ᱠᱩᱞᱴᱤᱠᱨᱤ

ᱠᱩᱞᱴᱤᱠᱨᱤ
ᱠᱩᱞᱴᱤᱠᱨᱤ
ᱟᱹᱛᱩ
	ᱠᱩᱞᱴᱤᱠᱨᱤ ᱯᱚᱪᱷᱤᱢ ᱵᱟᱝᱞᱟ, ᱥᱤᱧᱚᱛ ᱨᱮ ᱴᱷᱟᱶ ᱠᱩᱞᱴᱤᱠᱨᱤ ᱠᱩᱞᱴᱤᱠᱨᱤ (India)
	ᱠᱳᱣᱚᱨᱰᱤᱱᱮᱴᱥ: 22°10′56.3″N 87°09′34.6″E / 22.182306°N 87.159611°ECoordinates: 22°10′56.3″N 87°09′34.6″E / 22.182306°N 87.159611°E
ᱫᱤᱥᱚᱢ	ᱥᱤᱧᱚᱛ
ᱯᱚᱱᱚᱛ	ᱯᱚᱪᱷᱤᱢ ᱵᱟᱝᱞᱟ
ᱦᱚᱱᱚᱛ	ᱡᱷᱟᱲᱜᱨᱟᱢ
ᱦᱚᱲ ᱮᱞ (᱒᱐᱑᱑)
• ᱜᱩᱴ	᱔᱗᱙᱗
ᱯᱟᱹᱨᱥᱤ ᱠᱚ
• ᱥᱚᱨᱠᱟᱨᱤ	ᱵᱟᱝᱞᱟ, ᱥᱟᱱᱛᱟᱲᱤ, ᱤᱝᱞᱤᱥ
ᱚᱠᱛᱚ ᱴᱚᱴᱷᱟ	ᱭᱩ.ᱴᱤ.ᱥᱤ+5:30 (ᱟᱭ.ᱮᱥ.ᱴᱤ)
ᱞᱳᱠ ᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ	ᱡᱷᱟᱲᱜᱨᱟᱢ
ᱵᱤᱫᱷᱟᱱ ᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ	ᱜᱳᱯᱤᱵᱚᱞᱞᱚᱵᱽᱯᱩᱨ
ᱣᱮᱵᱽᱥᱟᱭᱤᱴ	jhargram.gov.in

ᱠᱩᱞᱴᱤᱠᱨᱤ ᱫᱚ ᱥᱤᱧᱚᱛ ᱫᱤᱥᱚᱢ ᱨᱮᱱᱟᱜ ᱯᱚᱪᱷᱤᱢ ᱵᱟᱝᱞᱟ ᱯᱚᱱᱚᱛ ᱨᱮ ᱢᱮᱱᱟᱜ ᱡᱷᱟᱲᱜᱨᱟᱢ ᱦᱚᱱᱚᱛ ᱨᱮᱭᱟᱜ ᱡᱷᱟᱲᱜᱨᱟᱢ ᱥᱟᱵᱽᱰᱤᱵᱷᱤᱡᱚᱱ ᱨᱮᱱᱟᱜ ᱥᱟᱸᱠᱨᱟᱭᱤᱞ ᱥᱟᱶᱛᱟ ᱩᱛᱱᱟᱹᱣ ᱵᱚᱱᱚᱛ ᱨᱮᱱᱟᱜ ᱢᱤᱫ ᱟᱹᱛᱩ ᱠᱟᱱᱟ᱾

ᱚᱛᱱᱚᱜ

[Full screen]
ᱡᱷᱟᱲᱜᱨᱟᱢ ᱦᱚᱱᱚᱛ ᱨᱮᱱᱟᱜ ᱡᱷᱟᱲᱜᱨᱟᱢ ᱥᱟᱵᱽᱰᱤᱵᱷᱤᱡᱚᱱ ᱨᱮᱱᱟᱜ ᱱᱟᱜᱟᱨ ᱟᱨ ᱥᱚᱦᱚᱨ ᱠᱚ CT: ᱦᱚᱲᱞᱮᱠᱷᱟ ᱥᱚᱦᱚᱨ, R: ᱟᱹᱛᱩ/ ᱵᱟᱡᱟᱨ ᱛᱟᱞᱢᱟ, H: ᱱᱟᱜᱟᱢᱤᱭᱟᱹ/ ᱫᱷᱚᱨᱚᱢ ᱛᱟᱞᱢᱟ ᱦᱩᱰᱤᱧ ᱢᱮᱯ ᱨᱮ ᱡᱟᱭᱜᱟ ᱠᱚᱢ ᱠᱷᱟᱹᱛᱤᱨ, ᱢᱟᱨᱟᱝ ᱢᱮᱯ ᱨᱮ ᱴᱷᱟᱹᱣᱠᱟᱹ ᱴᱷᱟᱶ ᱠᱚ ᱱᱟᱥᱮ ᱵᱷᱮᱜᱟᱨ ᱧᱮᱞ ᱫᱟᱲᱮᱭᱟᱜᱼᱟ᱾

ᱴᱷᱟᱶ

ᱠᱩᱞᱴᱤᱠᱨᱤ ᱫᱚ 22°10′56.3″N 87°09′34.6″E / 22.182306°N 87.159611°E / 22.182306; 87.159611 ᱨᱮ ᱢᱮᱱᱟᱜᱼᱟ᱾

ᱮᱨᱤᱭᱟ ᱪᱮᱛᱟᱱ ᱧᱮᱞ

ᱡᱷᱟᱲᱜᱨᱟᱢ ᱥᱟᱵᱽᱰᱤᱵᱷᱤᱡᱚᱱ (ᱡᱷᱟᱲᱜᱨᱟᱢ ᱦᱚᱱᱚᱛ ᱨᱮᱱᱟᱜ ᱢᱤᱫᱴᱟᱹᱝ ᱥᱟᱵᱽᱰᱤᱵᱷᱤᱡᱚᱱ), ᱡᱟᱦᱟᱸ ᱫᱚ ᱥᱟᱢᱟᱝ ᱥᱮᱫ ᱢᱮᱯ ᱨᱮ ᱩᱫᱩᱜ ᱟᱠᱟᱱᱟ, ᱱᱚᱶᱟ ᱫᱚ ᱵᱩᱨᱩ, ᱰᱷᱤᱯ ᱟᱨ ᱪᱚᱯᱚᱫ ᱦᱟᱥᱟ ᱛᱮ ᱯᱮᱨᱮᱡ ᱟᱠᱟᱱᱟ᱾ ᱒᱐᱑᱑ ᱥᱟᱞ ᱨᱮᱱᱟᱜ ᱦᱚᱱᱚᱛ ᱢᱟᱹᱱᱢᱤ ᱩᱛᱱᱟᱹᱣ ᱨᱤᱯᱳᱨᱴ ᱨᱮ ᱱᱚᱶᱟ ᱵᱟᱵᱚᱛ ᱛᱮ ᱟᱹᱰᱤ ᱱᱟᱯᱟᱭ ᱛᱮ ᱚᱞ ᱟᱠᱟᱱᱟ (ᱚᱱᱟ ᱚᱠᱛᱚ ᱱᱚᱶᱟ ᱫᱚ ᱯᱚᱪᱷᱤᱢ ᱢᱮᱫᱤᱱᱤᱯᱩᱨ ᱦᱚᱱᱚᱛ ᱨᱮᱭᱟᱜ ᱦᱤᱸᱥ ᱛᱟᱦᱮᱸ ᱠᱟᱱᱟ), "ᱯᱟᱪᱮ ᱥᱤᱢᱟᱹ ᱫᱚ ᱟᱹᱰᱤ ᱪᱮᱦᱨᱟ ᱟᱨ ᱩᱥᱩᱞ-ᱪᱚᱯᱚᱫ ᱜᱮᱭᱟ, ᱪᱮᱫᱟᱜ ᱥᱮ ᱪᱷᱳᱴᱳᱱᱟᱜᱽᱯᱩᱨ ᱵᱩᱨᱩ ᱨᱮᱱᱟᱜ ᱞᱟᱛᱟᱨ ᱦᱤᱸᱥ ᱠᱚ ᱥᱤᱢᱟᱹ ᱨᱮ ᱢᱮᱱᱟᱜᱼᱟ, ᱵᱤᱨ-ᱵᱩᱨᱩ ᱠᱚ ᱟᱹᱰᱤ ᱜᱟᱡᱟᱲ ᱜᱮᱭᱟ ᱟᱨ ᱢᱟᱨᱟᱝ ᱫᱟᱨᱮ ᱠᱚ ᱧᱮᱞᱚᱜᱼᱟ᱾ ᱢᱮᱱᱠᱷᱟᱱ ᱦᱟᱥᱟ ᱫᱚ ᱞᱮᱴᱮᱨᱟᱭᱤᱴ (ᱟᱨᱟᱜ ᱦᱟᱥᱟ) ᱜᱮᱭᱟ, ᱟᱭᱢᱟ ᱡᱟᱭᱜᱟ ᱨᱮᱜᱮ ᱪᱟᱥᱵᱟᱥ ᱵᱟᱝ ᱦᱩᱭᱩᱜᱼᱟ, ᱟᱨ ᱮᱛᱚᱢ-ᱯᱟᱪᱮ ᱥᱮᱫ ᱡᱟᱦᱟᱸ ᱨᱮ ᱑᱐᱐᱐ ᱯᱷᱩᱴ ᱠᱷᱚᱱ ᱩᱥᱩᱞ ᱵᱩᱨᱩ ᱠᱚ ᱢᱮᱱᱟᱜᱼᱟ, ᱚᱸᱰᱮ ᱫᱚ ᱦᱚᱲ ᱠᱚ ᱵᱟᱹᱱᱩᱜ ᱠᱚᱣᱟ᱾ ᱮᱴᱟᱜ ᱡᱟᱭᱜᱟ ᱠᱚᱫᱚ ᱥᱚᱢᱟᱱ ᱜᱮᱭᱟ ᱡᱟᱦᱟᱸ ᱨᱮ ᱠᱷᱟᱹᱞᱤ ᱜᱤᱛᱤᱞ ᱰᱷᱤᱯ ᱠᱚ ᱧᱮᱞᱚᱜᱼᱟ᱾"^[᱑] ᱓.᱔᱘% ᱦᱚᱲ ᱫᱚ ᱵᱟᱡᱟᱨ ᱴᱚᱴᱷᱟ ᱨᱮ ᱠᱚ ᱛᱟᱦᱮᱸᱱᱟ ᱟᱨ ᱙᱖.᱕᱒% ᱦᱚᱲ ᱫᱚ ᱟᱹᱛᱩ ᱫᱤᱥᱚᱢ ᱨᱮ ᱠᱚ ᱛᱟᱦᱮᱸᱱᱟ᱾ ᱜᱩᱴ ᱦᱚᱲ ᱮᱞ ᱨᱮᱱᱟᱜ ᱒᱐.᱑᱑% ᱫᱚ ᱥᱤᱰᱩᱞ ᱡᱟᱹᱛᱤ ᱟᱨ ᱒᱙.᱓᱗% ᱫᱚ ᱥᱤᱰᱩᱞ ᱟᱹᱫᱤᱵᱟᱹᱥᱤ ᱠᱟᱱᱟ ᱠᱚ᱾^[᱒] ᱱᱳᱴ: ᱥᱟᱢᱟᱝ ᱥᱮᱫ ᱨᱮ ᱮᱢ ᱟᱠᱟᱱ ᱢᱮᱯ ᱫᱚ ᱥᱟᱵᱽᱰᱤᱵᱷᱤᱡᱚᱱ ᱨᱮᱱᱟᱜ ᱛᱤᱱᱟᱹᱜ ᱜᱟᱱ ᱧᱩᱛᱩᱢᱟᱱ ᱴᱷᱟᱶ ᱠᱚᱭ ᱩᱫᱩᱜ ᱮᱫᱟ᱾ ᱢᱮᱯ ᱨᱮ ᱪᱤᱱᱦᱟᱹᱣ ᱟᱠᱟᱱ ᱡᱚᱛᱚ ᱴᱷᱟᱶ ᱠᱚ ᱢᱟᱨᱟᱝ ᱯᱷᱩᱞ-ᱤᱥᱠᱨᱤᱱ ᱢᱮᱯ ᱨᱮ ᱞᱤᱸᱠ ᱟᱠᱟᱱᱟ᱾

ᱦᱚᱲ ᱮᱞ

ᱥᱤᱧᱚᱛ ᱨᱮᱱᱟᱜ ᱒᱐᱑᱑ ᱥᱟᱞ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ, ᱠᱩᱞᱴᱤᱠᱨᱤ ᱨᱮ ᱑᱗᱙᱗ ᱦᱚᱲ ᱢᱮᱱᱟᱜ ᱠᱚᱣᱟ, ᱚᱱᱟ ᱢᱩᱸᱫᱽ ᱠᱷᱚᱱ ᱙᱐᱗ (᱕᱐%) ᱫᱚ ᱠᱚᱲᱟ ᱟᱨ ᱘᱙᱐ (᱕᱐%) ᱫᱚ ᱠᱩᱲᱤ ᱢᱮᱱᱟᱜ ᱠᱚᱣᱟ᱾ ᱐-᱖ ᱥᱮᱨᱢᱟ ᱩᱢᱮᱨ ᱨᱮᱱ ᱜᱤᱫᱽᱨᱟᱹ ᱠᱚᱣᱟᱜ ᱮᱞ ᱫᱚ ᱘᱙᱾ ᱠᱩᱞᱴᱤᱠᱨᱤ ᱨᱮ ᱥᱤᱠᱷᱱᱟᱹᱛ ᱦᱚᱲ ᱠᱚᱣᱟᱜ ᱞᱮᱠᱷᱟ ᱫᱚ ᱖᱒᱒ (᱖ ᱥᱮᱨᱢᱟ ᱠᱷᱚᱱ ᱪᱮᱛᱟᱱ ᱩᱢᱮᱨ ᱨᱮᱱ ᱗᱘.᱐᱔% ᱦᱚᱲ)᱾^[᱓]

ᱥᱟᱜᱟᱲᱚᱢ

ᱠᱩᱞᱴᱤᱠᱨᱤ ᱫᱚ ᱨᱚᱜᱽᱲᱟ-ᱦᱟᱹᱛᱤᱜᱮᱲᱤᱭᱟᱹ ᱰᱟᱦᱟᱨ ᱨᱮ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱯᱚᱱᱚᱛ ᱨᱟᱡᱽᱰᱟᱦᱟᱨ ᱕ ᱥᱟᱶ ᱦᱟᱹᱛᱤᱜᱮᱲᱤᱭᱟᱹ ᱨᱮ ᱧᱟᱯᱟᱢ ᱟᱠᱟᱱᱟ᱾ ᱜᱩᱯᱛᱟᱢᱚᱱᱤ-ᱠᱩᱞᱴᱤᱠᱨᱤ ᱰᱟᱦᱟᱨ ᱟᱨ ᱠᱩᱞᱴᱤᱠᱨᱤ-ᱯᱚᱲᱟᱰᱤᱦᱟ ᱰᱟᱦᱟᱨ, ᱵᱟᱱᱟᱨ ᱜᱮ ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱔᱙ ᱥᱟᱶ ᱧᱟᱯᱟᱢ ᱟᱠᱟᱱᱟ ᱟᱨ ᱱᱚᱶᱟ ᱟᱹᱛᱩ ᱨᱮ ᱢᱮᱥᱟ ᱟᱠᱟᱱᱟ᱾ ᱚᱱᱟ ᱥᱟᱶᱛᱮ, ᱟᱨᱦᱚᱸ ᱵᱟᱨᱭᱟ ᱯᱤ.ᱮᱢ.ᱡᱤ.ᱮᱥ.ᱣᱟᱭ ᱰᱟᱦᱟᱨ ᱱᱚᱶᱟ ᱨᱮᱭᱟᱜ ᱵᱟᱨᱭᱟ ᱠᱚᱬ ᱥᱮᱦᱮᱫ ᱮ ᱡᱚᱲᱟᱣ ᱮᱫᱟ᱾ ᱠᱩᱞᱴᱤᱠᱨᱤ ᱫᱚ ᱢᱮᱫᱤᱱᱤᱯᱩᱨ, ᱡᱷᱟᱲᱜᱨᱟᱢ, ᱫᱤᱜᱷᱟ ᱥᱟᱶ ᱵᱟᱥ ᱛᱮ ᱱᱟᱯᱟᱭ ᱛᱮ ᱡᱚᱲᱟᱣ ᱟᱠᱟᱱᱟ᱾ ᱮᱛᱚᱢ ᱵᱟᱝᱞᱟ ᱯᱚᱱᱚᱛ ᱥᱟᱜᱟᱲᱚᱢ ᱱᱤᱜᱚᱢ ᱫᱩᱨᱜᱟᱯᱩᱨ ᱠᱷᱚᱱ ᱵᱟᱸᱠᱩᱲᱟ, ᱨᱟᱭᱯᱩᱨ, ᱥᱤᱞᱫᱟ, ᱡᱷᱟᱲᱜᱨᱟᱢ ᱥᱮᱫ ᱛᱮ ᱠᱩᱞᱴᱤᱠᱨᱤ ᱫᱷᱟᱹᱵᱤᱡ ᱢᱤᱫᱴᱟᱹᱝ ᱵᱟᱥ ᱮ ᱪᱟᱪᱞᱟᱣ ᱮᱫᱟ ᱟᱨ ᱠᱚᱞᱠᱟᱛᱟ ᱠᱷᱚᱱ ᱥᱟᱸᱛᱨᱟᱜᱟᱪᱷᱤ, ᱩᱞᱩᱵᱮᱲᱤᱭᱟᱹ, ᱵᱟᱜᱽᱱᱟᱱ, ᱠᱳᱞᱟᱜᱷᱟᱴ, ᱰᱮᱵᱽᱨᱟ, ᱠᱷᱚᱲᱚᱜᱽᱯᱩᱨ ᱥᱮᱫ ᱛᱮ ᱨᱳᱦᱤᱬᱤ ᱫᱷᱟᱹᱵᱤᱡ ᱟᱨ ᱢᱤᱫᱴᱟᱹᱝ ᱵᱟᱥ ᱮ ᱪᱟᱪᱞᱟᱣ ᱮᱫᱟ᱾

ᱥᱮᱪᱮᱫ

ᱥᱟᱸᱠᱨᱟᱭᱤᱞ ᱚᱱᱤᱞ ᱵᱤᱥᱣᱟᱥ ᱥᱢᱨᱤᱛᱤ ᱢᱚᱦᱟᱵᱤᱫᱽᱭᱟᱞᱚᱭ ᱫᱚ ᱒᱐᱐᱗ ᱥᱟᱞ ᱨᱮ ᱛᱷᱟᱯᱚᱱ ᱞᱮᱱᱟ ᱟᱨ ᱱᱚᱶᱟ ᱫᱚ ᱵᱤᱫᱽᱫᱟᱥᱟᱜᱚᱨ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱥᱟᱶ ᱡᱚᱯᱚᱲᱟᱣ ᱢᱮᱱᱟᱜᱼᱟ᱾ ᱱᱚᱸᱰᱮ ᱤᱝᱞᱤᱥ, ᱵᱟᱝᱞᱟ, ᱥᱚᱸᱥᱠᱨᱤᱛ, ᱥᱟᱱᱛᱟᱲᱤ, ᱱᱟᱜᱟᱢ ᱟᱨ ᱨᱟᱡᱽᱟᱹᱨᱤ ᱥᱟᱬᱮᱥ ᱨᱮ ᱚᱱᱟᱨᱥ ᱥᱟᱶᱛᱮ ᱟᱨᱴᱥ ᱠᱳᱨᱥ ᱯᱟᱲᱦᱟᱣ ᱦᱩᱭᱩᱜ ᱠᱟᱱᱟ᱾^[᱔]^{[ᱵᱩᱜᱤᱭᱟᱜ ᱯᱷᱮᱰᱟᱛ ᱞᱟᱹᱠᱛᱤᱭᱟ]} ᱠᱩᱞᱴᱤᱠᱨᱤ ᱴᱤᱪᱟᱨᱥ ᱴᱨᱮᱱᱤᱝ ᱤᱱᱥᱴᱤᱴᱤᱭᱩᱴ ᱚᱯᱷ ᱦᱟᱭᱟᱨ ᱤᱥᱴᱟᱰᱤᱥ ᱫᱚ ᱢᱤᱫ ᱰᱤ.ᱮᱞ.ᱮᱰ ᱟᱨ ᱵᱤ.ᱮᱰ ᱴᱨᱮᱱᱤᱝ ᱤᱱᱥᱴᱤᱴᱤᱭᱩᱴ ᱠᱟᱱᱟ ᱡᱟᱦᱟᱸ ᱫᱚ ᱯᱚᱪᱷᱤᱢ ᱵᱟᱝᱞᱟ ᱴᱤᱪᱟᱨᱥ ᱴᱨᱮᱱᱤᱝ ᱮᱰᱩᱠᱮᱥᱚᱱ ᱯᱞᱮᱱᱤᱝ ᱮᱱᱰ ᱮᱰᱢᱤᱱᱤᱥᱴᱨᱮᱥᱚᱱ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱥᱟᱶ ᱡᱚᱯᱚᱲᱟᱣ ᱢᱮᱱᱟᱜᱼᱟ᱾ ᱱᱚᱸᱰᱮ ᱟᱥᱲᱟ ᱥᱮᱪᱮᱫ ᱞᱟᱹᱜᱤᱫ ᱟᱭᱢᱟ ᱩᱥᱩᱞ ᱟᱥᱲᱟ (ᱦᱟᱭ ᱤᱥᱠᱩᱞ) ᱢᱮᱱᱟᱜᱼᱟ, ᱚᱱᱟ ᱢᱩᱸᱫᱽ ᱨᱮ ᱠᱩᱞᱴᱤᱠᱨᱤ ᱜᱟᱨᱞᱥ ᱦᱟᱭ ᱤᱥᱠᱩᱞ ᱟᱨ ᱠᱩᱞᱴᱤᱠᱨᱤ ᱮᱥ.ᱥᱤ. ᱦᱟᱭ ᱤᱥᱠᱩᱞ (᱑᱙᱔᱕ ᱨᱮ ᱛᱷᱟᱯᱚᱱ ᱟᱠᱟᱱ) ᱧᱩᱛᱩᱢᱟᱱᱟᱜ ᱠᱟᱱᱟ᱾ ᱛᱟᱭᱚᱢᱟᱜ ᱟᱥᱲᱟ ᱫᱚ ᱱᱚᱶᱟ ᱴᱚᱴᱷᱟ ᱟᱨ ᱦᱚᱱᱚᱛ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱮ ᱟᱨ ᱧᱩᱛᱩᱢᱟᱱ ᱟᱥᱲᱟ ᱠᱟᱱᱟ᱾

ᱥᱟᱹᱠᱷᱭᱟᱹᱛ

↑ "District Human Development Report Paschim Medinipur, 2011". pages 4-5. Department of Planning and Statistics, Government of West Bengal. Retrieved 10 September 2020.
↑ "District Statistical Handbook Paschim Medinipur, 2013". Table 2.2, 2.4 (a). Department of Planning and Statistics. Retrieved 10 September 2020.
↑ "2011 Census – Primary Census Abstract Data Tables". West Bengal – District-wise. Registrar General and Census Commissioner, India. Retrieved 20 November 2016.
↑ "Sankrail Anil Biswas Smriti Mahavidyalaya". College Admission. Retrieved 20 November 2016.

ᱪᱷᱟᱸᱪ:Jhargram-geo-stub

[1] "District Human Development Report Paschim Medinipur, 2011". pages 4-5. Department of Planning and Statistics, Government of West Bengal. Retrieved 10 September 2020.

[2] "District Statistical Handbook Paschim Medinipur, 2013". Table 2.2, 2.4 (a). Department of Planning and Statistics. Retrieved 10 September 2020.

[census3-2011-3] "2011 Census – Primary Census Abstract Data Tables". West Bengal – District-wise. Registrar General and Census Commissioner, India. Retrieved 20 November 2016.

[4] "Sankrail Anil Biswas Smriti Mahavidyalaya". College Admission. Retrieved 20 November 2016.

[᱑]

[᱒]

[᱓]

[᱔]