ᱯᱟᱠᱵᱤᱲᱨᱟ

ᱯᱟᱠᱵᱤᱲᱨᱟ
ᱯᱟᱠᱵᱤᱲᱨᱟ
ᱟᱹᱛᱩ
	ᱯᱟᱠᱵᱤᱲᱨᱟ ᱯᱚᱪᱷᱤᱢ ᱵᱟᱝᱞᱟ, ᱥᱤᱧᱚᱛ ᱨᱮ ᱴᱷᱟᱶ ᱯᱟᱠᱵᱤᱲᱨᱟ ᱯᱟᱠᱵᱤᱲᱨᱟ (India)
	ᱠᱳᱣᱚᱨᱰᱤᱱᱮᱴᱥ: 23°09′13″N 86°39′57″E / 23.1535°N 86.6658°ECoordinates: 23°09′13″N 86°39′57″E / 23.1535°N 86.6658°E
ᱫᱤᱥᱚᱢ	ᱥᱤᱧᱚᱛ
ᱯᱚᱱᱚᱛ	ᱯᱚᱪᱷᱤᱢ ᱵᱟᱝᱞᱟ
ᱦᱚᱱᱚᱛ	ᱯᱩᱨᱩᱞᱤᱭᱟᱹ
ᱦᱚᱲ ᱮᱞ (᱒᱐᱑᱑)
• ᱜᱩᱴ	᱑᱗᱕᱔
ᱯᱟᱹᱨᱥᱤ ᱠᱚ
• ᱥᱚᱨᱠᱟᱨᱤ	ᱵᱟᱝᱞᱟ, ᱤᱝᱞᱤᱥ
ᱚᱠᱛᱚ ᱴᱚᱴᱷᱟ	ᱭᱩ.ᱴᱤ.ᱥᱤ+᱕:᱓᱐ (IST)
PIN	᱗᱒᱓᱑᱕᱑
ᱴᱮᱞᱤᱯᱷᱚᱱ/STD ᱠᱳᱰ	᱐᱓᱒᱕᱓
ᱞᱳᱠ ᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ	ᱯᱩᱨᱩᱞᱤᱭᱟᱹ
ᱵᱤᱫᱷᱟᱱ ᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ	ᱢᱟᱱᱵᱟᱡᱟᱨ
ᱣᱮᱵᱽᱥᱟᱭᱤᱴ	purulia.gov.in

ᱯᱟᱠᱵᱤᱲᱨᱟ ᱫᱚ ᱥᱤᱧᱚᱛ ᱫᱤᱥᱚᱢ ᱨᱮᱱᱟᱜ ᱯᱚᱪᱷᱤᱢ ᱵᱟᱝᱞᱟ ᱯᱚᱱᱚᱛ ᱨᱮᱭᱟᱜ ᱯᱩᱨᱩᱞᱤᱭᱟᱹ ᱦᱚᱱᱚᱛ ᱨᱮᱱᱟᱜ ᱢᱟᱱᱵᱟᱡᱟᱨ ᱥᱟᱵᱽᱰᱤᱵᱷᱤᱡᱚᱱ ᱨᱮ ᱢᱮᱱᱟᱜ ᱯᱩᱧᱪᱟ ᱥᱟᱶᱛᱟ ᱩᱛᱱᱟᱹᱣ ᱵᱚᱱᱚᱛ (ᱥᱤ.ᱰᱤ. ᱵᱚᱱᱚᱛ) ᱨᱮᱱᱟᱜ ᱢᱤᱫ ᱟᱹᱛᱩ ᱠᱟᱱᱟ᱾

ᱚᱛᱱᱚᱜ

[Full screen]
ᱯᱩᱨᱩᱞᱤᱭᱟᱹ ᱦᱚᱱᱚᱛ ᱨᱮᱱᱟᱜ ᱢᱟᱱᱵᱟᱡᱟᱨ ᱥᱟᱵᱽᱰᱤᱵᱷᱤᱡᱚᱱ ᱨᱮᱱᱟᱜ ᱴᱷᱟᱶ ᱠᱚ ᱥᱤ.ᱴᱤ (CT): ᱦᱚᱲ ᱞᱮᱠᱷᱟ ᱥᱚᱦᱚᱨ, ᱟᱨ (R): ᱟᱹᱛᱩ/ᱥᱚᱦᱚᱨ ᱛᱟᱞᱢᱟ, ᱮᱭᱤᱪ (H): ᱱᱟᱜᱟᱢᱤᱭᱟᱹ/ᱫᱷᱚᱨᱚᱢ ᱛᱟᱞᱢᱟ ᱦᱩᱰᱤᱧ ᱢᱮᱯ ᱨᱮ ᱡᱟᱭᱜᱟ ᱠᱚᱢ ᱠᱷᱟᱹᱛᱤᱨ, ᱢᱟᱨᱟᱝ ᱢᱮᱯ ᱨᱮ ᱴᱷᱟᱶ ᱠᱚ ᱱᱟᱥᱮ ᱵᱷᱮᱜᱟᱨ ᱧᱮᱞ ᱫᱟᱲᱮᱭᱟᱜᱼᱟ

ᱴᱷᱟᱶ

ᱯᱟᱠᱵᱤᱲᱨᱟ ᱫᱚ 23°09′13″N 86°39′57″E / 23.1535°N 86.6658°E / 23.1535; 86.6658 ᱨᱮ ᱢᱮᱱᱟᱜᱼᱟ ᱾

ᱴᱚᱴᱷᱟ ᱨᱮᱱᱟᱜ ᱢᱤᱫ ᱧᱮᱱᱮᱞ

ᱯᱩᱨᱩᱞᱤᱭᱟᱹ ᱦᱚᱱᱚᱛ ᱫᱚ ᱪᱷᱚᱴᱟᱱᱟᱜᱽᱯᱩᱨ ᱞᱩᱜᱷᱩᱵᱩᱨᱩ ᱨᱮᱭᱟᱜ ᱡᱚᱛᱚ ᱠᱷᱚᱱ ᱞᱟᱛᱟᱨ ᱦᱟᱹᱴᱤᱧ ᱠᱟᱱᱟ ᱾ ᱥᱟᱫᱷᱟᱨᱚᱱ ᱞᱮᱠᱟᱛᱮ ᱱᱚᱣᱟ ᱴᱚᱴᱷᱟ ᱫᱚ ᱩᱥᱩᱞ ᱪᱚᱯᱚᱫ ᱚᱛ ᱟᱨ ᱪᱷᱤᱛᱭᱟᱹᱣ ᱟᱠᱟᱱ ᱵᱩᱨᱩ ᱛᱮ ᱯᱮᱨᱮᱡ ᱟᱠᱟᱱᱟ ᱾ ᱢᱟᱱᱵᱟᱡᱟᱨ ᱥᱟᱵᱽᱰᱤᱵᱷᱤᱡᱚᱱ, ᱡᱟᱦᱟᱸ ᱫᱚ ᱥᱟᱶᱛᱮ ᱮᱢ ᱟᱠᱟᱱ ᱢᱮᱯ ᱨᱮ ᱩᱫᱩᱜ ᱟᱠᱟᱱᱟ, ᱦᱚᱱᱚᱛ ᱨᱮᱱᱟᱜ ᱥᱟᱢᱟᱝ ᱥᱮᱦᱮᱫ ᱨᱮ ᱢᱮᱱᱟᱜᱼᱟ ᱾ ᱱᱚᱣᱟ ᱫᱚ ᱢᱤᱫ ᱟᱹᱛᱩ ᱫᱤᱥᱚᱢ ᱥᱟᱵᱽᱰᱤᱵᱷᱤᱡᱚᱱ ᱠᱟᱱᱟ ᱡᱟᱦᱟᱸ ᱨᱮ ᱙᱖.᱓᱒% ᱦᱚᱲ ᱟᱹᱛᱩ ᱨᱮ ᱟᱨ ᱓.᱖᱘% ᱦᱚᱲ ᱥᱚᱦᱚᱨ ᱨᱮ ᱠᱚ ᱛᱟᱦᱮᱸᱱᱟ ᱾ ᱱᱚᱣᱟ ᱥᱟᱵᱽᱰᱤᱵᱷᱤᱡᱚᱱ ᱨᱮ ᱓ ᱭᱟ ᱦᱚᱲ ᱞᱮᱠᱷᱟ ᱥᱚᱦᱚᱨ ᱢᱮᱱᱟᱜᱼᱟ ᱾ ᱢᱮᱯ ᱨᱮ ᱠᱚᱝᱥᱟᱵᱚᱛᱤ ᱯᱨᱚᱡᱮᱠᱴ ᱨᱤᱡᱚᱨᱵᱷᱚᱨ ᱩᱫᱩᱜ ᱟᱠᱟᱱᱟ ᱾ ᱢᱩᱠᱩᱴᱢᱚᱬᱤᱯᱩᱨ ᱰᱮᱢ ᱫᱚ ᱵᱟᱸᱠᱩᱲᱟ ᱦᱚᱱᱚᱛ ᱨᱮ ᱢᱮᱱᱟᱜᱼᱟ ᱢᱮᱱᱠᱷᱟᱱ ᱨᱤᱡᱚᱨᱵᱷᱚᱨ ᱨᱮᱱᱟᱜ ᱪᱮᱛᱟᱱ ᱦᱟᱹᱴᱤᱧ ᱫᱚ ᱢᱟᱱᱵᱟᱡᱟᱨ ᱥᱟᱵᱽᱰᱤᱵᱷᱤᱡᱚᱱ ᱨᱮ ᱢᱮᱱᱟᱜᱼᱟ ᱾ ᱦᱚᱱᱚᱛ ᱨᱮᱱᱟᱜ ᱮᱴᱟᱜ ᱴᱚᱴᱷᱟ ᱠᱚ ᱞᱮᱠᱟ ᱜᱮ, ᱱᱚᱣᱟ ᱥᱟᱵᱽᱰᱤᱵᱷᱤᱡᱚᱱ ᱨᱮᱦᱚᱸ ᱢᱟᱨᱮ ᱢᱩᱫᱽᱨᱤ ᱟᱨ ᱵᱚᱸᱜᱟ ᱵᱩᱨᱩ ᱨᱮᱱᱟᱜ ᱨᱩᱯ ᱠᱚ ᱧᱟᱢᱚᱜᱼᱟ ᱾ ᱱᱚᱣᱟ ᱥᱟᱵᱽᱰᱤᱵᱷᱤᱡᱚᱱ ᱨᱮ ᱞᱮᱠᱷᱟᱥᱤᱫ ᱡᱟᱹᱛᱤ ᱟᱨ ᱟᱹᱫᱤᱵᱟᱹᱥᱤ ᱠᱚᱣᱟᱜ ᱞᱮᱠᱷᱟ ᱟᱹᱰᱤ ᱰᱷᱮᱨ ᱢᱮᱱᱟᱜᱼᱟ ᱾ ᱵᱟᱱᱫᱳᱣᱟᱱ ᱥᱤ.ᱰᱤ ᱵᱚᱱᱚᱛ ᱨᱮ ᱕᱑.᱘᱖% ᱟᱹᱫᱤᱵᱟᱹᱥᱤ, ᱢᱟᱱᱵᱟᱡᱟᱨ ᱒ ᱥᱤ.ᱰᱤ ᱵᱚᱱᱚᱛ ᱨᱮ ᱔᱘.᱙৭% ᱟᱹᱫᱤᱵᱟᱹᱥᱤ ᱢᱮᱱᱟᱜ ᱠᱚᱣᱟ ᱾ ᱢᱟᱱᱵᱟᱡᱟᱨ ᱑ ᱥᱤ.ᱰᱤ ᱵᱚᱱᱚᱛ ᱨᱮ ᱒᱒.᱐᱓% ᱟᱹᱫᱤᱵᱟᱹᱥᱤ ᱟᱨ ᱒᱒.᱔᱔% ᱞᱮᱠᱷᱟᱥᱤᱫ ᱡᱟᱹᱛᱤ ᱢᱮᱱᱟᱜ ᱠᱚᱣᱟ ᱾ ᱯᱩᱧᱪᱟ ᱥᱤ.ᱰᱤ ᱵᱚᱱᱚᱛ ᱨᱮ ᱒᱔.᱗᱔% ᱟᱹᱫᱤᱵᱟᱹᱥᱤ ᱟᱨ ᱑᱔.᱕᱔% ᱞᱮᱠᱷᱟᱥᱤᱫ ᱡᱟᱹᱛᱤ ᱢᱮᱱᱟᱜ ᱠᱚᱣᱟ ᱾^[᱑]^[᱒]^[᱓]^[᱔] ᱑᱙᱑᱑ ᱥᱟᱞᱮ ᱨᱮ ᱚᱞ ᱟᱠᱟᱱ, ᱮᱭᱤᱪ. ᱠᱩᱯᱞᱮᱱᱰ, ᱟᱭᱤ.ᱥᱤ.ᱮᱥ (H. Coupland, ICS), ᱢᱟᱨᱮ ᱢᱟᱱᱵᱷᱩᱢ ᱦᱚᱱᱚᱛ ᱨᱮ ᱟᱹᱫᱤᱵᱟᱹᱥᱤ ᱡᱟᱹᱛᱤ ᱠᱚᱣᱟᱜ ᱰᱷᱮᱨ ᱞᱮᱠᱷᱟ ᱵᱟᱵᱚᱛ ᱮ ᱞᱟᱹᱭ ᱟᱠᱟᱫᱟ ᱾ ᱩᱱᱤ ᱫᱚ ᱵᱤᱥᱮᱥ ᱠᱟᱭᱛᱮ ᱠᱩᱲᱢᱤ, ᱥᱟᱱᱛᱟᱲ, ᱵᱷᱩᱢᱤᱡᱽ ᱟᱨ ᱵᱟᱣᱨᱤ ᱠᱚᱣᱟᱜ ᱧᱩᱛᱩᱢ ᱮ ᱚᱞ ᱟᱠᱟᱫᱟ ᱾^[᱕]

ᱱᱳᱴ: ᱥᱟᱶᱛᱮ ᱮᱢ ᱟᱠᱟᱱ ᱢᱮᱯ ᱫᱚ ᱥᱟᱵᱽᱰᱤᱵᱷᱤᱡᱚᱱ ᱨᱮᱱᱟᱜ ᱛᱤᱱᱟᱹᱜ ᱜᱟᱱ ᱧᱩᱛᱩᱢᱟᱱ ᱴᱷᱟᱶ ᱠᱚᱭ ᱩᱫᱩᱜᱟ ᱾ ᱢᱮᱯ ᱨᱮ ᱪᱤᱱᱦᱟᱹᱣ ᱟᱠᱟᱱ ᱡᱚᱛᱚ ᱴᱷᱟᱶ ᱫᱚ ᱢᱟᱨᱟᱝ ᱯᱷᱩᱞ ᱥᱠᱨᱤᱱ ᱢᱮᱯ ᱨᱮ ᱞᱤᱸᱠ ᱟᱠᱟᱱᱟ ᱾

ᱦᱚᱲ ᱞᱮᱠᱷᱟ

ᱥᱤᱧᱚᱛ ᱨᱮᱱᱟᱜ ᱒᱐᱑᱑ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ, ᱯᱟᱠᱵᱤᱲᱨᱟ ᱨᱮ ᱜᱩᱴ ᱑,᱗᱕᱔ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ, ᱚᱱᱟ ᱢᱩᱸᱫᱽ ᱠᱷᱚᱱ ᱘᱖᱔ (᱔᱙%) ᱠᱚᱲᱟ ᱟᱨ ᱘᱙᱐ (᱕᱑%) ᱠᱩᱲᱤ ᱠᱚ ᱛᱟᱦᱮᱸ ᱠᱟᱱᱟ ᱾ ᱐-᱖ ᱥᱮᱨᱢᱟ ᱩᱢᱮᱨ ᱨᱤᱱ ᱫᱚ ᱒᱑᱙ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱾ ᱯᱟᱠᱵᱤᱲᱨᱟ ᱨᱮ ᱥᱤᱠᱷᱱᱟᱹᱛ ᱦᱚᱲ ᱠᱚᱣᱟᱜ ᱜᱩᱴ ᱮᱞ ᱫᱚ ᱑,᱐᱘᱑ (᱖ ᱥᱮᱨᱢᱟ ᱠᱷᱚᱱ ᱪᱮᱛᱟᱱ ᱩᱢᱮᱨ ᱦᱚᱲ ᱠᱚᱣᱟᱜ ᱗０.᱔᱒%) ᱛᱟᱦᱮᱸ ᱠᱟᱱᱟ ᱾^[᱖]

ᱦᱮᱡ ᱥᱮᱱ

ᱯᱟᱠᱵᱤᱲᱨᱟ ᱫᱚ ᱯᱩᱨᱩᱞᱤᱭᱟᱹ ᱥᱚᱦᱚᱨ ᱠᱷᱚᱱ ᱔᱐ ᱠᱤᱞᱚᱢᱤᱴᱚᱨ ᱜᱟᱱ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾^[᱗] ᱢᱤᱫᱴᱟᱹᱝ ᱦᱩᱰᱤᱧ ᱞᱚᱠᱟᱞ ᱥᱚᱲᱚᱠ ᱯᱟᱠᱵᱤᱲᱨᱟ ᱫᱚ ᱯᱩᱧᱪᱟ ᱥᱚᱦᱚᱨ ᱥᱟᱶ ᱮ ᱡᱚᱲᱟᱣᱟ ᱾^[᱘]

ᱯᱟᱠᱵᱤᱲᱨᱟ ᱡᱚᱭᱱᱚ ᱢᱩᱫᱽᱨᱤ ᱠᱚ

ᱯᱟᱠᱵᱤᱲᱨᱟ ᱡᱚᱭᱱᱚ ᱢᱩᱫᱽᱨᱤ ᱫᱚ ᱯᱮᱭᱟ ᱢᱩᱫᱽᱨᱤ ᱨᱮᱭᱟᱜ ᱢᱤᱫ ᱜᱩᱴ ᱠᱟᱱᱟ ᱾ ᱱᱚᱸᱰᱮᱱᱟᱜ ᱢᱟᱨᱮ ᱡᱤᱱᱤᱥ ᱠᱚ ᱫᱚ ᱟᱨᱮ ᱟᱨ ᱜᱮᱞ ᱥᱟᱭ ᱥᱮᱨᱢᱟ ᱮ.ᱰᱤ (AD) ᱨᱮᱱᱟᱜ ᱠᱟᱱᱟ ᱾ ᱱᱚᱶᱟ ᱢᱩᱫᱽᱨᱤ ᱨᱮ ᱢᱮᱱᱟᱜ ᱢᱩᱨᱛᱤ ᱠᱚ ᱢᱩᱸᱫᱽ ᱨᱮ ᱡᱚᱛᱚ ᱠᱷᱚᱱ ᱱᱟᱯᱟᱭᱟᱜ ᱫᱚ ᱦᱩᱭᱩᱜ ᱠᱟᱱᱟ ᱗.᱕ ᱯᱷᱩᱴ ᱩᱥᱩᱞ ᱥᱤᱛᱚᱞᱱᱟᱛᱷ ᱟᱨ ᱘ ᱯᱷᱩᱴ ᱩᱥᱩᱞ ᱯᱚᱫᱽᱢᱚᱯᱨᱚᱵᱷᱟ ᱟᱜ ᱢᱩᱨᱛᱤ, ᱡᱟᱦᱟᱸ ᱫᱚ ᱪᱤᱠᱟᱹᱬ ᱦᱮᱸᱫᱮ ᱫᱷᱤᱨᱤ ᱛᱮ ᱵᱮᱱᱟᱣ ᱟᱠᱟᱱᱟ ᱾ ᱯᱚᱫᱽᱢᱚᱯᱨᱚᱵᱷᱟ ᱟᱜ ᱢᱩᱨᱛᱤ ᱫᱚ ᱦᱤᱱᱫᱩ ᱫᱷᱚᱨᱚᱢ ᱨᱤᱱ ᱦᱚᱲ ᱠᱚ ᱵᱷᱚᱭᱨᱚᱵᱽᱱᱟᱛᱷ ᱞᱮᱠᱟᱛᱮ ᱦᱚᱸ ᱠᱚ ᱵᱚᱸᱜᱟᱦᱟᱭᱟ ᱾ ᱱᱚᱶᱟ ᱢᱩᱫᱽᱨᱤ ᱨᱮ ᱟᱭᱢᱟ ᱢᱩᱨᱛᱤ ᱢᱮᱱᱟᱜᱼᱟ, ᱡᱟᱦᱟᱸ ᱨᱮ ᱛᱤᱨᱛᱷᱚᱝᱠᱚᱨ ᱨᱤᱥᱚᱵᱷᱱᱟᱛᱷ, ᱯᱟᱨᱥᱣᱚᱱᱟᱛᱷ, ᱢᱚᱦᱟᱵᱤᱨ ᱟᱨ ᱫᱮᱵᱤ ᱟᱢᱵᱤᱠᱟ ᱥᱟᱶᱛᱮ ᱯᱚᱫᱽᱢᱟᱵᱚᱛᱤ ᱟᱜ ᱢᱩᱨᱛᱤ ᱠᱚ ᱢᱮᱱᱟᱜᱼᱟ ᱾^[᱙]

ᱱᱚᱶᱟ ᱢᱩᱫᱽᱨᱤ ᱨᱮᱱᱟᱜ ᱢᱩᱬᱩᱛ ᱵᱮᱱᱟᱣ ᱫᱚ ᱴᱨᱤ-ᱨᱚᱛᱷ ᱞᱮᱠᱟᱱᱟᱜ ᱠᱟᱱᱟ ᱡᱟᱦᱟᱸ ᱨᱮ ᱥᱟᱫᱷᱟᱨᱚᱱ ᱢᱚᱞᱰᱤᱝ ᱟᱨ ᱠᱟᱸᱛ ᱨᱮᱱᱟᱜ ᱟᱭᱢᱟ ᱛᱷᱚᱠ ᱨᱮᱭᱟᱜ ᱵᱷᱩᱜᱟᱹᱜ ᱟᱨ ᱞᱟᱛᱟᱨ ᱥᱮᱫ ᱫᱷᱤᱨᱤ ᱛᱮ ᱥᱟᱡᱟᱣ ᱟᱠᱟᱱᱟ ᱾ ᱱᱚᱸᱰᱮ ᱟᱢᱚᱞᱚᱠᱟ ᱨᱮᱭᱟᱜ ᱢᱟᱨᱟᱝ ᱠᱮᱪᱟᱜ ᱠᱚ ᱧᱩᱨ ᱟᱠᱟᱱᱟ ᱟᱨ ᱫᱷᱤᱨᱤ ᱨᱮᱱᱟᱜ ᱠᱚᱞᱚᱥ ᱨᱮ ᱱᱟᱜᱟᱨᱟ ᱥᱴᱟᱭᱤᱞ ᱛᱮ ᱩᱯᱟᱹᱞ ᱵᱟᱦᱟ ᱠᱩᱲᱤ ᱚᱰᱚᱠ ᱟᱠᱟᱱ ᱞᱮᱠᱟ ᱧᱮᱞᱚᱜᱼᱟ ᱾ ᱢᱩᱬᱩᱛ ᱢᱩᱫᱽᱨᱤ ᱨᱮ ᱮᱛᱚᱦᱚᱵ ᱚᱲᱟᱜ ᱟᱨ ᱜᱚᱨᱵᱷᱚᱜᱽᱨᱤᱦᱚ ᱢᱮᱱᱟᱜᱼᱟ ᱾ ᱚᱱᱟ ᱢᱩᱫᱽᱨᱤ ᱫᱚ ᱯᱟᱪᱮ ᱥᱮᱫ ᱥᱟᱢᱟᱝ ᱟᱠᱟᱱᱟ, ᱡᱟᱦᱟᱸ ᱨᱮ ᱯᱟᱞᱮᱫ ᱒ ᱢᱤᱴᱚᱨ ᱠᱷᱚᱱ ᱩᱥᱩᱞ ᱢᱤᱫ ᱢᱟᱨᱟᱝ ᱛᱤᱨᱛᱷᱚᱝᱠᱚᱨ ᱟᱜ ᱢᱩᱨᱛᱤ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱨᱮᱭᱟᱜ ᱞᱟᱛᱟᱨ ᱨᱮ ᱩᱯᱟᱹᱞ ᱵᱟᱦᱟ ᱪᱤᱱᱦᱟᱹ ᱢᱮᱱᱟᱜᱼᱟ ᱾ ᱱᱚᱶᱟ ᱢᱩᱫᱽᱨᱤ ᱨᱮ ᱘ ᱜᱚᱴᱟᱝ ᱛᱤᱸᱜᱩ ᱟᱠᱟᱱ ᱛᱤᱨᱛᱷᱚᱝᱠᱚᱨ ᱟᱜ ᱢᱩᱨᱛᱤ ᱢᱮᱱᱟᱜᱼᱟ, ᱡᱟᱦᱟᱸ ᱨᱮ ᱯᱮᱭᱟ ᱨᱤᱥᱚᱵᱷᱱᱟᱛᱷ, ᱵᱟᱨᱭᱟ ᱢᱚᱦᱟᱵᱤᱨ, ᱥᱚᱢᱵᱷᱚᱵᱽᱱᱟᱛᱷ, ᱯᱚᱫᱽᱢᱚᱯᱨᱚᱵᱷᱟ, ᱪᱚᱸᱫᱽᱨᱚᱯᱨᱚᱵᱷᱟ ᱟᱨ ᱢᱤᱫ ᱫᱟᱨᱮ ᱞᱟᱛᱟᱨ ᱨᱮ ᱡᱚᱠᱠᱷᱚ ᱟᱨ ᱡᱚᱠᱠᱷᱤ ᱟᱜ ᱵᱟᱨᱭᱟ ᱢᱩᱨᱛᱤ ᱢᱮᱱᱟᱜᱼᱟ ᱡᱟᱦᱟᱸ ᱨᱮᱭᱟᱜ ᱰᱟᱹᱨ ᱨᱮ ᱢᱤᱫ ᱡᱤᱱ ᱢᱮᱱᱟᱭᱟ ᱾ ᱯᱮᱭᱟ ᱟᱭᱟᱜᱚᱯᱟᱴᱟ ᱥᱮ ᱵᱷᱳᱴᱤᱵᱷ ᱥᱛᱩᱯ ᱟᱨ ᱟᱢᱵᱤᱠᱟ ᱟᱜ ᱢᱤᱫ ᱢᱩᱨᱛᱤ ᱡᱟᱦᱟᱸ ᱨᱮ ᱩᱱᱤ ᱟᱡᱤᱡ ᱜᱤᱫᱽᱨᱟᱹ ᱟᱨ ᱥᱮᱵᱟᱭᱤᱡ ᱥᱟᱶ ᱟᱡᱟᱜ ᱛᱟᱹᱨᱩᱵ ᱪᱮᱛᱟᱱ ᱨᱮ ᱢᱤᱫ ᱵᱟᱦᱟ ᱫᱟᱨᱮ ᱞᱟᱛᱟᱨ ᱨᱮᱭ ᱛᱤᱸᱜᱩ ᱟᱠᱟᱱᱟ, ᱚᱱᱟ ᱠᱚᱦᱚᱸ ᱱᱚᱸᱰᱮ ᱢᱮᱱᱟᱜᱼᱟ ᱾^[᱑᱐]

ᱯᱟᱠᱵᱤᱲᱨᱟ ᱪᱤᱛᱟᱹᱨ ᱜᱮᱞᱮᱨᱤ

ᱯᱟᱠᱵᱤᱲᱨᱟ ᱡᱚᱭᱱᱚ ᱢᱩᱫᱽᱨᱤ
ᱥᱤᱛᱚᱞᱱᱟᱛᱷ ᱟᱜ ᱗.᱕ ᱯᱷᱩᱴ ᱩᱥᱩᱞ ᱢᱩᱨᱛᱤ
ᱯᱟᱠᱵᱤᱲᱨᱟ ᱡᱚᱭᱱᱚ ᱢᱩᱫᱽᱨᱤ, ᱯᱩᱨᱩᱞᱤᱭᱟᱹ ᱨᱮ ᱟᱫᱤᱱᱟᱛᱷ ᱟᱜ ᱔ ᱯᱷᱩᱴ ᱩᱥᱩᱞ ᱢᱩᱨᱛᱤ
ᱯᱟᱨᱥᱣᱚᱱᱟᱛᱷ ᱢᱩᱨᱛᱤ
ᱯᱟᱠᱵᱤᱲᱨᱟ ᱨᱮ ᱟᱢᱵᱤᱠᱟ ᱟᱜ ᱢᱩᱨᱛᱤ
ᱥᱚᱦᱚᱥᱛᱨᱚ ᱯᱟᱴ - ᱢᱤᱫ ᱫᱷᱤᱨᱤ ᱯᱞᱮᱴ ᱡᱟᱦᱟᱸ ᱨᱮ ᱓᱕᱖ ᱛᱤᱨᱛᱷᱚᱝᱠᱚᱨ ᱠᱚᱣᱟᱜ ᱢᱩᱨᱛᱤ ᱢᱮᱱᱟᱜᱼᱟ ᱟᱨ ᱛᱟᱞᱟ ᱨᱮ ᱵᱷᱚᱜᱚᱵᱟᱱ ᱟᱫᱤᱱᱟᱛᱷ ᱫᱩᱲᱩᱵ ᱟᱠᱟᱱᱟᱭ

ᱥᱟᱹᱠᱷᱭᱟᱹᱛ

↑ Houlton, Sir John, Bihar, the Heart of India, 1949, p. 170, Orient Longmans Ltd.
↑ "District Statistical Handbook 2014 Purulia". Tables 2.1, 2.2. Department of Planning and Statistics, Government of West Bengal. Archived from the original on 21 January 2019. Retrieved 12 January 2020.
↑ "CD block Wise Primary Census Abstract Data(PCA)". 2011 census: West Bengal – District-wise CD blocks. Registrar General and Census Commissioner, India. Retrieved 16 January 2020.
↑ "Travel and Tourism : Purulia". The Official Website of Purulia District.
↑ "Bengal District Gazetteers – Manbhum by H. Coupland". Page 76: Manbhum, Castes and Tribes. University of California, San Diego. Retrieved 10 February 2020.
↑ "C.D. Block Wise Primary Census Abstract Data(PCA)". West Bengal – District-wise CD Blocks. Registrar General and Census Commissioner, India. Retrieved 19 January 2020.
↑ "District Census Handbook, Puruliya, Series 20, Part XII A" (PDF). Page 102:Brief Description of Places of Religious, Historical or Archaeological Importance and Places of Tourist Interest of the District. Directorate of Census Operations, West Bengal. Retrieved 19 January 2020.
↑ Google maps
↑ Bradshaw, George (1860), Bradshaw's hand-book to the Bengal presidency, and Western provinces of India, Oxford University, p. 221
↑ "Travel and Tourism : Purulia". The Official Website of Purulia District.

ᱵᱟᱦᱨᱮ ᱡᱚᱱᱚᱲ

ᱪᱷᱟᱸᱪ:ᱯᱚᱪᱷᱤᱢ ᱵᱟᱝᱞᱟ ᱨᱮᱱᱟᱜ ᱡᱚᱭᱱᱚ ᱛᱟᱞᱢᱟ ᱠᱚ

[1] Houlton, Sir John, Bihar, the Heart of India, 1949, p. 170, Orient Longmans Ltd.

[2] "District Statistical Handbook 2014 Purulia". Tables 2.1, 2.2. Department of Planning and Statistics, Government of West Bengal. Archived from the original on 21 January 2019. Retrieved 12 January 2020.

[3] "CD block Wise Primary Census Abstract Data(PCA)". 2011 census: West Bengal – District-wise CD blocks. Registrar General and Census Commissioner, India. Retrieved 16 January 2020.

[4] "Travel and Tourism : Purulia". The Official Website of Purulia District.

[5] "Bengal District Gazetteers – Manbhum by H. Coupland". Page 76: Manbhum, Castes and Tribes. University of California, San Diego. Retrieved 10 February 2020.

[census2011-6] "C.D. Block Wise Primary Census Abstract Data(PCA)". West Bengal – District-wise CD Blocks. Registrar General and Census Commissioner, India. Retrieved 19 January 2020.

[7] "District Census Handbook, Puruliya, Series 20, Part XII A" (PDF). Page 102:Brief Description of Places of Religious, Historical or Archaeological Importance and Places of Tourist Interest of the District. Directorate of Census Operations, West Bengal. Retrieved 19 January 2020.

[8] Google maps

[9] Bradshaw, George (1860), Bradshaw's hand-book to the Bengal presidency, and Western provinces of India, Oxford University, p. 221

[10] "Travel and Tourism : Purulia". The Official Website of Purulia District.

[᱑]

[᱒]

[᱓]

[᱔]

[᱕]

[᱖]

[᱗]

[᱘]

[᱙]

[᱑᱐]