ᱠᱷᱤᱪᱤᱝ
ᱠᱷᱤᱪᱤᱝ
ᱠᱷᱤᱪᱤᱝ | |
|---|---|
ᱟᱹᱛᱩ | |
ᱢᱟ ᱠᱤᱪᱚᱠᱮᱥᱣᱚᱨᱤ ᱢᱚᱱᱫᱤᱨ | |
ᱠᱷᱤᱪᱤᱝ ᱥᱤᱧᱚᱛ ᱨᱮᱭᱟᱜ ᱳᱰᱤᱥᱟ ᱨᱮ ᱴᱷᱟᱶ ᱠᱷᱤᱪᱤᱝ ᱠᱷᱤᱪᱤᱝ (India) | |
| ᱠᱳᱣᱚᱨᱰᱤᱱᱮᱴᱥ: 21°56′0″N 85°50′0″E / 21.93333°N 85.83333°ECoordinates: 21°56′0″N 85°50′0″E / 21.93333°N 85.83333°E | |
| ᱫᱤᱥᱚᱢ | |
| ᱯᱚᱱᱚᱛ | ᱳᱰᱤᱥᱟ |
| ᱦᱚᱱᱚᱛ | ᱢᱚᱭᱩᱨᱵᱷᱚᱸᱡᱽ[᱑] |
| ᱯᱟᱹᱨᱥᱤ | |
| • ᱥᱚᱨᱠᱟᱨᱤ | ᱳᱰᱤᱭᱟ |
| • ᱴᱚᱴᱷᱟᱠᱤᱭᱟᱹ | ᱥᱟᱱᱛᱟᱲᱤ, ᱦᱳ |
| ᱚᱠᱛᱚ ᱴᱚᱴᱷᱟ | ᱭᱩ.ᱴᱤ.ᱥᱤ+5:30 (ᱟᱭᱤ.ᱮᱥ.ᱴᱤ) |
| ᱯᱤᱱ ᱠᱳᱰ | 757039 |
| ᱜᱟᱹᱰᱤ ᱨᱮᱡᱤᱥᱴᱨᱮᱥᱚᱱ | OD-11 |
| ᱣᱮᱵᱽᱥᱟᱭᱤᱴ | mayurbhanj |
ᱠᱷᱤᱪᱤᱝ ᱫᱚ ᱵᱷᱚᱸᱡᱽ ᱥᱟᱥᱚᱱᱤᱭᱟᱹ ᱠᱚᱣᱟᱜ ᱢᱤᱫ ᱢᱩᱬᱩᱛ ᱛᱤᱨᱛᱷᱚ ᱟᱹᱛᱩ ᱠᱟᱱᱟ, ᱡᱟᱦᱟᱸ ᱫᱚ ᱯᱟᱸᱪᱯᱤᱲ ᱥᱟᱵᱽᱰᱤᱵᱷᱤᱡᱚᱱ (ᱪᱟᱸᱜᱟ ᱠᱷᱚᱸᱰ) ᱨᱮ ᱢᱮᱱᱟᱜᱼᱟ᱾[᱒]
ᱠᱷᱤᱪᱤᱝ ᱫᱚ ᱠᱮᱶᱡᱷᱚᱨᱜᱚᱲ ᱵᱟᱡᱟᱨ ᱠᱷᱚᱱ ᱕᱐ ᱠᱤᱞᱚᱢᱤᱴᱚᱨ ᱥᱟᱢᱟᱝ ᱟᱨ ᱠᱚᱨᱚᱧᱡᱤᱭᱟᱹ ᱠᱷᱚᱱ ᱒᱔ ᱠᱤᱞᱚᱢᱤᱴᱚᱨ ᱯᱟᱪᱮ ᱨᱮ ᱢᱮᱱᱟᱜᱼᱟ᱾ ᱱᱚᱶᱟ ᱨᱮᱭᱟᱜ ᱥᱩᱨ ᱥᱩᱯᱩᱨ ᱨᱮ ᱟᱭᱢᱟ ᱟᱹᱛᱩ ᱢᱮᱱᱟᱜᱼᱟ, ᱡᱮᱞᱮᱠᱟ ᱥᱩᱠᱨᱩᱞᱤ, ᱠᱮᱥᱟᱱᱟ, ᱱᱟᱣᱯᱟᱱᱟ, ᱠᱟᱠᱷᱟᱨᱩᱯᱟᱱᱟ, ᱥᱟᱞᱟᱵᱟᱱᱟ, ᱵᱤᱨᱟᱴᱜᱚᱲ, ᱠᱤᱪᱚᱠᱜᱚᱲ᱾ ᱟᱨ ᱢᱤᱫ ᱥᱩᱨ ᱨᱮᱭᱟᱜ ᱟᱹᱛᱩ ᱫᱚ ᱥᱤᱝᱫᱟ ᱠᱟᱱᱟ᱾ ᱠᱷᱤᱪᱤᱝ ᱨᱮᱭᱟᱜ ᱢᱩᱬᱩᱛ ᱯᱟᱨᱟᱵᱽ ᱫᱚ ᱥᱤᱵᱽᱨᱟᱛᱨᱤ ᱠᱟᱱᱟ, ᱡᱟᱦᱟᱸ ᱫᱚ ᱮᱭᱟᱭ ᱢᱟᱦᱟᱸ ᱫᱷᱟᱹᱵᱤᱡ ᱢᱟᱱᱟᱣ ᱦᱩᱭᱩᱜᱼᱟ᱾
ᱠᱷᱤᱪᱤᱝ ᱨᱮᱭᱟᱜ ᱢᱩᱬᱩᱛ ᱧᱮᱞᱡᱚᱝ ᱴᱷᱟᱶ ᱫᱚ ᱢᱟ ᱠᱤᱪᱚᱠᱮᱥᱣᱚᱨᱤ ᱢᱚᱱᱫᱤᱨ ᱠᱟᱱᱟ᱾ ᱱᱚᱶᱟ ᱢᱚᱱᱫᱤᱨ ᱫᱚ ᱙᱒᱐/᱙᱒᱕ ᱥᱮᱨᱢᱟ ᱨᱮ ᱵᱮᱱᱟᱣ ᱞᱮᱱᱟ᱾ ᱫᱮᱵᱤ ᱠᱤᱪᱚᱠᱮᱥᱣᱚᱨᱤ, ᱡᱟᱦᱟᱸᱭ ᱫᱚ ᱥᱩᱢᱩᱝ ᱵᱷᱚᱸᱡᱽ ᱨᱟᱡᱽᱵᱚᱝᱥᱚ ᱨᱤᱱᱤᱡ ᱤᱥᱴᱚᱫᱮᱵᱚᱛᱟ ᱟᱨ ᱠᱩᱞᱫᱮᱵᱤ ᱫᱚ ᱵᱟᱝ, ᱢᱮᱱᱠᱷᱟᱱ ᱩᱱᱠᱩ ᱦᱚᱛᱮᱛᱮ ᱥᱟᱥᱚᱱᱚᱜ ᱠᱟᱱ ᱢᱚᱭᱩᱨᱵᱷᱚᱸᱡᱽ ᱯᱚᱱᱚᱛ ᱨᱤᱱᱤᱡ ᱢᱩᱬᱩᱛ ᱵᱚᱸᱜᱟᱭ ᱛᱟᱦᱮᱸ ᱠᱟᱱᱟ᱾ ᱱᱚᱶᱟ ᱢᱚᱱᱫᱤᱨ ᱫᱚ ᱵᱷᱟᱱᱰᱟᱞ ᱠᱚᱣᱟᱜ ᱛᱤ ᱛᱮ ᱨᱟᱹᱯᱩᱫ ᱞᱮᱱᱟ᱾ ᱢᱚᱭᱩᱨᱵᱷᱚᱸᱡᱽ ᱨᱤᱱᱤᱡ ᱨᱟᱡᱟ, ᱢᱚᱦᱟᱨᱟᱡᱟ ᱯᱨᱚᱛᱟᱯ ᱪᱚᱸᱫᱽᱨᱚ ᱵᱷᱚᱸᱡᱽᱫᱮᱣ ᱑᱙᱓᱔ ᱥᱮᱨᱢᱟ ᱨᱮ ᱟᱢᱫᱟᱡᱽ ᱘᱕,᱐᱐᱐.᱐᱐ ᱴᱟᱠᱟ ᱠᱷᱚᱨᱚᱪ ᱠᱟᱛᱮ ᱱᱚᱶᱟ ᱢᱚᱱᱫᱤᱨ ᱮ ᱵᱮᱱᱟᱣ ᱨᱩᱣᱟᱹᱲ ᱞᱮᱫᱼᱟ᱾ ᱢᱚᱱᱫᱤᱨ ᱨᱮᱭᱟᱜ ᱩᱥᱩᱞ ᱫᱚ 100 ft (30 m) ᱟᱨ ᱜᱩᱴ ᱮᱨᱤᱭᱟ ᱫᱚ ᱑᱗᱖᱔ ᱥᱠᱚᱭᱟᱨ ᱯᱷᱩᱴ᱾ ᱢᱩᱬᱩᱛ ᱢᱚᱱᱫᱤᱨ ᱫᱚ ᱛᱤᱠᱤᱱ ᱑᱒ ᱴᱟᱲᱟᱝ ᱠᱷᱚᱱ ᱛᱟᱨᱟᱥᱤᱧ ᱓ ᱴᱟᱲᱟᱝ ᱫᱷᱟᱹᱵᱤᱡ ᱵᱚᱸᱫᱽ ᱛᱟᱦᱮᱸᱱᱟ᱾
ᱱᱚᱸᱰᱮ ᱢᱤᱫ ᱢᱤᱣᱡᱤᱭᱟᱹᱢ (ᱨᱟᱹᱠᱷᱤ ᱡᱚᱜᱟᱣ ᱵᱟᱠᱷᱳᱞ) ᱢᱮᱱᱟᱜᱼᱟ ᱡᱟᱦᱟᱸ ᱫᱚ ᱢᱚᱦᱟᱨᱟᱡᱟ ᱯᱩᱨᱱᱚ ᱪᱚᱸᱫᱽᱨᱚ ᱵᱷᱚᱸᱡᱽᱫᱮᱣ ᱑᱙᱒᱒ ᱥᱮᱨᱢᱟ ᱨᱮᱭ ᱵᱮᱱᱟᱣ ᱞᱮᱫᱼᱟ᱾[᱓]
ᱵᱤᱵᱚᱨᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱷᱚᱸᱡᱽ ᱥᱟᱥᱚᱱᱤᱭᱟᱹ ᱠᱚᱣᱟᱜ ᱢᱟᱨᱮ ᱨᱟᱡᱽᱜᱟᱲ ᱠᱷᱤᱪᱤᱝ ᱫᱚ ᱵᱟᱞᱮᱥᱚᱨ ᱠᱷᱚᱱ ᱟᱢᱫᱟᱡᱽ ᱑᱙᱐ ᱠᱤᱞᱚᱢᱤᱴᱚᱨ ᱟᱨ ᱵᱟᱨᱤᱯᱟᱫᱟ ᱠᱷᱚᱱ ᱑᱓᱐ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ᱾ ᱱᱚᱶᱟ ᱴᱷᱟᱶ ᱨᱮ ᱟᱹᱰᱤ ᱟᱭᱢᱟ ᱢᱚᱱᱫᱤᱨ ᱢᱮᱱᱟᱜᱼᱟ, ᱡᱟᱦᱟᱸ ᱠᱚ ᱢᱩᱸᱫᱽ ᱨᱮ ᱠᱤᱪᱷᱩ ᱨᱮᱫᱚ ᱱᱤᱛ ᱦᱚᱸ ᱵᱚᱸᱜᱟ ᱵᱩᱨᱩ ᱦᱩᱭᱩᱜ ᱠᱟᱱ ᱜᱮᱭᱟ᱾ ᱠᱷᱤᱪᱤᱝ ᱨᱤᱱᱤᱡ ᱢᱩᱬᱩᱛ ᱵᱚᱸᱜᱟ ᱫᱚ ᱠᱤᱪᱚᱠᱮᱥᱣᱚᱨᱤ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱢᱚᱭᱩᱨᱵᱷᱚᱸᱡᱽ ᱨᱟᱡᱟ ᱠᱚᱨᱤᱱ ᱡᱚᱛᱚ ᱠᱷᱚᱱ ᱥᱚᱱᱚᱛ ᱫᱮᱵᱤ ᱠᱟᱱᱟᱭ᱾ ᱩᱱᱤᱭᱟᱜ ᱧᱩᱛᱩᱢ ᱛᱮ ᱟᱞᱟᱭ ᱟᱠᱟᱱ ᱢᱚᱱᱫᱤᱨ ᱫᱚ ᱯᱩᱨᱟᱹᱯᱩᱨᱤ ᱠᱞᱳᱨᱟᱭᱤᱴ ᱫᱷᱤᱨᱤ ᱛᱮ ᱵᱮᱱᱟᱣ ᱟᱠᱟᱱᱟ ᱟᱨ ᱥᱤᱧᱚᱛ ᱨᱮ ᱱᱚᱝᱠᱟᱱᱟᱜ ᱢᱚᱱᱫᱤᱨ ᱫᱚ ᱱᱚᱶᱟ ᱢᱤᱫᱴᱟᱹᱝ ᱜᱮᱭᱟ᱾ ᱱᱚᱸᱰᱮᱱᱟᱜ ᱢᱩᱨᱛᱤ ᱠᱚᱫᱚ ᱟᱹᱰᱤ ᱪᱚᱨᱚᱠᱟ᱾ ᱱᱚᱸᱰᱮᱱᱟᱜ ᱢᱤᱫ ᱢᱤᱣᱡᱤᱭᱟᱹᱢ (ᱨᱟᱹᱠᱷᱤ ᱡᱚᱜᱟᱣ ᱵᱟᱠᱷᱳᱞ) ᱨᱮ ᱢᱩᱨᱛᱤ ᱟᱨ ᱠᱟᱹᱨᱤ ᱨᱮᱭᱟᱜ ᱟᱹᱰᱤ ᱡᱟᱹᱨᱩᱲᱟᱱ ᱱᱟᱜᱟᱢᱤᱭᱟᱹ ᱱᱚᱢᱩᱱᱟ ᱠᱚ ᱢᱮᱱᱟᱜᱼᱟ᱾[᱒]
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ mayurbhanj.nic.in
- 1 2 "Khiching | Mayurbhanj District, Government of Odisha | India" (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). Retrieved 2020-06-10.
- ↑ "History meets nature at Khiching". www.telegraphindia.com.