ᱵᱟᱱᱳᱥ
ᱞᱵᱤᱵᱽ ᱨᱮᱱᱟᱜ ᱢᱤᱫ ᱨᱮᱥᱴᱳᱨᱮᱱᱴ ᱨᱮ ᱵᱟᱱᱳᱥ (ᱵᱟᱱᱩᱥ) | |||||||
| ᱞᱮᱠᱟᱱ | ᱫᱟᱹᱠᱷᱤᱱ (ᱠᱟᱥᱟ) | ||||||
|---|---|---|---|---|---|---|---|
| ᱡᱟᱱᱟᱢ ᱴᱷᱟᱶ | |||||||
| ᱤᱥᱤᱱ ᱚᱠᱛᱚ | |||||||
| |||||||
| |||||||
ᱵᱟᱱᱳᱥ (ᱵᱟᱹᱱᱳᱥ) ᱟᱨᱵᱟᱝ ᱵᱟᱱᱩᱥ ᱫᱚ ᱦᱩᱭᱩᱜ ᱠᱟᱱᱟ ᱢᱤᱫ ᱞᱟᱴᱷᱮ ᱡᱚᱱᱚᱲᱟ ᱫᱟᱹᱠᱷᱤᱱ (ᱠᱟᱥᱟ), ᱡᱟᱦᱟᱸ ᱫᱚ ᱠᱨᱤᱢ ᱟᱨᱵᱟᱝ ᱥᱢᱮᱛᱟᱱᱟ (ᱠᱷᱟᱴᱟ ᱠᱨᱤᱢ) ᱛᱮ ᱛᱮᱭᱟᱨᱚᱜᱼᱟ ᱟᱨ ᱥᱠᱳᱣᱟᱨᱠᱤ (ᱥᱩᱠᱨᱤ ᱪᱚᱨᱵᱤ ᱨᱮᱱᱟᱜ ᱠᱷᱟᱺᱰᱤ), ᱩᱫ ᱟᱨ ᱵᱨᱤᱱᱡᱟ (ᱵᱷᱮᱰᱟ ᱛᱳᱣᱟ ᱨᱮᱱᱟᱜ ᱯᱩᱱᱤᱭᱟᱹ) ᱮᱢᱟᱱ ᱛᱮ ᱥᱟᱡᱟᱣ ᱠᱚᱜᱼᱟ ᱾ ᱱᱚᱣᱟ ᱫᱚ ᱤᱣᱠᱨᱮᱱ ᱡᱟᱹᱛᱤᱭᱟᱹᱨᱤ ᱡᱚᱢᱟᱜ ᱠᱟᱱᱟ, ᱡᱟᱦᱟᱸ ᱫᱚ ᱠᱟᱨᱯᱟᱛᱷᱤᱭᱟᱱ ᱴᱚᱴᱷᱟ ᱨᱮ ᱟᱹᱰᱤ ᱪᱚᱲᱚᱱ ᱢᱮᱱᱟᱜᱼᱟ, ᱵᱟᱹᱲᱛᱤ ᱠᱟᱛᱮ ᱦᱩᱛᱥᱩᱞ ᱡᱚᱢᱟᱜ ᱨᱮ ᱱᱚᱣᱟ ᱥᱮᱞᱮᱫ ᱢᱮᱱᱟᱜᱼᱟ ᱾
ᱟᱹᱲᱟᱹ ᱥᱤᱨᱡᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱟᱱᱩᱥ, ᱵᱟᱱᱳᱥ, ᱵᱟᱞᱢᱩᱥ ᱟᱹᱲᱟᱹ ᱫᱚ Moldovan Cyrillic: balmoș, balmuș ᱠᱷᱚᱱ ᱦᱮᱡ ᱟᱠᱟᱱᱟ, ᱡᱟᱦᱟᱸ ᱫᱚ ᱪᱷᱟᱸᱪ:Lang-bg ᱦᱚᱛᱮᱛᱮ Turkish: bulamaç ("ᱜᱤᱫᱽᱨᱟᱹ ᱠᱚ ᱞᱟᱹᱜᱤᱫ ᱦᱳᱞᱚᱝ ᱫᱟᱹᱠᱷᱤᱱ") ᱠᱷᱚᱱ ᱦᱮᱡ ᱟᱠᱟᱱᱟ, ᱱᱚᱣᱟ ᱫᱚ bulmak ("ᱜᱷᱟᱱᱴᱟ ᱢᱮᱥᱟ") ᱠᱷᱚᱱ ᱵᱮᱱᱟᱣ ᱟᱠᱟᱱᱟ[᱑] ᱾
ᱨᱮᱠᱳᱨᱰ ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱤᱣᱠᱨᱮᱱ ᱨᱮᱱᱟᱜ ᱡᱟᱹᱛᱤᱭᱟᱹᱨᱤ ᱨᱮᱠᱳᱨᱰ ᱨᱮᱡᱤᱥᱴᱟᱨ ᱞᱮᱠᱟᱛᱮ ᱵᱟᱱᱳᱥ ᱛᱮᱭᱟᱨ ᱨᱮᱱᱟᱜ ᱨᱮᱠᱳᱨᱰ ᱑᱑ ᱡᱟᱱᱩᱣᱟᱨᱤ ᱒᱐᱒᱐ ᱨᱮ ᱤᱵᱷᱟᱱᱳ-ᱯᱷᱨᱟᱱᱠᱤᱵᱷᱥᱠ ᱨᱮ ᱵᱮᱱᱟᱣ ᱞᱮᱱᱟ᱾ ᱢᱤᱫ ᱟᱹᱰᱤ ᱢᱟᱨᱟᱝ ᱠᱟᱲᱟᱦᱤ ᱨᱮ ᱢᱚᱬᱮ ᱜᱚᱴᱟᱝ ᱢᱩᱬᱩᱛ ᱤᱥᱤᱱ ᱦᱚᱲ ᱠᱚ ᱢᱮᱥᱟ ᱠᱟᱛᱮ ᱑᱔᱒᱐ ᱞᱤᱴᱚᱨ ᱵᱟᱱᱳᱥ ᱠᱚ ᱛᱮᱭᱟᱨ ᱞᱮᱫᱟ[᱒] ᱾
ᱛᱮᱭᱟᱨ ᱦᱚᱨᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱟᱱᱳᱥ ᱛᱮᱭᱟᱨ ᱨᱮᱱᱟᱜ ᱟᱭᱢᱟ ᱦᱚᱨᱟ ᱢᱮᱱᱟᱜᱼᱟ ᱾ ᱢᱤᱫᱴᱟᱝ ᱥᱮᱨᱣᱟ ᱦᱚᱨᱟ ᱫᱚ ᱦᱩᱭᱩᱜ ᱠᱟᱱᱟ ᱓ ᱠᱟᱯ ᱥᱢᱮᱛᱟᱱᱟ ᱞᱚᱞᱚ ᱠᱟᱛᱮ ᱚᱱᱟ ᱨᱮ ᱑ ᱠᱟᱯ ᱡᱚᱱᱚᱲᱟ ᱦᱳᱞᱚᱝ ᱵᱟᱹᱭ-ᱵᱟᱹᱭ ᱛᱮ ᱟᱹᱛᱩᱨ ᱠᱟᱛᱮ ᱵᱟᱝ ᱜᱷᱟᱱᱴᱟ ᱠᱟᱛᱮ ᱮᱢ ᱦᱩᱭᱩᱜᱼᱟ ᱾ ᱱᱚᱝᱠᱟ ᱜᱮ ᱑᱕ ᱢᱤᱱᱤᱴ ᱞᱟᱹᱜᱤᱫ ᱪᱚᱸᱫᱟ ᱠᱚᱜᱼᱟ ᱾ ᱚᱱᱟ ᱛᱟᱭᱚᱢ ᱱᱚᱣᱟ ᱵᱟᱨ ᱦᱟᱹᱴᱤᱧ ᱠᱟᱛᱮ ᱕ ᱢᱤᱱᱤᱴ ᱞᱟᱹᱜᱤᱫ ᱠᱚ ᱤᱥᱤᱱᱟ ᱡᱮᱢᱚᱱ ᱢᱟᱠᱷᱚᱱ ᱵᱮᱱᱟᱣᱚᱜ ᱞᱮᱠᱟ ᱾ ᱨᱟᱹᱱᱫᱷᱩᱱᱤᱭᱟᱹ ᱤᱣᱜᱮᱱ ᱠᱞᱳᱯᱳᱴᱮᱱᱠᱳ ᱟᱜ ᱦᱚᱸ ᱢᱤᱫ ᱵᱮᱥ ᱨᱮᱥᱤᱯᱤ ᱢᱮᱱᱟᱜᱼᱟ[᱓][᱔] ᱾ ᱠᱟᱨᱯᱟᱛᱷᱤᱭᱟᱱ ᱵᱩᱨᱩ ᱴᱚᱴᱷᱟ ᱨᱮ ᱵᱟᱱᱳᱥ ᱫᱚ ᱵᱟᱹᱲᱛᱤ ᱠᱟᱛᱮ ᱯᱟᱨᱟᱵᱽ ᱯᱩᱱᱟᱹᱭ ᱨᱮ ᱯᱮᱲᱟ ᱠᱚ ᱞᱟᱹᱜᱤᱫ ᱠᱚ ᱵᱮᱱᱟᱣᱟ ᱾ ᱱᱚᱣᱟ ᱫᱚ ᱵᱨᱤᱱᱡᱟ ᱟᱨ ᱯᱩᱱᱤᱭᱟᱹ ᱥᱟᱶ ᱠᱚ ᱡᱚᱢᱟ[᱕] ᱾ ᱥᱮᱨᱣᱟ ᱞᱮᱠᱟᱛᱮ ᱥᱮᱫᱟᱭ ᱫᱚ ᱵᱟᱱᱳᱥ ᱠᱚᱲᱟ ᱦᱚᱯᱚᱱ ᱠᱚ ᱛᱮᱭᱟᱨ ᱮᱫ ᱛᱟᱦᱮᱸᱫ, ᱪᱮᱫᱟᱜ ᱥᱮ ᱱᱚᱣᱟ ᱨᱮ ᱵᱷᱮᱰᱟ ᱛᱳᱣᱟ ᱨᱮᱱᱟᱜ ᱵᱨᱤᱱᱡᱟ ᱵᱮᱣᱦᱟᱨᱚᱜ ᱠᱟᱱ ᱛᱟᱦᱮᱸᱫ ᱟᱨ ᱵᱷᱮᱰᱟ ᱥᱟᱶ ᱡᱚᱯᱚᱲᱟᱣ ᱠᱟᱹᱢᱤ ᱫᱚ ᱠᱚᱲᱟ ᱠᱚᱣᱟᱜ ᱛᱟᱦᱮᱸ ᱠᱟᱱᱟ[᱖] ᱾ ᱟᱨ ᱢᱤᱫᱴᱟᱝ ᱵᱤᱥᱮᱥ ᱠᱟᱛᱷᱟ ᱫᱚ ᱦᱩᱭᱩᱜ ᱠᱟᱱᱟ — ᱵᱟᱱᱳᱥ ᱫᱚ ᱥᱮᱸᱜᱮᱞ ᱪᱳᱴ ᱨᱮ ᱢᱮᱬᱦᱮᱫ (ᱪᱟᱹᱵᱷᱩᱱ) ᱠᱟᱲᱟᱦᱤ ᱨᱮᱜᱮ ᱛᱮᱭᱟᱨ ᱜᱟᱱᱚᱜᱼᱟ, ᱟᱨ ᱱᱚᱣᱟ ᱫᱚ ᱠᱟᱴ ᱨᱮᱱᱟᱜ ᱪᱟᱢᱪᱟ (ᱞᱩᱭᱠᱷᱤ) ᱛᱮᱜᱮ ᱜᱷᱟᱱᱴᱟ ᱦᱩᱭᱩᱜᱼᱟ ᱾ ᱠᱟᱨᱯᱟᱛᱷᱤᱭᱟᱱ ᱨᱮ ᱟᱨ ᱢᱤᱫ ᱡᱚᱢᱟᱜ ᱢᱮᱱᱟᱜᱼᱟ ᱡᱟᱦᱟᱸ ᱫᱚ ᱠᱩᱞᱮᱥᱟ ᱟᱨᱵᱟᱝ ᱛᱳᱠᱟᱱ ᱠᱚ ᱢᱮᱛᱟᱜᱼᱟ, ᱵᱟᱱᱳᱥ ᱠᱷᱚᱱ ᱱᱚᱣᱟ ᱨᱮᱱᱟᱜ ᱛᱚᱯᱷᱟᱛ ᱫᱚ ᱦᱩᱭᱩᱜ ᱠᱟᱱᱟ ᱱᱚᱣᱟ ᱫᱚ ᱞᱚᱞᱚ ᱫᱟᱜ ᱛᱮ ᱛᱮᱭᱟᱨᱚᱜᱼᱟ[᱗] ᱾ ᱢᱟᱢᱟᱞᱤᱜᱟ ᱨᱮᱱᱟᱜ ᱨᱩᱯ ᱫᱚ ᱱᱟᱥᱮ ᱮᱴᱟᱜ ᱫᱷᱟᱨᱟ ᱜᱮᱭᱟ ᱾
ᱱᱚᱣᱟ ᱦᱚᱸ ᱧᱮᱞ ᱢᱮ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ ᱪᱷᱟᱸᱪ:ЕСУМ1 — ᱥᱟᱦᱴᱟ
- ↑ ᱤᱣᱱᱤᱭᱟᱱ & ᱒᱐᱒᱐.
- ↑ "ᱫᱩᱥᱟ ᱡᱟᱠᱟᱨᱯᱟᱛᱭᱟ: ᱵᱨᱤᱱᱡᱟ ᱟᱨ ᱥᱠᱳᱣᱟᱨᱠᱤ ᱥᱟᱶ ᱵᱟᱱᱳᱥ (ᱤᱣᱜᱮᱱ ᱠᱞᱳᱯᱳᱴᱮᱱᱠᱳ)". Klopotenko (in ᱩᱠᱨᱮᱱᱤᱭᱟᱭ). Retrieved 2023-05-11.
- ↑ "ᱤᱣᱠᱨᱮᱱ ᱡᱚᱢᱟᱜ ᱛᱮᱭᱟᱨ ᱢᱮ: ᱤᱣᱜᱮᱱ ᱠᱞᱳᱯᱳᱴᱮᱱᱠᱳ ᱟᱜ ᱩᱫ ᱥᱟᱶ ᱵᱟᱱᱳᱥ ᱨᱮᱥᱤᱯᱤ". Klopotenko (in ᱩᱠᱨᱮᱱᱤᱭᱟᱭ). Retrieved 2023-05-11.
- ↑ ᱠᱞᱤᱱᱳᱵᱷᱮᱛᱥᱠᱟ ᱡᱤᱱᱳᱵᱷᱤᱭᱟ (1913). ᱤᱣᱠᱨᱮᱱ ᱨᱮᱱᱟᱜ ᱡᱚᱢᱟᱜ ᱟᱨ ᱧᱩᱣᱟᱜ ᱠᱚ (in ᱩᱠᱨᱮᱱᱤᱭᱟᱭ). ᱠᱤᱭᱮᱵᱽ-ᱞᱵᱤᱵᱽ. p. 189. ISBN 5-88520-094-7.
- ↑ "ᱵᱟᱱᱳᱥ". authenticukraine.com.ua (in ᱩᱠᱨᱮᱱᱤᱭᱟᱭ). Retrieved 2025-02-24.
- ↑ ᱥᱴᱮᱯᱷᱟ, ᱯᱟᱹᱱᱤ (2017-03-02). "ᱠᱩᱞᱮᱥᱟ ᱠᱳᱥᱤᱵᱷᱥᱠᱟ". ᱯᱟᱹᱱᱤ ᱥᱴᱮᱯᱷᱟ. ᱱᱚᱸᱰᱮ ᱜᱟᱞᱤᱥᱤᱭᱟᱱ ᱡᱚᱢᱟᱜ ᱛᱟᱦᱮᱸᱱᱟ (in ᱩᱠᱨᱮᱱᱤᱭᱟᱭ). Retrieved 2025-02-24.