ᱵᱷᱚᱱᱯᱩᱨ
ᱵᱷᱚᱱᱯᱩᱨ | |
|---|---|
ᱟᱹᱛᱩ | |
ᱵᱷᱚᱱᱯᱩᱨ ᱯᱚᱪᱷᱤᱢ ᱵᱟᱝᱞᱟ, ᱵᱷᱟᱨᱚᱛ ᱨᱮ ᱴᱷᱟᱶ ᱵᱷᱚᱱᱯᱩᱨ ᱵᱷᱚᱱᱯᱩᱨ (India) | |
| ᱠᱳᱣᱚᱨᱰᱤᱱᱮᱴᱥ: 23°08′23″N 88°12′24″E / 23.1396468°N 88.2066305°E | |
| ᱫᱤᱥᱚᱢ | |
| ᱯᱚᱱᱚᱛ | ᱯᱚᱪᱷᱤᱢ ᱵᱟᱝᱞᱟ |
| ᱡᱤᱞᱟᱹ | ᱦᱩᱜᱽᱞᱤ |
| ᱩᱥᱩᱞ | 20 ᱢᱤᱴᱚᱨ (70 ᱯᱷᱩᱴ) |
| ᱦᱚᱲ ᱮᱞ (᱒᱐᱑᱑) | |
• ᱜᱩᱴ | ᱑᱕᱗᱒ |
| ᱯᱟᱹᱨᱥᱤ ᱠᱚ | |
| • ᱚᱯᱷᱤᱥᱤᱭᱟᱞ | ᱵᱟᱝᱞᱟ, ᱤᱝᱞᱤᱥ |
| ᱚᱠᱛᱚ ᱴᱚᱴᱷᱟ | ᱭᱩ.ᱴᱤ.ᱥᱤ+᱕:᱓᱐ (IST) |
| PIN | ᱗᱑᱒᱑᱓᱔ |
| ᱴᱮᱞᱤᱯᱷᱳᱱ ᱠᱳᱰ | ᱐᱓᱒᱑᱓ |
| ᱟᱭ.ᱮᱥ.ᱳ ᱓᱑᱖᱖ ᱠᱳᱰ | IN-WB |
ᱵᱷᱚᱱᱯᱩᱨ/ᱵᱷᱩᱸᱯᱩᱨ (Bhonpur) ᱫᱚ ᱵᱷᱟᱨᱚᱛ ᱨᱮᱱᱟᱜ ᱯᱚᱪᱷᱤᱢ ᱵᱟᱝᱞᱟ ᱨᱮᱭᱟᱜ ᱦᱩᱜᱽᱞᱤ ᱡᱤᱞᱟᱹ ᱨᱮ ᱢᱮᱱᱟᱜ ᱵᱟᱭᱱᱪᱤ ᱥᱩᱨ ᱨᱮᱱᱟᱜ ᱢᱤᱫ ᱟᱹᱛᱩ ᱠᱟᱱᱟ ᱾ ᱱᱚᱣᱟ ᱫᱚ ᱯᱟᱱᱰᱩᱣᱟ ᱛᱷᱟᱱᱟ ᱟ interior ᱨᱮ ᱦᱤᱡᱩᱜ-ᱟ ᱾ ᱱᱚᱣᱟ ᱟᱹᱛᱩ ᱫᱚ ᱱᱚᱣᱟ ᱮᱞᱟᱠᱟ ᱨᱮᱱᱟᱜ ᱢᱩᱺᱲᱩᱛ ᱱᱟᱜᱟᱨ ᱵᱟᱭᱱᱪᱤ ᱠᱷᱚᱱ ᱓ ᱠᱤᱞᱚᱢᱤᱴᱚᱨ ᱥᱟᱹᱜᱤᱧ ᱨᱮ ᱢᱮᱱᱟᱜ-ᱟ ᱾
ᱟᱹᱛᱩ ᱧᱩᱛᱩᱢ ᱨᱮᱱᱟᱜ ᱥᱤᱨᱡᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱞᱟᱹᱭᱩᱜ-ᱟ ᱡᱮ ᱦᱟᱥᱟ ᱪᱮᱛᱟᱱ ᱨᱮ ᱢᱤᱫᱴᱟᱝ ᱫᱷᱤᱨᱤ ᱚᱰᱚᱠ ᱞᱮᱱᱟ ᱾ ᱛᱷᱟᱱᱤᱛ ᱯᱟᱹᱨᱥᱤ ᱛᱮ ᱦᱟᱥᱟ ᱫᱚ ᱵᱷᱩᱸᱭ (ভুঁই) ᱠᱚ ᱢᱮᱛᱟᱜ-ᱟ ᱾ ᱚᱱᱟ ᱛᱮ ᱱᱚᱣᱟ ᱟᱹᱛᱩ ᱨᱮᱱᱟᱜ ᱧᱩᱛᱩᱢ ᱫᱚ ᱵᱷᱚᱱᱯᱩᱨ ᱦᱩᱭ ᱟᱠᱟᱱᱟ ᱾
ᱥᱤᱠᱷᱱᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱚᱰᱮ ᱵᱟᱨᱭᱟ ᱯᱨᱟᱭᱢᱟᱨᱤ ᱥᱠᱩᱞ ᱟᱨ ᱢᱤᱫᱴᱟᱝ ᱦᱟᱭᱟᱨ ᱥᱮᱠᱮᱱᱰᱟᱨᱤ ᱥᱠᱩᱞ ᱢᱮᱱᱟᱜ-ᱟ ᱾ ᱦᱟᱭᱟᱨ ᱥᱮᱠᱮᱱᱰᱟᱨᱤ ᱥᱠᱩᱞ ᱨᱮᱱᱟᱜ ᱧᱩᱛᱩᱢ ᱫᱚ ᱵᱷᱚᱱᱯᱩᱨ ᱡᱚᱜᱽᱱᱮᱥᱣᱚᱨ ᱵᱤᱫᱽᱭᱟᱯᱤᱴᱷ (ᱮᱦᱚᱵ: ᱑᱙᱕᱓) ᱾ ᱯᱨᱟᱭᱢᱟᱨᱤ ᱥᱠᱩᱞ ᱠᱤᱱᱟᱜ ᱧᱩᱛᱩᱢ ᱫᱚ ᱵᱷᱚᱱᱯᱩᱨ ᱯᱨᱟᱭᱢᱟᱨᱤ ᱥᱠᱩᱞ ᱟᱨ ᱪᱮᱛᱩᱣᱟ ᱯᱨᱟᱭᱢᱟᱨᱤ ᱥᱠᱩᱞ ᱾ ᱱᱚᱣᱟ ᱟᱹᱛᱩ ᱨᱮ ᱢᱤᱫᱴᱟᱝ B.Ed. ᱠᱚᱞᱮᱡᱽ ᱦᱚᱸ ᱢᱮᱱᱟᱜ-ᱟ, ᱡᱟᱦᱟᱸ ᱨᱮᱱᱟᱜ ᱧᱩᱛᱩᱢ ᱫᱚ ᱵᱤᱱᱤᱛᱟ ᱢᱚᱦᱟᱱᱛᱟ ᱠᱚᱞᱮᱡᱽ ᱚᱯᱷ ᱮᱰᱩᱠᱮᱥᱚᱱ ᱾ ᱱᱚᱣᱟ ᱫᱚ ᱒᱐᱑᱓ ᱥᱟᱞ ᱨᱮ ᱵᱮᱱᱟᱣ ᱞᱮᱱᱟ ᱾
ᱦᱚᱲ ᱮᱞ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱷᱚᱱᱯᱩᱨ ᱫᱚ ᱢᱤᱫ ᱞᱟᱹᱴᱩ ᱟᱹᱛᱩ ᱠᱟᱱᱟ, ᱡᱟᱦᱟᱸ ᱨᱮ ᱕᱒᱙ ᱴᱟᱝ ᱜᱷᱟᱨᱚᱸᱡᱽ ᱢᱮᱱᱟᱜ ᱠᱚᱣᱟ ᱾ ᱒᱐᱑᱑ ᱥᱟᱞ ᱨᱮᱱᱟᱜ ᱦᱚᱲ ᱞᱮᱠᱷᱟ ᱞᱮᱠᱟᱛᱮ ᱵᱷᱚᱱᱯᱩᱨ ᱟᱹᱛᱩ ᱨᱮ ᱒᱔᱑᱐ ᱦᱚᱲ ᱢᱮᱱᱟᱜ ᱠᱚᱣᱟ, ᱚᱱᱟ ᱢᱩᱫᱽ ᱨᱮ ᱑᱑᱙᱕ ᱡᱚᱬ ᱠᱚᱲᱟ ᱟᱨ ᱑᱒᱑᱕ ᱡᱚᱬ ᱠᱩᱲᱤ ᱢᱮᱱᱟᱜ ᱠᱚᱣᱟ ᱾ ᱵᱷᱚᱱᱯᱩᱨ ᱟᱹᱛᱩ ᱨᱮ ᱐-᱖ ᱵᱚᱪᱷᱚᱨ ᱩᱢᱮᱨ ᱨᱮᱱ ᱜᱤᱫᱽᱨᱟᱹ ᱠᱚᱣᱟᱜ ᱮᱞ ᱫᱚ ᱒᱓᱕, ᱡᱟᱦᱟᱸ ᱫᱚ ᱜᱩᱴ ᱦᱚᱲ ᱮᱞ ᱨᱮᱱᱟᱜ ᱙.᱗᱕% ᱠᱟᱱᱟ ᱾ ᱵᱷᱚᱱᱯᱩᱨ ᱨᱮᱱᱟᱜ ᱮᱵᱷᱨᱮᱡᱽ ᱡᱟᱱᱟᱝ ᱟᱱᱩᱯᱟᱛ (sex ratio) ᱫᱚ ᱑᱐᱑᱗, ᱡᱟᱦᱟᱸ ᱫᱚ ᱯᱚᱪᱷᱤᱢ ᱵᱟᱝᱞᱟ ᱯᱚᱱᱚᱛ ᱨᱮᱱᱟᱜ ᱮᱵᱷᱨᱮᱡᱽ ᱙᱕᱐ ᱠᱷᱚᱱ ᱵᱟᱹᱲᱛᱤ ᱜᱮᱭᱟ ᱾ ᱦᱚᱲ ᱞᱮᱠᱷᱟ ᱞᱮᱠᱟᱛᱮ ᱜᱤᱫᱽᱨᱟᱹ ᱡᱟᱱᱟᱝ ᱟᱱᱩᱯᱟᱛ ᱫᱚ ᱑᱒᱑᱗, ᱡᱟᱦᱟᱸ ᱫᱚ ᱯᱚᱪᱷᱤᱢ ᱵᱟᱝᱞᱟ ᱨᱮᱱᱟᱜ ᱮᱵᱷᱨᱮᱡᱽ ᱙᱕᱖ ᱠᱷᱚᱱ ᱵᱟᱹᱲᱛᱤ ᱜᱮᱭᱟ ᱾ ᱯᱚᱪᱷᱤᱢ ᱵᱟᱝᱞᱟ ᱨᱮᱱᱟᱜ ᱥᱤᱠᱷᱱᱟᱹᱛ ᱫᱚᱨ (literacy rate) ᱥᱟᱶ ᱵᱟᱨᱟᱵᱟᱹᱨᱤ ᱞᱮᱠᱷᱟᱱ ᱵᱷᱚᱱᱯᱩᱨ ᱟᱹᱛᱩ ᱨᱮᱱᱟᱜ ᱥᱤᱠᱷᱱᱟᱹᱛ ᱫᱚᱨ ᱫᱚ ᱠᱚᱢ ᱜᱮᱭᱟ ᱾ ᱒᱐᱑᱑ ᱥᱟᱞ ᱨᱮ, ᱵᱷᱚᱱᱯᱩᱨ ᱟᱹᱛᱩ ᱨᱮᱱᱟᱜ ᱥᱤᱠᱷᱱᱟᱹᱛ ᱫᱚᱨ ᱫᱚ ᱖᱗.᱗᱗% ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱫᱚ ᱯᱚᱪᱷᱤᱢ ᱵᱟᱝᱞᱟ ᱨᱮᱱᱟᱜ ᱗᱖.᱒᱖% ᱛᱟᱦᱮᱸ ᱠᱟᱱᱟ ᱾ ᱵᱷᱚᱱᱯᱩᱨ ᱨᱮ ᱠᱚᱲᱟ ᱥᱤᱠᱷᱱᱟᱹᱛ ᱫᱚᱨ ᱗᱘.᱑᱕% ᱟᱨ ᱠᱩᱲᱤ ᱥᱤᱠᱷᱱᱟᱹᱛ ᱫᱚᱨ ᱕᱗.᱓᱗% ᱛᱟᱦᱮᱸ ᱠᱟᱱᱟ ᱾
ᱡᱟᱹᱛᱤ ᱠᱟᱛᱷᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱷᱚᱱᱯᱩᱨ ᱟᱹᱛᱩ ᱨᱮ, ᱡᱟᱹᱥᱛᱤ ᱜᱟᱱ ᱟᱹᱛᱩ ᱦᱚᱲ ᱜᱮ ᱛᱷᱚᱠ ᱡᱟᱹᱛᱤ (SC) ᱨᱮᱱ ᱠᱟᱱᱟ ᱠᱚ ᱾ ᱵᱷᱚᱱᱯᱩᱨ ᱟᱹᱛᱩ ᱨᱮᱱᱟᱜ ᱜᱩᱴ ᱦᱚᱲ ᱮᱞ ᱨᱮ ᱛᱷᱚᱠ ᱡᱟᱹᱛᱤ (SC) ᱫᱚ ᱕᱑.᱐᱐% ᱟᱨ ᱛᱷᱚᱠ ᱟᱹᱫᱤᱵᱟᱹᱥᱤ (ST) ᱫᱚ ᱒᱑.᱑᱒% ᱢᱮᱱᱟᱜ ᱠᱚᱣᱟ ᱾
ᱠᱟᱹᱢᱤ ᱦᱚᱨᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱷᱚᱱᱯᱩᱨ ᱟᱹᱛᱩ ᱨᱮ ᱜᱩᱴ ᱦᱚᱲ ᱮᱞ ᱠᱷᱚᱱ ᱑᱑᱔᱗ ᱡᱚᱬ ᱦᱚᱲ ᱠᱟᱹᱢᱤ-ᱠᱟᱹᱥᱱᱤ ᱨᱮ ᱥᱮᱞᱮᱫ ᱢᱮᱱᱟᱜ ᱠᱚᱣᱟ ᱾ ᱓᱖.᱗᱙% ᱠᱟᱹᱢᱤᱭᱟᱹ ᱠᱚᱫᱚ ᱟᱠᱚᱣᱟᱜ ᱠᱟᱹᱢᱤ ᱢᱩᱺᱲᱩᱛ ᱠᱟᱹᱢᱤ (᱖ ᱪᱟᱸᱫᱚ ᱠᱷᱚᱱ ᱵᱟᱹᱲᱛᱤ ᱠᱟᱹᱢᱤ ᱵᱟᱝᱢᱟ ᱟᱨᱡᱟᱣ) ᱞᱮᱠᱟᱛᱮ ᱠᱚ ᱞᱟᱹᱭᱟ, ᱟᱨ ᱖᱓.᱒᱑% ᱦᱚᱲ ᱫᱚ ᱖ ᱪᱟᱸᱫᱚ ᱠᱷᱚᱱ ᱠᱚᱢ ᱚᱠᱛᱚ ᱨᱮᱱᱟᱜ ᱠᱟᱹᱢᱤ (Marginal activity) ᱨᱮ ᱥᱮᱞᱮᱫ ᱢᱮᱱᱟᱜ ᱠᱚᱣᱟ ᱾ ᱢᱩᱺᱲᱩᱛ ᱠᱟᱹᱢᱤ ᱨᱮ ᱥᱮᱞᱮᱫ ᱑᱑᱔᱗ ᱠᱟᱹᱢᱤᱭᱟᱹ ᱠᱚ ᱢᱩᱫᱽ ᱨᱮ ᱘᱐ ᱡᱚᱬ ᱫᱚ ᱪᱟᱹᱥᱤ ᱟᱨ ᱑᱙᱙ ᱡᱚᱬ ᱫᱚ ᱪᱟᱥ-ᱵᱟᱥ ᱠᱟᱹᱢᱤᱭᱟᱹ (Agricultural labourer) ᱠᱟᱱᱟ ᱠᱚ ᱾
ᱦᱮᱡ ᱥᱮᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱟᱭᱱᱪᱤ ᱫᱚ ᱵᱷᱚᱱᱯᱩᱨ ᱨᱮᱱᱟᱜ ᱥᱩᱨ ᱨᱮᱞᱣᱮ ᱥᱴᱮᱥᱚᱱ ᱠᱟᱱᱟ ᱾ ᱵᱟᱭᱱᱪᱤ-ᱠᱟᱞᱱᱟ ᱥᱚᱲᱚᱠ ( ᱥᱴᱮᱴ ᱦᱟᱭᱣᱮ ᱱᱚᱢᱵᱚᱨ ᱑᱑ ) ᱫᱚ ᱱᱚᱣᱟ ᱟᱹᱛᱩ ᱨᱮᱱᱟᱜ ᱟᱲᱮ ᱥᱮᱫ ᱛᱮ ᱯᱟᱨᱚᱢ ᱟᱠᱟᱱᱟ ᱾
ᱯᱚᱨᱚᱵᱽ ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱫᱩᱨᱜᱟᱹ ᱯᱩᱡᱟᱹ, ᱞᱚᱠᱷᱢᱤ ᱯᱩᱡᱟᱹ, ᱥᱚᱨᱚᱥᱣᱚᱛᱤ ᱯᱩᱡᱟᱹ ᱫᱚ ᱱᱚᱰᱮᱱᱟᱜ ᱢᱩᱺᱲᱩᱛ ᱯᱚᱨᱚᱵᱽ ᱠᱚ ᱠᱟᱱᱟ ᱾ ᱚᱱᱟ ᱥᱟᱶᱛᱮ, ᱯᱚᱫᱽᱢᱟᱵᱚᱛᱤ ᱡᱷᱟᱸᱯᱟᱱ ᱧᱩᱛᱩᱢᱟᱱ ᱢᱤᱫᱴᱟᱝ ᱛᱷᱟᱱᱤᱛ ᱯᱚᱨᱚᱵᱽ ᱦᱚᱸ ᱦᱩᱭᱩᱜ-ᱟ ᱾
ᱠᱟᱹᱣᱰᱤ ᱟᱹᱨᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱟᱹᱛᱩ ᱨᱮᱱ ᱡᱟᱹᱥᱛᱤ ᱜᱟᱱ ᱦᱚᱲ ᱜᱮ ᱪᱟᱹᱥᱤ ᱠᱟᱱᱟ ᱠᱚ ᱾ ᱟᱹᱛᱩ ᱨᱮ ᱢᱤᱫᱴᱟᱝ ᱪᱟᱣᱞᱮ ᱠᱚᱞ (rice mill) ᱢᱮᱱᱟᱜ-ᱟ ᱾ ᱱᱚᱣᱟ ᱨᱮᱱᱟᱜ ᱧᱩᱛᱩᱢ ᱫᱚ ᱢᱟᱞᱚᱛᱤ ᱨᱟᱭᱤᱥ ᱢᱤᱞ ᱾ ᱱᱚᱣᱟ ᱫᱚ ᱒᱐᱑᱓ ᱥᱟᱞ ᱨᱮ ᱵᱮᱱᱟᱣ ᱞᱮᱱᱟ ᱾