ᱟᱞᱟᱛᱷᱩᱨ

ᱟᱞᱟᱛᱷᱩᱨ
ᱟᱞᱟᱛᱷᱩᱨ
ᱥᱚᱦᱚᱨ
	ᱟᱞᱟᱛᱷᱩᱨ
	ᱟᱞᱟᱛᱷᱩᱨ ᱠᱮᱨᱟᱞᱟ, ᱥᱤᱧᱚᱛ ᱨᱮ ᱴᱷᱟᱶ
	ᱠᱳᱣᱚᱨᱰᱤᱱᱮᱴᱥ: 10°38′53″N 76°32′18″E / 10.64806°N 76.53833°ECoordinates: 10°38′53″N 76°32′18″E / 10.64806°N 76.53833°E
ᱫᱤᱥᱚᱢ	India
ᱯᱚᱱᱚᱛ	ᱠᱮᱨᱟᱞᱟ
ᱦᱚᱱᱚᱛ	ᱯᱟᱞᱟᱠᱠᱟᱰ
ᱥᱚᱨᱠᱟᱨ
• ᱞᱮᱠᱟᱱ	ᱯᱚᱧᱪᱟᱭᱚᱛᱤ ᱨᱟᱡᱽ (ᱥᱤᱧᱚᱛ)
• ᱥᱚᱝᱥᱛᱷᱟ	ᱟᱞᱟᱛᱷᱩᱨ ᱯᱚᱧᱪᱟᱭᱚᱛ
ᱚᱥᱟᱨ ᱵᱤᱥᱟᱹᱨ
• ᱜᱩᱴ	19.62 ᱠᱤᱢᱤ২ (7.58 ᱜᱟᱺᱴ ᱢᱟᱭᱤᱞ)
ᱦᱚᱲ ᱮᱞ (᱒᱐᱑᱑)
• ᱜᱩᱴ	᱒᱖᱗᱒᱐
• ᱰᱮᱱᱥᱤᱴᱤ	1361.88/ᱠᱤᱢᱤ2 (3527.3/ᱜᱟᱺᱴ ᱢᱟᱹᱭᱤᱞ)
ᱯᱟᱹᱨᱥᱤ ᱠᱚ
• ᱥᱚᱨᱠᱟᱨᱤ	ᱢᱟᱞᱟᱭᱟᱞᱟᱢ, ᱤᱝᱞᱤᱥ
ᱚᱠᱛᱚ ᱴᱚᱴᱷᱟ	ᱭᱩ.ᱴᱤ.ᱥᱤ+5:30 (IST)
ᱯᱤᱱ (PIN)	᱖᱗᱘᱕᱔᱑
ᱴᱮᱞᱤᱯᱷᱳᱱ ᱠᱳᱰ	04922
ᱜᱟᱹᱰᱤ ᱨᱮᱡᱤᱥᱴᱨᱮᱥᱚᱱ	KL-49
ᱥᱩᱨ ᱨᱮᱱᱟᱜ ᱥᱚᱦᱚᱨ	ᱯᱟᱞᱟᱠᱠᱟᱰ
ᱥᱚᱝᱥᱚᱫᱽ ᱵᱟᱪᱷᱱᱟᱣ ᱴᱚᱴᱷᱟ	ᱟᱞᱟᱛᱷᱩᱨ
ᱵᱤᱫᱷᱟᱱ ᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ	ᱟᱞᱟᱛᱷᱩᱨ

ᱟᱞᱟᱛᱷᱩᱨ ᱫᱚ ᱥᱤᱧᱚᱛ ᱨᱮᱱᱟᱜ ᱠᱮᱨᱟᱞᱟ ᱯᱚᱱᱚᱛ ᱨᱮᱱᱟᱜ ᱯᱟᱞᱟᱠᱠᱟᱰ ᱦᱚᱱᱚᱛ ᱨᱮ ᱢᱤᱫ ᱥᱚᱦᱚᱨ, ᱛᱟᱞᱩᱠ ᱟᱨ ᱜᱨᱟᱢ ᱯᱚᱧᱪᱟᱭᱚᱛ ᱠᱟᱱᱟ ᱾^[᱒]^[᱓]^[᱔] ᱱᱚᱶᱟ ᱫᱚ ᱟᱞᱟᱛᱷᱩᱨ ᱛᱟᱞᱩᱠ ᱨᱮᱱᱟᱜ ᱥᱟᱥᱚᱱᱤᱭᱟᱹ ᱦᱮᱰᱠᱩᱣᱟᱴᱚᱨ ᱠᱟᱱᱟ ᱟᱨ ᱦᱚᱱᱚᱛ ᱦᱮᱰᱠᱩᱣᱟᱴᱚᱨ ᱯᱟᱞᱟᱠᱠᱟᱰ ᱠᱷᱚᱱ ᱟᱢᱫᱟᱡᱽ ᱒᱔ ᱠᱤᱢᱤ ᱥᱟᱺᱜᱤᱧ ᱨᱮ ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱕᱔᱔ ᱛᱮ ᱢᱮᱱᱟᱜᱼᱟ ᱾ ᱜᱟᱭᱚᱛᱨᱤᱯᱩᱡᱷᱟ ᱜᱟᱰᱟ, ᱡᱟᱦᱟᱸ ᱫᱚ ᱵᱷᱟᱨᱟᱛᱷᱟᱯᱩᱡᱷᱟ ᱨᱮᱱᱟᱜ ᱢᱤᱫ ᱪᱟᱸᱜᱟ ᱜᱟᱰᱟ ᱠᱟᱱᱟ, ᱟᱞᱟᱛᱷᱩᱨ ᱥᱮᱫ ᱛᱮ ᱞᱤᱸᱜᱤᱱᱟ ᱾^[᱕] ᱟᱞᱟᱛᱷᱩᱨ ᱫᱚ ᱠᱮᱨᱟᱞᱟ ᱨᱮᱱᱟᱜ ᱒᱐ ᱜᱚᱴᱟᱝ ᱥᱚᱝᱥᱚᱫᱽ ᱵᱟᱪᱷᱱᱟᱣ ᱴᱚᱴᱷᱟ ᱠᱚ ᱢᱩᱫᱽ ᱨᱮ ᱢᱤᱫᱴᱟᱹᱝ ᱠᱟᱱᱟ ᱾^[᱖] ᱱᱚᱸᱰᱮ ᱢᱤᱫ ᱢᱤᱱᱤ ᱥᱤᱵᱷᱤᱞ ᱥᱴᱮᱥᱚᱱ ᱦᱚᱸ ᱢᱮᱱᱟᱜᱼᱟ ᱡᱟᱦᱟᱸ ᱫᱚ ᱥᱚᱨᱠᱟᱨᱤ ᱥᱮᱵᱟ ᱠᱚᱭ ᱮᱢᱚᱜᱼᱟ ᱾^[᱗]

ᱠᱟᱹᱣᱰᱤᱟᱹᱨᱤ

ᱱᱚᱶᱟ ᱴᱚᱴᱷᱟ ᱨᱮᱱᱟᱜ ᱢᱩᱬᱩᱛ ᱠᱟᱹᱢᱤ ᱫᱚ ᱪᱟᱥᱵᱟᱥ ᱠᱟᱱᱟ ᱾ ᱵᱩᱨᱩ ᱚᱛ ᱨᱮ ᱨᱚᱵᱚᱨ ᱪᱟᱥ ᱦᱩᱭᱩᱜᱼᱟ ᱟᱨ ᱪᱟᱣᱞᱮ ᱠᱷᱮᱛ ᱠᱚ ᱫᱚ ᱥᱚᱢᱟᱱ ᱚᱛ ᱨᱮ ᱢᱮᱱᱟᱜᱼᱟ ᱾ ᱱᱟᱨᱠᱚᱲ, ᱟᱫᱟ, ᱠᱟᱭᱨᱟ, ᱠᱚᱦᱰᱟ, ᱠᱟᱨᱞᱟ ᱟᱨ ᱵᱮᱸᱜᱟᱲ ᱮᱢᱟᱱ ᱦᱚᱸ ᱪᱟᱥ ᱦᱩᱭᱩᱜᱼᱟ ᱾

ᱟᱞᱟᱛᱷᱩᱨ ᱛᱟᱞᱩᱠ ᱨᱮ ᱤᱱᱰᱟᱥᱴᱨᱤ ᱫᱚ ᱟᱹᱰᱤ ᱠᱚᱢ ᱜᱮᱭᱟ ᱾ ᱟᱞᱟᱛᱷᱩᱨ ᱥᱚᱦᱚᱨ ᱫᱚ ᱢᱤᱫ ᱚᱠᱛᱚ ᱟᱡᱟᱜ ᱵᱤᱲᱤ ᱠᱚᱴᱮᱡᱽ ᱤᱱᱰᱟᱥᱴᱨᱤ ᱞᱟᱹᱜᱤᱫ ᱟᱹᱰᱤ ᱧᱩᱛᱩᱢᱟᱱ ᱛᱟᱦᱮᱸ ᱠᱟᱱᱟ ᱢᱮᱱᱠᱷᱟᱱ ᱱᱩᱸ-ᱡᱚᱢ ᱵᱤᱨᱩᱫᱷ ᱠᱩᱨᱩᱢᱩᱴᱩ ᱠᱷᱟᱹᱛᱤᱨ ᱵᱮᱱᱟᱣ ᱫᱚ ᱠᱚᱢ ᱟᱠᱟᱱᱟ ᱾ ᱟᱜᱟᱨᱵᱟᱛᱛᱤ ᱦᱚᱸ ᱠᱚᱴᱮᱡᱽ ᱤᱱᱰᱟᱥᱴᱨᱤ ᱦᱚᱛᱮᱛᱮ ᱵᱮᱱᱟᱣᱜᱼᱟ ᱾ ᱱᱤᱛ ᱜᱮ ᱮᱨᱤᱢᱟᱭᱩᱨ ᱯᱚᱧᱪᱟᱭᱚᱛ ᱨᱮ ᱢᱟᱱᱡᱟᱞᱩᱨ ᱥᱩᱨ ᱨᱮ ᱥᱴᱤᱞ ᱜᱟᱞᱟᱣ ᱞᱮᱠᱟᱱ ᱠᱤᱪᱷᱩ ᱤᱱᱰᱟᱥᱴᱨᱤᱭᱟᱞ ᱩᱛᱱᱟᱹᱣ ᱧᱮᱞ ᱟᱠᱟᱱᱟ ᱾ ᱱᱟᱜᱟᱢ ᱞᱮᱠᱟᱛᱮ ᱱᱚᱶᱟ ᱴᱚᱴᱷᱟ ᱨᱮ ᱟᱭᱢᱟ ᱪᱟᱣᱞᱮ ᱢᱤᱞ ᱠᱚ ᱛᱟᱦᱮᱸ ᱠᱟᱱᱟ ᱢᱮᱱᱠᱷᱟᱱ ᱚᱱᱟ ᱠᱚᱨᱮᱱᱟᱜ ᱮᱞ ᱫᱚ ᱠᱚᱢ ᱟᱠᱟᱱᱟ ᱾

ᱦᱚᱲ ᱮᱞ

᱒᱐᱑᱑ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ, ᱟᱞᱟᱛᱷᱩᱨ ᱨᱮ ᱒᱖,᱗᱒᱐ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱡᱟᱦᱟᱸ ᱨᱮ ᱑᱒,᱘᱐᱘ ᱠᱚᱲᱟ ᱟᱨ ᱑᱓,᱙᱑᱒ ᱠᱩᱲᱤ ᱠᱚ ᱛᱟᱦᱮᱸ ᱠᱟᱱᱟ ᱾ ᱟᱞᱟᱛᱷᱩᱨ ᱥᱮᱱᱥᱟᱥ ᱥᱚᱦᱚᱨ ᱨᱮᱱᱟᱜ ᱮᱨᱤᱭᱟ ᱫᱚ 19.62 km² (7.58 sq mi) ᱢᱮᱱᱟᱜᱼᱟ ᱡᱟᱦᱟᱸ ᱨᱮ ᱖,᱐᱙᱖ ᱜᱷᱟᱨᱚᱸᱡᱽ ᱠᱚ ᱛᱟᱦᱮᱸᱱ ᱠᱟᱱᱟ ᱾ ᱑૧% ᱦᱚᱲ ᱫᱚ ᱖ ᱥᱮᱨᱢᱟ ᱠᱷᱚᱱ ᱠᱚᱢ ᱩᱢᱮᱨ ᱨᱤᱱ ᱠᱚ ᱛᱟᱦᱮᱸ ᱠᱟᱱᱟ ᱾ ᱟᱞᱟᱛᱷᱩᱨ ᱨᱮᱱᱟᱜ ᱮᱵᱷᱟᱨᱮᱡᱽ ᱥᱤᱠᱷᱱᱟᱹᱛ ᱫᱚ ᱘᱙.᱙᱕% ᱛᱟᱦᱮᱸ ᱠᱟᱱᱟ ᱡᱟᱦᱟᱸ ᱫᱚ ᱡᱟᱹᱛᱤᱭᱟᱹᱨᱤ ᱮᱵᱷᱟᱨᱮᱡᱽ ᱗᱔.᱐᱔% ᱠᱷᱚᱱ ᱵᱟᱹᱲᱛᱤ ᱟᱨ ᱯᱚᱱᱚᱛ ᱨᱮᱱᱟᱜ ᱮᱵᱷᱟᱨᱮᱡᱽ ᱙᱔.᱐᱐% ᱠᱷᱚᱱ ᱠᱚᱢ ᱜᱮᱭᱟ; ᱠᱚᱲᱟ ᱠᱚᱣᱟᱜ ᱥᱤᱠᱷᱱᱟᱹᱛ ᱫᱚ ᱙᱕.᱑᱔% ᱟᱨ ᱠᱩᱲᱤ ᱠᱚᱣᱟᱜ ᱥᱤᱠᱷᱱᱟᱹᱛ ᱫᱚ ᱘᱕.᱒᱗% ᱛᱟᱦᱮᱸ ᱠᱟᱱᱟ ᱾^[᱘]

ᱥᱮᱪᱮᱫ ᱟᱥᱲᱟ ᱠᱚ

ᱟᱞᱟᱛᱷᱩᱨ ᱛᱟᱞᱩᱠ ᱨᱮ ᱦᱟᱭᱟᱨ ᱥᱮᱠᱮᱱᱰᱟᱨᱤ ᱛᱷᱚᱠ ᱫᱷᱟᱹᱵᱤᱡ ᱟᱭᱢᱟ ᱤᱥᱠᱩᱞ ᱢᱮᱱᱟᱜᱼᱟ ᱾ ᱟᱨᱴᱥ ᱟᱨ ᱥᱟᱭᱤᱱᱥ ᱞᱟᱹᱜᱤᱫ ᱵᱟᱨᱭᱟ ᱠᱚᱞᱮᱡᱽ ᱟᱨ ᱢᱤᱫᱴᱟᱹᱝ ᱤᱱᱡᱤᱱᱤᱭᱟᱨᱤᱝ ᱠᱚᱞᱮᱡᱽ ᱢᱮᱱᱟᱜᱼᱟ ᱾

ᱥᱨᱤ ᱱᱟᱨᱟᱭᱟᱱᱟ ᱠᱚᱞᱮᱡᱽ, ᱟᱞᱟᱛᱷᱩᱨ
BSS B.Ed ᱠᱚᱞᱮᱡᱽ, ᱟᱞᱟᱛᱷᱩᱨ

A S ᱢᱚᱦᱟᱢᱢᱚᱫᱽ ᱠᱩᱴᱴᱤ ᱥᱟᱦᱤᱵᱽ ᱢᱮᱢᱳᱨᱤᱭᱟᱞ ᱦᱟᱭ ᱥᱮᱠᱮᱱᱰᱟᱨᱤ ᱤᱥᱠᱩᱞ ᱫᱚ ᱢᱤᱫ ᱥᱚᱨᱠᱟᱨᱤ ᱟᱥᱲᱟ ᱠᱟᱱᱟ ᱡᱟᱦᱟᱸ ᱫᱚ ᱢᱤᱫ ᱥᱟᱭ ᱥᱮᱨᱢᱟ ᱠᱷᱚᱱ ᱵᱟᱹᱲᱛᱤ ᱚᱠᱛᱚ ᱠᱷᱚᱱ ᱱᱚᱶᱟ ᱴᱚᱴᱷᱟ ᱨᱮ ᱠᱟᱹᱢᱤ ᱮᱫᱟᱭ ᱾ ᱱᱚᱶᱟ ᱤᱥᱠᱩᱞ ᱨᱮ ᱢᱤᱫ ᱟᱹᱰᱤ ᱢᱟᱨᱮ ᱜᱟᱱᱫᱷᱤᱡᱤ ᱢᱩᱨᱛᱤ ᱦᱚᱸ ᱢᱮᱱᱟᱜᱼᱟ ᱡᱟᱦᱟᱸ ᱫᱚ ᱢᱤᱫ ᱞᱮᱱᱰᱢᱟᱨᱠ ᱵᱮᱱᱟᱣ ᱟᱠᱟᱱᱟ ᱾

ᱱᱚᱶᱟ ᱤᱥᱠᱩᱞ ᱫᱚ ᱱᱮᱞᱞᱤᱠᱠᱟᱞᱤᱫᱟᱢ ᱜᱷᱟᱨᱚᱸᱡᱽ (ᱥᱣᱟᱨᱩᱯᱚᱢ) ᱦᱚᱛᱮᱛᱮ ᱛᱷᱟᱯᱚᱱ ᱞᱮᱱᱟ, ᱟᱨ ᱤᱥᱠᱩᱞ ᱫᱚ N.E. ᱦᱟᱭ ᱤᱥᱠᱩᱞ ᱠᱚ ᱢᱮᱛᱟᱜ ᱠᱟᱱ ᱛᱟᱦᱮᱸᱫ, ᱡᱟᱦᱟᱸ ᱫᱷᱟᱹᱵᱤᱡ ᱢᱟᱱᱚᱛᱟᱱ ᱢᱚᱦᱟᱢᱢᱚᱫᱽ ᱠᱩᱴᱴᱤ ᱵᱟᱭ ᱠᱤᱨᱤᱧ ᱞᱮᱫᱟ; ᱛᱟᱭᱚᱢ ᱛᱮ ᱚᱛ ᱦᱟᱹᱴᱤᱧ ᱟᱹᱨᱤ ᱛᱟᱭᱚᱢ, ᱥᱣᱟᱨᱩᱯᱚᱢ ᱫᱚ ᱠᱟᱹᱣᱰᱤ ᱮᱴᱠᱮᱴᱚᱬᱮ ᱨᱮ ᱯᱟᱲᱟᱣ ᱮᱱᱟ ᱟᱨ ᱤᱥᱠᱩᱞ ᱫᱚ ᱢᱟᱱᱚᱛᱟᱱ ᱢᱚᱦᱟᱢᱢᱚᱫᱽ ᱠᱩᱴᱴᱤ ᱮ ᱠᱤᱨᱤᱧ ᱠᱮᱫᱟ, ᱡᱟᱦᱟᱸᱭ ᱫᱚ ᱩᱱ ᱠᱷᱚᱱ ᱢᱤᱫ ᱵᱤᱲᱤ ᱵᱮᱱᱟᱣ ᱵᱮᱯᱟᱨ ᱮ ᱪᱟᱞᱟᱣᱮᱫᱟ ᱾

BSS ᱜᱩᱨᱩᱠᱩᱞᱟᱢ ᱦᱟᱭᱟᱨ ᱥᱮᱠᱮᱱᱰᱟᱨᱤ ᱤᱥᱠᱩᱞ, ᱦᱚᱸ ᱱᱚᱸᱰᱮ ᱜᱮ ᱢᱮᱱᱟᱜᱼᱟ ᱾

ᱟᱞᱟᱛᱷᱩᱨ ᱥᱚᱦᱚᱨ ᱨᱮ ᱛᱟᱞᱩᱠ ᱦᱟᱥᱯᱟᱛᱟᱞ ᱢᱮᱱᱟᱜᱼᱟ, ᱟᱞᱟᱛᱷᱩᱨ ᱨᱮ ᱦᱮᱞᱛᱷᱠᱮᱭᱟᱨ ᱯᱨᱚᱯᱷᱮᱥᱚᱱᱟᱞ ᱤᱱᱥᱴᱤᱴᱤᱭᱩᱥᱚᱱ ᱫᱚ ᱠᱨᱮᱥᱮᱱᱴ ᱢᱮᱰᱤᱠᱟᱞ ᱥᱮᱱᱴᱟᱨ ᱞᱤᱢᱤᱴᱮᱰ ᱦᱚᱛᱮᱛᱮ ᱛᱷᱟᱯᱚᱱ ᱟᱠᱟᱱᱟ ᱾ ᱠᱨᱮᱥᱮᱱᱴ ᱤᱥᱠᱩᱞ ᱚᱯᱷ ᱱᱚᱨᱥᱤᱝ ᱫᱚ ᱒᱐᱐᱑ ᱨᱮ ᱮᱦᱚᱵ ᱞᱮᱱᱟ ᱟᱨ ᱠᱨᱮᱥᱮᱱᱴ ᱠᱚᱞᱮᱡᱽ ᱚᱯᱷ ᱱᱚᱨᱥᱤᱝ ᱫᱚ ᱒᱐᱐᱕ ᱨᱮ ᱮᱦᱚᱵ ᱞᱮᱱᱟ ᱾ ᱠᱨᱮᱥᱮᱱᱴ ᱱᱚᱨᱥᱤᱝ ᱤᱱᱥᱴᱤᱴᱤᱭᱩᱥᱚᱱ ᱫᱚ ᱡᱮᱱᱮᱨᱟᱞ ᱱᱚᱨᱥᱤᱝ ᱮᱱᱰ ᱢᱤᱰᱣᱟᱭᱯᱷᱟᱨᱤ ᱰᱤᱯᱞᱳᱢᱟ ᱠᱳᱨᱥ ᱟᱨ BSc. ᱱᱚᱨᱥᱤᱝ ᱰᱤᱜᱽᱨᱤ ᱠᱳᱨᱥ ᱮ ᱪᱟᱞᱟᱣᱮᱫᱟ ᱾

ᱦᱮᱡ ᱥᱮᱱ

ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱮᱞ.᱕᱔᱔ ᱫᱚ ᱟᱞᱟᱛᱷᱩᱨ ᱛᱟᱞᱩᱠ ᱨᱮᱱᱟᱜ ᱯᱩᱨᱟᱹ ᱡᱤᱞᱤᱧ ᱛᱮ ᱯᱟᱨᱚᱢᱚᱜᱼᱟ ᱾ ᱱᱚᱶᱟ ᱠᱷᱟᱹᱛᱤᱨ, ᱱᱚᱶᱟ ᱴᱚᱴᱷᱟ ᱫᱚ ᱯᱚᱱᱚᱛ ᱨᱟᱡᱽᱜᱟᱲ ᱥᱟᱶᱛᱮ ᱠᱮᱨᱟᱞᱟ ᱨᱮᱱᱟᱜ ᱡᱚᱛᱚ ᱴᱷᱟᱶ ᱠᱚ ᱥᱟᱶ ᱥᱚᱲᱚᱠ ᱦᱚᱨ ᱛᱮ ᱱᱟᱯᱟᱭ ᱛᱮ ᱡᱚᱲᱟᱣ ᱢᱮᱱᱟᱜᱼᱟ ᱾ ᱛᱷᱨᱤᱥᱩᱨ ᱟᱨ ᱯᱟᱞᱟᱠᱠᱟᱰ ᱛᱟᱞᱟ ᱨᱮ ᱱᱚᱶᱟ ᱥᱚᱲᱚᱠ ᱨᱮ ᱟᱭᱢᱟ ᱯᱨᱟᱭᱵᱷᱮᱴ ᱟᱨ ᱥᱚᱨᱠᱟᱨᱤ ᱵᱟᱥ ᱠᱚ ᱪᱟᱞᱟᱜᱼᱟ ᱾

ᱛᱷᱨᱤᱥᱩᱨ ᱥᱮᱫ ᱠᱩᱛᱷᱤᱨᱟᱱ ᱨᱮ ᱵᱩᱨᱩ ᱴᱚᱴᱷᱟ ᱠᱷᱟᱹᱛᱤᱨ ᱟᱞᱟᱛᱷᱩᱨ ᱨᱮ ᱨᱮᱞᱣᱮ ᱡᱚᱲᱟᱣ ᱵᱟᱹᱱᱩᱜᱼᱟ ᱾ ᱠᱳᱞᱞᱮᱱᱜᱳᱰ-ᱛᱷᱨᱤᱥᱩᱨ ᱨᱮᱞᱣᱮ ᱞᱟᱭᱤᱱ ᱵᱮᱱᱟᱣ ᱨᱮᱱᱟᱜ ᱢᱤᱫ ᱢᱟᱨᱮ ᱯᱞᱟᱱ ᱫᱚᱦᱲᱟ ᱮᱦᱚᱵ ᱞᱟᱹᱜᱤᱫ ᱥᱚᱨᱠᱟᱨ ᱟᱜ ᱱᱤᱛ ᱜᱮ ᱜᱚᱴᱟ ᱟᱠᱟᱫ ᱠᱟᱛᱷᱟ ᱫᱚ ᱟᱞᱟᱛᱷᱩᱨ ᱞᱟᱹᱜᱤᱫ ᱢᱤᱫ ᱟᱥᱤᱨᱵᱟᱫᱽ ᱞᱮᱠᱟ ᱦᱩᱭ ᱫᱟᱲᱮᱭᱟᱜᱼᱟ ᱾

ᱦᱮᱞᱛᱷᱠᱮᱭᱟᱨ

ᱟᱞᱟᱛᱷᱩᱨ ᱥᱚᱦᱚᱨ ᱨᱮ ᱢᱤᱫ ᱥᱚᱨᱠᱟᱨ-ᱪᱟᱞᱟᱣᱚᱜ ᱠᱚᱢᱤᱣᱱᱤᱴᱤ ᱦᱮᱞᱛᱷ ᱥᱮᱱᱴᱟᱨ ᱢᱮᱱᱟᱜᱼᱟ ᱾ ᱢᱩᱬᱩᱛ ᱯᱨᱟᱭᱵᱷᱮᱴ ᱦᱮᱞᱛᱷᱠᱮᱭᱟᱨ ᱥᱩᱵᱤᱫᱷᱟ ᱠᱨᱮᱥᱮᱱᱴ ᱦᱟᱥᱯᱟᱛᱟᱞ, ᱡᱟᱦᱟᱸ ᱫᱚ ᱑᱙᱙᱗ ᱨᱮ ᱛᱷᱟᱯᱚᱱ ᱞᱮᱱᱟ ᱟᱨ ᱱᱚᱶᱟ ᱫᱚ ᱢᱤᱫ ᱢᱟᱞᱴᱤ-ᱥᱯᱮᱥᱤᱭᱟᱞᱤᱴᱤ ᱦᱟᱥᱯᱟᱛᱟᱞ ᱠᱟᱱᱟ ᱡᱟᱦᱟᱸ ᱨᱮ ᱡᱚᱛᱚ ᱵᱩᱱᱤᱭᱟᱹᱫᱤ ᱢᱮᱰᱤᱠᱟᱞ ᱵᱤᱵᱷᱟᱜᱽ ᱟᱨ ᱴᱨᱚᱢᱟ ᱠᱮᱭᱟᱨ ᱢᱮᱱᱟᱜᱼᱟ ᱾ ᱚᱱᱟ ᱦᱟᱥᱯᱟᱛᱟᱞ ᱨᱮ ᱥᱟᱭᱠᱤᱭᱮᱴᱨᱤᱠ ᱟᱨ ᱡᱮᱨᱤᱭᱮᱴᱨᱤᱠ ᱥᱩᱵᱤᱫᱷᱟ ᱠᱚᱦᱚᱸ ᱢᱮᱱᱟᱜᱼᱟ ᱾

ᱟᱞᱟᱛᱷᱩᱨ ᱛᱟᱞᱩᱠ ᱨᱮ ᱯᱚᱧᱪᱟᱭᱚᱛ ᱠᱚ

ᱟᱞᱟᱛᱷᱩᱨ ᱫᱚ ᱯᱟᱞᱟᱠᱠᱟᱰ ᱦᱚᱱᱚᱛ ᱨᱮᱱᱟᱜ ᱛᱩᱨᱩᱭ ᱜᱚᱴᱟᱝ ᱛᱟᱞᱩᱠ ᱠᱚ ᱢᱩᱫᱽ ᱨᱮ ᱢᱤᱫᱴᱟᱹᱝ ᱠᱟᱱᱟ ᱾

ᱟᱞᱟᱛᱷᱩᱨ
ᱮᱨᱤᱢᱟᱭᱩᱨ
ᱠᱟᱱᱱᱟᱢᱵᱽᱨᱟ
ᱠᱟᱵᱷᱟᱥᱮᱨᱤ
ᱠᱤᱡᱷᱟᱠᱠᱟᱱᱪᱮᱨᱤ
ᱠᱳᱴᱴᱟᱭᱤ
ᱠᱩᱛᱷᱟᱱᱩᱨ
ᱠᱩᱡᱷᱟᱞᱢᱟᱱᱱᱟᱢ
ᱢᱟᱛᱷᱩᱨ
ᱢᱮᱞᱟᱨᱠᱳᱰ
ᱯᱮᱨᱤᱝᱜᱳᱴᱴᱩᱠᱩᱨᱤᱥᱥᱤ
ᱯᱩᱛᱷᱩᱠᱳᱰ
ᱛᱟᱨᱩᱨ
ᱛᱷᱮᱱᱠᱩᱨᱤᱥᱥᱤ
ᱵᱷᱟᱰᱟᱠᱠᱮᱱᱪᱮᱨᱤ
ᱵᱷᱟᱱᱫᱟᱡᱷᱤ (ᱜᱨᱟᱢ ᱯᱚᱧᱪᱟᱭᱚᱛ)

ᱨᱟᱡᱽᱟᱹᱨᱤ

ᱟᱞᱟᱛᱷᱩᱨ ᱵᱤᱫᱷᱟᱱ ᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ ᱫᱚ ᱟᱞᱟᱛᱷᱩᱨ ᱞᱳᱠ ᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ ᱨᱮᱱᱟᱜ ᱦᱟᱹᱴᱤᱧ ᱠᱟᱱᱟ ᱾^[᱙]

ᱟᱞᱟᱛᱷᱩᱨ ᱵᱤᱫᱷᱟᱱ ᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ (A.C.) ᱫᱚ ᱠᱮᱨᱟᱞᱟ ᱯᱚᱱᱚᱛ ᱵᱤᱫᱷᱟᱱ ᱥᱚᱵᱷᱟ (ᱵᱤᱫᱷᱟᱱ ᱥᱚᱵᱷᱟ) ᱞᱟᱹᱜᱤᱫ ᱢᱤᱫ ᱨᱤᱯᱨᱮᱡᱮᱱᱴᱮᱴᱤᱵᱷ ᱮ ᱵᱟᱪᱷᱟᱣᱮᱭᱟ ᱾ ᱱᱚᱸᱰᱮ ᱟᱢᱫᱟᱡᱽ ᱑᱕᱐,᱐᱐᱐ (᱑.᱕ ᱞᱟᱠᱷ) ᱨᱮᱡᱤᱥᱴᱟᱨᱰ ᱵᱷᱳᱴᱟᱨ ᱢᱮᱱᱟᱜ ᱠᱚᱣᱟ ᱾ ᱵᱟᱪᱷᱟᱣ ᱟᱠᱟᱱ ᱥᱚᱦᱮᱫ ᱠᱚᱫᱚ ᱵᱟᱹᱲᱛᱤ ᱠᱟᱛᱮ ᱥᱤᱧᱚᱛᱤᱭᱟᱹ ᱠᱚᱢᱤᱣᱱᱤᱥᱴ ᱯᱟᱨᱴᱤ (ᱢᱟᱨᱠᱥᱵᱟᱫᱤ) ᱨᱤᱱ ᱠᱚ ᱛᱟᱦᱮᱸ ᱠᱟᱱᱟ ᱾^[᱑᱐]

ᱥᱟᱹᱠᱷᱭᱟᱹᱛ

↑ "Kerala (India): Districts, Cities and Towns - Population Statistics, Charts and Map".
↑ "Reports of National Panchayat Directory". Ministry of Panchayati Raj. Archived from the original on 30 December 2013. Retrieved 2013-12-30.
↑ "Tahsildar Alathur | Palakkad | India" (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). Retrieved 2026-08-05.
↑ "Villages & Towns in Alathur Taluka of Palakkad, Kerala". www.census2011.co.in. Retrieved 2026-08-05.
↑ "Gayathripuzha River, India Tourist Information". www.touristlink.com (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). Retrieved 2022-08-13.
↑ "Parliamentary constituencies in Kerala and Assembly segmants". keralaassembly.org. Retrieved 2022-08-13.
↑ Keralam, Digital. "Mini Civil Station Alathur, Palakkad". Digital Keralam (in ᱟᱝᱜᱽᱨᱮᱡᱤ). Retrieved 2022-09-05.
↑ Kerala, Directorate of Census Operations. District Census Handbook, Palakkad (PDF). Thiruvananthapuram: Directorate of Census Operations, Kerala. p. 150,151. Retrieved 14 July 2020.
↑ "Assembly Constituencies – Corresponding Districts and Parliamentary Constituencies" (PDF). Kerala. Election Commission of India. Archived from the original (PDF) on 30 October 2008. Retrieved 2008-10-19.
↑ "Alathur Election and Results 2018, Candidate list, Winner, Runner-up, Current MLA and Previous MLAs". Elections in India. Retrieved 18 December 2022.

ᱵᱟᱦᱨᱮ ᱡᱚᱱᱚᱲ ᱠᱚ

- ᱠᱳᱰᱩᱵᱷᱟᱭᱩᱨ ᱠᱚᱢᱤᱣᱱᱤᱴᱤ ᱣᱮᱵᱽᱥᱟᱭᱤᱴ ᱾ ᱠᱳᱰᱩᱵᱷᱟᱭᱩᱨ ᱫᱚ ᱟᱞᱟᱛᱷᱩᱨ ᱠᱷᱚᱱ ᱑᱗ ᱠᱤᱢᱤ ᱯᱟᱪᱮ ᱨᱮ ᱢᱮᱱᱟᱜᱼᱟ ᱾

[1] "Kerala (India): Districts, Cities and Towns - Population Statistics, Charts and Map".

[2] "Reports of National Panchayat Directory". Ministry of Panchayati Raj. Archived from the original on 30 December 2013. Retrieved 2013-12-30.

[3] "Tahsildar Alathur | Palakkad | India" (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). Retrieved 2026-08-05.

[4] "Villages & Towns in Alathur Taluka of Palakkad, Kerala". www.census2011.co.in. Retrieved 2026-08-05.

[5] "Gayathripuzha River, India Tourist Information". www.touristlink.com (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). Retrieved 2022-08-13.

[6] "Parliamentary constituencies in Kerala and Assembly segmants". keralaassembly.org. Retrieved 2022-08-13.

[7] Keralam, Digital. "Mini Civil Station Alathur, Palakkad". Digital Keralam (in ᱟᱝᱜᱽᱨᱮᱡᱤ). Retrieved 2022-09-05.

[8] Kerala, Directorate of Census Operations. District Census Handbook, Palakkad (PDF). Thiruvananthapuram: Directorate of Census Operations, Kerala. p. 150,151. Retrieved 14 July 2020.

[9] "Assembly Constituencies – Corresponding Districts and Parliamentary Constituencies" (PDF). Kerala. Election Commission of India. Archived from the original (PDF) on 30 October 2008. Retrieved 2008-10-19.

[10] "Alathur Election and Results 2018, Candidate list, Winner, Runner-up, Current MLA and Previous MLAs". Elections in India. Retrieved 18 December 2022.

[᱑]

[᱒]

[᱓]

[᱔]

[᱕]

[᱖]

[᱗]

[᱘]

[᱙]

[᱑᱐]