ᱢᱳᱞᱟᱜᱩᱴᱴᱟᱞ
ᱭᱟᱢ, ᱮᱥ ᱜᱳᱨᱰ ᱟᱨ ᱵᱚᱴᱚᱞ ᱜᱳᱨᱰ ᱛᱮ ᱵᱮᱱᱟᱣ ᱟᱠᱟᱱ ᱢᱳᱞᱟᱜᱩᱴᱴᱟᱞ | |
| ᱮᱴᱟᱜ ᱧᱩᱛᱩᱢ | ᱢᱳᱞᱟᱜᱩᱴᱟᱞ, ᱢᱳᱞᱟᱠᱩᱴᱟᱞ |
|---|---|
| ᱞᱮᱠᱟᱱ | ᱥᱴᱤᱣ |
| ᱡᱟᱱᱟᱢ ᱴᱷᱟᱶ | ᱵᱷᱟᱨᱚᱛ |
| ᱴᱚᱴᱷᱟ ᱟᱨᱵᱟᱝ ᱯᱚᱱᱚᱛ | ᱯᱟᱞᱟᱠᱠᱟᱲ, ᱠᱮᱨᱚᱲ |
| ᱵᱟᱥᱟᱝ ᱞᱚᱞᱚᱥᱚᱝ | ᱫᱟᱠᱟ ᱥᱟᱶ ᱢᱮᱥᱟ ᱠᱟᱛᱮ |
| ᱢᱩᱬ ᱤᱱᱜᱨᱤᱰᱮᱸᱴ | ᱫᱟᱹᱞ ᱠᱚ (toor dal), ᱱᱟᱹᱲᱠᱚᱲ, ᱡᱤᱨᱟᱹ, ᱩᱛᱩ ᱡᱤᱱᱤᱥ ᱠᱚ |
| |
ᱢᱳᱞᱟᱜᱩᱴᱴᱟᱞ (Tamil: மொளகூட்டல்; Malayalam: മൊളഗൂട്ടല്) ᱫᱚ ᱢᱤᱫ ᱦᱟᱞᱠᱟ ᱫᱚᱠᱷᱤᱱ ᱵᱷᱟᱨᱚᱛᱤᱭᱚ ᱫᱟᱹᱞ ᱟᱨ ᱨᱤᱫ ᱟᱠᱟᱱ ᱱᱟᱨᱠᱚᱲ ᱨᱮᱱᱟᱜ ᱥᱴᱤᱣ ᱠᱟᱱᱟ᱾ ᱱᱚᱣᱟ ᱫᱚ ᱠᱮᱨᱚᱲ ᱨᱮᱱᱟᱜ ᱯᱟᱞᱟᱠᱠᱟᱲ ᱴᱚᱴᱷᱟ ᱨᱤᱱ ᱛᱟᱢᱤᱞ ᱵᱨᱟᱦᱢᱚᱬ ᱥᱟᱶᱛᱟ, ᱯᱟᱞᱟᱠᱠᱟᱲ ᱟᱭᱭᱟᱨ ᱠᱚᱣᱟᱜ ᱢᱤᱫ ᱚᱲᱟᱜ ᱨᱮᱱᱟᱜ ᱡᱚᱢᱟᱜ ᱠᱟᱱᱟ, ᱟᱨ ᱱᱚᱣᱟ ᱫᱚ ᱩᱱᱟᱹᱜ ᱜᱟᱰᱷᱟ ᱜᱮᱭᱟ ᱡᱮ ᱡᱚᱠᱷᱚᱱ ᱥᱟᱫᱟ ᱨᱟᱥᱟᱢ ᱥᱮ ᱥᱟᱢᱵᱟᱨ ᱵᱟᱝ ᱦᱩᱭᱩᱜᱼᱟ ᱩᱱ ᱚᱠᱛᱚ ᱨᱮ ᱮᱢ ᱜᱟᱱᱚᱜᱼᱟ᱾[᱑] ᱱᱚᱣᱟ ᱫᱚ ᱢᱤᱫ ᱪᱟᱢᱚᱪ ᱜᱚᱛᱚᱢ ᱥᱟᱶ ᱫᱟᱠᱟ ᱨᱮ ᱢᱮᱥᱟ ᱠᱟᱛᱮ ᱠᱚ ᱡᱚᱢᱟ, ᱟᱨ ᱥᱟᱢᱵᱟᱨ ᱞᱮᱠᱟ ᱱᱚᱣᱟ ᱨᱮᱫᱚ ᱡᱚᱡᱚ ᱵᱟᱝ ᱛᱟᱦᱮᱸᱱᱟ᱾[᱑]
ᱛᱟᱭᱚᱢ ᱠᱟᱛᱷᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱢᱳᱞᱟᱜᱩᱴᱴᱟᱞ ᱫᱚ ᱯᱟᱞᱟᱠᱠᱟᱲ ᱟᱭᱭᱟᱨ ᱠᱚᱣᱟᱜ ᱥᱮᱨᱣᱟᱠᱤᱭᱟᱹ ᱡᱚᱢᱟᱜ ᱠᱟᱱᱟ ᱢᱮᱱᱛᱮ ᱯᱟᱹᱛᱭᱟᱹᱣ ᱢᱮᱱᱟᱜᱼᱟ, ᱡᱟᱦᱟᱸᱭ ᱫᱚ ᱥᱮᱨᱣᱟ ᱞᱮᱠᱟᱛᱮ ᱱᱤᱨᱟᱢᱤᱥ ᱡᱚᱢ ᱠᱚ ᱠᱟᱱᱟ ᱠᱚ᱾ ᱩᱱᱠᱩᱣᱟᱜ ᱡᱚᱢᱟᱜ ᱫᱚ ᱫᱟᱹᱞ-ᱪᱮᱛᱟᱱ ᱨᱮ ᱴᱮᱦᱟᱸᱰ ᱟᱠᱟᱱᱟ, ᱢᱮᱱᱠᱷᱟᱱ ᱡᱚᱠᱷᱚᱱ ᱩᱱᱠᱩ ᱠᱮᱨᱚᱲ ᱨᱮᱠᱚ ᱵᱟᱥᱟ ᱮᱱᱟ, ᱩᱱᱠᱩ ᱫᱚ ᱴᱚᱴᱷᱟᱠᱤᱭᱟᱹ ᱟᱨᱡᱟᱣ ᱡᱮᱞᱮᱠᱟ ᱱᱟᱹᱲᱠᱚᱲ ᱟᱨ ᱠᱚᱦᱸᱰᱟ ᱠᱚ ᱥᱮᱞᱮᱫ ᱠᱮᱫᱟ, ᱟᱨ ᱢᱳᱞᱟᱜᱩᱴᱴᱟᱞ ᱫᱚ ᱚᱱᱟ ᱢᱮᱥᱟ ᱠᱷᱚᱱ ᱜᱮ ᱚᱰᱚᱠ ᱟᱠᱟᱱᱟ᱾[᱑] ᱱᱚᱣᱟ ᱡᱚᱢᱟᱜ ᱫᱚ ᱜᱚᱴᱟ ᱴᱚᱴᱷᱟ ᱨᱮᱱᱟᱜ ᱚᱲᱟᱜ ᱠᱚᱨᱮ ᱥᱟᱫᱷᱟᱨᱚᱱ ᱜᱮᱭᱟ ᱟᱨ ᱨᱮᱥᱴᱩᱨᱮᱱᱴ ᱠᱚᱨᱮ ᱫᱚ ᱟᱹᱰᱤ ᱠᱚᱢ ᱜᱮ ᱟᱠᱷᱨᱤᱧᱚᱜᱼᱟ᱾[᱑]
ᱥᱟᱯᱲᱟᱣ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱛᱩᱨ ᱫᱟᱹᱞ, ᱠᱟᱹᱡ ᱢᱩᱝ ᱫᱟᱹᱞ ᱥᱟᱶ, ᱵᱟᱪᱷᱟᱣ ᱟᱠᱟᱱ ᱩᱛᱩ ᱡᱤᱱᱤᱥ ᱠᱚ ᱥᱟᱶ ᱵᱷᱟᱯ ᱛᱮ ᱤᱥᱤᱱᱚᱜᱼᱟ᱾ ᱠᱩᱨᱟᱹᱣ ᱟᱠᱟᱱ ᱱᱟᱹᱲᱠᱚᱲ ᱫᱚ ᱡᱤᱨᱟᱹ ᱟᱨ ᱨᱚᱦᱚᱲ ᱟᱨᱟᱜ ᱢᱟᱹᱨᱤᱪ ᱥᱟᱶ ᱨᱤᱫ ᱠᱟᱛᱮ ᱯᱮᱥᱴ ᱵᱮᱱᱟᱣᱜᱼᱟ, ᱡᱟᱦᱟᱸ ᱫᱚ ᱢᱤᱫ ᱜᱟᱰᱷᱟ ᱥᱴᱤᱣ ᱵᱮᱱᱟᱣ ᱞᱟᱹᱜᱤᱫ ᱞᱟᱹᱠᱛᱤᱭᱟᱱ ᱫᱟᱜ ᱥᱟᱶ ᱫᱟᱹᱞ ᱟᱨ ᱩᱛᱩ ᱡᱤᱱᱤᱥ ᱠᱚ ᱥᱟᱶ ᱢᱮᱥᱟ ᱦᱩᱭᱩᱜᱼᱟ, ᱟᱨ ᱯᱟᱹᱛᱤᱞ ᱫᱚ ᱠᱟᱹᱨᱤ ᱥᱟᱠᱟᱢ ᱥᱟᱶᱛᱮ ᱱᱟᱨᱠᱚᱲ ᱥᱩᱱᱩᱢ ᱨᱮ ᱵᱷᱟᱡᱟ ᱟᱠᱟᱱ ᱛᱩᱲᱤ ᱡᱟᱝ ᱨᱮᱱᱟᱜ ᱢᱤᱫ ᱯᱷᱚᱲᱚᱱ ᱥᱟᱶᱛᱮ ᱯᱩᱨᱟᱹᱣᱜᱼᱟ᱾[᱑] ᱡᱷᱟᱞ ᱫᱚ ᱠᱷᱟᱹᱞᱤ ᱵᱟᱨᱭᱟ ᱜᱟᱱ ᱢᱟᱹᱨᱤᱪ ᱠᱷᱚᱱ ᱦᱤᱡᱩᱜᱼᱟ, ᱚᱱᱟᱛᱮ ᱥᱴᱤᱣ ᱫᱚ ᱡᱷᱟᱞ ᱵᱚᱫᱚᱞ ᱛᱮ ᱦᱟᱞᱠᱟ ᱜᱮ ᱛᱟᱦᱮᱸᱱᱟ, ᱟᱨ ᱡᱚᱡᱚ ᱵᱟᱝ ᱛᱟᱦᱮᱸᱱ ᱠᱷᱟᱹᱛᱤᱨ ᱜᱮ ᱱᱚᱣᱟ ᱫᱚ ᱥᱟᱢᱵᱟᱨ ᱠᱷᱚᱱ ᱵᱷᱮᱜᱟᱨᱟ᱾[᱑] ᱢᱤᱫ ᱡᱚᱯᱲᱟᱣ ᱯᱟᱞᱟᱠᱠᱟᱲ ᱡᱚᱢᱟᱜ, ᱢᱳᱞᱟᱜᱩᱥᱟᱭᱟᱢ, ᱫᱟᱹᱞ-ᱟᱨ-ᱩᱛᱩ ᱡᱤᱱᱤᱥ ᱵᱮᱥ ᱮ ᱦᱟᱹᱴᱤᱧᱟ ᱢᱮᱱᱠᱷᱟᱱ ᱢᱩᱝ ᱫᱟᱹᱞ ᱮ ᱵᱮᱵᱷᱟᱨᱟ, ᱱᱚᱣᱟ ᱨᱮᱱᱟᱜ ᱡᱷᱟᱞ ᱫᱚ ᱜᱳᱞ ᱢᱟᱹᱨᱤᱪ ᱠᱷᱚᱱ ᱦᱟᱛᱟᱣᱟ, ᱟᱨ ᱱᱚᱣᱟ ᱨᱮ ᱱᱟᱹᱲᱠᱚᱲ ᱫᱚ ᱵᱟᱝ ᱛᱟᱦᱮᱸᱱᱟ᱾[᱑]
ᱵᱷᱮᱜᱟᱨ ᱵᱷᱮᱜᱟᱨ ᱞᱮᱠᱟᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱢᱳᱞᱟᱜᱩᱴᱴᱟᱞ ᱫᱚ ᱟᱭᱢᱟ ᱨᱩᱯ ᱨᱮ ᱵᱮᱱᱟᱣᱜᱼᱟ ᱡᱟᱦᱟᱸ ᱫᱚ ᱠᱷᱟᱹᱞᱤ ᱩᱛᱩ ᱡᱤᱱᱤᱥ ᱨᱮᱜᱮ ᱵᱷᱮᱜᱟᱨᱚᱜᱼᱟ: ᱪᱤᱨᱟᱭ, ᱯᱟᱞᱚᱝ ᱟᱲᱟᱜ ᱥᱮ ᱮᱴᱟᱜ ᱥᱟᱠᱟᱢᱟᱱ ᱟᱲᱟᱜ ᱠᱚ ᱥᱟᱶ; ᱱᱩᱞᱠᱳᱞ, ᱠᱳᱞᱨᱟᱵᱤ ᱥᱟᱶ; ᱟᱨ ᱠᱟᱞᱟᱱᱫᱷᱟ, ᱜᱟᱡᱚᱨ, ᱵᱤᱱᱥ ᱟᱨ ᱟᱹᱞᱩ ᱞᱮᱠᱟᱱ ᱢᱮᱥᱟᱞ ᱩᱛᱩ ᱡᱤᱱᱤᱥ ᱠᱚ ᱨᱮᱱᱟᱜ ᱢᱤᱫ ᱢᱤᱠᱥᱪᱟᱨ᱾[᱑] ᱯᱟᱞᱚᱝ ᱟᱲᱟᱜ ᱵᱷᱚᱨᱥᱚᱱ ᱞᱟᱹᱜᱤᱫ ᱫᱚ, ᱩᱨᱚᱫᱽ ᱫᱟᱹᱞ ᱫᱚ ᱟᱨᱟᱜ ᱢᱟᱹᱨᱤᱪ ᱥᱟᱶ ᱵᱷᱟᱡᱟ ᱦᱩᱭᱩᱜᱼᱟ ᱟᱨ ᱱᱟᱹᱲᱠᱚᱲ ᱯᱮᱥᱴ ᱨᱮ ᱨᱤᱫ ᱢᱮᱥᱟ ᱦᱩᱭᱩᱜᱼᱟ᱾[᱑]
ᱯᱟᱹᱨᱥᱟᱹᱣ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱴᱤᱣ ᱫᱚ ᱜᱚᱛᱚᱢ ᱥᱟᱶ ᱫᱟᱠᱟ ᱨᱮ ᱢᱮᱥᱟ ᱠᱟᱛᱮ ᱠᱚ ᱡᱚᱢᱟ᱾ ᱢᱤᱫ ᱯᱟᱞᱟᱠᱠᱟᱲ ᱫᱟᱠᱟ ᱡᱚᱢ ᱨᱮ ᱱᱚᱣᱟ ᱫᱚ ᱟᱭᱢᱟ ᱫᱷᱟᱣ ᱢᱤᱫ ᱵᱷᱮᱱᱰᱟᱠᱠᱟ ᱯᱟᱪᱟᱲᱤ, ᱢᱚᱥᱞᱟ ᱮᱢᱟᱜ ᱫᱟᱹᱦᱤ ᱨᱮ ᱞᱮᱰᱤᱡᱽ ᱯᱷᱤᱝᱜᱟᱨ, ᱟᱨ ᱢᱤᱫ ᱛᱷᱳᱜᱟᱭᱟᱞ, ᱱᱟᱹᱲᱠᱚᱲ ᱟᱨ ᱡᱚᱡᱚ ᱨᱮᱱᱟᱜ ᱢᱤᱫ ᱨᱚᱦᱚᱲ ᱪᱟᱴᱱᱤ ᱥᱟᱶ ᱠᱚ ᱡᱚᱯᱲᱟᱣᱟ, ᱡᱟᱦᱟᱸ ᱛᱮ ᱦᱟᱞᱠᱟ ᱥᱴᱤᱣ ᱥᱟᱶ ᱢᱤᱫ ᱡᱚᱡᱚ ᱥᱟᱭᱤᱰ ᱛᱟᱦᱮᱸᱱᱟ; ᱵᱟᱧᱪᱟᱣ ᱟᱠᱟᱱ ᱢᱳᱞᱟᱜᱩᱴᱴᱟᱞ ᱫᱚ ᱨᱩᱴᱤ ᱥᱟᱶ ᱦᱚᱸ ᱠᱚ ᱡᱚᱢᱟ᱾[᱑]