ᱫᱩᱢᱠᱟ. ᱡᱤᱞᱟ.

ᱫᱩᱢᱠᱟ ᱫᱚ ᱵᱷᱟᱨᱚᱛ ᱨᱮᱭᱟᱜ ᱡᱷᱟᱨᱠᱷᱚᱱᱰ ᱯᱚᱱᱚᱛ ᱨᱮᱭᱟᱜ ᱫᱩᱢᱠᱟ ᱡᱤᱞᱟ ᱨᱮᱭᱟᱜ ᱢᱤᱫ ᱥᱚᱦᱚᱨ ᱠᱟᱱᱟ ᱾ ᱱᱚᱣᱟ ᱫᱚ ᱡᱤᱞᱟ ᱢᱩᱬ ᱫᱷᱟᱯ ᱦᱚᱸ ᱠᱟᱱᱟ ᱾[᱑][᱒]

ᱫᱩᱢᱠᱟ ᱡᱤᱞᱟ, ᱡᱟᱨᱠᱷᱟᱱᱰ, ᱫᱚ ᱥᱟᱥᱚᱱᱟᱨᱤ ᱟᱨ ᱵᱤᱪᱟᱹᱨ ᱞᱮᱠᱟᱛᱮ ᱞᱟᱹᱠᱛᱤᱭᱟᱱ ᱡᱤᱞᱟ ᱠᱟᱱᱟ ᱾ ᱱᱚᱣᱟ ᱫᱚ ᱡᱷᱟᱨᱠᱷᱚᱱᱰ ᱯᱚᱱᱚᱛ ᱨᱮᱭᱟᱜ ᱯᱟᱪᱷᱤᱢ ᱦᱟᱹᱴᱤᱧ ᱨᱮ ᱢᱮᱱᱟᱜᱼᱟ, ᱯᱚᱱᱚᱛ ᱨᱮᱭᱟᱜ ᱨᱟᱡᱽᱛᱤ ᱨᱟᱸᱪᱤ ᱨᱮᱭᱟᱜ ᱩᱛᱟᱹᱨ ᱯᱟᱹᱪᱷᱤᱢ ᱨᱮ ᱢᱮᱱᱟᱜᱼᱟ ᱾ ᱫᱩᱢᱠᱟ ᱡᱤᱞᱟ ᱫᱚ ᱟᱡᱟᱜ ᱟᱨᱤᱪᱟᱞᱤ ᱟᱨ ᱱᱟᱜᱟᱢᱤᱭᱟᱹ ᱥᱚᱢᱯᱚᱛᱤ ᱞᱟᱹᱜᱤᱫ ᱦᱚᱸ ᱵᱟᱰᱟᱭ ᱢᱮᱱᱟᱜᱼᱟ ᱾

ᱴᱚᱴᱷᱟᱹᱠᱤᱭᱟᱹ ᱦᱚᱲ ᱦᱤᱱᱰᱤ, ᱥᱟᱱᱛᱷᱟᱞᱤ, ᱢᱩᱱᱰᱟ, ᱟᱨ ᱢᱟᱞ ᱯᱟᱦᱟᱨᱤ ᱯᱟᱹᱨᱥᱤ ᱠᱚ ᱨᱚᱲᱟ᱾

ᱫᱩᱢᱠᱟ ᱡᱤᱞᱟᱹ ᱨᱮᱭᱟᱜ ᱢᱮᱱᱮᱛ ᱫᱚ "ᱥᱤᱛᱩᱝ ᱨᱮᱭᱟᱜ ᱴᱷᱟᱶ" ᱟᱨ ᱱᱚᱣᱟ ᱧᱩᱛᱩᱢ ᱫᱚ ᱩᱛᱟᱹᱨ ᱯᱩᱨᱩᱵ ᱡᱟᱨᱠᱷᱟᱱ ᱨᱮ ᱮᱢ ᱟᱠᱟᱱᱟ ᱪᱮᱫᱟᱜ ᱥᱮ ᱚᱱᱟ ᱴᱚᱴᱷᱟ ᱨᱮ ᱵᱟᱹᱲᱛᱤ ᱥᱤᱛᱩᱝ ᱦᱚᱭ ᱦᱤᱥᱤᱫ ᱢᱮᱱᱟᱜ-ᱟ᱾ ᱦᱚᱲ ᱦᱚᱲ ᱫᱚ ᱢᱩᱲᱩᱫ ᱛᱮ ᱪᱟᱥ ᱠᱟᱹᱢᱤ, ᱩᱫᱳᱜᱽ ᱟᱨ ᱟᱭᱢᱟ ᱫᱷᱚᱨᱚᱢ ᱟᱨ ᱟᱨᱤᱪᱟᱞᱤ ᱥᱮᱨᱣᱟ ᱠᱚ ᱨᱮ ᱠᱚ ᱥᱮᱞᱮᱫᱚᱜ ᱠᱟᱱᱟ᱾

ᱵᱤᱵᱨᱚᱬ

ᱫᱩᱢᱠᱟ ᱫᱚ ᱡᱷᱟᱨᱠᱷᱚᱱᱰ ᱯᱚᱱᱚᱛ ᱨᱮᱭᱟᱜ ᱨᱟᱡᱷᱚᱱ ᱠᱟᱱᱟ ᱟᱨ ᱥᱟᱱᱛᱷᱟᱞ ᱯᱟᱨᱜᱟᱱᱟ ᱦᱟᱹᱴᱤᱧ ᱨᱮᱭᱟᱜ ᱢᱩᱬ ᱫᱷᱟᱯ ᱦᱚᱸ ᱠᱟᱱᱟ ᱾ ᱫᱩᱢᱠᱟ ᱨᱮ ᱜᱮᱞ ᱵᱞᱚᱠ ᱢᱮᱱᱟᱜᱼᱟ ᱚᱱᱟ ᱠᱚ ᱫᱚ ᱱᱚᱶᱟ ᱠᱟᱱᱟ ᱫᱩᱢᱠᱟ, ᱜᱳᱯᱤᱠᱟᱱᱰᱟᱨ, ᱡᱟᱢᱟ, ᱡᱟᱨᱢᱩᱱᱰᱤ, ᱠᱟᱛᱷᱟᱠᱩᱰ, ᱢᱟᱥᱟᱞᱤᱭᱟ, ᱨᱟᱢᱜᱚᱨ, ᱨᱟᱱᱮᱥᱣᱟᱨ, ᱥᱤᱠᱟᱨᱤᱯᱟᱨᱟ ᱟᱨ ᱥᱟᱨᱟᱭᱟᱦᱟᱴ᱾ ᱱᱚᱰᱮ ᱨᱮᱱ ᱡᱚᱱᱚᱡᱟᱛᱤ ᱠᱚ ᱫᱚ ᱢᱩᱬᱩᱛ ᱛᱮ ᱥᱟᱱᱛᱷᱟᱞ ᱡᱚᱱᱚᱡᱟᱛᱤ ᱠᱚ ᱠᱟᱱᱟ ᱠᱚ ᱾ ᱯᱟᱦᱟᱰᱤᱭᱟ ᱟᱨ ᱢᱮᱞᱟᱨ ᱜᱷᱟᱴᱣᱟᱨ ᱡᱟᱹᱛ ᱠᱚ ᱦᱚᱸ ᱱᱚᱸᱰᱮ ᱧᱟᱢᱚᱜ ᱠᱟᱱᱟ ᱾ ᱵᱟᱹᱲᱛᱤ ᱥᱟᱱᱛᱷᱟᱞ ᱠᱚ ᱛᱟᱦᱮᱱ ᱠᱷᱟᱹᱛᱤᱨ ᱱᱚᱣᱟ ᱦᱟᱹᱴᱤᱧ ᱨᱮᱭᱟᱜ ᱧᱩᱛᱩᱢ ᱫᱚ ᱥᱟᱱᱛᱟᱞ ᱯᱟᱨᱜᱟᱱᱟ ᱠᱟᱱᱟ ᱾ ᱑᱘᱕᱕ ᱥᱟᱞ ᱨᱮ ᱥᱟᱱᱛᱷᱟᱞ ᱦᱩᱞ ᱛᱟᱭᱚᱢ ᱱᱚᱣᱟ ᱫᱚ ᱵᱷᱟᱜᱽᱞᱯᱩᱨ ᱠᱷᱚᱱ ᱚᱰᱚᱠ ᱠᱟᱛᱮ ᱢᱤᱫ ᱵᱷᱮᱜᱟᱨ ᱡᱤᱞᱤᱧ ᱵᱮᱱᱟᱣ ᱠᱮᱫᱟ᱾ ᱚᱠᱛᱚ ᱥᱟᱶᱛᱮ, ᱥᱮᱫᱟᱭ ᱫᱩᱢᱠᱟ ᱡᱤᱞᱟ ᱠᱷᱚᱱ ᱕ ᱜᱚᱴᱟᱝ ᱡᱤᱞᱟ ᱵᱮᱱᱟᱣ ᱟᱠᱟᱱᱟ - ᱜᱚᱰᱰᱟ, ᱫᱮᱣᱜᱽᱦᱟᱨ, ᱥᱟᱦᱮᱵᱜᱟᱸᱡᱽ, ᱯᱟᱠᱩᱨ ᱟᱨ ᱡᱟᱢᱛᱟᱨᱟ ᱾ ᱫᱩᱢᱠᱟ ᱠᱷᱚᱱ ᱑᱐ ᱠᱤᱞᱚᱢᱤᱴᱟᱨ ᱥᱟᱺᱜᱤᱧ ᱨᱮ ᱠᱩᱢᱨᱟᱵᱟᱰ ᱟᱹᱛᱩ ᱢᱮᱱᱟᱜᱼᱟ, ᱚᱠᱟ ᱫᱚ ᱜᱟᱰᱟ ᱟᱨ ᱵᱩᱨᱩ ᱛᱮ ᱜᱷᱮᱨᱟᱣ ᱢᱮᱱᱟᱜᱼᱟ ᱾ ᱢᱤᱫ ᱢᱟᱨᱟᱝ ᱯᱟᱞᱮᱥ ᱟᱨ ᱢᱟᱨᱟᱝ ᱢᱮᱢᱮ ᱫᱟᱨᱮ ᱠᱚ ᱫᱚ ᱥᱩᱢᱩᱝ ᱱᱚᱣᱟ ᱟᱹᱛᱩ ᱨᱮ ᱧᱮᱞᱚᱜᱼᱟ ᱾ ᱱᱚᱣᱟ ᱫᱚ ᱯᱩᱨᱟᱹ ᱥᱤᱨᱡᱚᱱ ᱟᱨ ᱢᱚᱱᱮ ᱞᱟᱜᱟᱣᱟᱱ ᱴᱷᱟᱶ ᱠᱟᱱᱟ, ᱡᱟᱦᱟᱸ ᱫᱚ ᱥᱟᱝᱜᱤᱧ ᱟᱨ ᱯᱟᱥᱱᱟᱣ ᱠᱷᱚᱱ ᱥᱟᱸᱜᱷᱟᱨᱤᱭᱟᱹ ᱠᱚ ᱟᱠᱚᱨᱥᱚᱱ ᱠᱚᱣᱟ ᱾ ᱱᱚᱣᱟ ᱫᱚ ᱨᱮᱭᱟᱲ ᱟᱨ ᱱᱟᱶᱟ ᱥᱮᱨᱢᱟ ᱨᱮ ᱯᱤᱠᱱᱤᱠ ᱞᱟᱹᱜᱤᱫ ᱢᱤᱫ ᱵᱷᱟᱜᱮ ᱡᱟᱭᱜᱟ ᱠᱟᱱᱟ ᱾

ᱫᱩᱢᱠᱟ ᱟᱹᱲᱟᱹ ᱫᱚ ᱫᱟᱢᱤᱱ-ᱤ-ᱠᱚᱦ ᱟᱹᱲᱟᱹ ᱠᱷᱚᱱ ᱮᱦᱚᱵ ᱟᱠᱟᱱᱟ (ᱢᱮᱱᱮᱛ: ᱵᱩᱨᱩ ᱠᱚᱣᱟᱜ ᱞᱟᱯ)᱾[᱓]

ᱱᱟᱜᱟᱢ

ᱫᱷᱤᱨᱤ ᱩᱢᱮᱨ - ᱠᱷᱟᱫᱟᱱ ᱡᱤᱱᱤᱥ ᱠᱚ ᱛᱮ ᱵᱟᱰᱟᱭ ᱟᱠᱟᱱᱟ ᱡᱮ ᱱᱚᱶᱟ ᱴᱚᱴᱷᱟ ᱨᱮᱱ ᱟᱥᱚᱞ ᱵᱟᱥᱤᱱᱫᱟ ᱫᱚ ᱢᱚᱱ-ᱠᱷᱢᱮᱨ ᱟᱨ ᱢᱩᱱᱰᱟ ᱠᱚ ᱛᱟᱦᱮᱸ ᱠᱟᱱᱟ ᱾

ᱢᱟᱨᱮ ᱱᱟᱜᱟᱢ - ᱱᱚᱣᱟ ᱡᱤᱞᱟ ᱨᱮᱱ ᱢᱟᱨᱮ ᱵᱟᱥᱤᱱᱫᱟ ᱫᱚ ᱵᱩᱨᱩ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱾ ᱜᱽᱨᱤᱠ ᱫᱟᱲᱟᱱᱤᱭᱟᱹ ᱢᱮᱜᱟᱥᱛᱷᱮᱱᱤᱥ ᱩᱱᱠᱩ ᱢᱟᱞᱤ ᱢᱮᱛᱟ ᱠᱚᱣᱟᱭ ᱾

ᱢᱮᱰᱤᱵᱷᱟᱞ ᱱᱟᱜᱟᱢ - ᱯᱮᱞᱮᱥ ᱵᱩᱨᱩ ᱛᱮ ᱜᱷᱮᱨᱟᱣ ᱟᱠᱟᱱ ᱴᱷᱟᱶ ᱠᱷᱟᱹᱛᱤᱨ ᱛᱮ ᱫᱩᱢᱠᱟ ᱫᱚ ᱩᱱᱟᱹᱜ ᱜᱮ ᱵᱟᱝ ᱥᱮᱴᱮᱨᱚᱜ ᱠᱟᱱᱟ ᱪᱮᱫᱟᱜ ᱥᱮ ᱚᱱᱟ ᱫᱚ ᱠᱟᱹᱣᱰᱤ ᱞᱮᱠᱟ ᱜᱮ ᱞᱟᱹᱠᱛᱤᱭᱟᱱᱟ᱾ 1539 sal re Chausa ᱞᱟᱹᱲᱦᱟᱹᱭ ᱨᱮ Sher Sah Suri ᱟᱜ ᱡᱤᱛᱠᱟᱹᱨ ᱛᱟᱭᱚᱢ ᱱᱚᱶᱟ ᱴᱚᱴᱟ ᱫᱚ ᱟᱯᱷᱜᱟᱱ ᱠᱚᱣᱟᱜ ᱫᱟᱵᱚᱱ ᱨᱮ ᱯᱟᱲᱟᱣ ᱮᱱᱟ, ᱢᱮᱱᱠᱷᱟᱱ ᱦᱩᱥᱟᱹᱜ ᱠᱩᱞᱤ ᱠᱷᱟᱱ ᱵᱮᱝᱜᱟᱞ ᱨᱮ ᱡᱤᱛᱠᱟᱹᱨ ᱮᱱᱟ, ᱚᱱᱟ ᱫᱚ ᱢᱩᱜᱽᱞ ᱥᱟᱢᱟᱝ ᱟᱠᱵᱟᱨ ᱟᱜ ᱫᱟᱵᱚᱱ ᱨᱮ ᱯᱟᱲᱟᱣ ᱮᱱᱟ᱾

ᱵᱨᱤᱴᱤᱥ ᱟᱹᱭᱫᱟᱹᱨᱤ - ᱵᱨᱤᱴᱤᱥ ᱧᱩᱢ ᱦᱚᱲ ᱰᱟᱠᱛᱚᱨ ᱜᱮᱵᱨᱤᱭᱮᱞ ᱵᱚᱠᱞᱤᱴᱚᱱ ᱥᱟᱦ ᱡᱟᱦᱟᱸ ᱴᱷᱮᱱ ᱠᱷᱚᱱ ᱢᱤᱫ ᱦᱚᱠᱩᱢ ᱧᱟᱢ ᱠᱮᱫᱟᱭ ᱾

᱑᱗᱔᱒-᱑᱗᱕᱑ - ᱱᱚᱣᱟ ᱚᱠᱛᱚ ᱨᱮ, ᱢᱟᱨᱟᱛᱷᱟ ᱨᱟᱡᱟ ᱨᱟᱜᱳᱡᱤ ᱵᱷᱚᱥᱟᱞᱮ ᱟᱨ ᱯᱮᱥᱣᱟ ᱵᱟᱞᱟᱡᱤ ᱨᱟᱣ ᱱᱚᱣᱟ ᱴᱚᱴᱷᱟ ᱠᱤᱱ ᱫᱟᱬᱟ ᱠᱮᱫᱟ᱾

᱑᱗᱔᱕: ᱥᱟᱱᱛᱷᱟᱞ ᱯᱟᱨᱜᱟᱱᱟ ᱟᱨ ᱨᱟᱡᱢᱟᱦᱟᱞ ᱵᱩᱨᱩ ᱨᱮᱭᱟᱜ ᱵᱤᱨ ᱠᱷᱚᱱ ᱨᱟᱜᱳᱡᱤ ᱵᱷᱚᱥᱟᱞᱮ ᱫᱩᱢᱠᱟ ᱨᱮ ᱵᱚᱞᱚ ᱮᱱᱟᱭ ᱾

᱑᱗᱖᱙: ᱵᱮᱝᱜᱟᱞ ᱨᱮᱭᱟᱜ ᱵᱤᱨᱵᱷᱩᱢ ᱢᱚᱞᱞᱟ ᱨᱮ ᱫᱩᱢᱠᱟ ᱫᱚ ᱜᱷᱟᱴᱣᱟᱞᱤ ᱯᱩᱞᱤᱥ ᱴᱷᱟᱶ ᱛᱟᱦᱮᱸ ᱠᱟᱱᱟ ᱾

᱑᱗᱗᱕: ᱫᱩᱢᱠᱟ ᱫᱚ ᱵᱷᱟᱜᱟᱞᱯᱩᱨ ᱦᱟᱹᱴᱤᱧ ᱨᱮ ᱥᱮᱞᱮᱫ ᱞᱮᱱᱟᱭ ᱾

᱑᱘᱖᱕: ᱫᱩᱢᱠᱟ ᱢᱤᱫ ᱯᱷᱩᱨᱜᱟᱹᱞ ᱡᱤᱞᱟ ᱵᱮᱱᱟᱣ ᱞᱮᱱᱟ ᱾

᱑᱘᱗᱒: ᱫᱩᱢᱠᱟ ᱫᱚ ᱥᱟᱱᱛᱷᱟᱞ ᱯᱟᱨᱜᱟᱱᱟ ᱨᱮᱭᱟᱜ ᱢᱩᱬ ᱫᱷᱟᱯᱟᱱ ᱵᱮᱱᱟᱣ ᱞᱮᱱᱟ ᱾

᱑᱘᱘᱙: ᱭᱳᱨᱳᱯ ᱨᱮᱱ ᱠᱨᱤᱥᱴᱤᱭᱟᱱ ᱢᱤᱥᱚᱱᱟᱨᱤ ᱠᱚ ᱟᱠᱚᱣᱟᱜ ᱠᱟᱹᱢᱤᱦᱚᱨᱟ ᱠᱚ ᱮᱦᱚᱵ ᱠᱮᱫᱟ᱾

᱑᱙᱐᱒: ᱯᱩᱭᱞᱩ ᱢᱭᱩᱱᱤᱥᱤᱯᱟᱞᱤ ᱛᱷᱟᱯᱚᱱ ᱞᱮᱱᱟ ᱾

᱑᱙᱒᱐: ᱵᱟᱥ ᱠᱚ ᱟᱨ ᱠᱟᱨ ᱠᱚ ᱱᱚᱸᱰᱮ ᱪᱟᱹᱞᱩ ᱮᱦᱚᱵ ᱮᱱᱟ ᱾

᱑᱙᱘᱓: ᱫᱩᱢᱠᱟ ᱫᱚ ᱥᱟᱱᱛᱷᱟᱞ ᱯᱟᱨᱜᱟᱱᱟ ᱴᱚᱴᱷᱟ ᱨᱮᱭᱟᱜ ᱢᱩᱬ ᱫᱷᱟᱯ ᱦᱩᱭᱮᱱᱟ ᱾

᱒᱐᱐᱐: ᱫᱩᱢᱠᱟ ᱡᱷᱟᱨᱠᱷᱚᱱᱰ ᱯᱚᱱᱚᱛ ᱨᱮᱭᱟᱜ ᱩᱛᱟᱹᱨ ᱨᱟᱡᱷᱚᱛᱤ ᱦᱩᱭᱮᱱᱟ ᱾

ᱦᱚᱲ ᱞᱮᱠᱷᱟ

᱒᱐᱑᱑ ᱥᱟᱞᱨᱮ, ᱫᱩᱢᱠᱟ ᱨᱮ ᱑,᱓᱒᱑,᱔᱔᱒ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ, ᱚᱱᱟ ᱠᱷᱚᱱ ᱖᱖᱘,᱕᱑᱔ ᱦᱚᱲ ᱠᱚ ᱟᱨ ᱖᱕᱒,᱙᱒᱘ ᱦᱚᱲ ᱠᱚ ᱛᱤᱨᱞᱟᱹ ᱠᱚ ᱛᱟᱦᱮᱸ ᱠᱟᱱᱟ ᱾ ᱒᱐᱒᱔ ᱨᱮ ᱫᱩᱢᱠᱟ ᱡᱤᱞᱟ ᱨᱮᱱᱟᱜ ᱦᱚᱲ ᱞᱮᱠᱷᱟ ᱑,᱕᱙᱐,᱐᱐᱐ ᱢᱮᱱᱟᱜᱼᱟ ᱾

ᱦᱚᱲ ᱟᱨ ᱞᱟᱠᱪᱟᱨ

ᱵᱷᱟᱨᱚᱛ ᱨᱮᱱᱟᱜ ᱮᱴᱟᱜ ᱠᱟᱹᱴᱤᱡ ᱵᱟᱡᱟᱨ ᱠᱚ ᱞᱮᱠᱟ ᱵᱟᱡᱟᱨ ᱦᱚᱲ ᱠᱚ ᱛᱟᱦᱮᱱ ᱠᱟᱱᱟ ᱟᱨ ᱯᱚᱨᱚᱵ ᱠᱚ ᱢᱟᱱᱟᱣ ᱮᱫᱟ᱾ ᱥᱟᱱᱟᱢ ᱡᱟᱹᱛ, ᱫᱷᱚᱨᱚᱢ ᱟᱨ ᱜᱟᱶᱛᱟ ᱨᱮᱱ ᱦᱚᱲ ᱠᱚ ᱱᱟᱝᱜᱽᱨᱟᱦᱟ ᱨᱮᱠᱚ ᱛᱟᱦᱮᱱᱟ ᱟᱨ ᱱᱟᱦᱟᱜ ᱡᱤᱭᱚᱱ ᱠᱚ ᱠᱷᱟᱱᱰᱟᱣᱟ᱾ ᱢᱮᱱᱠᱷᱟᱱ, ᱟᱹᱛᱩ ᱴᱚᱴᱷᱟ ᱨᱮ ᱢᱩᱲᱩᱫ ᱛᱮ ᱡᱟᱱᱡᱟᱛᱤ ᱜᱟᱶᱛᱟ ᱠᱚ ᱢᱮᱱᱟᱜ ᱠᱚᱣᱟ ᱾ ᱥᱟᱱᱛᱷᱟᱞ ᱟᱨ ᱯᱟᱦᱟᱰᱤᱭᱟ ᱠᱚ ᱫᱚ ᱩᱱᱠᱩ ᱢᱩᱫᱽ ᱨᱮ ᱡᱚᱛᱚ ᱠᱷᱚᱱ ᱢᱩᱲᱩᱫ ᱜᱮᱭᱟ ᱠᱚ ᱾ ᱱᱚᱸᱰᱮ ᱨᱮᱱ ᱡᱟᱱᱡᱟᱹᱛᱤ ᱠᱚ ᱫᱚ ᱵᱚᱸᱜᱟ ᱥᱤᱝᱯᱳᱝᱜᱟ ᱠᱚ ᱵᱚᱸᱜᱟᱭᱟ ᱾ ᱪᱮᱫᱟᱜ ᱥᱮ ᱵᱤᱥᱛᱤ ᱴᱚᱴᱷᱟ ᱵᱤᱨ ᱛᱮ ᱯᱮᱨᱮᱡ ᱟᱠᱟᱱᱟ, ᱱᱚᱸᱰᱮ ᱦᱚᱲ ᱠᱚ ᱵᱤᱨ ᱨᱮ ᱠᱚ ᱯᱟᱹᱨᱥᱟᱹᱣ ᱟᱠᱟᱱᱟ ᱾ ᱟᱫᱤᱵᱟᱥᱤ ᱠᱚ ᱢᱟᱱᱟᱣᱚᱜ ᱢᱩᱲᱩᱫ ᱯᱚᱨᱚᱵ ᱠᱚ ᱫᱚ ᱵᱟᱱᱫᱷᱟᱱᱟ, ᱨᱟᱥ ᱯᱟᱨᱵᱷᱟ, ᱥᱟᱠᱨᱟᱛ, ᱥᱚᱦᱨᱟᱭ ᱮᱢᱟᱱ ᱠᱚ ᱠᱟᱱᱟ।

ᱥᱟᱸᱜᱷᱟᱨ

ᱫᱩᱢᱠᱟ ᱨᱮ ᱟᱭᱢᱟ ᱞᱟᱹᱠᱛᱤᱭᱟᱱ ᱥᱟᱸᱜᱷᱟᱨᱤᱭᱟᱹ ᱴᱷᱟᱶ ᱠᱚ ᱢᱮᱱᱟᱜᱼᱟ, ᱡᱮᱞᱠᱟᱺ

ᱣᱟᱥᱩᱠᱤᱱᱟᱛᱷ ᱢᱟᱱᱫᱤᱨ, ᱢᱟᱞᱩᱴᱤ ᱢᱟᱱᱫᱤᱨ, ᱢᱟᱥᱟᱱᱡᱚᱨᱮ ᱰᱮᱢ, ᱵᱟᱥᱠᱤᱪᱟᱠ, ᱥᱨᱤᱥᱛᱤ ᱯᱟᱨᱠ᱾

ᱣᱟᱥᱩᱠᱤᱱᱟᱛᱷ ᱫᱚ ᱫᱩᱢᱠᱟ ᱥᱚᱦᱚᱨ ᱠᱷᱚᱱ ᱒᱕ ᱠᱤ.ᱢᱤ. ᱥᱟ.ᱜᱤᱧ ᱨᱮ ᱢᱮᱱᱟᱜ-ᱟ ᱾ ᱥᱟᱱᱟᱢ ᱥᱮᱨᱢᱟ ᱜᱮ ᱥᱟᱣᱟᱱ ᱪᱟᱸᱫᱚ ᱨᱮ ᱵᱷᱟᱨᱚᱛ ᱟᱨ ᱵᱤᱫᱮᱥ ᱠᱷᱚᱱ ᱥᱤᱣ ᱵᱷᱚᱠᱛᱚ ᱠᱚ ᱱᱚᱸᱰᱮ ᱦᱤᱡᱩᱜ ᱠᱟᱱᱟ ᱟᱨ ᱜᱟᱸᱰᱟ ᱫᱟᱜ ᱠᱚ ᱮᱢᱟᱜ ᱠᱟᱱᱟ ᱾

ᱢᱟᱞᱩᱴᱤ ᱢᱟᱱᱫᱤᱨ - ᱱᱚᱣᱟ ᱢᱟᱱᱫᱤᱨ ᱫᱚ ᱫᱩᱢᱠᱟ-ᱛᱟᱨᱟᱯᱤᱛᱷ, ᱨᱟᱢᱯᱩᱨᱦᱟᱴ ᱦᱚᱨ ᱨᱮ ᱢᱮᱱᱟᱜᱼᱟ ᱾ ᱢᱟᱞᱩᱴᱤ ᱫᱚ ᱢᱟᱱᱫᱤᱨ ᱟᱹᱛᱩ ᱢᱮᱱᱛᱮ ᱦᱚᱸ ᱠᱚ ᱵᱟᱰᱟᱭᱟ ᱾ ᱢᱤᱫ ᱚᱠᱛᱚ ᱨᱮ, ᱱᱚᱸᱰᱮ ᱑᱐᱘ ᱢᱟᱱᱫᱤᱨ ᱟᱨ ᱑᱐᱘ ᱯᱩᱨᱩᱵ ᱛᱟᱦᱮᱸ ᱠᱟᱱᱟ ᱾

ᱱᱚᱸᱰᱮ ᱢᱩᱲᱩᱫ ᱢᱟᱱᱫᱤᱨ ᱫᱚ ᱢᱟ ᱢᱩᱞᱤᱠᱥᱟ ᱞᱟᱹᱜᱤᱫ ᱥᱟᱯᱲᱟᱣ ᱟᱠᱟᱱᱟ, ᱚᱠᱚᱭ ᱫᱚ ᱢᱟ ᱛᱟᱨᱟ (ᱛᱟᱨᱟᱯᱤᱛ, ᱨᱟᱢᱯᱩᱨᱦᱟᱴ, ᱯᱟᱪᱷᱤᱢ ᱵᱮᱝᱜᱟᱞ) ᱨᱮᱱ ᱢᱤᱥᱨᱟ ᱢᱮᱱᱛᱮ ᱠᱚ ᱢᱚᱱᱮᱭᱟ᱾ ᱛᱮᱦᱮᱧ, ᱵᱤᱥᱛᱤ ᱢᱟᱱᱫᱤᱨ ᱠᱚ ᱫᱚ ᱵᱟᱹᱲᱤᱡ ᱚᱵᱚᱥᱛᱟ ᱨᱮ ᱢᱮᱱᱟᱜᱼᱟ ᱾

ᱢᱟᱥᱟᱱᱡᱚᱨᱮ ᱰᱮᱢ, ᱵᱟᱝᱠᱷᱟᱱ ᱠᱟᱱᱟᱰᱟ ᱰᱮᱢ, ᱫᱩᱢᱠᱟ ᱥᱚᱦᱚᱨ ᱠᱷᱚᱱ ᱒᱕ ᱠᱤ.ᱢᱤ. ᱥᱟᱺᱜᱤᱧ ᱨᱮ ᱢᱟᱭᱩᱨᱟᱠᱥᱤ ᱜᱟᱰᱟ ᱨᱮ ᱛᱮᱭᱟᱨ ᱟᱠᱟᱱᱟ ᱾ ᱱᱚᱣᱟ ᱡᱟᱭᱜᱟ ᱨᱮᱭᱟᱜ ᱥᱤᱨᱡᱚᱱ ᱪᱚᱨᱚᱠ ᱧᱮᱞ ᱞᱮᱠ ᱜᱮᱭᱟ ᱾

ᱥᱮᱪᱮᱫ

ᱫᱩᱢᱠᱟ ᱨᱮ ᱟᱭᱢᱟ ᱢᱩᱲᱩᱫ ᱥᱮᱪᱮᱫ ᱥᱚᱥᱛᱷᱟᱱ ᱢᱮᱱᱟᱜᱼᱟ, ᱢᱮᱱᱠᱷᱟᱱ ᱱᱤᱛ ᱦᱚᱸ ᱡᱟᱹᱛᱨᱤᱭᱟᱹ ᱞᱮᱠᱟᱛᱮ ᱧᱩᱛᱩᱢᱟᱱ ᱥᱮᱪᱮᱫ ᱥᱚᱥᱛᱷᱟᱱ ᱵᱟᱹᱱᱩᱜᱼᱟ᱾ ᱵᱽᱨᱤᱴᱤᱥ ᱦᱚᱛᱮᱛᱮ ᱵᱮᱱᱟᱣ ᱞᱮᱱ ᱡᱤᱞᱟ ᱤᱥᱠᱩᱞ ᱟᱨ ᱑᱙᱕᱔ ᱥᱮᱨᱢᱟ ᱨᱮ ᱵᱮᱱᱟᱣ ᱞᱮᱱ ᱥᱟᱱᱛᱟᱲᱤ ᱯᱟᱨᱜᱟᱱᱟ ᱠᱚᱞᱮᱡᱽ (ᱮᱥ ᱯᱤ ᱠᱚᱞᱮᱡᱽ) ᱫᱚ ᱱᱚᱸᱰᱮ ᱢᱮᱱᱟᱜᱼᱟ | ᱥᱤᱰᱚ-ᱠᱟᱱᱦᱩ ᱢᱩᱨᱢᱩ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱥᱟᱶᱛᱮ ᱢᱤᱫ ᱤᱧᱡᱤᱱᱤᱭᱟᱨᱤᱝ ᱠᱚᱞᱮᱡᱽ, ᱵᱟᱨ ᱯᱚᱞᱤᱴᱮᱠᱱᱤᱠ, ᱟᱨ ᱢᱤᱫ ᱢᱤᱱᱤ ᱴᱩᱞ ᱨᱩᱢ ᱦᱚᱸ ᱛᱷᱟᱯᱚᱱ ᱟᱠᱟᱱᱟ ᱾ ᱢᱤᱫ ᱢᱮᱰᱤᱠᱟᱞ ᱠᱚᱞᱮᱡᱽ ᱦᱚᱸ ᱵᱟᱱᱟᱣ ᱪᱟᱞᱟᱜ ᱠᱟᱱᱟ ᱾ ᱢᱟᱨᱟᱝ ᱜᱟᱶᱛᱟ ᱠᱚ - ᱮᱥ ᱯᱤ ᱠᱚᱞᱮᱡᱽ, ᱮ ᱮᱱ ᱟᱭ ᱠᱚᱞᱮᱡᱽ, ᱮᱥ ᱯᱤ ᱛᱤᱨᱞᱟᱹ ᱠᱚᱞᱮᱡᱽ, ᱵᱤ.ᱮᱰ ᱠᱚᱞᱮᱡᱽ, ᱥᱤᱰᱚ ᱠᱟᱱᱦᱩ ᱡᱮᱜᱮᱛ ᱵᱤᱨᱫᱟᱹᱜᱟᱲ, ᱫᱩᱢᱠᱟ ᱤᱧᱡᱤᱱᱤᱭᱟᱨᱤᱝ ᱠᱚᱞᱮᱡᱽ, ᱥᱚᱨᱠᱟᱨᱤ ᱯᱚᱞᱤᱴᱮᱠᱱᱤᱠ, ᱛᱤᱨᱞᱟᱹ ᱯᱚᱞᱤᱴᱮᱠᱱᱤᱠ, ᱩᱫᱳᱜᱽ ᱥᱮᱱᱮᱪᱮᱫ ᱜᱟᱶᱛᱟ (ᱟᱭᱤ ᱴᱤ ᱟᱭ), ᱪᱤᱠᱤᱥᱟ ᱠᱚᱞᱮᱡᱽ (ᱵᱮᱱᱟᱣ ᱠᱟᱱ), ᱥᱚᱦᱚᱨ ᱜᱤᱫᱽᱨᱟᱹ ᱥᱠᱩᱞ ᱯᱷᱟᱥᱤᱭᱟᱠᱟᱞ᱾