ᱦᱟᱢᱤᱫᱟ ᱵᱟᱱᱩ (ᱥᱮᱨᱮᱧᱤᱭᱟᱹ)
ᱦᱟᱢᱤᱫᱟ ᱵᱟᱱᱩ ᱫᱚ ᱑᱙᱓᱐ ᱥᱮᱨᱢᱟ ᱠᱷᱚᱱ ᱑᱙᱖᱐ ᱥᱮᱨᱢᱟ ᱫᱷᱟᱹᱵᱤᱡ ᱥᱤᱧᱚᱛ ᱨᱮ ᱢᱤᱫ ᱠᱞᱟᱥᱤᱠᱟᱞ ᱥᱮᱨᱮᱧ ᱥᱤᱠᱟᱹᱨᱤᱭᱟᱹ ᱟᱨ ᱯᱞᱮᱵᱮᱠ ᱥᱮᱨᱮᱧ ᱥᱤᱠᱟᱹᱨᱤᱭᱟᱹ ᱟᱨ ᱜᱟᱡᱟᱞ ᱥᱮᱨᱮᱧ ᱥᱤᱠᱟᱹᱨᱤᱭᱟᱹᱭ ᱛᱟᱦᱮᱸ ᱠᱟᱱᱟ ᱾
ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱦᱟᱢᱤᱫᱟ ᱫᱚ ᱑᱙ ᱚᱠᱴᱚᱵᱚᱨ ᱑᱙᱒᱘ ᱥᱟᱞᱮᱨᱮ ᱵᱨᱤᱴᱤᱥ ᱥᱤᱧᱚᱛ ᱚᱠᱛᱚ ᱨᱮ ᱞᱟᱦᱳᱨ ᱨᱮ ᱡᱟᱱᱟᱢ ᱞᱮᱱᱟᱭ ᱾ ᱦᱟᱢᱤᱫᱟ ᱟᱨ ᱟᱡᱤᱡ ᱠᱚᱲᱟ ᱠᱩᱲᱤ ᱦᱚᱯᱚᱱ ᱫᱚ ᱥᱮᱨᱮᱧ ᱠᱚᱭ ᱵᱷᱟᱹᱜᱤ ᱛᱟᱦᱮᱸᱫ ᱾ ᱚᱱᱟ ᱛᱟᱭᱚᱢ ᱢᱤᱫ ᱦᱚᱲ ᱫᱚ ᱩᱱᱤ ᱫᱚ ᱵᱚᱢᱵᱮ ᱨᱮ ᱪᱟᱞᱟᱣ ᱠᱟᱛᱮ ᱯᱷᱤᱞᱤᱢ ᱨᱮ ᱥᱮᱨᱮᱧ ᱠᱚᱭ ᱚᱞ ᱦᱚᱪᱚᱭᱮᱭᱟ ᱢᱮᱱᱛᱮᱭ ᱢᱮᱱ ᱠᱮᱫᱮᱭᱟ ᱾
ᱦᱟᱢᱤᱰᱟ ᱟᱨ ᱟᱡᱟᱜ ᱜᱷᱟᱨᱚᱸᱡᱽ ᱫᱚ ᱵᱚᱢᱵᱮ ᱨᱮ ᱠᱚ ᱥᱮᱱ ᱞᱮᱱᱟ, ᱢᱮᱱᱠᱷᱟᱱ ᱩᱱᱤ ᱫᱚ ᱠᱟᱹᱢᱤ ᱵᱟᱝ ᱧᱟᱢ ᱞᱮᱫ-ᱟ ᱾ ᱚᱱᱟᱛᱮ ᱟᱡᱟᱜ ᱜᱷᱟᱨᱚᱸᱡᱽ ᱫᱚ ᱠᱚᱞᱠᱟᱛᱟ ᱨᱮ ᱠᱚ ᱥᱮᱱ ᱞᱮᱱᱟ ᱾ ᱚᱱᱟ ᱛᱟᱭᱚᱢ ᱩᱱᱤ ᱫᱚ ᱯᱨᱤᱛᱷᱤ ᱛᱷᱤᱭᱮᱴᱚᱨ ᱨᱮ ᱛᱷᱤᱭᱮᱴᱚᱨ ᱰᱨᱟᱢᱟ ᱟᱨ ᱛᱷᱤᱭᱮᱴᱚᱨ ᱯᱨᱤᱭᱚᱡᱟᱱ ᱨᱮ ᱮᱱᱮᱡ ᱟᱨ ᱥᱮᱨᱮᱧ ᱮ ᱮᱛᱚᱦᱚᱵ ᱞᱮᱫ-ᱟ ᱾ ᱯᱨᱤᱛᱷᱤᱵᱤᱨᱟᱡᱽ ᱠᱟᱯᱩᱨ ᱫᱚ ᱩᱱᱤᱭᱟᱜ ᱥᱮᱨᱮᱧ ᱧᱮᱞ ᱠᱟᱛᱮ ᱩᱱᱤ ᱫᱚ ᱩᱱᱤᱭᱟᱜ ᱥᱮᱨᱮᱧ ᱟᱹᱰᱤ ᱱᱟᱯᱟᱭ ᱧᱟᱢ ᱞᱮᱫᱼᱟ ᱟᱨ ᱩᱱᱤ ᱫᱚ ᱩᱱᱤᱭᱟᱜ ᱮᱱᱮᱡ ᱨᱮ ᱥᱮᱨᱮᱧ ᱮ ᱥᱮᱨᱮᱧ ᱞᱮᱫᱼᱟ ᱾ ᱩᱱᱤ ᱫᱚ ᱨᱟᱡᱽ ᱠᱟᱯᱩᱨ ᱥᱟᱶ ᱢᱤᱫ ᱛᱷᱤᱭᱮᱴᱚᱨ ᱨᱮᱭ ᱧᱟᱯᱟᱢ ᱞᱮᱱᱟ ᱟᱨ ᱩᱱᱤ ᱫᱚ ᱩᱱᱤ ᱴᱷᱮᱱ ᱢᱮᱱ ᱠᱮᱫᱮᱭᱟ ᱡᱮ ᱩᱱᱤ ᱨᱮ ᱱᱟᱯᱟᱭ ᱟᱲᱟᱝ ᱢᱮᱱᱟᱜ-ᱟ ᱟᱨ ᱯᱷᱤᱞᱢ ᱨᱮ ᱠᱟ.ᱢᱤ ᱞᱟᱹᱠᱛᱤ ᱾ ᱛᱟᱭᱚᱢ ᱛᱮ ᱩᱱᱤ ᱫᱚ ᱠᱤᱪᱷᱩ ᱯᱷᱤᱞᱢ ᱠᱚᱨᱮ ᱠᱟ.ᱢᱤ ᱞᱮᱫ-ᱟ ᱾
ᱩᱱᱤ ᱟᱨ ᱥᱟᱹᱥᱤ ᱠᱚᱯᱩᱨ ᱫᱚ ᱟᱜᱷᱟ ᱦᱟᱥᱟᱨ ᱠᱟᱥᱢᱤᱨᱤ ᱦᱚᱛᱮᱛᱮ ᱚᱞ ᱟᱠᱟᱱ ᱛᱷᱚᱠ ᱨᱮ ᱮᱱᱮᱡ ᱟᱨ ᱰᱨᱟᱢᱟ ᱨᱮᱠᱚ ᱠᱟᱹᱢᱤ ᱟᱠᱟᱫᱟ ᱾
ᱠᱮᱨᱤᱭᱚᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱦᱟᱢᱤᱫᱟ ᱫᱚ ᱛᱷᱚᱠ ᱨᱮ ᱠᱷᱮᱞ ᱠᱟᱛᱮ ᱜᱟᱡᱚᱞ ᱟᱨ ᱠᱷᱮᱛ ᱥᱮᱨᱮᱧ ᱦᱚᱸᱭ ᱥᱮᱨᱮᱧ ᱟᱠᱟᱫ-ᱟ ᱾ ᱟᱨ ᱛᱟᱭᱚᱢ ᱛᱮ ᱯᱷᱤᱞᱢ ᱨᱮ ᱦᱚᱸ ᱜᱟᱡᱚᱞ ᱥᱮᱨᱮᱧ ᱮ ᱥᱮᱨᱮᱧ ᱟᱠᱟᱫ-ᱟ ᱾ ᱛᱟᱭᱚᱢ ᱩᱱᱤ ᱫᱚ ᱚᱞ ᱤᱱᱰᱤᱭᱟ ᱨᱮᱰᱤᱭᱳ ᱨᱮ ᱥᱮᱨᱮᱧ ᱮ ᱮᱛᱚᱦᱚᱵ ᱠᱮᱫ-ᱟ ᱾
ᱛᱟᱭᱚᱢ ᱟᱠᱴᱚᱨ ᱵᱷᱚᱜᱚᱵᱟᱱ ᱫᱟᱫᱟ ᱫᱚ ᱰᱟᱭᱨᱮᱠᱴᱚᱨ ᱥᱤ. ᱨᱟᱢᱪᱚᱸᱫᱽᱨᱚ ᱛᱟᱭᱚᱢ ᱛᱮ ᱯᱷᱤᱞᱢ ᱥᱟᱱᱡᱳᱜᱽ ᱨᱮ ᱠᱟᱣᱱ ᱜᱚᱞᱤ ᱠᱟ ᱪᱷᱳᱨᱟ ᱯᱩᱠᱟᱨᱮ ᱥᱮᱨᱮᱧ ᱮ ᱥᱮᱨᱮᱧ ᱞᱮᱫ-ᱟ ᱾ ᱱᱚᱶᱟ ᱥᱮᱨᱮᱧ ᱫᱚ ᱱᱩᱥᱚᱫᱽ ᱮ ᱚᱞ ᱞᱮᱫ-ᱟ ᱾
ᱛᱟᱭᱚᱢ ᱩᱱᱤ ᱫᱚ ᱯᱷᱤᱞᱢ ᱨᱟᱣᱱᱟᱠ (᱑᱙᱔᱔), ᱱᱚᱜᱽᱢᱟ-ᱮ-ᱥᱟᱦᱟᱨᱟ (᱑᱙᱔᱕), ᱚᱢᱚᱨ ᱨᱟᱡᱽ (᱑᱙᱔᱖), ᱫᱚᱱᱱᱤ ᱮᱠ ᱥᱟᱨᱟᱭ (᱑᱙᱔᱖), ᱡᱮᱵᱷᱚᱨᱚᱛ (᱑᱙᱔᱙), ᱪᱳᱨ (᱑᱙᱕᱑), ᱨᱟᱡᱽᱯᱩᱛ (᱑᱙᱕᱑) ᱨᱮ ᱠᱟ.ᱢᱤ ᱞᱮᱭᱟ ।
᱑᱙᱔᱕ ᱥᱟᱞᱮᱨᱮ ᱩᱱᱤ ᱟᱨ ᱥᱩᱨᱟᱭᱚ ᱫᱚ ᱯᱷᱤᱞᱢ ᱢᱮᱭᱱ ᱠᱤᱭᱟ ᱠᱟᱨᱩᱱ ᱨᱮ ᱢᱤᱫ ᱰᱮᱭᱩᱴ ᱥᱮᱨᱮᱧ ᱠᱚ ᱥᱮᱨᱮᱧ ᱞᱮᱫ ᱛᱟᱦᱮᱸᱫ ᱾ ᱑᱙᱔᱘ ᱥᱟᱞᱮ ᱨᱮ ᱩᱱᱤ ᱫᱚ ᱯᱷᱤᱞᱢ ᱯᱟᱨᱟᱭ ᱟᱜᱽ ᱨᱮ ᱯᱞᱮᱵᱮᱠ ᱥᱮᱨᱮᱧ ᱮ ᱥᱮᱨᱮᱧ ᱞᱮᱫ ᱛᱟᱦᱮᱸᱫ ᱾ ᱚᱱᱟ ᱥᱮᱨᱮᱧ ᱫᱚ ᱜᱩᱞᱟᱢ ᱢᱚᱦᱚᱢᱚᱫᱽ ᱮ ᱥᱮᱨᱮᱧ ᱞᱮᱫ ᱛᱟᱦᱮᱸᱫ ᱾ ᱑᱙᱕᱑ ᱥᱟᱞᱮᱨᱮ ᱨᱟᱡᱽᱯᱩᱛ ᱯᱷᱤᱞᱢ ᱨᱮ ᱜᱤᱴᱟ ᱫᱟᱛᱛ ᱥᱟᱶᱮ ᱥᱮᱨᱮᱧ ᱟᱠᱟᱫᱟᱭ ᱾ ᱚᱱᱟ ᱛᱟᱭᱚᱢ ᱵᱤᱦᱟᱨᱤ ᱢᱳᱴᱤ ᱯᱷᱤᱞᱢ ᱨᱮ ᱫᱳᱱᱳ ᱦᱟᱭᱤᱱ ᱢᱚᱡᱽᱵᱩᱨ ᱯᱭᱟᱨ ᱥᱮᱨᱮᱧ ᱠᱟᱛᱮ ᱯᱞᱮᱵᱮᱠ ᱥᱮᱨᱮᱧ ᱮ ᱥᱮᱨᱮᱧ ᱟᱠᱟᱫᱟᱭ ᱾ ᱱᱚᱶᱟ ᱥᱮᱨᱮᱧ ᱫᱚ ᱜᱩᱞᱟᱢ ᱢᱚᱦᱚᱢᱚᱫᱽ ᱮ ᱚᱞ ᱟᱠᱟᱫᱟ ᱾
᱑᱙᱕᱖ ᱥᱮᱨᱢᱟ ᱨᱮ ᱩᱱᱤ ᱯᱟᱠᱤᱥᱛᱟᱱ ᱨᱮᱭ ᱥᱮᱱ ᱞᱮᱱᱟ ᱟᱨ ᱨᱮᱰᱤᱭᱳ ᱞᱟᱦᱳᱨ ᱯᱟᱠᱤᱥᱛᱟᱱ ᱨᱮᱭ ᱠᱟᱹᱢᱤ ᱞᱮᱫ-ᱟ ᱾ ᱛᱟᱭᱚᱢ ᱛᱮ ᱩᱱᱤ ᱫᱚ ᱯᱤ.ᱴᱤ.ᱵᱷᱤ. ᱨᱮ ᱩᱪᱷᱟᱹᱱᱚᱜ ᱠᱟᱱ ᱥᱮᱨᱮᱧ ᱯᱨᱚᱜᱨᱟᱢ ᱨᱮ ᱥᱮᱨᱮᱧ ᱮ ᱮᱛᱚᱦᱚᱵ ᱞᱮᱫ-ᱟ ᱾
᱑᱙᱖᱗ ᱥᱟᱞᱮ ᱨᱮ ᱯᱤᱭᱚᱨ ᱠᱤ ᱵᱟᱡᱤ ᱯᱷᱤᱞᱢ ᱨᱮ ᱯᱨᱚᱰᱭᱩᱥᱚᱨ ᱞᱮᱠᱟᱛᱮ ᱠᱟᱹᱢᱤ ᱞᱮᱫᱟᱭ ᱟᱨ ᱚᱱᱟ ᱛᱟᱭᱚᱢ ᱑᱙᱗᱑ ᱥᱟᱞᱮ ᱨᱮ ᱜᱷᱮᱨᱨᱟ ᱨᱟᱡᱽ ᱯᱷᱤᱞᱢ ᱨᱮ ᱯᱨᱚᱰᱭᱩᱥᱚᱨ ᱞᱮᱠᱟᱛᱮ ᱠᱟᱹᱢᱤ ᱞᱮᱫᱟᱭ ᱾
᱑᱙᱗᱑ ᱥᱮᱨᱢᱟ ᱨᱮᱭᱟᱜ ᱢᱩᱪᱟᱹᱫ ᱨᱮ ᱩᱱᱤ ᱫᱚ ᱨᱤᱡᱟᱨᱵᱽ ᱮᱱᱟᱭ ᱟᱨ ᱟᱡᱤᱡ ᱜᱤᱫᱨᱟᱹ ᱥᱟᱶᱛᱮ ᱞᱟᱦᱳᱨ ᱨᱮᱭ ᱵᱟᱥᱟ ᱮᱱᱟᱭ ᱾
ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱦᱟᱢᱤᱫᱟ ᱫᱚ ᱵᱟᱯᱞᱟ ᱞᱮᱱᱟᱭ ᱟᱨ ᱩᱱᱤ ᱨᱮᱱ ᱢᱤᱫ ᱠᱚᱲᱟ ᱜᱤᱫᱽᱨᱟᱹ ᱢᱮᱱᱟᱭᱟ ᱾
ᱜᱩᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤ ᱫᱚ ᱙ ᱱᱚᱵᱷᱮᱢᱵᱚᱨ ᱒᱐᱐᱖ ᱥᱟᱞᱮᱨᱮ ᱯᱟᱠᱤᱥᱛᱟᱱ ᱨᱮᱭᱟᱜ ᱞᱟᱦᱳᱨ ᱨᱮᱭ ᱜᱩᱨ ᱮᱱᱟ ᱾