ ᱯᱮᱨᱩᱢᱵᱟᱵᱷᱩᱨ ᱨᱮᱱ ᱠᱟᱱᱟᱭ ᱾ ᱟᱡᱤᱡ ᱢᱤᱫ ᱢᱟᱨᱟᱝ ᱵᱚᱭᱦᱟ ᱵᱷᱮᱝᱠᱟᱴᱟᱨᱟᱢ ᱮ ᱛᱟᱦᱮᱸ ᱠᱟᱱᱟ, ᱡᱟᱦᱟᱸᱭ ᱫᱚ ᱠᱚᱢ ᱩᱢᱮᱨ ᱨᱮᱜᱮᱭ ᱵᱚᱸᱜᱟ ᱛᱟᱞᱟ ᱮᱱᱟ, ᱟᱨ ᱢᱟᱱᱡᱩᱞᱟ ᱧᱩᱛᱩᱢᱟᱱ ᱢᱤᱫ ᱦᱩᱰᱤᱧ ᱢᱤᱥᱮᱨᱟ ᱢᱮᱱᱟᱭᱟ ᱾ ᱩᱱᱤ ᱫᱚ ᱜᱚᱵᱷᱚᱨᱱᱢᱮᱱᱴ ᱵᱚᱭᱮᱡᱽ ᱦᱟᱭ ᱤᱥᱠᱩᱞ, ᱯᱮᱨᱩᱢᱵᱟᱵᱷᱩᱨ ᱠᱷᱚᱱ ᱟᱡᱟᱜ ᱮᱛᱚᱦᱚᱵ ᱥᱮᱪᱮᱫ ᱮ ᱯᱩᱨᱟᱹᱣ ᱞᱮᱫᱟ ᱾ ᱩᱱᱤ ᱫᱚ ᱥᱨᱤ ᱥᱚᱝᱠᱚᱨᱟ ᱠᱚᱞᱮᱡᱽ, ᱠᱟᱞᱟᱰᱤ ᱠᱷᱚᱱ ᱵᱮᱪᱮᱞᱚᱨ ᱰᱤᱜᱽᱨᱤ ᱮ ᱯᱩᱨᱟᱹᱣ ᱠᱮᱫᱟ ᱟᱨ ᱜᱩᱨᱩ ᱯᱟᱞᱞᱟᱥᱟᱱᱟ ᱱᱟᱱᱫᱟᱠᱩᱢᱟᱨ ᱟᱜ ᱫᱤᱥᱟᱹ ᱩᱫᱩᱜ ᱛᱮ ᱪᱮᱱᱰᱟ ᱮ ᱪᱮᱫ ᱞᱮᱫᱟ ᱾[᱖] ᱠᱚᱞᱮᱡᱽ ᱛᱟᱭᱚᱢ ᱩᱱᱤ ᱫᱚ ᱢᱤᱫ ᱢᱮᱰᱤᱠᱟᱞ ᱨᱤᱯᱨᱮᱡᱮᱱᱴᱮᱴᱤᱵᱷ ᱮ ᱵᱮᱱᱟᱣ ᱮᱱᱟ ᱟᱨ ᱛᱟᱭᱚᱢ ᱛᱮ ᱠᱟᱞᱟᱵᱷᱟᱵᱷᱟᱱ ᱤᱱᱥᱴᱤᱴᱤᱭᱩᱴ ᱨᱮᱭ ᱥᱮᱞᱮᱫ ᱮᱱᱟ ᱡᱟᱦᱟᱸ ᱨᱮ ᱩᱱᱤ ᱢᱤᱢᱤᱠᱨᱤ ᱮ ᱪᱮᱫ ᱞᱮᱫᱟ ᱟᱨ ᱤᱥᱴᱮᱡᱽ ᱠᱚᱨᱮ ᱯᱟᱨᱯᱷᱚᱨᱢ ᱞᱮᱫᱟ, ᱡᱟᱦᱟᱸ ᱫᱚ ᱯᱷᱤᱞᱢ ᱨᱮ ᱟᱡᱟᱜ ᱟᱠᱴᱤᱝ ᱠᱮᱨᱤᱭᱚᱨ ᱨᱮᱱᱟᱜ ᱰᱟᱦᱟᱨ ᱮ ᱵᱮᱱᱟᱣ ᱞᱮᱫᱟ ᱾[᱗] ᱢᱟᱞᱟᱭᱟᱞᱟᱢ ᱚᱱᱚᱞᱤᱭᱟᱹ ᱢᱟᱞᱟᱭᱟᱴᱴᱩᱨ ᱨᱟᱢᱠᱨᱤᱥᱱᱟᱱ ᱫᱚ ᱡᱚᱭᱨᱟᱢ ᱨᱮᱱ ᱢᱟᱢᱚ ᱠᱟᱱᱟᱭ ᱾[᱘]

ᱠᱟᱹᱢᱤᱦᱚᱨᱟ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱠᱚᱞᱮᱡᱽ ᱛᱟᱭᱚᱢ, ᱡᱚᱭᱨᱟᱢ ᱫᱚ ᱠᱳᱪᱤ ᱨᱮ ᱢᱤᱫ ᱯᱨᱚᱯᱷᱮᱥᱚᱱᱟᱞ ᱢᱤᱢᱤᱠᱨᱤ ᱴᱨᱩᱯ, ᱠᱟᱞᱟᱵᱷᱟᱵᱷᱟᱱ ᱨᱮᱭ ᱥᱮᱞᱮᱫ ᱮᱱᱟ ᱾ ᱒᱒ ᱥᱮᱨᱢᱟ ᱩᱢᱮᱨ ᱨᱮ, ᱩᱱᱤ ᱫᱚ ᱥᱠᱨᱤᱯᱴ ᱚᱱᱚᱞᱤᱭᱟᱹ ᱟᱨ ᱯᱷᱤᱞᱢᱢᱮᱠᱚᱨ ᱯᱚᱫᱽᱢᱚᱨᱟᱡᱚᱱ ᱦᱚᱛᱮᱛᱮ ᱥᱤᱱᱮᱢᱟ ᱨᱮᱠᱚ ᱟᱹᱜᱩ ᱠᱮᱫᱮᱭᱟ[᱙] ᱡᱟᱦᱟᱸᱭ ᱫᱚ ᱑᱙᱘᱘ ᱨᱮᱱᱟᱜ ᱯᱷᱤᱞᱢ ᱟᱯᱟᱨᱟᱱ ᱥᱟᱶᱛᱮ ᱡᱚᱭᱨᱟᱢ ᱮ ᱞᱚᱸᱪ ᱠᱮᱫᱮᱭᱟ ᱾ ᱡᱚᱭᱨᱟᱢ ᱫᱚ ᱚᱱᱟ ᱛᱟᱭᱚᱢ ᱯᱚᱫᱽᱢᱚᱨᱟᱡᱚᱱ ᱟᱜ ᱢᱩᱱᱱᱟᱢ ᱯᱟᱠᱠᱟᱢ (᱑᱙᱘᱘) ᱟᱨ ᱤᱱᱱᱟᱞᱮ (᱑᱙᱘᱙) ᱨᱮᱭ ᱟᱠᱴᱤᱝ ᱞᱮᱫᱟ ᱾ ᱯᱚᱫᱽᱢᱚᱨᱟᱡᱚᱱ ᱫᱚ ᱡᱟᱱᱩᱣᱟᱨᱤ ᱑᱙᱙᱑ ᱨᱮ ᱟᱡᱟᱜ ᱜᱩᱨ ᱫᱷᱟᱹᱵᱤᱡ ᱟᱡᱟᱜ ᱯᱷᱤᱞᱢ ᱠᱮᱨᱤᱭᱚᱨ ᱨᱮᱱ ᱢᱮᱱᱴᱚᱨ ᱮ ᱛᱟᱦᱮᱸ ᱠᱟᱱᱟ ᱾[᱓] ᱩᱱᱤ ᱫᱚ ᱨᱟᱡᱽᱥᱮᱱᱚᱱ ᱦᱚᱛᱮᱛᱮ ᱰᱟᱭᱨᱮᱠᱴ ᱟᱠᱟᱱ ᱢᱮᱞᱮᱯᱟᱨᱟᱢᱵᱤᱞ ᱟᱱᱵᱷᱤᱰᱩ (᱑᱙᱙᱓) ᱛᱟᱞᱟ ᱛᱮ ᱢᱟᱞᱟᱭᱟᱞᱟᱢ ᱯᱷᱤᱞᱢ ᱤᱱᱰᱟᱥᱴᱨᱤ ᱨᱮ ᱥᱴᱟᱨᱰᱚᱢ ᱮ ᱧᱟᱢ ᱞᱮᱫᱟ ᱾ ᱯᱷᱤᱞᱢ ᱫᱚ ᱢᱤᱫ ᱠᱚᱢᱟᱨᱥᱤᱭᱟᱞ ᱥᱟᱠᱥᱮᱥ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱥᱳᱵᱷᱟᱱᱟ ᱥᱟᱶ ᱤᱱᱱᱟᱞᱮ, ᱢᱮᱞᱮᱯᱟᱨᱟᱢᱵᱤᱞ ᱟᱱᱵᱷᱤᱰᱩ ᱟᱨ ᱫᱷᱣᱟᱱᱤ ᱨᱮᱭ ᱟᱠᱴᱤᱝ ᱞᱮᱫᱟ, ᱟᱨ ᱟᱠᱴᱨᱮᱥ ᱥᱟᱶ ᱟᱡᱟᱜ ᱠᱮᱢᱤᱥᱴᱨᱤ ᱞᱟᱹᱜᱤᱫ ᱥᱟᱨᱦᱟᱣ ᱮ ᱧᱟᱢ ᱞᱮᱫᱟ ᱾[᱑᱐][᱑᱑][᱑᱒]

ᱩᱱᱤ ᱫᱚ ᱑᱙᱘᱐ ᱜᱮᱞᱟᱝ ᱥᱮᱨᱢᱟ ᱨᱮᱱᱟᱜ ᱢᱩᱪᱟᱹᱫ ᱟᱨ ᱑᱙᱙᱐ ᱜᱮᱞᱟᱝ ᱥᱮᱨᱢᱟ ᱨᱮᱱᱟᱜ ᱮᱛᱚᱦᱚᱵ ᱨᱮ ᱠᱟᱢᱟᱞᱩᱫᱫᱤᱱ ᱢᱚᱦᱚᱢᱢᱚᱫᱽ (ᱠᱟᱢᱟᱞ) ᱟᱜ ᱯᱷᱤᱞᱢ ᱠᱚᱨᱮ ᱧᱮᱞᱚᱜ ᱞᱟᱹᱜᱤᱫ ᱮ ᱵᱟᱰᱟᱭᱚᱜᱼᱟ, ᱡᱟᱦᱟᱸ ᱨᱮ ᱯᱨᱟᱫᱮᱥᱤᱠᱟ ᱵᱷᱟᱨᱛᱷᱟᱠᱟᱞ (᱑᱙᱘᱙), ᱯᱮᱨᱩᱵᱷᱟᱱᱱᱟᱯᱩᱨᱟᱛᱷᱮ ᱵᱤᱥᱮᱥᱟᱝᱜᱟᱞ, (᱑᱙᱘᱙) ᱟᱨ ᱥᱩᱵᱷᱟ ᱭᱟᱛᱷᱨᱟ (᱑᱙۹᱐) (ᱡᱚᱛᱚ ᱨᱚᱧᱡᱤᱛᱷ ᱦᱚᱛᱮᱛᱮ ᱥᱠᱨᱤᱯᱴ ᱟᱠᱟᱱᱟ) ᱥᱮᱞᱮᱫ ᱢᱮᱱᱟᱜᱼᱟ, ᱡᱟᱦᱟᱸ ᱨᱮ ᱩᱱᱤ ᱫᱚ ᱟᱡ ᱵᱟᱹᱦᱩ ᱯᱟᱨᱵᱚᱛᱤ ᱥᱟᱶᱮ ᱟᱠᱴᱤᱝ ᱞᱮᱫᱟ ᱾ ᱩᱱᱤ ᱫᱚ ᱛᱟᱭᱚᱢ ᱛᱮ ᱣᱤᱴᱱᱮᱥ (᱑᱙᱘᱘) ᱨᱮᱭ ᱟᱠᱴᱤᱝ ᱞᱮᱫᱟ ᱾ ᱩᱱᱤ ᱫᱚ ᱵᱷᱤᱡᱤ ᱛᱷᱟᱢᱯᱤ ᱟᱨ ᱨᱚᱧᱡᱤᱛᱷ ᱥᱟᱶ ᱱᱟᱱᱢᱟ ᱱᱤᱨᱟᱱᱡᱟᱵᱷᱟᱱ ᱥᱨᱤᱱᱤᱵᱷᱟᱥᱟᱱ (᱑᱙᱙᱐) ᱨᱮ ᱡᱩᱲᱤ ᱮᱱᱟᱭ, ᱡᱟᱦᱟᱸ ᱨᱮ ᱩᱱᱤ ᱢᱤᱫ ᱯᱩᱞᱤᱥ ᱠᱚᱱᱥᱴᱮᱵᱚᱞ ᱟᱜ ᱨᱳᱞ ᱮ ᱠᱚᱨᱟᱣ ᱞᱮᱫᱟ ᱡᱟᱦᱟᱸᱭ ᱫᱚ ᱢᱩᱠᱮᱥ ᱦᱚᱛᱮᱛᱮ ᱠᱚᱨᱟᱣ ᱟᱠᱟᱱ ᱢᱤᱫ ᱠᱨᱤᱢᱤᱱᱟᱞ ᱮ ᱥᱮᱸᱫᱽᱨᱟᱭᱮ ᱠᱟᱱ ᱛᱟᱦᱮᱸᱫ ᱾ ᱑᱙᱙᱐ ᱜᱮᱞᱟᱝ ᱥᱮᱨᱢᱟ ᱨᱮᱱᱟᱜ ᱮᱛᱚᱦᱚᱵ ᱨᱮ, ᱩᱱᱤ ᱫᱚ ᱵᱷᱟᱨᱟᱛᱷᱟᱱ ᱟᱜ ᱠᱮᱞᱤ (᱑᱙᱙᱑) ᱟᱨ ᱢᱟᱞᱩᱴᱴᱤ (᱑᱙᱙᱒) ᱨᱮᱭ ᱟᱠᱴᱤᱝ ᱞᱮᱫᱟ ᱾

ᱡᱚᱭᱨᱟᱢ ᱫᱚ ᱥᱟᱛᱷᱭᱟᱱ ᱟᱱᱛᱷᱤᱠᱠᱟᱰ ᱟᱜ ᱟᱭᱢᱟ ᱯᱷᱤᱞᱢ ᱨᱮᱭ ᱟᱠᱴᱤᱝ ᱟᱠᱟᱫᱟ ᱾ ᱩᱱᱠᱤᱱᱟᱜ ᱯᱩᱭᱞᱩ ᱯᱷᱤᱞᱢ ᱫᱚ ᱯᱳᱱᱢᱩᱴᱴᱟᱭᱤᱫᱩᱱᱱᱟ ᱛᱷᱟᱨᱟᱵᱷᱩ (᱑᱙᱘᱘) ᱛᱟᱦᱮᱸ ᱠᱟᱱᱟ ᱾ ᱚᱱᱟ ᱚᱠᱛᱚ ᱥᱩᱨ ᱨᱮ, ᱡᱚᱭᱨᱟᱢ ᱫᱚ ᱥᱟᱛᱷᱭᱟᱱ ᱟᱱᱛᱷᱤᱠᱠᱟᱰ ᱟᱜ ᱟᱨᱛᱷᱟᱢ, ᱢᱟᱡᱷᱟᱵᱷᱤᱞᱠᱟᱵᱷᱟᱰᱤ (᱑᱙᱘᱙) ᱨᱮ ᱢᱤᱫ ᱥᱟᱯᱳᱨᱴᱤᱝ ᱨᱳᱞ ᱮ ᱠᱚᱨᱟᱣ ᱞᱮᱫᱟ ᱾ ᱛᱷᱟᱞᱟᱭᱟᱱᱟᱢᱟᱱᱛᱷᱨᱟᱢ (᱑᱙᱙᱐) ᱟᱨ ᱥᱟᱱᱫᱮᱥᱟᱢ (᱑᱙᱙᱑), ᱵᱟᱱᱟᱨ ᱜᱮ ᱥᱨᱤᱱᱤᱵᱷᱟᱥᱟᱱ ᱮ ᱚᱞ ᱞᱮᱫᱟ ᱟᱨ ᱟᱠᱴᱤᱝ ᱞᱮᱫᱟ ᱾ ᱟᱱᱛᱷᱤᱠᱠᱟᱰ ᱟᱨ ᱡᱚᱭᱨᱟᱢ ᱫᱚ ᱛᱟᱭᱚᱢ ᱛᱮ ᱛᱷᱩᱵᱷᱟᱞ ᱠᱳᱴᱴᱟᱨᱟᱢ (᱑᱙᱙᱖) ᱠᱤᱱ ᱵᱮᱱᱟᱣ ᱞᱮᱫᱟ,[᱑᱓] ᱡᱟᱦᱟᱸ ᱫᱚ ᱢᱤᱫ ᱠᱚᱢᱟᱨᱥᱤᱭᱟᱞ ᱥᱟᱠᱥᱮᱥ ᱛᱟᱦᱮᱸ ᱠᱟᱱᱟ,[᱑᱔][᱑᱕] ᱩᱱᱠᱤᱱ ᱫᱚ ᱯᱷᱤᱞᱢ ᱠᱚᱨᱮ ᱟᱠᱤᱱᱟᱜ ᱥᱟᱠᱥᱮᱥ ᱠᱤᱱ ᱞᱮᱛᱟᱲ ᱫᱚᱦᱚ ᱠᱮᱫᱟ - ᱤᱨᱟᱴᱴᱟᱠᱩᱴᱴᱤᱠᱟᱞᱩᱰᱮ ᱟᱪᱟᱱ (᱑᱙۹᱗), ᱵᱷᱤᱱᱰᱩᱢ ᱪᱤᱞᱟ ᱵᱷᱤᱴᱴᱩᱠᱟᱨᱭᱟᱝᱜᱟᱞ (᱑᱙۹۹), ᱠᱳᱪᱩ ᱠᱳᱪᱩ ᱥᱟᱱᱛᱷᱳᱥᱟᱝᱜᱟᱞ (᱒᱐᱐᱐), ᱭᱟᱛᱷᱨᱟᱠᱟᱨᱩᱰᱮ ᱥᱨᱟᱫᱷᱟᱠᱠᱩ (᱒᱐᱐᱒), ᱢᱟᱱᱟᱥᱥᱤᱱᱟᱠᱠᱟᱨᱮ (᱒᱐᱐᱓), ᱵᱷᱟᱜᱽᱭᱟ ᱫᱮᱵᱷᱟᱛᱷᱟ ᱟᱨ ᱠᱟᱫᱷᱟ ᱛᱷᱩᱫᱟᱨᱩᱱᱱᱩ ᱾

ᱩᱱᱤ ᱫᱚ ᱟᱡᱟᱜ ᱯᱷᱤᱞᱢ ᱠᱚᱨᱮ ᱠᱮ. ᱯᱤ. ᱮ. ᱥᱤ. ᱞᱚᱞᱤᱛᱟ, ᱩᱱᱱᱤᱠᱨᱤᱥᱱᱟᱱ ᱟᱨ ᱡᱟᱜᱟᱛᱷᱤ ᱥᱨᱤᱠᱩᱢᱟᱨ ᱠᱚᱭ ᱠᱟᱥᱴ ᱮᱫ ᱠᱚ ᱛᱟᱦᱮᱸᱫ ᱾

ᱡᱚᱭᱨᱟᱢ ᱫᱚ ᱡᱳᱥᱤ ᱟᱜ ᱫᱷᱨᱩᱵᱷᱟᱢ (᱑᱙᱙᱓) ᱨᱮ ᱢᱟᱢᱢᱩᱴᱴᱤ ᱟᱨ ᱥᱩᱨᱮᱥ ᱜᱳᱯᱤ ᱥᱟᱶᱮ ᱟᱠᱴᱤᱝ ᱞᱮᱫᱟ ᱾ ᱜᱳᱯᱤ ᱥᱟᱶ ᱮᱴᱟᱜ ᱯᱷᱤᱞᱢ ᱠᱚᱫᱚ ᱦᱩᱭᱩᱜ ᱠᱟᱱᱟ ᱵᱷᱤᱡᱤ ᱛᱷᱟᱢᱯᱤ ᱟᱜ ᱱᱟᱜᱟᱨᱟᱝᱜᱟᱞᱤᱞ ᱪᱮᱱᱱᱩ ᱨᱟᱯᱟᱨᱠᱟᱢ (᱑᱙᱙᱐), ᱛᱷᱩᱵᱷᱟᱞ ᱤᱥᱯᱟᱨᱥᱟᱢ (᱑᱙۹᱐), ᱡᱚᱭᱨᱟᱡᱽ ᱟᱜ ᱯᱟᱭᱛᱷᱨᱩᱠᱟᱢ (᱑᱙۹᱓), ᱟᱨ ᱥᱤᱵᱤ ᱢᱟᱞᱟᱭᱤᱞ ᱟᱜ ᱥᱟᱢᱟᱨ ᱤᱱ ᱵᱮᱛᱷᱞᱮᱦᱮᱢ (᱑᱙᱙᱘) ᱾ ᱩᱱᱤ ᱫᱚ ᱵᱷᱟᱨᱟᱛᱷ ᱜᱳᱯᱤ ᱟᱜ ᱩᱞᱥᱟᱵᱷᱟᱯᱤᱴᱴᱮᱱᱱᱩ, ᱯᱮᱨᱩᱵᱷᱟᱱᱱᱟᱯᱩᱨᱟᱛᱷᱮ ᱵᱤᱥᱮᱥᱟᱝᱜᱟᱞ (᱑᱙᱘᱙) ᱟᱨ ᱯᱨᱤᱭᱟᱫᱟᱨᱥᱟᱱ ᱟᱜ ᱟᱫᱽᱵᱷᱟᱭᱛᱷᱟᱢ (᱑᱙᱙᱑) ᱨᱮ ᱢᱳᱦᱚᱱᱞᱟᱞ ᱥᱟᱶᱮ ᱟᱠᱴᱤᱝ ᱞᱮᱫᱟ ᱾

ᱰᱟᱭᱨᱮᱠᱴᱚᱨ ᱨᱟᱡᱽᱥᱮᱱᱚᱱ ᱥᱟᱶ ᱟᱡᱟᱜ ᱡᱚᱯᱚᱲᱟᱣ ᱫᱚ ᱟᱭᱢᱟ ᱢᱩᱵᱷᱤ ᱮ ᱵᱮᱱᱟᱣ ᱞᱮᱫᱟ ᱡᱮᱞᱮᱠᱟ ᱠᱟᱫᱤᱱᱡᱩᱞ ᱠᱚᱞᱭᱟᱱᱟᱢ (᱑᱙᱙᱑), ᱟᱭᱟᱞᱟᱛᱷᱮ ᱟᱫᱫᱮᱦᱟᱢ (᱑᱙᱙᱒), ᱢᱮᱞᱮᱯᱟᱨᱟᱢᱵᱤᱞ ᱟᱱᱵᱷᱤᱰᱩ (᱑᱙۹᱓), ᱥᱤᱟᱭᱰᱤ ᱩᱱᱱᱤᱠᱨᱤᱥᱱᱟᱱ ᱵᱤ.ᱮ., ᱵᱤ.ᱮᱰ. (᱑᱙۹᱔), ᱟᱱᱤᱭᱟᱱ ᱵᱟᱵᱷᱟ ᱪᱮᱛᱟᱱ ᱵᱟᱵᱷᱟ (᱑᱙᱙᱕), ᱟᱫᱽᱭᱟᱛᱷᱮ ᱠᱟᱱᱢᱟᱱᱤ (᱑᱙᱙᱕), ᱥᱣᱟᱯᱱᱟ ᱞᱳᱠᱟᱛᱷᱮ ᱵᱟᱞᱟᱵᱷᱟᱥᱠᱟᱨᱟᱱ (᱑᱙᱙᱖), ᱟᱨ ᱠᱟᱫᱷᱟᱱᱟᱭᱟᱠᱟᱱ (᱑᱙᱙᱗) ᱾ ᱩᱱᱤ ᱫᱚ ᱥᱤᱫᱫᱤᱠ ᱟᱜ ᱯᱷᱨᱮᱱᱰᱥ (᱑᱙᱙᱙) ᱨᱮ ᱚᱨᱚᱵᱤᱱᱫᱚᱱ ᱟᱜ ᱨᱳᱞ ᱦᱚᱸᱭ ᱠᱚᱨᱟᱣ ᱞᱮᱫᱟ ᱡᱟᱦᱟᱸ ᱨᱮ ᱩᱱᱤ ᱥᱨᱤᱱᱤᱵᱷᱟᱥᱟᱱ ᱟᱨ ᱢᱩᱠᱮᱥ ᱥᱟᱶᱮ ᱟᱠᱴᱤᱝ ᱞᱮᱫᱟ ᱟᱨ ᱱᱚᱶᱟ ᱫᱚ ᱑᱙᱙᱙ ᱨᱮᱱᱟᱜ ᱡᱚᱛᱚ ᱠᱷᱚᱱ ᱵᱟᱹᱲᱛᱤ ᱠᱟᱢᱟᱣ ᱟᱠᱟᱫ ᱢᱟᱞᱟᱭᱟᱞᱟᱢ ᱢᱩᱵᱷᱤ ᱛᱟᱦᱮᱸ ᱠᱟᱱᱟ ᱟᱨ ᱑᱑ ᱠᱳᱴᱤ ᱴᱟᱠᱟᱭ ᱠᱚᱞᱮᱠᱴ ᱞᱮᱫᱟ ᱾[᱑᱖] ᱒᱑-ᱟᱱᱟᱜ ᱥᱟᱭ ᱥᱮᱨᱢᱟ ᱨᱮᱱᱟᱜ ᱯᱩᱭᱞᱩ ᱜᱮᱞᱟᱝ ᱨᱮ ᱟᱡᱟᱜ ᱠᱚᱢᱟᱨᱥᱤᱭᱟᱞ ᱥᱟᱠᱥᱮᱥᱯᱷᱩᱞ ᱯᱷᱤᱞᱢ ᱠᱚ ᱢᱩᱫᱽ ᱨᱮ ᱠᱳᱪᱩ ᱠᱳᱪᱩ ᱥᱟᱱᱛᱷᱳᱥᱟᱝᱜᱟᱞ (᱒᱐᱐᱐), ᱭᱟᱛᱷᱨᱟᱠᱟᱨᱩᱰᱮ ᱥᱨᱟᱫᱷᱟᱠᱠᱩ (᱒᱐᱐᱒), ᱮᱱᱴᱮ ᱵᱷᱤᱰᱩ ᱟᱯᱯᱩᱵᱷᱤᱱᱴᱮᱭᱩᱢ (᱒᱐᱐᱓), ᱢᱟᱱᱟᱥᱥᱤᱱᱟᱠᱠᱟᱨᱮ (᱒᱐᱐᱓), ᱵᱷᱮᱨᱩᱛᱷᱮ ᱳᱨᱩ ᱵᱷᱟᱨᱭᱟ (᱒᱐᱐᱘) ᱥᱮᱞᱮᱫ ᱢᱮᱱᱟᱜᱼᱟ ᱾ ᱟᱡᱟᱜ ᱠᱨᱤᱴᱤᱠᱟᱞᱤ ᱟᱠᱞᱮᱭᱢᱰ ᱨᱳᱞ ᱠᱚ ᱢᱩᱫᱽ ᱨᱮ ᱵᱤ. ᱠᱟᱱᱱᱟᱱ ᱟᱜ ᱛᱷᱤᱨᱛᱷᱟᱫᱟᱱᱟᱢ (᱒᱐᱐᱑) ᱨᱮ ᱠᱟᱨᱩᱱᱟᱠᱟᱨᱟᱱ ᱟᱨ ᱨᱟᱡᱤᱵᱽ ᱠᱩᱢᱟᱨ ᱟᱜ ᱥᱮᱥᱟᱢ (᱒᱐᱐᱒) ᱨᱮ ᱞᱳᱱᱟᱯᱯᱟᱱ ᱥᱮᱞᱮᱫ ᱢᱮᱱᱟᱜᱼᱟ ᱾

ᱩᱱᱤ ᱫᱚ ᱛᱟᱢᱤᱞ ᱥᱤᱱᱮᱢᱟ ᱨᱮᱦᱚᱸᱭ ᱵᱚᱞᱚ ᱞᱮᱱᱟ ᱡᱟᱦᱟᱸ ᱨᱮ ᱜᱳᱠᱩᱞᱟᱢ, ᱯᱩᱨᱩᱥᱟᱞᱟᱠᱥᱟᱱᱟᱢ, ᱯᱨᱤᱭᱟᱝᱠᱟ, ᱠᱳᱞᱟᱝᱜᱟᱞ, ᱢᱩᱨᱟᱭ ᱢᱟᱢᱢᱟᱱ ᱟᱨ ᱯᱟᱛᱷᱤᱱᱤ ᱨᱮᱱᱟᱜ ᱨᱳᱞ ᱠᱚ ᱥᱮᱞᱮᱫ ᱢᱮᱱᱟᱜᱼᱟ ᱾ ᱩᱱᱤ ᱫᱚ ᱠᱚᱢᱚᱞ ᱦᱟᱥᱚᱱ-ᱟᱜ ᱛᱷᱮᱱᱟᱞᱤ ᱟᱨ ᱯᱟᱧᱪᱟᱛᱷᱟᱱᱛᱷᱤᱨᱟᱢ ᱨᱮ ᱰᱨ ᱠᱟᱭᱞᱟᱥ ᱟᱨ ᱟᱭᱭᱟᱯᱯᱟᱱ ᱱᱟᱭᱚᱨ ᱟᱜ ᱨᱳᱞ ᱮ ᱠᱚᱨᱟᱣ ᱞᱮᱫᱟ ᱾ ᱩᱱᱠᱤᱱ ᱫᱚ ᱯᱩᱭᱞᱩ ᱫᱷᱟᱣ ᱤᱥᱠᱨᱤᱱ ᱨᱮ ᱪᱟᱱᱟᱠᱭᱟᱱ (᱑᱙۸᱙) ᱨᱮᱠᱤᱱ ᱧᱮᱞ ᱞᱮᱱᱟ ᱾ ᱱᱟᱦᱟᱜ ᱨᱮ, ᱩᱱᱤ ᱫᱚ ᱛᱟᱢᱤᱞ ᱨᱮ ᱟᱭᱢᱟ ᱥᱟᱯᱳᱨᱴᱤᱝ ᱨᱳᱞ ᱮ ᱠᱚᱨᱟᱣ ᱟᱠᱟᱫᱟ, ᱡᱮᱞᱮᱠᱟ ᱥᱟᱨᱳᱡᱟ ᱟᱨ ᱫᱷᱟᱢ ᱫᱷᱩᱢ ᱨᱮ ᱵᱷᱤᱞᱮᱱ ᱨᱳᱞ ᱠᱚ, ᱟᱨ ᱮᱜᱟᱱ ᱨᱮ ᱢᱤᱫ ᱠᱳᱢᱤᱠ ᱨᱳᱞ ᱾

ᱟᱡᱟᱜ ᱢᱩᱵᱷᱤ ᱠᱚ ᱢᱩᱫᱽ ᱨᱮ ᱢᱟᱱᱟᱥᱥᱤᱱᱟᱠᱠᱟᱨᱮ (᱒᱐᱐᱓), ᱱᱡᱟᱱ ᱥᱟᱞᱯᱮᱨᱩ ᱨᱟᱢᱟᱱ ᱠᱩᱴᱴᱤ (᱒᱐᱐᱔), ᱯᱷᱤᱝᱜᱟᱨ ᱯᱨᱤᱱᱴ (᱒᱐᱐᱕), ᱮᱞᱤᱥ ᱤᱱ ᱣᱟᱱᱰᱟᱨᱞᱮᱱᱰ (᱒᱐᱐᱕), ᱢᱟᱫᱷᱩᱪᱟᱱᱫᱽᱨᱟᱞᱮᱠᱷᱟ (᱒᱐᱐᱖), ᱢᱩᱱᱱᱟᱢᱟᱛᱷᱳᱨᱟᱞ (᱒᱐᱐᱖), ᱟᱨ ᱟᱱᱪᱟᱞ ᱳᱨᱟᱞ ᱟᱨᱡᱩᱱᱟᱱ (᱒᱐᱐᱗) ᱥᱮᱞᱮᱫ ᱢᱮᱱᱟᱜᱼᱟ ᱾ ᱒᱐᱐᱘ ᱨᱮᱱᱟᱜ ᱛᱟᱞᱟ ᱨᱮ, ᱩᱱᱤ ᱫᱚ ᱟᱠᱠᱩ ᱟᱠᱵᱟᱨ ᱟᱜ ᱵᱷᱮᱨᱩᱛᱷᱮ ᱳᱨᱩ ᱵᱷᱟᱨᱭᱟ (᱒᱐᱐᱘) ᱟᱨ ᱛᱷᱩᱯᱯᱟᱠᱠᱤ (᱒᱐᱑᱒) ᱨᱮ ᱥᱩᱜᱩᱱᱟᱱ ᱟᱜ ᱨᱳᱞ ᱮ ᱠᱚᱨᱟᱣ ᱞᱮᱫᱟ, ᱡᱟᱦᱟᱸ ᱫᱚ ᱩᱱᱤ ᱢᱟᱞᱟᱭᱟᱞᱟᱢ ᱟᱨ ᱛᱟᱢᱤᱞ ᱯᱷᱤᱞᱢ ᱠᱚ ᱨᱮᱱ ᱢᱤᱫ ᱢᱩᱬᱩᱛ ᱠᱳᱢᱮᱰᱤ ᱟᱠᱴᱚᱨ ᱞᱮᱠᱟᱛᱮ ᱟᱡ ᱛᱮᱭ ᱛᱷᱟᱯᱚᱱ ᱠᱮᱫᱮᱭᱟ ᱾

᱒᱐᱐᱘ ᱥᱟᱞᱮ ᱨᱮ, ᱩᱱᱤ ᱫᱚ ᱢᱤᱫ ᱥᱤᱨᱤᱡᱽ ᱠᱚᱢᱟᱨᱥᱤᱭᱟᱞ ᱯᱷᱞᱚᱯ ᱛᱟᱭᱚᱢ ᱵᱷᱮᱨᱩᱛᱷᱮ ᱳᱨᱩ ᱵᱷᱟᱨᱭᱟ (᱒᱐᱐᱘) ᱯᱷᱤᱞᱢ ᱥᱟᱶᱛᱮ ᱠᱟᱢᱵᱮᱠ ᱮ ᱠᱚᱨᱟᱣ ᱞᱮᱫᱟ, ᱡᱟᱦᱟᱸ ᱫᱚ ᱵᱚᱠᱥ ᱚᱯᱷᱤᱥ ᱨᱮ ᱢᱤᱫ ᱠᱨᱤᱴᱤᱠᱟᱞ ᱟᱨ ᱠᱚᱢᱟᱨᱥᱤᱭᱟᱞ ᱥᱟᱠᱥᱮᱥ ᱛᱟᱦᱮᱸ ᱠᱟ খন ᱾[᱑᱗][᱑᱘][᱑᱙][᱒᱐][᱒᱑]

᱒᱐᱐᱙ ᱨᱮ, ᱩᱱᱤ ᱫᱚ ᱥᱟᱛᱷᱭᱟᱱ ᱟᱱᱛᱷᱤᱠᱠᱟᱰ ᱟᱜ ᱵᱷᱟᱜᱽᱭᱟᱫᱮᱵᱷᱟᱛᱷᱟ ᱨᱮᱭ ᱯᱟᱨᱯᱷᱚᱨᱢ ᱞᱮᱫᱟ, ᱡᱟᱦᱟᱸ ᱫᱚ ᱢᱤᱫ ᱠᱚᱢᱟᱨᱥᱤᱭᱟᱞ ᱥᱟᱠᱥᱮᱥ ᱛᱟᱦᱮᱸ ᱠᱟᱱᱟ[᱒᱒][᱒᱓][᱑᱕][᱒᱔] ᱟᱨ ᱒᱐᱑᱐ ᱨᱮ ᱦᱮᱯᱯᱤ ᱦᱟᱥᱵᱮᱱᱰᱥ, ᱡᱟᱦᱟᱸ ᱫᱚ ᱢᱤᱫ ᱠᱚᱢᱟᱨᱥᱤᱭᱟᱞ ᱥᱟᱠᱥᱮᱥ ᱛᱟᱦᱮᱸ ᱠᱟᱱᱟ ᱾[᱒᱕][᱒᱖][᱒᱗][᱒᱘][᱒᱙] ᱩᱱᱤ ᱫᱚ ᱛᱟᱭᱚᱢ ᱛᱮ ᱠᱟᱫᱷᱟ ᱛᱷᱩᱫᱟᱨᱩᱱᱱᱩ ᱞᱟᱹᱜᱤᱫ ᱥᱟᱛᱷᱭᱟᱱ ᱟᱱᱛᱷᱤᱠᱠᱟᱰᱩ ᱥᱟᱶᱮ ᱟᱠᱴᱤᱝ ᱞᱮᱫᱟ ᱾ ᱒᱐᱑᱑ ᱨᱮ, ᱩᱱᱤ ᱫᱚ ᱢᱮᱠᱟᱯ ᱢᱮᱱ ᱞᱮᱠᱟᱱ ᱠᱚᱢᱟᱨᱥᱤᱭᱟᱞ ᱥᱟᱠᱥᱮᱥᱯᱷᱩᱞ ᱯᱷᱤᱞᱢ ᱠᱚᱨᱮ ᱥᱮᱞᱮᱫ ᱞᱮᱱᱟᱭ, ᱥᱟᱶᱛᱮ ᱥᱤᱱᱤᱭᱟᱨᱥ ᱟᱨ ᱪᱟᱭᱱᱟ ᱴᱟᱣᱩᱱ ᱟᱨ ᱥᱣᱟᱯᱱᱟ ᱥᱟᱱᱪᱟᱨᱤ ᱨᱮ ᱠᱳᱢᱮᱰᱤ ᱨᱳᱞ ᱠᱚᱨᱮᱭ ᱟᱠᱴᱤᱝ ᱞᱮᱫᱟ ᱾[᱓᱐] ᱩᱱᱤ ᱫᱚ ᱚᱱᱟ ᱛᱟᱭᱚᱢ ᱟᱫᱩᱯᱩᱞᱤᱭᱟᱴᱴᱟᱢ (᱒᱐᱑᱖) ᱟᱨ ᱯᱟᱴᱴᱟᱵᱷᱤᱨᱟᱢᱟᱱ (᱒᱐᱑᱙) ᱞᱮᱠᱟᱱ ᱯᱷᱤᱞᱢ ᱠᱚᱨᱮᱭ ᱟᱠᱴᱤᱝ ᱞᱮᱫᱟ ᱾ ᱩᱱᱤ ᱫᱚ ᱢᱟᱱᱤ ᱨᱟᱛᱱᱟᱢ ᱟᱜ ᱱᱟᱜᱟᱢᱤᱭᱟᱹ ᱮᱠᱥᱚᱱ ᱮᱰᱵᱷᱮᱱᱪᱟᱨ ᱯᱳᱱᱱᱤᱭᱤᱱ ᱥᱮᱞᱵᱷᱟᱱ: ᱑ (᱒᱐᱒᱒) ᱟᱨ ᱯᱳᱱᱱᱤᱭᱤᱱ ᱥᱮᱞᱵᱷᱟᱱ: ᱒ (᱒᱐᱒᱓) ᱨᱮ ᱟᱡᱷᱣᱟᱨᱠᱠᱟᱰᱤᱭᱟᱱ ᱱᱟᱢᱵᱤ ᱩᱨᱯᱷ ᱛᱷᱤᱨᱩᱢᱟᱞᱟ ᱟᱜ ᱢᱤᱫ ᱢᱩᱬᱩᱛ ᱨᱳᱞ ᱮ ᱠᱚᱨᱟᱣ ᱞᱮᱫᱟ ᱾[᱓᱑] ᱒᱐᱒᱔ ᱨᱮᱱᱟᱜ ᱮᱛᱚᱦᱚᱵ ᱨᱮ ᱡᱚᱭᱨᱟᱢ, ᱢᱤᱫᱷᱩᱱ ᱢᱟᱱᱩᱭᱮᱞ ᱛᱷᱳᱢᱟᱥ ᱦᱚᱛᱮᱛᱮ ᱰᱟᱭᱨᱮᱠᱴ ᱟᱠᱟᱱ ᱟᱵᱽᱨᱟᱦᱟᱢ ᱳᱡᱽᱞᱟᱨ ᱨᱮ ᱢᱟᱞᱟᱭᱟᱞᱟᱢ ᱥᱤᱱᱮᱢᱟ ᱨᱮᱭ ᱨᱩᱣᱟᱹᱲ ᱮᱱᱟ ᱾ ᱢᱩᱵᱷᱤ ᱨᱮ ᱡᱚᱭᱨᱟᱢ ᱫᱚ ᱢᱤᱫ ᱵᱷᱮᱴᱮᱨᱟᱱ ᱠᱚᱯ, ᱟᱵᱽᱨᱟᱦᱟᱢ ᱳᱡᱽᱞᱟᱨ ᱞᱮᱠᱟᱛᱮ ᱢᱮᱱᱟᱭᱟ, ᱡᱟᱦᱟᱸᱭ ᱫᱚ ᱢᱤᱫ ᱥᱤᱨᱤᱭᱟᱞ ᱠᱤᱞᱟᱨ ᱮ ᱥᱮᱸᱫᱽᱨᱟᱭᱮ ᱠᱟᱱᱟ ᱾ ᱟᱵᱽᱨᱟᱦᱟᱢ ᱳᱡᱽᱞᱟᱨ ᱫᱚ ᱠᱨᱤᱴᱤᱠᱥ ᱠᱚ ᱴᱷᱮᱱ ᱠᱷᱚᱱ ᱢᱮᱥᱟᱞ ᱨᱤᱵᱷᱤᱣ ᱮ ᱧᱟᱢ ᱞᱮᱫᱟ ᱟᱨ ᱯᱷᱤᱞᱢ ᱫᱚ ᱟᱡᱟᱜ ᱨᱤᱞᱤᱡᱽ ᱨᱮᱱᱟᱜ ᱯᱩᱭᱞᱩ ᱓᱐ ᱫᱤᱱ ᱨᱮ ᱡᱮᱜᱮᱛ ᱡᱟᱠᱟᱛ ᱵᱚᱠᱥ ᱚᱯᱷᱤᱥ ᱠᱷᱚᱱ ᱔᱐.᱐᱕ ᱠᱳᱴᱤ ᱴᱟᱠᱟ ᱨᱮᱱᱟᱜ ᱴᱳᱴᱟᱞ ᱠᱚᱞᱮᱠᱥᱚᱱ ᱮ ᱠᱚᱨᱟᱣ ᱞᱮᱫᱟ ᱾ ᱯᱷᱤᱞᱢ ᱫᱚ ᱛᱷᱤᱭᱮᱴᱚᱨ ᱨᱮ ᱟᱡᱟᱜ ᱞᱟᱭᱤᱯᱷᱴᱟᱭᱤᱢ ᱨᱟᱱ ᱵᱷᱤᱛᱨᱤ ᱨᱮ ᱟᱡᱤᱡ ᱢᱩᱬᱩᱛ ᱟᱠᱴᱚᱨ ᱡᱚᱭᱨᱟᱢ ᱟᱜ ᱠᱮᱨᱤᱭᱚᱨ ᱨᱮ ᱡᱚᱛᱚ ᱚᱠᱛᱚ ᱨᱮᱱᱟᱜ ᱡᱚᱛᱚ ᱠᱷᱚᱱ ᱵᱟᱹᱲᱛᱤ ᱠᱟᱢᱟᱣ ᱟᱠᱟᱫ ᱥᱳᱞᱳ ᱯᱷᱤᱞᱢ ᱞᱮᱠᱟᱛᱮ ᱩᱰᱩᱠ ᱮᱱᱟ ᱾ ᱯᱷᱤᱞᱢ ᱨᱮᱱᱟᱜ ᱢᱩᱪᱟᱹᱫ ᱨᱮ ᱢᱤᱫ ᱥᱤᱠᱩᱣᱮᱞ ᱨᱮᱱᱟᱜ ᱤᱥᱟᱨᱟ ᱢᱮᱱᱟᱜᱼᱟ ᱟᱨ ᱡᱚᱭᱨᱟᱢ ᱫᱚ ᱯᱷᱤᱞᱢ ᱨᱮᱱᱟᱜ ᱥᱟᱠᱥᱮᱥ ᱛᱟᱭᱚᱢ ᱟᱵᱽᱨᱟᱦᱟᱢ ᱳᱡᱽᱞᱟᱨ ᱒ ᱮ ᱠᱚᱱᱯᱷᱟᱨᱢ ᱠᱮᱫᱟ ᱾

ᱱᱤᱡᱮᱨᱟᱜ ᱡᱤᱭᱚᱱ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱚᱭᱨᱟᱢ ᱫᱚ ᱗ ᱥᱮᱯᱴᱮᱢᱵᱚᱨ ᱑᱙᱙᱒ ᱨᱮ ᱟᱠᱴᱨᱮᱥ ᱯᱟᱨᱵᱚᱛᱤ ᱡᱚᱭᱨᱟᱢ ᱥᱟᱶᱮ ᱵᱟᱯᱞᱟ ᱮᱱᱟ ᱾[᱓᱒] ᱩᱱᱠᱤᱱ ᱨᱮᱱ ᱦᱚᱯᱚᱱ, ᱠᱟᱞᱤᱫᱟᱥ ᱡᱚᱭᱨᱟᱢ, ᱫᱚ ᱢᱤᱫ ᱟᱠᱴᱚᱨ ᱠᱟᱱᱟᱭ ᱟᱨ ᱒᱐᱐᱓ ᱨᱮ ᱟᱡᱟᱜ ᱫᱚᱥᱟᱨ ᱢᱩᱵᱷᱤ ᱮᱱᱴᱮ ᱵᱷᱤᱰᱩ ᱟᱯᱯᱩᱵᱷᱤᱱᱴᱮᱭᱩᱢ ᱞᱟᱹᱜᱤᱫ ᱡᱚᱛᱚ ᱠᱷᱚᱱ ᱱᱟᱯᱟᱭ ᱜᱤᱫᱽᱨᱟᱹ ᱟᱨᱴᱤᱥᱴ ᱞᱟᱹᱜᱤᱫ ᱡᱟᱹᱛᱤᱭᱟᱹᱨᱤ ᱯᱷᱤᱞᱢ ᱥᱤᱨᱯᱷᱟᱹ ᱮ ᱡᱤᱛᱠᱟᱹᱨ ᱞᱮᱱᱟ ᱾ [᱓᱓] ᱩᱱᱠᱤᱱ ᱡᱩᱨᱤ-ᱯᱟᱹᱨᱤ ᱨᱮᱱ ᱢᱤᱫ ᱦᱚᱯᱚᱱ ᱮᱨᱟ ᱦᱚᱸ ᱢᱮᱱᱟᱭᱟ, ᱢᱟᱞᱟᱵᱷᱤᱠᱟ ᱾[᱑] ᱱᱤᱛᱚᱜ, ᱱᱚᱶᱟ ᱜᱷᱟᱨᱚᱸᱡᱽ ᱫᱚ ᱵᱷᱟᱞᱟᱥᱟᱨᱟᱵᱷᱟᱠᱠᱟᱢ, ᱪᱮᱱᱱᱟᱭ, ᱛᱟᱢᱤᱞᱱᱟᱰᱩ ᱨᱮ ᱛᱟᱦᱮᱸᱱ ᱠᱟᱱᱟ ᱾[᱓᱔] ᱡᱚᱭᱨᱟᱢ ᱫᱚ ᱢᱤᱫ ᱴᱨᱮᱱᱰ ᱪᱮᱱᱰᱟ ᱨᱩᱨᱩᱭᱤᱡ ᱠᱟᱱᱟᱭ ᱟᱨ ᱡᱟᱣᱜᱮ ᱟᱭᱢᱟ ᱢᱚᱱᱫᱤᱨ ᱯᱟᱨᱟᱵᱽ ᱠᱚᱨᱮᱭ ᱯᱟᱨᱯᱷᱚᱨᱢᱟ ᱾[᱓᱕]

ᱯᱷᱤᱞᱢᱳᱜᱽᱨᱟᱯᱷᱤ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱚᱭᱨᱟᱢ ᱯᱷᱤᱞᱢᱳᱜᱽᱨᱟᱯᱷᱤ

ᱥᱤᱨᱯᱷᱟᱹ ᱠᱚ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱥᱤᱵᱷᱤᱞᱤᱭᱟᱱ ᱥᱤᱨᱯᱷᱟᱹ ᱠᱚ
  • ᱒᱐᱑᱑ – ᱯᱚᱫᱽᱢᱚ ᱥᱨᱤ[᱓᱖]
ᱠᱮᱨᱟᱞᱟ ᱯᱚᱱᱚᱛ ᱯᱷᱤᱞᱢ ᱥᱤᱨᱯᱷᱟᱹ ᱠᱚ
  • ᱑᱙᱙᱖ – ᱥᱯᱮᱥᱤᱭᱟᱞ ᱡᱩᱨᱤ ᱥᱤᱨᱯᱷᱟᱹ – ᱛᱷᱩᱵᱷᱟᱞ ᱠᱳᱴᱴᱟᱨᱟᱢ
  • ᱒᱐᱐᱐ – ᱫᱚᱥᱟᱨ ᱡᱚᱛᱚ ᱠᱷᱚᱱ ᱱᱟᱯᱟᱭ ᱟᱠᱴᱚᱨ – ᱥᱣᱟᱭᱟᱢᱵᱷᱟᱨᱟ ᱯᱟᱱᱛᱷᱟᱞ
  • ᱒᱐᱐᱑ – ᱥᱯᱮᱥᱤᱭᱟᱞ ᱡᱩᱨᱤ ᱥᱤᱨᱯᱷᱟᱹ – ᱥᱮᱥᱟᱢ
ᱛᱟᱢᱤᱞᱱᱟᱰᱩ ᱯᱚᱱᱚᱛ ᱯᱷᱤᱞᱢ ᱥᱤᱨᱯᱷᱟᱹ ᱠᱚ
  • ᱒᱐᱐᱐ – ᱥᱯᱮᱥᱤᱭᱟᱞ ᱥᱤᱨᱯᱷᱟᱹ – ᱛᱷᱮᱱᱟᱞᱤ
ᱯᱷᱤᱞᱢᱯᱷᱮᱭᱟᱨ ᱥᱤᱨᱯᱷᱟᱹ ᱠᱚ
  • ᱑᱙۹᱖ – ᱡᱚᱛᱚ ᱠᱷᱚᱱ ᱱᱟᱯᱟᱭ ᱟᱠᱴᱚᱨ – ᱛᱷᱩᱵᱷᱟᱞ ᱠᱳᱴᱴᱟᱨᱟᱢ[᱓᱗]
  • ᱒᱐᱐᱑ – ᱡᱚᱛᱚ ᱠᱷᱚᱱ ᱱᱟᱯᱟᱭ ᱟᱠᱴᱚᱨ – ᱛᱷᱤᱨᱛᱷᱟᱫᱟᱱᱟᱢ[᱓᱘]
  • ᱒᱐᱐᱒ – ᱡᱚᱛᱚ ᱠᱷᱚᱱ ᱱᱟᱯᱟᱭ ᱥᱟᱯᱳᱨᱴᱤᱝ ᱟᱠᱴᱚᱨ (ᱛᱟᱢᱤᱞ) – ᱯᱟᱧᱪᱟᱛᱷᱟᱱᱛᱷᱤᱨᱟᱢ[᱓᱙]
  • ᱒᱐᱐᱓ – ᱡᱚᱛᱚ ᱠᱷᱚᱱ ᱱᱟᱯᱟᱭ ᱟᱠᱴᱚᱨ – ᱢᱟᱱᱟᱥᱥᱤᱱᱟᱠᱠᱟᱨᱮ[᱔᱐]
ᱮᱥᱤᱭᱟᱱᱮᱴ ᱯᱷᱤᱞᱢ ᱥᱤᱨᱯᱷᱟᱹ ᱠᱚ
  • ᱑᱙᱙᱘ – ᱡᱚᱛᱚ ᱠᱷᱚᱱ ᱱᱟᱯᱟᱭ ᱟᱠᱴᱚᱨ ᱥᱤᱨᱯᱷᱟᱹ – ᱥᱱᱮᱦᱟᱢ
  • ᱒᱐᱐᱑ – ᱡᱚᱛᱚ ᱠᱷᱚᱱ ᱱᱟᱯᱟᱭ ᱟᱠᱴᱚᱨ ᱥᱤᱨᱯᱷᱟᱹ – ᱛᱷᱤᱨᱛᱷᱟᱫᱟᱱᱟᱢ, ᱩᱛᱷᱟᱢᱟᱱ
  • ᱒᱐᱐᱘ – ᱡᱚᱛᱚ ᱠᱷᱚᱱ ᱱᱟᱯᱟᱭ ᱯᱚᱯᱩᱞᱟᱨ ᱟᱠᱴᱚᱨ ᱥᱤᱨᱯᱷᱟᱹ – ᱵᱷᱮᱨᱩᱛᱷᱮ ᱳᱨᱩ ᱵᱷᱟᱨᱭᱟ
  • ᱒᱐᱑᱑ – ᱡᱚᱛᱚ ᱠᱷᱚᱱ ᱱᱟᱯᱟᱭ ᱯᱚᱯᱩᱞᱟᱨ ᱟᱠᱴᱚᱨ ᱥᱤᱨᱯᱷᱟᱹ – ᱥᱣᱟᱯᱱᱟ ᱥᱟᱱᱪᱟᱨᱤ
  • ᱒᱐᱑᱒ – ᱥᱯᱮᱥᱤᱭᱟᱞ ᱠᱚᱢᱳᱢᱳᱨᱮᱥᱚᱱ
  • ᱒᱐᱑᱔ – ᱥᱮᱨᱢᱟ ᱨᱮᱱᱤᱡ ᱜᱳᱞᱰᱮᱱ ᱤᱥᱴᱟᱨ
  • ᱒᱐᱑᱘ - ᱥᱮᱨᱢᱟ ᱨᱮᱱᱤᱡ ᱜᱳᱞᱰᱮᱱ ᱤᱥᱴᱟᱨ
ᱮᱥᱤᱭᱟᱱᱮᱴ ᱠᱳᱢᱮᱰᱤ ᱥᱤᱨᱯᱷᱟᱹ ᱠᱚ
  • ᱒᱐᱑᱕ - ᱡᱚᱛᱚ ᱠᱷᱚᱱ ᱱᱟᱯᱟᱭ ᱟᱠᱴᱚᱨ - ᱛᱷᱤᱝᱠᱟᱞ ᱢᱩᱛᱷᱟᱞ ᱵᱷᱮᱞᱞᱤ ᱵᱷᱟᱨᱮ
  • ᱒᱐᱑᱗ - ᱡᱚᱛᱚ ᱠᱷᱚᱱ ᱱᱟᱯᱟᱭ ᱟᱠᱴᱚᱨ - ᱟᱪᱟᱭᱟᱱᱥ
ᱮᱛᱚᱢ ᱥᱤᱧᱚᱛᱤᱭᱟᱹ ᱡᱮᱜᱮᱛᱟᱹᱨᱤ ᱢᱩᱵᱷᱤ ᱥᱤᱨᱯᱷᱟᱹ ᱠᱚ
  • ᱒᱐᱑᱒ – ᱱᱳᱢᱤᱱᱮᱴ – ᱡᱚᱛᱚ ᱠᱷᱚᱱ ᱱᱟᱯᱟᱭ ᱠᱳᱢᱮᱰᱤᱭᱟᱱ - ᱛᱟᱢᱤᱞ – ᱛᱷᱩᱯᱯᱟᱠᱠᱤ
  • ᱒᱐᱑᱙ – ᱱᱳᱢᱤᱱᱮᱴ – ᱱᱮᱜᱮᱴᱤᱵᱷ ᱨᱳᱞ ᱨᱮ ᱡᱚᱛᱚ ᱠᱷᱚᱱ ᱱᱟᱯᱟᱭ ᱟᱠᱴᱚᱨ ᱞᱟᱹᱜᱤᱫ SIIMA ᱥᱤᱨᱯᱷᱟᱹ – ᱛᱮᱞᱩᱜᱩ ᱞᱟᱹᱜᱤᱫ ᱵᱷᱟᱜᱟᱢᱟᱛᱷᱤ
  • ᱒᱐᱒᱑ – ᱡᱤᱛᱠᱟᱹᱨ – ᱥᱯᱮᱥᱤᱭᱟᱞ ᱮᱯᱨᱤᱥᱤᱭᱮᱥᱚᱱ ᱥᱤᱨᱯᱷᱟᱹ ᱞᱟᱹᱜᱤᱫ ᱱᱟᱢᱳ
  • ᱒᱐᱒᱓ – ᱱᱳᱢᱤᱱᱮᱴ – ᱱᱮᱜᱮᱴᱤᱵᱷ ᱨᱳᱞ ᱨᱮ ᱡᱚᱛᱚ ᱠᱷᱚᱱ ᱱᱟᱯᱟᱭ ᱟᱠᱴᱚᱨ ᱞᱟᱹᱜᱤᱫ SIIMA ᱥᱤᱨᱯᱷᱟᱹ – ᱛᱮᱞᱩᱜᱩ ᱞᱟᱹᱜᱤᱫ ᱫᱷᱟᱢᱟᱠᱟ
ᱮᱴᱟᱜ ᱥᱤᱨᱯᱷᱟᱹ ᱠᱚ
  • ᱑᱙᱙᱓ – ᱡᱚᱛᱚ ᱠᱷᱚᱱ ᱱᱟᱯᱟᱭ ᱱᱟᱣᱟ ᱢᱮᱱᱦᱟᱸ ᱟᱠᱴᱚᱨ ᱞᱟᱹᱜᱤᱫ ᱥᱤᱱᱮᱢᱟ ᱮᱠᱥᱯᱨᱮᱥ ᱥᱤᱨᱯᱷᱟᱹ (ᱛᱟᱢᱤᱞ) ᱞᱟᱹᱜᱤᱫ ᱜᱳᱠᱩᱞᱟᱢ
  • ᱑᱙᱙᱖ – ᱥᱤᱱᱤ ᱡᱚᱛᱚ ᱠᱷᱚᱱ ᱱᱟᱯᱟᱭ ᱟᱠᱴᱚᱨ ᱥᱤᱨᱯᱷᱟᱹ ᱞᱟᱹᱜᱤᱫ ᱛᱷᱩᱵᱷᱟᱞ ᱠᱳᱴᱴᱟᱨᱟᱢ
  • ᱑᱙᱙᱖ – ᱨᱳᱴᱟᱨᱤ ᱠᱞᱚᱵᱽ ᱥᱤᱨᱯᱷᱟᱹ ᱞᱟᱹᱜᱤᱫ ᱛᱷᱩᱵᱷᱟᱞ ᱠᱳᱴᱴᱟᱨᱟᱢ
  • ᱒᱐᱐᱒ – ᱢᱟᱛᱷᱨᱩᱵᱷᱩᱢᱤ - ᱢᱮᱰᱤᱢᱤᱠᱥ ᱯᱷᱤᱞᱢ ᱥᱤᱨᱯᱷᱟᱹ ᱡᱚᱛᱚ ᱠᱷᱚᱱ ᱱᱟᱯᱟᱭ ᱟᱠᱴᱚᱨ ᱞᱟᱹᱜᱤᱫ ᱛᱷᱤᱨᱛᱷᱟᱫᱟᱱᱟᱢ[᱔᱑]
  • ᱒᱐᱐᱒ – ᱵᱷᱤ. ᱥᱟᱱᱛᱟᱨᱟᱢ ᱥᱤᱨᱯᱷᱟᱹ ᱞᱟᱹᱜᱤᱫ ᱥᱮᱥᱟᱢ[᱔᱒]
  • ᱒᱐᱐᱒ – ᱥᱤᱱᱮᱢᱟ ᱮᱠᱥᱯᱨᱮᱥ ᱥᱤᱨᱯᱷᱟᱹ ᱡᱚᱛᱚ ᱠᱷᱚᱱ ᱱᱟᱯᱟᱭ ᱟᱠᱴᱚᱨ ᱞᱟᱹᱜᱤᱫ ᱥᱮᱥᱟᱢ[᱔᱓]
  • ᱒᱐᱐᱕ – ᱡᱚᱛᱚ ᱠᱷᱚᱱ ᱱᱟᱯᱟᱭ ᱰᱮᱭᱨᱤ ᱯᱷᱟᱨᱢᱟᱨ ᱥᱤᱨᱯᱷᱟᱹ ᱰᱤᱯᱟᱨᱴᱢᱮᱱᱴ ᱚᱯᱷ ᱮᱜᱽᱨᱤᱠᱟᱞᱪᱟᱨ ᱰᱮᱵᱷᱮᱞᱚᱯᱢᱮᱱᱴ ᱮᱱᱰ ᱯᱷᱟᱨᱢᱟᱨᱥ ᱣᱮᱞᱯᱷᱮᱭᱟᱨ (ᱠᱮᱨᱟᱞᱟ) ᱦᱚᱛᱮᱛᱮ[᱔᱔]
  • ᱒᱐᱐᱘ – ᱡᱮ. ᱥᱤ. ᱰᱮᱱᱤᱭᱮᱞ ᱯᱷᱟᱣᱩᱱᱰᱮᱥᱚᱱ ᱥᱤᱨᱯᱷᱟᱹ ᱡᱚᱛᱚ ᱠᱷᱚᱱ ᱱᱟᱯᱟᱭ ᱟᱠᱴᱚᱨ ᱞᱟᱹᱜᱤᱫ ᱟᱡᱟᱜ ᱯᱟᱨᱯᱷᱚᱨᱢᱟᱱᱥ ᱞᱟᱹᱜᱤᱫ ᱵᱷᱮᱨᱩᱛᱷᱮ ᱳᱨᱩ ᱵᱷᱟᱨᱭᱟ ᱨᱮ
  • ᱒᱐᱑᱑ – ᱥᱟᱛᱷᱭᱟᱱ ᱥᱤᱨᱯᱷᱟᱹ ᱞᱟᱭᱤᱯᱷᱴᱟᱭᱤᱢ ᱟᱪᱤᱵᱷᱢᱮᱱᱴ ᱞᱟᱹᱜᱤᱫ[᱔᱕]
  • ᱒᱐᱑᱑ – ᱡᱚᱭᱦᱤᱱᱫᱽ ᱴᱤᱵᱷᱤ ᱯᱷᱤᱞᱢ ᱥᱤᱨᱯᱷᱟᱹ ᱡᱚᱛᱚ ᱠᱷᱚᱱ ᱱᱟᱯᱟᱭ ᱟᱠᱴᱚᱨ ᱞᱟᱹᱜᱤᱫ ᱠᱟᱫᱷᱟ ᱛᱷᱩᱫᱟᱨᱩᱱᱱᱩ ᱨᱮ
  • ᱒᱐᱑᱒ – ᱡᱚᱛᱚ ᱠᱷᱚᱱ ᱱᱟᱯᱟᱭ ᱰᱮᱭᱨᱤ ᱯᱷᱟᱨᱢᱟᱨ ᱥᱤᱨᱯᱷᱟᱹ ᱰᱤᱯᱟᱨᱴᱢᱮᱱᱴ ᱚᱯᱷ ᱮᱜᱽᱨᱤᱠᱟᱞᱪᱟᱨ ᱰᱮᱵᱷᱮᱞᱚᱯᱢᱮᱱᱴ ᱮᱱᱰ ᱯᱷᱟᱨᱢᱟᱨᱥ ᱣᱮᱞᱯᱷᱮᱭᱟᱨ (ᱠᱮᱨᱟᱞᱟ) ᱦᱚᱛᱮᱛᱮ[᱔᱔]
  • ᱒᱐᱑᱔ – ᱵᱷᱟᱭᱟᱞᱟᱨ ᱯᱷᱤᱞᱢ ᱥᱤᱨᱯᱷᱟᱹ ᱡᱚᱛᱚ ᱠᱷᱚᱱ ᱱᱟᱯᱟᱭ ᱟᱠᱴᱚᱨ ᱞᱟᱹᱜᱤᱫ ᱱᱟᱫᱟᱱ ᱟᱨ ᱥᱣᱟᱯᱟᱱᱟᱢ ᱨᱮ[᱔᱖]
  • ᱒᱐᱑᱔ – ᱮᱢ. ᱠᱮ. ᱠᱮ. ᱱᱟᱭᱚᱨ ᱯᱩᱨᱟᱥᱠᱟᱨᱟᱢ ᱠᱮᱨᱟᱞᱟ ᱠᱟᱞᱟᱢᱟᱱᱰᱟᱞᱟᱢ ᱦᱚᱛᱮᱛᱮ
  • ᱒᱐᱑᱔ – ᱯᱨᱟᱵᱷᱟᱥᱤ ᱠᱟᱞᱟᱥᱨᱤ ᱥᱤᱨᱯᱷᱟᱹ ᱠᱮᱨᱟᱞᱟ ᱥᱚᱝᱜᱤᱛᱷᱟ ᱱᱟᱴᱟᱠᱟ ᱮᱠᱟᱰᱮᱢᱤ ᱦᱚᱛᱮᱛᱮ ᱪᱮᱱᱰᱟ ᱢᱮᱞᱟᱢ ᱞᱟᱹᱜᱤᱫ[᱔᱗]
  • ᱒᱐۲᱑ – ᱡᱤᱛᱠᱟᱹᱨ ᱥᱯᱮᱥᱤᱭᱟᱞ ᱢᱮᱱᱥᱚᱱ ᱯᱚᱱᱚᱛ-ᱛᱷᱚᱠ ᱯᱷᱟᱨᱢ ᱥᱤᱨᱯᱷᱟᱹ ᱠᱚᱨᱮ ᱰᱤᱯᱟᱨᱴᱢᱮᱱᱴ ᱚᱯᱷ ᱮᱜᱽᱨᱤᱠᱟᱞᱪᱟᱨ ᱰᱮᱵᱷᱮᱞᱚᱯᱢᱮᱱᱴ ᱮᱱᱰ ᱯᱷᱟᱨᱢᱟᱨᱥ ᱣᱮᱞᱯᱷᱮᱭᱟᱨ (ᱠᱮᱨᱟᱞᱟ) ᱦᱚᱛᱮᱛᱮ[᱔᱘]
  • ᱒᱐᱒᱒ – ᱡᱚᱛᱚ ᱠᱷᱚᱱ ᱱᱟᱯᱟᱭ ᱯᱷᱟᱨᱢᱟᱨ ᱥᱤᱨᱯᱷᱟᱹ ᱰᱤᱯᱟᱨᱴᱢᱮᱱᱴ ᱚᱯᱷ ᱮᱜᱽᱨᱤᱠᱟᱞᱪᱟᱨ ᱰᱮᱵᱷᱮᱞᱚᱯᱢᱮᱱᱴ ᱮᱱᱰ ᱯᱷᱟᱨᱢᱟᱨᱥ ᱣᱮᱞᱯᱷᱮᱭᱟᱨ (ᱠᱮᱨᱟᱞᱟ) ᱦᱚᱛᱮᱛᱮ[᱔᱙]

ᱥᱟᱹᱠᱷᱭᱟᱹᱛ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
  1. 1 2 "Profile". jayaramonline.com. Archived from the original on 15 March 2018.
  2. ↑ "Jayaram completes 200 films". Indiaglitz.com. 23 January 2015. Archived from the original on 6 August 2016. Retrieved 1 June 2016.
  3. 1 2 3 "Malayalam superstar Jayaram has a net worth of Rs 10 crore; know all the expensive things owned by the actor". www.timesnownews.com (in ᱟᱝᱜᱽᱨᱮᱡᱤ). 2021-12-10. Retrieved 2024-07-11.
  4. ↑ Thomas, Elizabeth (13 April 2018). "30 glorious years". Deccan Chronicle. Archived from the original on 15 April 2018. Retrieved 15 April 2018.
  5. ↑ "Happy Birthday Jayaram: Iconic films of the actor that will make you LOL". mirchi.in (in ᱟᱝᱜᱽᱨᱮᱡᱤ). Retrieved 2024-07-11.
  6. ↑ "CINIDIARY - A Complete Online Malayalam Cinema News Portal". cinidiary.com. Archived from the original on 18 May 2015. Retrieved 6 May 2015.
  7. ↑ "Jayaram interview | memories with director Padmarajan". amritatv. Archived from the original on 10 March 2016. Retrieved 17 September 2015.
  8. ↑ Chandra Kumar, Sujit (29 October 2015). "An obsession that's too big". Deccan Chronicle. Archived from the original on 6 July 2017. Retrieved 6 July 2017.
  9. ↑ "ജയറാമിന്റെ സിനിമാപ്രവേശം, ഒപ്പം പത്മരാജന്റെ ഓര്‍മ്മകളും-നക്ഷത്രപ്പിറവിI Nakshathrappiravi". YouTube. 28 October 2017. Archived from the original on 11 October 2020. Retrieved 2 March 2018.
  10. ↑ "Completes 25 years in cinema: Jayaram". Asianet. 1 December 2013. Archived from the original on 8 March 2018. Retrieved 8 March 2018.
  11. ↑ "Mani C Kappan to give K M Mani tight fight in Pala". Deccan Chronicle. 1 April 2016. Archived from the original on 8 March 2018. Retrieved 8 March 2018.
  12. ↑ "Dhanush marks his 25th film Velaiyilla Pattathari". Khaleej Times. 17 July 2014. Archived from the original on 9 March 2018. Retrieved 8 March 2018.
  13. ↑ "Official Website of Information And Public Relation Department of Kerala". Prd.kerala.gov.in. Archived from the original on 3 ᱢᱟᱨᱪ 2016. Retrieved 5 ᱡᱩᱱ 2011.
  14. ↑ "Grill Mill — Sukanya". The Hindu. 11 February 2010. Archived from the original on 9 November 2022. Retrieved 8 March 2018.
  15. 1 2 "Jayaram, Mamta in Kadha Thudarunnu". Rediff.com. 30 March 2010. Archived from the original on 6 August 2018. Retrieved 8 March 2018.
  16. ↑ "Porn again". India Today. 26 June 2000. Archived from the original on 3 January 2018. Retrieved 8 March 2018.
  17. ↑ "Jayaram joins hands with Kamal after 12 years". Rediff. 9 August 2011. Archived from the original on 16 January 2018. Retrieved 8 March 2018.
  18. ↑ "Sathyan & Jayaram are back!". Sify. 23 October 2008. Archived from the original on 17 January 2018. Retrieved 8 March 2018.
  19. ↑ KERALA (29 December 2008). "Mollywood: more flops than hits in 2008 - KERALA". The Hindu. Archived from the original on 11 October 2020. Retrieved 2016-12-01.
  20. ↑ Friday Review (16 October 2008). "Sweet smile of success - TVDM". The Hindu. Archived from the original on 11 October 2020. Retrieved 2016-12-01.
  21. ↑ "Dileep-Gopika jodi returns - Rediff.com Movies". Rediff.com. 2009-09-18. Archived from the original on 16 January 2018. Retrieved 2016-12-01.
  22. ↑ "KBO- Summer Box- Office ( May 1 to June 11)". Sify. 24 June 2009. Archived from the original on 9 August 2018. Retrieved 8 March 2018.
  23. ↑ "A Jayaram double whammy!". Rediff.com. 29 March 2009. Archived from the original on 16 November 2017. Retrieved 8 March 2018.
  24. ↑ Moviebuzz (2 January 2010). "2009- A Flashback!". Sify. Archived from the original on 26 November 2016. Retrieved 8 March 2018.
  25. ↑ "Kerala Box Office - Feb 1 to 15". Sify. 19 February 2010. Archived from the original on 8 March 2018. Retrieved 8 March 2018.
  26. ↑ "Kerala Box-Office- March 1 to April 13". Sify. 15 April 2010. Archived from the original on 12 June 2018. Retrieved 8 March 2018.
  27. ↑ "Kerala Box Office- Dec 2009 - Jan 2010". Sify. 11 February 2010. Archived from the original on 9 March 2018. Retrieved 8 March 2018.
  28. ↑ "Meera Jasmine survives gossips again!". The New Indian Express. 5 May 2010. Archived from the original on 11 June 2016. Retrieved 8 March 2018.
  29. ↑ "Friday Rushes". The Hindu. 17 September 2010. Archived from the original on 11 October 2020. Retrieved 8 March 2018.
  30. ↑ "2011 സംവിധാനം ചെയ്തത്" [Those (films) which were directed in 2011] (in ᱢᱟᱞᱟᱭᱟᱞᱟᱹᱢ). Malayala Manorama. Archived from the original on 7 February 2012. Retrieved 5 February 2012.
  31. ↑ "Jayaram's new look for Ponniyin Selvan!". The Times of India (in ᱟᱝᱜᱽᱨᱮᱡᱤ). Retrieved 2020-10-24.
  32. ↑ "I contemplated going in for a name change during the shoot of Uttama Villain: Parvathy Nair". The Times of India. 2014-07-07. ISSN 0971-8257. Retrieved 2024-07-11.
  33. ↑ National film awards announced. Deccan Herald (15 August 2004)
  34. ↑ "Film Star Jayaram's House attacked and torched- Karunanidhi condemned". asiantribune.com. Archived from the original on 4 March 2016. Retrieved 17 September 2015.
  35. ↑ "Jayaram to make his Pandimelam debut at Panachikkadu temple". The New Indian Express. 23 May 2017. Retrieved 2023-09-01.
  36. ↑ "Govt announces Padma Awards". Ndtv.com. 25 January 2011. Archived from the original on 24 September 2014. Retrieved 5 June 2011.
  37. ↑ "Filmfare - South Special". Filmfare. 5 July 1998. Archived from the original on 5 July 1998. Retrieved 8 July 2016.
  38. ↑ "Nuvvu Nenu wins 4 Filmfare awards - The Times of India". The Times of India. 6 April 2002. Archived from the original on 4 January 2017. Retrieved 8 July 2016.
  39. ↑ "Manikchand Filmfare Awards: Sizzling at 50". BSNL. Archived from the original on 21 ᱡᱩᱞᱟᱭ 2011. Retrieved 19 ᱚᱠᱴᱚᱵᱚᱨ 2009.
  40. ↑ "Pithamagan sweeps FilmFare Awards". IndiaGlitz.com. Archived from the original on 13 June 2011. Retrieved 2014-12-13.
  41. ↑ "Jayaram receives 'best actor' award". The Times of India. 2002-04-02. Retrieved 2024-07-30.
  42. ↑ Ashok Kumar, S. R. (2010-01-28). "Grill Mill - Jayaram". The Hindu. Archived from the original on 2024-07-30. Retrieved 2024-07-30.
  43. ↑ "'Kannathil Muthamittal' bags 6 Cinema Express awards". The Hindu. 2002-12-22. Archived from the original on 7 June 2014. Retrieved 5 February 2018.
  44. 1 2 "'Lost 22 cows six years ago', Jayaram hands over Rs 5 lakh to Mathew Benny". On Manorama. 2024-01-02. Archived from the original on 2024-01-02. Retrieved 2024-07-30.
  45. ↑ "Sathyan Awards 2011". kottaka.com. Archived from the original on 25 ᱚᱠᱴᱚᱵᱚᱨ 2011.
  46. ↑ "Vayalar Film awards announced". Jerin T Sam. metromatinee.com. 7 ᱢᱮ 2014. Archived from the original on 8 ᱢᱮ 2014. Retrieved 7 ᱢᱮ 2014.
  47. ↑ "An immensely valuable award, says Jayaram". On Manorama. 2014-12-03. Retrieved 2024-07-30.
  48. ↑ "State Farm Awards announced". The Hindu. 2022-03-18. Archived from the original on 2022-04-22. Retrieved 2024-07-30.
  49. ↑ "Actor Jayaram Wins Best Farmer Award At Kerala's State Farm Awards". CNN-News18. 2022-08-19. Archived from the original on 2022-10-02. Retrieved 2024-07-30.

ᱵᱟᱦᱨᱮ ᱡᱚᱱᱚᱲ ᱠᱚ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
"https://sat.wikipedia.org/w/index.php?title=ᱡᱚᱭᱨᱟᱢ&oldid=198638" ᱠᱷᱚᱱ ᱧᱟᱢ ᱟᱹᱜᱩᱭ