ᱦᱚᱨᱤᱱᱟ, ᱫᱷᱟᱱᱵᱟᱫᱽ
ᱦᱚᱨᱤᱱᱟ | |
|---|---|
ᱦᱚᱲ ᱞᱮᱠᱷᱟ ᱱᱚᱜᱚᱨ | |
ᱦᱚᱨᱤᱱᱟ ᱥᱤᱧᱚᱛ ᱨᱮᱱᱟᱜ ᱡᱷᱟᱨᱠᱷᱚᱸᱰ ᱨᱮ ᱴᱷᱟᱶ ᱦᱚᱨᱤᱱᱟ ᱦᱚᱨᱤᱱᱟ (India) | |
| ᱠᱳᱣᱚᱨᱰᱤᱱᱮᱴᱥ: 23°48′12″N 86°12′37″E / 23.803389°N 86.210389°ECoordinates: 23°48′12″N 86°12′37″E / 23.803389°N 86.210389°E | |
| ᱫᱤᱥᱚᱢ | |
| ᱯᱚᱱᱚᱛ | ᱡᱷᱟᱨᱠᱷᱚᱸᱰ |
| ᱦᱚᱱᱚᱛ | ᱫᱷᱟᱱᱵᱟᱫᱽ |
| ᱚᱥᱟᱨ ᱵᱤᱥᱟᱹᱨ | |
• ᱜᱩᱴ | 2.05 ᱠᱤᱢᱤ২ (0.79 ᱜᱟᱺᱴ ᱢᱟᱭᱤᱞ) |
| ᱦᱚᱲ ᱮᱞ (᱒᱐᱑᱑) | |
• ᱜᱩᱴ | ᱔,᱖᱓᱗ |
| • ᱰᱮᱱᱥᱤᱴᱤ | 2300/ᱠᱤᱢᱤ2 (5900/ᱜᱟᱺᱴ ᱢᱟᱹᱭᱤᱞ) |
| ᱯᱟᱹᱨᱥᱤ ᱠᱚ | |
| • ᱥᱚᱨᱠᱟᱨᱤ | ᱦᱤᱱᱫᱤ, ᱥᱟᱱᱛᱟᱲᱤ |
| ᱚᱠᱛᱚ ᱴᱚᱴᱷᱟ | ᱭᱩ.ᱴᱤ.ᱥᱤ+᱐᱕:᱓᱐ (IST) |
| ᱴᱮᱞᱤᱯᱷᱚᱱ/ ᱮᱥᱴᱤᱰᱤ ᱠᱳᱰ | ᱐᱖᱕᱔᱒ |
| ᱞᱳᱠᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ | ᱜᱤᱨᱤᱰᱤᱦ |
| ᱵᱤᱫᱷᱟᱱᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ | ᱵᱟᱜᱷᱢᱟᱨᱟ |
| ᱣᱮᱵᱽᱥᱟᱭᱤᱴ | dhanbad |
ᱦᱚᱨᱤᱱᱟ ᱫᱚ ᱥᱤᱧᱚᱛᱤᱭᱟᱹ ᱯᱚᱱᱚᱛ ᱡᱷᱟᱨᱠᱷᱚᱸᱰ ᱨᱮᱱᱟᱜ ᱫᱷᱟᱱᱵᱟᱫᱽ ᱦᱚᱱᱚᱛ ᱨᱮᱱᱟᱜ ᱫᱷᱟᱱᱵᱟᱫᱽ ᱥᱚᱫᱚᱨ ᱥᱟᱵᱽᱰᱤᱵᱤᱡᱚᱱ ᱨᱮ ᱵᱟᱜᱷᱢᱟᱨᱟ ᱥᱤᱰᱤ ᱵᱞᱚᱠ ᱨᱮ ᱢᱤᱫ ᱦᱚᱲᱞᱮᱠᱷᱟ ᱥᱚᱦᱚᱨ ᱠᱟᱱᱟ ᱾
ᱚᱛᱱᱚᱜ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]| ᱫᱷᱟᱱᱵᱟᱫᱽ ᱦᱚᱱᱚᱛ ᱨᱮ ᱫᱷᱟᱱᱵᱟᱫᱽ ᱥᱚᱫᱚᱨ ᱥᱟᱵᱽᱰᱤᱵᱤᱡᱚᱱ ᱨᱮᱱᱟᱜ ᱥᱟᱢᱟᱝ ᱥᱮᱦᱮᱫ ᱨᱮ ᱢᱮᱱᱟᱜ ᱥᱚᱦᱚᱨ, ᱱᱚᱜᱚᱨ ᱟᱨ ᱴᱷᱟᱶ ᱠᱚ ᱮᱢ: ᱱᱚᱜᱚᱨ ᱯᱟᱞᱤᱠᱟ, ᱥᱤ.ᱴᱤ.: ᱦᱚᱲ ᱞᱮᱠᱷᱟ ᱱᱚᱜᱚᱨ, ᱮᱱ: ᱥᱩᱨ-ᱥᱩᱯᱩᱨ, ᱟᱨ: ᱫᱮᱦᱟᱛ/ ᱥᱚᱦᱨᱤ ᱛᱟᱞᱢᱟ, ᱰᱤ: ᱰᱮᱢ, ᱯᱤ: ᱯᱟᱣᱟᱨ ᱯᱞᱟᱱᱴ ᱦᱩᱰᱤᱧ ᱢᱟᱱ ᱪᱤᱛᱟᱹᱨ ᱨᱮ ᱡᱟᱭᱜᱟ ᱵᱟᱹᱱᱩᱜ ᱠᱷᱟᱹᱛᱤᱨ, ᱢᱟᱨᱟᱝ ᱢᱟᱱ ᱪᱤᱛᱟᱹᱨ ᱨᱮ ᱡᱟᱭᱜᱟ ᱵᱷᱮᱜᱟᱨ ᱜᱮᱭᱟ ᱾ |
ᱴᱷᱟᱶ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱦᱚᱨᱤᱱᱟ ᱫᱚ 23°48′12″N 86°12′37″E / 23.803389°N 86.210389°E ᱨᱮ ᱢᱮᱱᱟᱜᱼᱟ ᱾
ᱱᱳᱴ: ᱥᱟᱶᱛᱮ ᱢᱮᱱᱟᱜ ᱱᱚᱠᱥᱟ ᱫᱚ ᱚᱱᱟ ᱴᱚᱴᱷᱟ ᱨᱮᱱᱟᱜ ᱠᱤᱪᱷᱩ ᱩᱫᱩᱜᱚᱜ ᱞᱮᱠᱟᱱ ᱴᱷᱟᱶ ᱠᱚ ᱩᱫᱩᱜᱼᱟ ᱾ ᱱᱚᱠᱥᱟ ᱨᱮ ᱪᱤᱱᱦᱟᱹ ᱟᱠᱟᱱ ᱡᱚᱛᱚ ᱴᱷᱟᱶ ᱢᱟᱨᱟᱝ ᱯᱩᱨᱟᱹ ᱥᱠᱨᱤᱱ ᱱᱚᱠᱥᱟ ᱨᱮ ᱡᱩᱲᱟᱹᱣ ᱢᱮᱱᱟᱜᱼᱟ ᱾
ᱵᱤᱪᱷᱱᱟᱹᱛ ᱧᱮᱞ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱢᱟᱱ ᱪᱤᱛᱟᱹᱨ ᱨᱮ ᱩᱫᱩᱜ ᱟᱠᱟᱱ ᱴᱚᱴᱷᱟ ᱫᱚ ᱠᱳᱞ ᱠᱷᱟᱫᱟᱱ ᱛᱮ ᱯᱮᱨᱮᱡ ᱟᱠᱟᱱ, ᱦᱩᱰᱤᱧ ᱵᱩᱨᱩ ᱴᱚᱴᱷᱟ ᱨᱮᱱᱟᱜ ᱢᱤᱫ ᱦᱟᱹᱴᱤᱧ ᱠᱟᱱᱟ ᱾ ᱪᱷᱳᱴᱟ ᱱᱟᱜᱽᱯᱩᱨ ᱯᱞᱟᱴᱚ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱩᱬᱩᱛ ᱫᱟᱜ ᱫᱚ ᱫᱟᱢᱳᱫᱚᱨ ᱜᱟᱰᱟ ᱠᱟᱱᱟ, ᱡᱟᱦᱟᱸ ᱫᱚ ᱮᱛᱚᱢ ᱥᱤᱢᱟᱹ ᱫᱷᱟᱨᱮ ᱨᱮ ᱢᱮᱱᱟᱜᱼᱟ ᱾ ᱫᱟᱢᱳᱫᱚᱨ ᱜᱟᱰᱟ ᱫᱷᱟᱨᱮ ᱨᱮᱱᱟᱜ ᱴᱚᱴᱷᱟ ᱫᱚ ᱫᱷᱟᱱᱵᱟᱫᱽ ᱦᱚᱱᱚᱛ ᱨᱮᱱᱟᱜ ᱢᱤᱫ ᱦᱟᱹᱴᱤᱧ ᱛᱟᱦᱮᱸ ᱠᱟᱱᱟ, ᱢᱮᱱᱠᱷᱟᱱ ᱒᱐᱐᱑ ᱥᱮᱨᱢᱟ ᱨᱮ ᱱᱚᱣᱟ ᱫᱚ ᱵᱚᱠᱟᱨᱚ ᱦᱚᱱᱚᱛ ᱨᱮ ᱦᱮᱡ ᱞᱮᱱᱟ ᱾ ᱢᱟᱱ ᱪᱤᱛᱟᱹᱨ ᱨᱮ ᱩᱫᱩᱜ ᱟᱠᱟᱱ ᱡᱟᱭᱜᱟ ᱨᱮᱱᱟᱜ ᱵᱟᱹᱲᱛᱤ ᱫᱚ ᱵᱟᱜᱷᱢᱟᱨᱟ (ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ) ᱨᱮᱱᱟᱜ ᱢᱤᱫ ᱦᱟᱹᱴᱤᱧ ᱠᱟᱱᱟ ᱾ ᱵᱟᱜᱷᱢᱟᱨᱟ ᱥᱟᱶᱛᱟ ᱩᱛᱱᱟᱹᱣ ᱵᱚᱱᱚᱛ ᱨᱮ ᱖᱗% ᱦᱚᱲ ᱫᱚ ᱟᱹᱛᱩ ᱨᱮ ᱟᱨ ᱓᱓% ᱦᱚᱲ ᱫᱚ ᱥᱚᱦᱚᱨ ᱨᱮ ᱠᱚ ᱛᱟᱦᱮᱸᱱᱟ ᱾ ᱱᱚᱶᱟ ᱴᱚᱴᱷᱟ ᱨᱮ ᱑᱘ ᱜᱚᱴᱟᱝ ᱦᱚᱲᱞᱮᱠᱷᱟ ᱥᱚᱦᱚᱨ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱨᱟᱡᱽᱜᱚᱸᱡᱽ ᱠᱷᱚᱱ ᱮᱴᱟᱜ, ᱡᱟᱦᱟᱸ ᱫᱚ ᱦᱚᱱᱚᱛ ᱨᱮᱱᱟᱜ ᱠᱚᱧᱮ ᱥᱮᱦᱮᱫ ᱨᱮ ᱢᱮᱱᱟᱜᱼᱟ ᱾ ᱫᱷᱟᱱᱵᱟᱫᱽ ᱱᱚᱜᱚᱨ ᱱᱤᱜᱟᱢ ᱨᱮᱱᱟᱜ ᱢᱤᱫ ᱦᱟᱹᱴᱤᱧ ᱱᱚᱣᱟ ᱴᱚᱴᱷᱟ ᱨᱮ ᱠᱟᱛᱨᱟᱥ ᱫᱷᱟᱹᱨᱤᱡ ᱛᱮ ᱯᱟᱥᱱᱟᱣ ᱟᱠᱟᱱᱟ ᱾ ᱰᱤ.ᱮᱢ.ᱥᱤ. ᱴᱚᱴᱷᱟ ᱨᱮᱱᱟᱜ ᱡᱟᱭᱜᱟ ᱠᱚ ᱫᱚ ᱯᱩᱲᱥᱤ ᱞᱮᱠᱟᱛᱮ ᱠᱚ ᱪᱤᱱᱦᱟᱹᱣ ᱟᱠᱟᱫᱟ ᱾ ᱰᱤ.ᱮᱢ.ᱥᱤ. ᱴᱚᱴᱷᱟ ᱨᱮᱱᱟᱜ ᱵᱟᱹᱲᱛᱤ ᱦᱟᱹᱴᱤᱧ ᱫᱚ ᱦᱚᱱᱚᱛ ᱨᱮᱱᱟᱜ ᱛᱟᱞᱢᱟ ᱟᱨ ᱮᱛᱚᱢ ᱴᱚᱴᱷᱟ ᱨᱮᱱᱟᱜ ᱢᱟᱱ ᱪᱤᱛᱟᱹᱨ ᱨᱮ ᱩᱫᱩᱜ ᱟᱠᱟᱱᱟ ᱾ ᱵᱤ.ᱥᱤ.ᱥᱤ.ᱮᱞ. ᱱᱚᱣᱟ ᱴᱚᱴᱷᱟ ᱨᱮ ᱯᱩᱱᱭᱟᱹ ᱠᱟᱹᱢᱤ ᱴᱚᱴᱷᱟ ᱢᱮᱱᱟᱜᱼᱟ - ᱠᱟᱛᱨᱟᱥ ᱴᱚᱴᱷᱟ, ᱜᱳᱵᱤᱱᱫᱽᱯᱩᱨ ᱴᱚᱴᱷᱟ, ᱵᱚᱨᱳᱨᱟ ᱴᱚᱴᱷᱟ ᱟᱨ ᱵᱞᱚᱠ - ᱒ ᱴᱚᱴᱷᱟ ᱾ ᱯᱟᱪᱮ ᱡᱷᱟᱨᱤᱭᱟ ᱴᱚᱴᱷᱟ ᱨᱮᱱᱟᱜ ᱢᱚᱦᱩᱫᱟ ᱥᱮᱠᱴᱚᱨ ᱦᱚᱸ ᱱᱚᱶᱟ ᱴᱚᱴᱷᱟ ᱨᱮ ᱜᱮ ᱠᱟᱹᱢᱤ ᱠᱟᱱᱟ ᱾[᱑][᱒][᱓]
ᱰᱮᱢᱚᱜᱨᱟᱯᱷᱤᱠ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱤᱧᱚᱛ ᱨᱮᱱᱟᱜ ᱒᱐᱑᱑ ᱥᱟᱞ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ, ᱦᱚᱨᱤᱱᱟ ᱨᱤᱱ ᱜᱩᱴ ᱦᱚᱲ ᱮᱞ ᱫᱚ ᱔,᱖᱓᱗ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ, ᱚᱸᱰᱮ ᱠᱷᱚᱱ ᱒,᱕᱑᱑ (᱕᱔%) ᱠᱚᱲᱟ ᱟᱨ ᱒,᱑᱒᱖ (᱔᱖%) ᱛᱤᱨᱞᱟᱹ ᱠᱚ ᱛᱟᱦᱮᱸ ᱠᱟᱱᱟ ᱾ ᱖ ᱥᱮᱨᱢᱟ ᱠᱷᱚᱱ ᱠᱚᱢ ᱩᱢᱮᱨ ᱨᱤᱱ ᱜᱤᱫᱽᱨᱟᱹ ᱠᱚᱣᱟᱜ ᱞᱮᱠᱷᱟ ᱫᱚ ᱔᱖᱙ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱾ ᱦᱚᱨᱤᱱᱟ ᱨᱮ ᱜᱩᱴ ᱥᱤᱠᱷᱱᱟᱹᱛ ᱦᱚᱲ ᱠᱚᱣᱟᱜ ᱞᱮᱠᱷᱟ ᱫᱚ ᱓,᱖᱔᱕ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ (ᱡᱟᱦᱟᱸ ᱫᱚ ᱖ ᱥᱮᱨᱢᱟ ᱠᱷᱚᱱ ᱰᱷᱮᱨ ᱩᱢᱮᱨ ᱨᱤᱱ ᱦᱚᱲ ᱠᱚᱣᱟᱜ ᱘᱗.᱔᱕% ᱠᱟᱱᱟ) ᱾[᱔]
ᱤᱱᱯᱨᱟᱥᱴᱨᱚᱠᱪᱚᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱦᱚᱨᱤᱱᱟ ᱨᱮᱱᱟᱜ ᱚᱥᱟᱨ ᱵᱤᱥᱟᱹᱨ ᱫᱚ ᱒.᱐᱕ ᱵᱚᱨᱜᱚ ᱠᱤᱞᱚᱢᱤᱴᱚᱨ ᱢᱮᱱᱟᱜᱼᱟ ᱾ ᱱᱚᱶᱟ ᱫᱚ ᱦᱚᱱᱚᱛ ᱦᱮᱰᱠᱩᱣᱟᱴᱚᱨ ᱫᱷᱟᱱᱵᱟᱫᱽ ᱠᱷᱚᱱ ᱓᱐ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾ ᱠᱷᱟᱱᱩᱨᱤ ᱨᱮ ᱨᱮᱞᱣᱮ ᱥᱴᱮᱥᱚᱱ ᱢᱮᱱᱟᱜᱼᱟ ᱡᱟᱦᱟᱸ ᱫᱚ ᱱᱚᱸᱰᱮ ᱠᱷᱚᱱ ᱓ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾ ᱵᱟᱜᱷᱢᱟᱨᱟ ᱨᱮ ᱵᱚᱥ ᱥᱮᱵᱟ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱱᱚᱣᱟ ᱴᱚᱴᱷᱟ ᱠᱷᱚᱱ ᱵᱟᱨ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾ ᱱᱚᱸᱰᱮ ᱒ ᱠᱤᱞᱚᱢᱤᱴᱚᱨ ᱜᱟᱱ ᱥᱚᱲᱚᱠ ᱟᱨ ᱫᱟᱯᱟᱞ ᱟᱠᱟᱱ ᱱᱟᱞᱟ ᱢᱮᱱᱟᱜᱼᱟ ᱾ ᱫᱟᱜ ᱮᱢᱚᱜ ᱨᱮᱭᱟᱜ ᱵᱟᱨᱭᱟ ᱢᱩᱬᱩᱛ ᱥᱚᱨᱚᱥ ᱫᱚ ᱦᱩᱭᱩᱜ ᱠᱟᱱᱟ ᱱᱚᱞ ᱫᱟᱜ ᱟᱨ ᱦᱮᱸᱰ ᱯᱚᱢᱯ ᱾ ᱗᱙᱔ ᱜᱚᱴᱟᱝ ᱚᱲᱟᱜ ᱨᱮ ᱵᱤᱡᱽᱞᱤ ᱡᱚᱲᱟᱣ ᱢᱮᱱᱟᱜᱼᱟ ᱾ ᱢᱮᱰᱤᱠᱟᱞ ᱥᱩᱵᱤᱫᱷᱟ ᱨᱮ ᱯᱮᱭᱟ ᱨᱟᱱ ᱫᱩᱠᱟᱹᱱ ᱢᱮᱱᱟᱜᱼᱟ ᱾ ᱥᱮᱪᱮᱫ ᱥᱩᱵᱤᱫᱷᱟ ᱨᱮ ᱱᱚᱸᱰᱮ ᱵᱟᱨᱭᱟ ᱯᱨᱟᱭᱢᱟᱨᱤ ᱵᱤᱨᱫᱟᱹᱜᱟᱲ ᱟᱨ ᱢᱤᱫᱴᱟᱹᱝ ᱛᱟᱱᱟᱞᱟ ᱵᱤᱨᱫᱟᱹᱜᱟᱲ ᱢᱮᱱᱟᱜᱼᱟ ᱾ ᱵᱟᱜᱷᱢᱟᱨᱟ ᱨᱮ ᱫᱚ ᱛᱟᱱᱟᱞᱟ ᱵᱤᱨᱫᱟᱹᱜᱟᱲ, ᱥᱤᱱᱤᱭᱚᱨ ᱛᱟᱱᱟᱞᱟ ᱵᱤᱨᱫᱟᱹᱜᱟᱲ ᱟᱨ ᱥᱟᱫᱷᱟᱨᱚᱱ ᱰᱤᱜᱽᱨᱤ ᱠᱚᱞᱮᱡᱽ ᱢᱮᱱᱟᱜᱼᱟ ᱾[᱕]
ᱵᱤ.ᱥᱤ.ᱥᱤ.ᱮᱞ. ᱫᱚ ᱡᱚᱢᱩᱱᱤᱭᱟ ᱜᱟᱰᱟ ᱨᱮ ᱵᱮᱱᱟᱣ ᱟᱠᱟᱱ ᱰᱮᱢ ᱥᱩᱨ ᱨᱮ ᱢᱮᱱᱟᱜ ᱤᱱᱴᱮᱠ ᱵᱷᱮᱞ ᱠᱷᱚᱱ ᱫᱟᱜ ᱯᱚᱢᱯ ᱞᱟᱹᱜᱤᱫ ᱮ ᱜᱚᱴᱟ ᱟᱠᱟᱫᱟ ᱾ ᱱᱚᱸᱰᱮ ᱓᱕ ᱞᱟᱠᱷ ᱜᱮᱞᱚᱱ ᱫᱤᱱᱟᱹᱢ ᱦᱤᱞᱚᱜ ᱫᱟᱜ ᱯᱟᱥᱱᱟᱣ ᱨᱮᱱᱟᱜ ᱯᱨᱚᱵᱷᱟᱣ ᱢᱮᱱᱟᱜᱼᱟ ᱾ ᱯᱤᱸᱡᱤ ᱨᱮᱱᱟᱜ ᱫᱟᱜ ᱫᱚ ᱵᱞᱚᱠ - ᱒ ᱴᱚᱴᱷᱟ ᱨᱮᱱᱟᱜ ᱢᱚᱛᱤᱜᱟᱨᱦᱟ ᱠᱚᱞᱚᱱᱤ, ᱵᱷᱤᱢᱠᱟᱱᱟᱞᱤ, ᱱᱩᱫᱽᱠᱷᱩᱨᱠᱤ ᱟᱨ ᱱᱮᱦᱨᱩ ᱱᱚᱜᱚᱨ (ᱦᱚᱨᱤᱱᱟ ᱠᱚᱞᱚᱱᱤ) ᱨᱮ ᱠᱚ ᱮᱢᱚᱜᱼᱟ ᱾ ᱫᱟᱜ ᱫᱚ ᱵᱳᱨᱵᱷᱮᱞ ᱠᱷᱚᱱ ᱫᱟᱜ ᱵᱟᱧᱪᱟᱣ ᱠᱟᱛᱮ ᱴᱤ/ᱥ ᱨᱮ ᱡᱟᱹᱯᱩᱫ ᱫᱟᱜ ᱴᱚᱸᱠ ᱨᱮ ᱵᱚᱫᱚᱞᱚᱜᱼᱟ ᱾ ᱚᱛ ᱨᱮᱱᱟᱜ ᱫᱟᱜ ᱴᱮᱱᱠ ᱠᱷᱚᱱ ᱫᱟᱜ ᱯᱟᱢᱯ ᱛᱮ ᱚᱵᱷᱚᱨ ᱦᱮᱰ ᱴᱮᱱᱠ ᱨᱮ ᱠᱚ ᱫᱚᱦᱚᱭᱟ ᱟᱨ ᱚᱱᱟ ᱛᱟᱭᱚᱢ ᱚᱵᱷᱚᱨ ᱦᱮᱰ ᱴᱮᱱᱠ ᱠᱷᱚᱱ ᱠᱚᱞᱚᱱᱤ ᱨᱮ ᱫᱟᱜ ᱮᱢᱚᱜᱼᱟ ᱾ ᱰᱤ.ᱡᱤ. ᱠᱚᱞᱳᱱᱤ ᱟᱨ ᱵᱮᱱᱮᱰᱤᱦ ᱠᱚᱞᱳᱱᱤ ᱨᱮ ᱵᱳᱨᱣᱮᱞ ᱛᱮ ᱫᱟᱜ ᱮᱢᱚᱜ ᱠᱟᱱᱟ ᱾[᱖]
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "District Census Handbook Dhanbad" (PDF). Series 21, Part XIIA, pages 4-5, 5-6, 8. Directorate of Census Operations, Jharkhand. Retrieved 4 June 2019.
- ↑ "2011 Census C.D. Block Wise Primary Census Abstract Data(PCA)". Jharkhand – District-wise CD Blocks. Registrar General and Census Commissioner, India. Retrieved 8 October 2017.
- ↑ "Area". Bharat Coking Coal Limited. Archived from the original on 26 July 2019. Retrieved 2 July 2019.
- ↑ "2011 Census C.D. Block Wise Primary Census Abstract Data(PCA)". Jharkhand – District-wise CD Blocks. Registrar General and Census Commissioner, India. Retrieved 11 June 2019.
- ↑ "District Census Handbook, Dhanbad, 2011, Series 21, Part XII A" (PDF). Pages 639-664 Statements. Directorate of Census Operations, Jharkhand. Retrieved 9 June 2019.
- ↑ "Bharat Coking Coal Limited". Block II Area Welfare. BCCL. Archived from the original on 25 January 2021. Retrieved 12 June 2019.
- Articles with short description
- Short description is different from Wikidata
- Pages using infobox settlement with bad settlement type
- Coordinates on Wikidata
- Pages with graphs
- Pages with disabled graphs
- Articles containing OSM location maps
- ᱫᱷᱟᱱᱵᱟᱫᱽ ᱦᱚᱱᱚᱛ ᱨᱮᱱᱟᱜ ᱥᱚᱦᱚᱨ ᱟᱨ ᱱᱚᱜᱚᱨ ᱠᱚ
- Pages using the Kartographer extension