ᱠᱩᱢᱢᱟᱴᱴᱤᱠᱟᱞᱤ
ᱠᱩᱢᱢᱟᱴᱴᱤᱠᱟᱞᱤ ᱥᱮ ᱠᱩᱢᱢᱟᱴᱴᱤ ᱠᱟᱞᱤ ᱫᱚ ᱠᱮᱨᱟᱞᱟ ᱨᱮᱭᱟᱜ ᱧᱩᱛᱩᱢᱟᱱ ᱨᱚᱝ-ᱵᱤᱨᱚᱝ ᱢᱟᱥᱠ-ᱮᱱᱮᱡ ᱠᱟᱱᱟ, ᱡᱟᱦᱟᱸ ᱫᱚ ᱛᱷᱨᱤᱥᱩᱨ ᱦᱚᱱᱚᱛ, ᱯᱟᱞᱟᱠᱠᱟᱰ ᱦᱚᱱᱚᱛ ᱟᱨ ᱮᱛᱚᱢ ᱢᱟᱞᱟᱵᱟᱨ ᱨᱮᱭᱟᱜ ᱠᱤᱪᱷᱩ ᱦᱟᱹᱴᱤᱧ ᱨᱮ ᱵᱟᱹᱲᱛᱤ ᱧᱮᱞᱚᱜᱼᱟ ᱾ ᱳᱱᱟᱢ ᱯᱟᱨᱟᱵᱽ ᱚᱠᱛᱚ ᱨᱮ, ᱠᱩᱢᱢᱟᱴᱴᱤᱠᱟᱞᱤ ᱩᱫᱩᱜ ᱥᱚᱫᱚᱨᱤᱭᱟᱹ ᱠᱚ ᱚᱲᱟᱜ-ᱚᱲᱟᱜ ᱫᱟᱬᱟ ᱠᱟᱛᱮ ᱦᱩᱰᱤᱧ ᱥᱤᱨᱯᱷᱟᱹ ᱠᱚ ᱡᱟᱣᱨᱟᱭᱟ ᱟᱨ ᱦᱚᱲ ᱠᱚ ᱨᱟᱹᱥᱠᱟᱹ ᱚᱪᱚ ᱠᱚᱣᱟ ᱾ ᱳᱱᱟᱢ ᱚᱠᱛᱚ ᱨᱮ ᱛᱷᱨᱤᱥᱩᱨ ᱦᱚᱱᱚᱛ ᱨᱮ ᱠᱩᱢᱢᱟᱴᱴᱤ ᱮᱱᱮᱡ ᱫᱚ ᱟᱹᱰᱤ ᱵᱟᱹᱲᱛᱤ ᱧᱮᱞᱚᱜᱼᱟ ᱾ ᱠᱩᱢᱢᱟᱴᱴᱤᱠᱟᱞᱤ ᱨᱮᱭᱟᱜ ᱟᱥᱚᱞ ᱥᱮ ᱢᱟᱨᱮ ᱨᱩᱯ ᱫᱚ ᱯᱟᱞᱟᱠᱠᱟᱰ ᱦᱚᱱᱚᱛ ᱨᱮᱭᱟᱜ ᱵᱷᱚᱫᱽᱨᱚᱠᱟᱞᱤ ᱢᱚᱱᱫᱤᱨ ᱨᱮ ᱧᱮᱞ ᱧᱟᱢᱚᱜᱼᱟ ᱾[᱑]
ᱦᱚᱨᱚᱜ ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱠᱩᱢᱢᱟᱴᱴᱤᱠᱟᱞᱤ ᱨᱮᱭᱟᱜ ᱦᱚᱨᱚᱜ ᱠᱚᱫᱚ ᱟᱹᱰᱤ ᱢᱚᱱᱮ ᱢᱩᱦᱤᱛᱟᱱᱟᱜ ᱠᱟᱱᱟ ᱾[᱒] ᱮᱱᱮᱡᱤᱡ ᱠᱚᱫᱚ ᱟᱹᱰᱤ ᱨᱚᱝ-ᱵᱤᱨᱚᱝ ᱛᱮ ᱨᱚᱝ ᱟᱠᱟᱱ ᱠᱟᱴ ᱨᱮᱭᱟᱜ ᱢᱟᱥᱠ ᱠᱚ ᱦᱚᱨᱚᱜᱟ ᱡᱟᱦᱟᱸ ᱨᱮ ᱠᱨᱤᱥᱱᱚ, ᱱᱟᱨᱚᱫᱽ, ᱠᱤᱨᱟᱛᱷᱟ, ᱫᱟᱨᱤᱠᱟ, ᱥᱮ ᱥᱮᱸᱫᱽᱨᱟᱭᱤᱡ ᱠᱚᱣᱟᱜ ᱢᱮᱫᱦᱟᱸ ᱧᱮᱞᱚᱜᱼᱟ ᱾ ᱱᱚᱣᱟ ᱢᱟᱥᱠ ᱠᱚᱫᱚ ᱥᱟᱫᱷᱟᱨᱚᱱ ᱞᱮᱠᱟᱛᱮ ᱥᱟᱯᱨᱳᱯᱷᱟᱭᱤᱴ, ᱠᱟᱱᱴᱷᱟᱲ ᱫᱟᱨᱮ, ᱪᱷᱟᱛᱤᱱ ᱫᱟᱨᱮ, ᱦᱚᱜᱽ ᱯᱞᱚᱢ ᱫᱟᱨᱮ ᱥᱮ ᱠᱳᱨᱟᱞ ᱫᱟᱨᱮ ᱛᱮ ᱵᱮᱱᱟᱣᱜᱼᱟ ᱾[᱓]
ᱮᱱᱮᱡᱤᱡ ᱠᱚᱫᱚ ᱛᱟᱥᱟᱫ ᱛᱮ ᱛᱮᱧ ᱟᱠᱟᱱ ᱤᱥᱠᱟᱨᱴ ᱠᱚ ᱦᱚᱨᱚᱜᱟ ᱾ ᱟᱫᱚᱢ ᱠᱚᱫᱚ ᱟᱠᱚᱣᱟᱜ ᱜᱚᱴᱟ ᱦᱚᱲᱢᱚ ᱛᱟᱥᱟᱫ ᱛᱮᱠᱚ ᱯᱚᱴᱚᱢᱟ ᱡᱟᱦᱟᱸ ᱛᱮ ᱟᱨᱦᱚᱸ ᱜᱟᱡᱟᱲ ᱧᱮᱞᱚᱜ ᱢᱟ ᱾ ᱢᱟᱥᱠ ᱨᱮ ᱵᱟᱦᱨᱮ ᱠᱷᱚᱱ ᱡᱚᱲᱟᱣ ᱟᱠᱟᱱ 'ᱛᱟᱞᱞᱟ' ᱛᱮ ᱱᱚᱣᱟ ᱨᱮᱭᱟᱜ ᱧᱮᱞᱚᱜ ᱨᱩᱯ ᱫᱚ ᱟᱨᱦᱚᱸ ᱨᱟᱹᱥᱠᱟᱹ ᱟᱱᱟᱜ ᱵᱮᱱᱟᱣᱜᱼᱟ ᱡᱟᱦᱟᱸ ᱫᱚ ᱰᱟᱴᱟ ᱵᱟᱹᱱᱩᱜ ᱡᱷᱤᱡ ᱢᱚᱪᱟ ᱞᱮᱠᱟ ᱧᱮᱞᱚᱜᱼᱟ ᱾ ᱮᱱᱮᱡᱤᱡ ᱠᱚᱫᱚ ᱪᱟᱥᱵᱟᱥ ᱨᱮᱭᱟᱜ ᱥᱟᱨᱮᱡᱟᱜ ᱡᱤᱞᱤᱧ ᱴᱷᱮᱸᱜᱟ ᱠᱚ ᱥᱟᱵᱟ ᱟᱨ ᱠᱚ ᱟᱹᱪᱩᱨᱟ ᱡᱟᱦᱟᱸ ᱫᱚ 'ᱠᱩᱢᱢᱟᱴᱴᱤᱠᱟᱞᱤ' ᱠᱚ ᱢᱮᱛᱟᱜᱼᱟ: ᱱᱚᱣᱟ ᱠᱷᱚᱱ ᱜᱮ ᱱᱚᱣᱟ ᱮᱱᱮᱡ ᱨᱮᱭᱟᱜ ᱧᱩᱛᱩᱢ ᱫᱚ ᱦᱮᱡ ᱟᱠᱟᱱᱟ ᱾ ᱩᱱᱠᱩᱣᱟᱜ ᱮᱱᱮᱡ ᱫᱚ ᱥᱟᱭᱵᱷᱟ ᱠᱟᱹᱦᱱᱤ ᱥᱟᱶ ᱡᱚᱲᱟᱣ ᱢᱮᱱᱟᱜᱼᱟ ᱾ 'ᱛᱷᱟᱢᱢᱟ' (ᱢᱤᱫ ᱦᱟᱲᱟᱢ ᱵᱩᱰᱷᱤ) ᱴᱷᱮᱸᱜᱟ ᱥᱟᱵ ᱠᱟᱛᱮ ᱞᱟᱦᱟ ᱨᱮᱭ ᱛᱟᱲᱟᱢᱟ ᱾ ᱛᱷᱟᱢᱢᱟ ᱫᱚ ᱡᱚᱛᱚ ᱡᱤᱣᱤᱭᱟᱱ ᱟᱨ ᱡᱚᱛᱚ ᱡᱤᱱᱤᱥ ᱨᱮᱱ ᱟᱭᱳ ᱨᱮᱭᱟᱜ ᱪᱤᱱᱦᱟᱹ ᱠᱟᱱᱟᱭ ᱾
ᱠᱩᱢᱢᱟᱴᱴᱤ ᱮᱱᱮᱡᱤᱡ ᱠᱚ ᱚᱲᱟᱜ-ᱚᱲᱟᱜ ᱫᱟᱬᱟ ᱠᱟᱛᱮ ᱜᱩᱲ, ᱪᱟᱣᱞᱮ, ᱥᱮ ᱠᱟᱹᱴᱤᱡ ᱴᱟᱠᱟ ᱯᱩᱭᱥᱟᱹ ᱠᱚ ᱡᱟᱣᱨᱟᱭ ᱚᱠᱛᱚ ᱧᱮᱞ ᱨᱮ ᱟᱹᱰᱤ ᱱᱟᱯᱟᱭ ᱠᱚ ᱧᱮᱞᱚᱜᱼᱟ ᱾ ᱧᱮᱧᱮᱞᱤᱭᱟᱹ ᱠᱚ, ᱟᱥᱚᱠᱟᱭ ᱛᱮ ᱜᱤᱫᱽᱨᱟᱹ ᱠᱚ, ᱩᱱᱠᱩᱣᱟᱜ ᱩᱫᱩᱜ ᱥᱚᱫᱚᱨ ᱨᱮ ᱟᱹᱰᱤ ᱠᱚ ᱨᱟᱹᱥᱠᱟᱹᱜᱼᱟ ᱾
ᱩᱫᱩᱜ ᱥᱚᱫᱚᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱮᱱᱮᱡ ᱞᱟᱲᱟᱣᱱᱟ ᱞᱟᱹᱜᱤᱫ ᱨᱤᱫᱚᱢ ᱫᱚ ᱢᱤᱫ ᱟᱜ ᱞᱮᱠᱟᱱ ᱵᱟᱡᱟᱣ ᱥᱟᱯᱟᱵ ᱨᱮᱭᱟᱜ ᱥᱩᱛᱟᱹᱢ ᱛᱟᱨᱠᱚ ᱚᱪᱚ ᱠᱟᱛᱮ ᱮᱢᱚᱜᱼᱟ ᱡᱟᱦᱟᱸ ᱫᱚ ᱳᱱᱟᱵᱷᱤᱞᱞᱩ ᱠᱚ ᱢᱮᱛᱟᱜᱼᱟ ᱾ ᱟᱜ ᱵᱮᱱᱟᱣ ᱞᱟᱹᱜᱤᱫ ᱜᱩᱣᱟᱹ ᱫᱟᱨᱮ ᱨᱮᱭᱟᱜ ᱠᱟᱴ ᱵᱮᱵᱷᱟᱨᱚᱜᱼᱟ ᱟᱨ ᱥᱩᱛᱟᱹᱢ ᱫᱚ ᱢᱤᱫ ᱱᱟᱱᱦᱟ ᱢᱟᱫ ᱨᱮᱭᱟᱜ ᱴᱷᱮᱸᱜᱟ ᱛᱮᱠᱚ ᱫᱟᱞᱟ ᱾[᱔]
ᱠᱩᱢᱢᱟᱴᱴᱤᱠᱟᱞᱤ ᱨᱮᱭᱟᱜ ᱥᱟᱛᱟᱢ ᱠᱚᱫᱚ ᱵᱟᱹᱲᱛᱤ ᱠᱟᱛᱮ ᱨᱟᱢᱟᱭᱚᱱ, ᱫᱟᱨᱤᱠᱟ ᱵᱷᱟᱫᱷᱟᱢ ᱨᱮᱭᱟᱜ ᱠᱟᱹᱦᱱᱤ, ᱥᱤᱵᱽ ᱟᱜ ᱠᱟᱹᱦᱱᱤ ᱟᱨ ᱢᱟᱱᱡᱟᱱ ᱱᱟᱭᱟᱨᱮ ᱯᱟᱴᱴᱩ ᱞᱮᱠᱟᱱ ᱦᱚᱲ ᱠᱟᱹᱦᱱᱤ ᱠᱚ ᱠᱷᱚᱱ ᱦᱟᱛᱟᱣ ᱟᱠᱟᱱᱟ ᱾
ᱱᱚᱣᱟ ᱫᱤᱥᱟᱹ ᱫᱚᱦᱚ ᱜᱟᱱᱚᱜᱼᱟ ᱡᱮ ᱠᱮᱨᱟᱞᱟ ᱨᱮᱭᱟᱜ ᱦᱚᱲ ᱟᱨᱴ ᱫᱚ ᱵᱟᱨᱭᱟ ᱢᱟᱨᱟᱝ ᱛᱷᱚᱠ ᱨᱮ ᱦᱟᱹᱴᱤᱧ ᱜᱟᱱᱚᱜᱼᱟ - ᱟᱹᱨᱤᱪᱟᱹᱞᱤ ᱟᱨ ᱵᱤᱱᱟᱹ-ᱟᱹᱨᱤᱪᱟᱹᱞᱤ ᱾ ᱟᱹᱨᱤᱪᱟᱹᱞᱤ ᱫᱚ ᱟᱨᱦᱚᱸ ᱦᱟᱹᱴᱤᱧ ᱜᱟᱱᱚᱜᱼᱟ - ᱵᱷᱚᱠᱛᱤ ᱟᱱᱟᱜ, ᱡᱟᱦᱟᱸ ᱫᱚ ᱢᱤᱫ ᱵᱤᱥᱮᱥ ᱵᱚᱸᱜᱟ ᱟᱨ ᱫᱮᱵᱤ ᱠᱩᱥᱤ ᱚᱪᱚ ᱞᱟᱹᱜᱤᱫ ᱠᱚᱨᱟᱣ ᱦᱩᱭᱩᱜᱼᱟ ᱟᱨ ᱢᱮᱡᱤᱠᱟᱞ (Magical) ᱟᱨᱴ ᱨᱩᱯ ᱠᱚ ᱾ ᱛᱷᱮᱭᱭᱟᱢ, ᱛᱷᱤᱨᱨᱟ, ᱯᱩᱛᱷᱟᱢᱛᱷᱤᱨᱟ, ᱠᱟᱱᱱᱭᱟᱨ ᱠᱟᱞᱤ, ᱠᱩᱢᱢᱟᱴᱴᱤᱠᱟᱞᱤ, ᱮᱢᱟᱱ ᱠᱚᱫᱚ ᱠᱤᱪᱷᱩ ᱵᱷᱚᱠᱛᱤ ᱟᱱᱟᱜ ᱟᱨᱴ ᱨᱩᱯ ᱠᱟᱱᱟ ᱾
ᱧᱩᱛᱩᱢᱟᱱ ᱞᱟᱠᱪᱟᱨ ᱨᱮ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱒᱐᱒᱐ ᱨᱮᱭᱟᱜ ᱢᱟᱞᱟᱭᱟᱞᱟᱢ ᱮᱠᱥᱚᱱ ᱯᱷᱤᱞᱢ ᱟᱭᱭᱟᱯᱯᱟᱱᱩᱢ ᱠᱳᱥᱤᱭᱩᱢ ᱨᱮ, ᱟᱭᱭᱟᱯᱯᱟᱱ ᱪᱩᱨᱤᱛ ᱟᱜ ᱢᱟᱨᱮ ᱡᱤᱭᱚᱱ ᱨᱮ ᱢᱤᱫ ᱠᱩᱢᱢᱟᱴᱴᱤ ᱩᱫᱩᱜ ᱥᱚᱫᱚᱨᱤᱭᱟᱹ ᱨᱩᱯ ᱨᱮ ᱢᱤᱫ ᱵᱤᱡᱤᱞᱮᱱᱴᱤ ᱜᱚᱡ-ᱤᱡ ᱞᱮᱠᱟᱛᱮ ᱩᱫᱩᱜ ᱫᱚ ᱢᱤᱫ ᱢᱩᱬᱩᱛ ᱠᱟᱹᱦᱱᱤ ᱴᱩᱰᱟᱹᱜ ᱠᱟᱱᱟ ᱾ ᱟᱭᱭᱟᱯᱯᱟᱱ ᱟᱜ ᱠᱟᱞᱟᱨᱤ ᱢᱟᱨᱥᱟᱞ ᱟᱨᱴᱥ ᱨᱮ ᱯᱟᱹᱨᱩᱠᱷᱤᱭᱟᱹ ᱜᱩᱱ ᱩᱱᱤ ᱠᱩᱢᱢᱟᱴᱴᱤ ᱨᱩᱯ ᱨᱮ ᱑᱓ ᱜᱚᱴᱟᱝ ᱜᱚᱡ-ᱤᱡ ᱠᱚ ᱜᱚᱡ ᱞᱟᱹᱜᱤᱫ ᱮ ᱫᱟᱲᱮᱭ ᱮᱢᱟᱫᱮᱭᱟ ᱡᱟᱦᱟᱸᱭ ᱫᱚ ᱵᱟᱹᱲᱤᱡ ᱡᱚᱢᱤᱫᱟᱨ ᱠᱚ ᱦᱚᱛᱮᱛᱮ ᱠᱟᱹᱢᱤᱭᱟᱹ ᱤᱭᱩᱱᱤᱭᱚᱱ ᱨᱮᱱ ᱥᱚᱦᱮᱫ ᱠᱚ ᱜᱚᱡ ᱞᱟᱹᱜᱤᱫ ᱠᱚ ᱠᱩᱞ ᱞᱮᱫ ᱠᱚᱣᱟ ᱾
ᱥᱟᱹᱠᱷᱭᱟᱹᱛ ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "Onam Festival: Kummattikali". Archived from the original on 9 February 2021. Retrieved 17 October 2008.
- ↑ Kummattikali Video
- ↑ "News Article: Kummattikali dancers add shimmer to Onam festivities". Archived from the original on 30 September 2018. Retrieved 17 October 2008.
- ↑ India Travel Times: Kummattikali, the Kerala folk dance by Juhan Samuel
ᱵᱟᱦᱨᱮ ᱡᱚᱱᱚᱲ ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]| ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ ᱠᱩᱢᱢᱟᱴᱴᱤᱠᱟᱞᱤ ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |