ᱠᱷᱚᱱᱟ

ᱠᱷᱚᱱᱟ (Khôna)
ᱠᱷᱚᱱᱟ (Khôna)
	ᱠᱷᱚᱱᱟ - ᱯᱟᱥᱱᱟᱣ ᱯᱩᱛᱷᱤ (᱑᱙᱓᱘)
ᱡᱟᱱᱟᱢ	ᱜᱚᱴᱟᱜᱩᱴᱤ ᱘ ᱟᱱᱟᱜ-᱑᱒ ᱟᱱᱟᱜ ᱥᱟᱭ ᱥᱮᱨᱢᱟ; ᱵᱮᱸᱜᱚᱞ
ᱠᱟᱹᱢᱤ	ᱧᱮᱱᱮᱞᱤᱭᱟᱹ, ᱮᱞᱠᱷᱟ ᱥᱟᱬᱮᱥᱤᱭᱟᱹ, ᱚᱱᱚᱲᱦᱤᱭᱟᱹ, ᱡᱽᱭᱳᱛᱤᱥᱚᱵᱤᱫᱽ
ᱚᱠᱛᱚ	ᱯᱟᱞ ᱥᱟᱢᱨᱟᱡᱽ

ᱠᱷᱚᱱᱟ, ᱡᱟᱦᱟᱸᱭ ᱫᱚ ᱰᱟᱠ ᱵᱟᱝᱠᱷᱟᱱ ᱞᱤᱞᱟᱵᱚᱛᱤ ᱢᱮᱱᱛᱮ ᱦᱚᱸ ᱵᱟᱰᱟᱭᱚᱜ-ᱟᱭ, ᱩᱱᱤ ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱚᱱᱚᱲᱦᱤᱭᱟᱹ, ᱧᱮᱱᱮᱞᱤᱭᱟᱹ ᱟᱨ ᱢᱤᱫ ᱢᱟᱨᱮ ᱠᱟᱛᱷᱟ ᱨᱤᱱᱤᱡ ᱡᱽᱭᱳᱛᱤᱥᱚᱵᱤᱫᱽ ᱮ ᱛᱟᱦᱮᱸ ᱠᱟᱱᱟᱭ ᱾ ᱩᱱᱤ ᱫᱚ ᱙ ᱟᱱᱟᱜ ᱠᱷᱚᱱ ᱑᱒ ᱟᱱᱟᱜ ᱥᱟᱭ ᱥᱮᱨᱢᱟ ᱵᱷᱤᱛᱨᱤ ᱨᱮ ᱢᱮᱫᱷᱭᱚᱡᱩᱜᱤᱭᱟᱹ ᱵᱟᱝᱞᱟ ᱯᱟᱹᱨᱥᱤ ᱛᱮ ᱚᱞ-ᱛᱚᱞ ᱮ ᱥᱟᱯᱲᱟᱣ ᱞᱮᱫᱟ ᱾ ᱩᱱᱤ ᱫᱚ ᱱᱤᱛᱚᱜᱟᱜ ᱯᱚᱪᱷᱤᱢ ᱵᱟᱝᱞᱟ ᱨᱮᱱᱟᱜ ᱠᱚᱸᱭᱮ ᱒᱔ ᱯᱟᱨᱜᱟᱱᱟ ᱦᱚᱱᱚᱛ ᱨᱮᱱᱟᱜ ᱵᱟᱨᱟᱥᱟᱛ ᱥᱩᱨ ᱫᱮᱣᱞᱤᱭᱟ ( ᱪᱚᱸᱫᱽᱨᱚᱠᱮᱛᱩᱜᱚᱲ, ᱵᱮᱲᱟᱪᱟᱢᱯᱟ ᱥᱩᱨ) ᱟᱹᱛᱩ ᱥᱟᱶ ᱡᱚᱲᱟᱣ ᱢᱮᱱᱟᱭᱟ ᱾

ᱟᱡᱟᱜ ᱧᱮᱱᱮᱞ ᱚᱱᱚᱲᱦᱮ, ᱡᱟᱦᱟᱸ ᱫᱚ ᱠᱷᱚᱱᱟᱨ ᱵᱚᱪᱚᱱ ᱢᱮᱱᱮᱛ 'ᱠᱷᱚᱱᱟ ᱟᱜ ᱠᱟᱛᱷᱟ') ᱢᱮᱱᱛᱮ ᱵᱟᱰᱟᱭᱚᱜ-ᱟ, ᱱᱚᱶᱟ ᱫᱚ ᱵᱟᱝᱞᱟ ᱥᱟᱶᱦᱮᱫ ᱨᱮᱱᱟᱜ ᱮᱛᱚᱦᱚᱵ ᱚᱞ ᱠᱚ ᱢᱩᱫᱽ ᱨᱮ ᱢᱤᱫᱴᱟᱹᱝ ᱠᱟᱱᱟ ᱾ ᱱᱚᱶᱟ ᱫᱚ ᱪᱟᱥ-ᱵᱟᱥ ᱨᱮᱱᱟᱜ ᱧᱮᱱᱮᱞ ᱞᱟᱹᱜᱤᱫ ᱵᱟᱰᱟᱭᱚᱜ-ᱟ ᱾^[᱑] ᱟᱡᱟᱜ ᱦᱩᱰᱤᱧ ᱦᱩᱰᱤᱧ ᱚᱱᱚᱲᱦᱮ ᱠᱚᱨᱮ ᱥᱟᱶᱛᱟ ᱨᱮᱱᱟᱜ ᱞᱟᱹᱠᱛᱤᱭᱟᱱ ᱠᱟᱛᱷᱟ ᱠᱚ ᱥᱚᱫᱚᱨ ᱟᱠᱟᱱᱟ, ᱡᱮᱞᱮᱠᱟ:

ᱛᱷᱟᱠᱛᱮ ᱵᱚᱞᱚᱫᱽ ᱱᱟ ᱠᱚᱨᱮ ᱪᱟᱥ

ᱛᱟᱨ ᱫᱩᱠᱷᱩ ᱵᱟᱨᱚ ᱢᱟᱥ

"ᱡᱟᱦᱟᱸᱭ ᱴᱷᱮᱱ ᱰᱟᱝᱜᱽᱨᱟ ᱢᱮᱱᱟᱜ ᱠᱚ ᱨᱮᱦᱚᱸ ᱵᱟᱭ ᱪᱟᱥᱟ, ᱩᱱᱤᱭᱟᱜ ᱫᱩᱠᱷ ᱫᱚ ᱥᱮᱨᱢᱟ ᱨᱮᱱᱟᱜ ᱜᱮᱞ ᱵᱟᱨ ᱪᱟᱸᱫᱚ ᱜᱮ ᱛᱟᱦᱮᱸᱱᱟ ᱾"

ᱞᱮᱡᱮᱱᱰ

ᱯᱚᱪᱷᱤᱢ ᱵᱟᱝᱞᱟ ᱨᱮᱱᱟᱜ ᱵᱮᱲᱟᱪᱟᱢᱯᱟ ᱨᱮ ᱢᱮᱱᱟᱜ ᱠᱷᱚᱱᱟ-ᱢᱤᱦᱤᱨ ᱰᱷᱤᱯᱤ ᱾

ᱪᱚᱸᱫᱽᱨᱚᱠᱮᱛᱩᱜᱚᱲ ᱨᱮ ᱞᱟ ᱚᱰᱚᱠ ᱟᱠᱟᱱ ᱠᱷᱚᱱᱟ-ᱢᱤᱦᱤᱨ ᱰᱷᱤᱯᱤ ᱨᱮᱱᱟᱜ ᱤᱴᱟᱹ ᱵᱮᱱᱟᱣ ᱾

ᱠᱷᱚᱱᱟ (ᱡᱟᱦᱟᱸᱭ ᱫᱚ ᱮᱴᱟᱜ ᱴᱷᱟᱶ ᱨᱮ ᱞᱤᱞᱟᱵᱚᱛᱤ ᱢᱮᱱᱛᱮ ᱦᱚᱸ ᱠᱚ ᱧᱩᱢ ᱮᱭᱟ) ᱟᱜ ᱠᱟᱛᱷᱟ ᱫᱚ ᱫᱟᱹᱠᱷᱤᱱ ᱵᱮᱸᱜᱚᱞ ᱨᱮᱱᱟᱜ ᱪᱚᱸᱫᱽᱨᱚᱠᱮᱛᱩᱜᱚᱲ ᱥᱟᱶ ᱡᱚᱲᱟᱣ ᱢᱮᱱᱟᱜ-ᱟ ᱾ ᱱᱚᱸᱰᱮ ᱢᱤᱫ ᱰᱷᱤᱯᱤ ᱧᱟᱢ ᱟᱠᱟᱱᱟ ᱡᱟᱦᱟᱸ ᱫᱚ ᱠᱷᱚᱱᱟ ᱟᱨ ᱢᱤᱦᱤᱨ ᱟᱜ ᱧᱩᱛᱩᱢ ᱛᱮ ᱵᱟᱰᱟᱭᱚᱜ-ᱟ ᱾ ᱱᱚᱶᱟ ᱠᱷᱚᱱ ᱜᱮ ᱱᱚᱶᱟ ᱠᱟᱛᱷᱟ ᱦᱮᱡ ᱟᱠᱟᱱᱟ ᱡᱮ ᱩᱱᱤ ᱫᱚ ᱧᱩᱛᱩᱢᱟᱱ ᱮᱞᱠᱷᱟ ᱥᱟᱬᱮᱥᱤᱭᱟᱹ ᱵᱚᱨᱟᱦᱚᱢᱤᱦᱤᱨ ᱨᱤᱱᱤᱡ ᱵᱟᱹᱦᱩ ᱵᱟᱝᱠᱷᱟᱱ ᱠᱤᱢᱤᱱ ᱮ ᱛᱟᱦᱮᱸ ᱠᱟᱱᱟ ᱾ ᱢᱮᱱᱠᱷᱟᱱ ᱱᱚᱶᱟ ᱨᱮᱱᱟᱜ ᱡᱟᱦᱟᱸᱱᱟᱜ ᱱᱟᱜᱟᱢᱤᱭᱟᱹ ᱯᱨᱚᱢᱟᱬ ᱫᱚ ᱵᱟᱹᱱᱩᱜ-ᱟ, ᱪᱮᱫᱟᱜ ᱥᱮ ᱵᱚᱨᱟᱦᱚᱢᱤᱦᱤᱨ ᱫᱚ ᱟᱹᱰᱤ ᱥᱮᱫᱟᱭ (᱕᱐᱕ – ᱕᱘᱗ ᱥᱮᱨᱢᱟ) ᱩᱡᱽᱡᱮᱱ ᱨᱮᱭ ᱛᱟᱦᱮᱸ ᱠᱟᱱᱟ ᱾^[᱒] ᱮᱱᱛᱮ ᱨᱮᱦᱚᱸ, ᱠᱷᱚᱱᱟ ᱫᱚ ᱟᱡ ᱛᱮᱜᱮ ᱢᱤᱫ ᱢᱟᱨᱟᱝ ᱡᱽᱭᱳᱛᱤᱥᱚᱵᱤᱫᱽ ᱮ ᱛᱟᱦᱮᱸ ᱠᱟᱱᱟ ᱾

ᱢᱤᱫᱴᱟᱹᱝ ᱞᱮᱡᱮᱱᱰ ᱞᱮᱠᱟᱛᱮ, ᱩᱱᱤ ᱫᱚ ᱥᱨᱤᱞᱚᱝᱠᱟ ᱨᱮᱭ ᱡᱟᱱᱟᱢ ᱞᱮᱱᱟ ᱟᱨ ᱛᱟᱭᱚᱢ ᱛᱮ ᱵᱚᱨᱟᱦᱚᱢᱤᱦᱤᱨ ᱨᱤᱱᱤᱡ ᱜᱷᱟᱨᱚᱸᱡᱽ ᱨᱮᱭ ᱦᱮᱡ ᱞᱮᱱᱟ ᱾ ᱢᱮᱱᱠᱷᱟᱱ, ᱟᱡᱟᱜ ᱡᱽᱭᱳᱛᱤᱥ ᱜᱽᱭᱟᱱ ᱫᱚ ᱵᱚᱨᱟᱦᱚᱢᱤᱦᱤᱨ ᱠᱷᱚᱱ ᱦᱚᱸ ᱵᱟᱹᱲᱛᱤ ᱛᱟᱦᱮᱸ ᱠᱟᱱᱟ ᱾ ᱠᱟᱛᱷᱟ ᱢᱮᱱᱟᱜ-ᱟ ᱡᱮ, ᱟᱡᱟᱜ ᱱᱚᱶᱟ ᱦᱟᱦᱟᱲᱟ ᱜᱽᱭᱟᱱ ᱛᱷᱩᱢ ᱞᱟᱹᱜᱤᱫ ᱟᱡᱟᱜ ᱟᱞᱟᱝ ᱠᱚ ᱜᱮᱫ ᱞᱮᱫ ᱛᱟᱭᱟ ᱾ ᱱᱚᱶᱟ ᱠᱟᱛᱷᱟ ᱫᱚ ᱱᱟᱦᱟᱜ ᱵᱟᱝᱞᱟ ᱱᱟᱹᱨᱤᱵᱟᱫᱽ (Feminism) ᱨᱮ ᱟᱹᱰᱤ ᱜᱮ ᱵᱮᱵᱷᱟᱨᱚᱜ-ᱟ ᱾

ᱥᱨᱤ ᱯᱤ. ᱟᱨ. ᱥᱚᱨᱠᱟᱨ ᱟᱡ ᱵᱟᱵᱚᱛ ᱛᱮᱭ ᱚᱞ ᱟᱠᱟᱫᱟ: "ᱥᱮᱨᱢᱟ ᱨᱤᱱ ᱮᱸᱜᱮᱞ ᱠᱚᱣᱟᱜ ᱚᱨᱥᱚᱝ ᱪᱮᱛᱟᱱ ᱨᱮ ᱴᱮᱦᱟᱴ ᱠᱟᱛᱮ ᱫᱤᱱᱟᱹᱢ ᱡᱤᱭᱚᱱ ᱨᱮ ᱢᱤᱫ ᱜᱽᱭᱟᱱ ᱨᱮᱱᱟᱜ ᱰᱟᱹᱨ ᱵᱮᱱᱟᱣ ᱞᱮᱱᱟ ᱾ ᱟᱨ ᱱᱚᱶᱟ ᱜᱽᱭᱟᱱ ᱨᱮᱱᱟᱜ ᱰᱟᱹᱨ ᱫᱚ ᱨᱟᱲᱷ (Rarh) ᱨᱤᱱᱤᱡ ᱟᱹᱰᱤ ᱫᱩᱞᱟᱹᱲᱤᱭᱟᱹ ᱦᱚᱯᱚᱱ ᱮᱨᱟ ᱠᱷᱚᱱᱟ ᱦᱚᱛᱮᱛᱮ ᱟᱹᱰᱤ ᱱᱟᱯᱟᱭ ᱛᱮ ᱡᱚᱜᱟᱣ ᱡᱚᱛᱚᱱ ᱞᱮᱱᱟ ᱾"

ᱥᱟᱭ ᱥᱟᱭ ᱥᱮᱨᱢᱟ ᱠᱷᱚᱱ, ᱠᱷᱚᱱᱟ ᱟᱜ ᱥᱮᱪᱮᱫ ᱫᱚ ᱟᱹᱛᱩ ᱵᱮᱸᱜᱚᱞ (ᱱᱟᱦᱟᱜ ᱯᱚᱪᱷᱤᱢ ᱵᱟᱝᱞᱟ, ᱵᱟᱝᱞᱟᱫᱮᱥ ᱟᱨ ᱵᱤᱦᱟᱨ ᱨᱮᱱᱟᱜ ᱛᱤᱱᱟᱹᱜ ᱜᱟᱱ ᱴᱷᱟᱶ) ᱨᱮ ᱢᱤᱫ ᱟᱹᱭᱫᱟᱹᱨᱤ ᱞᱮᱠᱟ ᱵᱮᱱᱟᱣ ᱟᱠᱟᱱᱟ ᱾ ᱱᱚᱶᱟ ᱨᱮᱱᱟᱜ ᱢᱟᱨᱮ ᱚᱥᱚᱢᱤᱭᱟ ᱟᱨ ᱳᱰᱤᱭᱟ ᱵᱷᱟᱨᱥᱚᱱ ᱦᱚᱸ ᱢᱮᱱᱟᱜ-ᱟ ᱾

ᱦᱚᱲ ᱞᱟᱠᱪᱟᱨ ᱨᱮ

᱑᱕ ᱡᱩᱱ ᱒᱐᱐᱙ ᱨᱮ, ᱵᱟᱝᱞᱟ ᱴᱤᱵᱷᱤ ᱪᱮᱱᱮᱞ ᱡᱤ ᱵᱟᱝᱞᱟ (Zee Bangla) ᱨᱮ ᱠᱷᱚᱱᱟ ᱟᱜ ᱡᱤᱭᱚᱱ ᱪᱮᱛᱟᱱ ᱨᱮ ᱢᱤᱫᱴᱟᱹᱝ ᱥᱤᱨᱤᱭᱮᱞ ᱩᱫᱩᱜ ᱮᱛᱚᱦᱚᱵ ᱞᱮᱱᱟ ᱾ ᱱᱚᱶᱟ ᱥᱳ ᱫᱚ ᱱᱚᱶᱟ ᱞᱮᱡᱮᱱᱰ ᱮ ᱯᱟᱸᱡᱟ ᱞᱮᱫᱟ ᱡᱮ ᱩᱱᱤ ᱫᱚ 'ᱥᱤᱝᱦᱚᱞ' (ᱥᱨᱤᱞᱚᱝᱠᱟ) ᱨᱮᱭ ᱡᱟᱱᱟᱢ ᱞᱮᱱᱟ ᱾

᱒᱐᱑᱙ ᱨᱮ, ᱠᱚᱞᱚᱨᱥ ᱵᱟᱝᱞᱟ (Colors Bangla) ᱪᱮᱱᱮᱞ ᱨᱮ 'ᱠᱷᱚᱱᱟᱨ ᱵᱚᱪᱚᱱ' ᱧᱩᱛᱩᱢ ᱛᱮ ᱢᱤᱫ ᱱᱟᱶᱟ ᱥᱤᱨᱤᱭᱮᱞ ᱮᱛᱚᱦᱚᱵ ᱞᱮᱱᱟ, ᱡᱟᱦᱟᱸ ᱫᱚ ᱠᱷᱚᱱᱟ ᱟᱜ ᱠᱟᱛᱷᱟ ᱟᱨ ᱟᱡ ᱵᱟᱧᱦᱟᱨ ᱵᱚᱨᱟᱦᱚ ᱥᱟᱶ ᱟᱡᱟᱜ ᱞᱟᱹᱲᱦᱟᱹᱭ ᱪᱮᱛᱟᱱ ᱨᱮ ᱛᱟᱦᱮᱸ ᱠᱟᱱᱟ ᱾

ᱥᱟᱹᱠᱷᱭᱟᱹᱛ

↑ http://www.infobridge.org/asp/documents/4341.doc ^{[dead link]}
↑ Shastri, A.M. (1991), Varāhamihira and His Times (in ᱟᱝᱜᱽᱨᱮᱡᱤ), Kusumanjali Prakashan, p. 248

ᱵᱟᱦᱨᱮ ᱡᱚᱱᱚᱲ

Media related to ᱠᱷᱚᱱᱟ at Wikimedia Commons

[1] ttp://www.infobridge.org/asp/documents/4341.doc ^{[dead link]}

[2] Shastri, A.M. (1991), Varāhamihira and His Times (in ᱟᱝᱜᱽᱨᱮᱡᱤ), Kusumanjali Prakashan, p. 248

[᱑]

[᱒]