ᱛᱷᱳᱨᱟᱱ
ᱛᱷᱳᱨᱟᱱ ᱥᱮ ᱮᱛᱚᱢ ᱠᱮᱨᱟᱞᱟ ᱨᱮ ᱩᱯᱯᱮᱨᱤ ᱫᱚ ᱱᱟᱹᱬᱠᱚᱲ ᱥᱟᱶ ᱢᱮᱥᱟ ᱟᱠᱟᱱ ᱨᱚᱦᱚᱲ ᱥᱚᱵᱽᱡᱤ ᱡᱚᱢᱟᱜ ᱠᱚ ᱨᱮᱭᱟᱜ ᱢᱤᱫ ᱛᱷᱚᱠ ᱠᱟᱱᱟ ᱡᱟᱦᱟᱸ ᱫᱚ ᱥᱤᱧᱚᱛᱤᱭᱟᱹ ᱯᱚᱱᱚᱛ ᱠᱮᱨᱟᱞᱟ ᱠᱷᱚᱱ ᱮᱦᱚᱵ ᱟᱠᱟᱱᱟ ᱾[᱑] ᱱᱚᱣᱟ ᱥᱟᱫᱷᱟᱨᱚᱱ ᱡᱚᱢᱟᱜ ᱫᱚ ᱵᱟᱹᱲᱛᱤ ᱠᱟᱛᱮ ᱫᱟᱠᱟ ᱟᱨ ᱩᱛᱩ ᱥᱟᱶ ᱠᱚ ᱡᱚᱢᱟ ᱟᱨ ᱱᱚᱣᱟ ᱫᱚ ᱟᱹᱨᱤᱪᱟᱹᱞᱤ ᱠᱮᱨᱟᱞᱟ ᱦᱚᱲᱟᱜ ᱥᱟᱫᱽᱭᱟ ᱨᱮᱭᱟᱜ ᱢᱤᱫ ᱦᱟᱹᱴᱤᱧ ᱦᱚᱸ ᱠᱟᱱᱟ ᱾
ᱥᱟᱯᱲᱟᱣ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱛᱷᱳᱨᱟᱱ ᱫᱚ ᱢᱤᱫ ᱨᱚᱦᱚᱲ ᱡᱚᱢᱟᱜ ᱠᱟᱱᱟ ᱡᱟᱦᱟᱸ ᱫᱚ ᱟᱹᱨᱤᱪᱟᱹᱞᱤ ᱞᱮᱠᱟᱛᱮ ᱱᱟᱱᱦᱟ ᱜᱮᱫ ᱟᱠᱟᱱ ᱥᱚᱵᱽᱡᱤ ᱠᱚ ᱡᱮᱞᱮᱠᱟ ᱵᱟᱸᱫᱷᱟ ᱠᱳᱵᱤ, ᱡᱤᱞᱤᱧ ᱵᱤᱱ ᱟᱨ ᱮᱴᱟᱜ ᱵᱤᱱ ᱡᱟᱹᱛ ᱠᱚ, ᱵᱮᱨᱮᱞ ᱠᱟᱱᱴᱷᱟᱲ, ᱠᱚᱨᱞᱟ (Malayalam: കയ്പ്പക്ക/പാവയ്ക്ക) ᱥᱮ ᱳᱞ ᱯᱤᱸᱰᱟᱹ, ᱥᱟᱠᱟᱢ ᱠᱚ ᱡᱮᱞᱮᱠᱟ ᱦᱟᱹᱨᱭᱟᱹᱲ ᱥᱮ ᱟᱨᱟᱜ ᱯᱟᱞᱚᱝ (Malayalam: ചീര), ᱢᱩᱱᱜᱟᱹ ᱥᱮ ᱠᱚᱞᱢᱟ ᱟᱲᱟᱜ, ᱚᱱᱟ ᱥᱟᱶᱛᱮ ᱵᱟᱦᱟ ᱠᱚ ᱡᱮᱞᱮᱠᱟ ᱢᱩᱱᱜᱟᱹ ᱵᱟᱦᱟ ᱥᱮ ᱵᱚᱠ ᱵᱟᱦᱟ ᱛᱮ ᱵᱮᱱᱟᱣᱜᱼᱟ ᱾
ᱜᱮᱫ ᱟᱠᱟᱱ ᱥᱚᱵᱽᱡᱤ ᱫᱚ ᱨᱤᱫ ᱟᱠᱟᱱ ᱱᱟᱨᱠᱚᱲ, ᱛᱩᱲᱤ ᱡᱟᱝ, ᱠᱟᱹᱨᱤ ᱥᱟᱠᱟᱢ ᱟᱨ ᱥᱟᱥᱟᱝ ᱜᱩᱸᱰᱟᱹ ᱥᱟᱶ ᱠᱚ ᱢᱮᱥᱟᱭᱟ ᱟᱨ ᱢᱤᱫ ᱠᱚᱲᱦᱟ ᱨᱮ ᱡᱩᱨ ᱥᱮᱸᱜᱮᱞ ᱨᱮ ᱠᱚᱢ ᱚᱠᱛᱚ ᱞᱟᱹᱜᱤᱫ ᱠᱚ ᱵᱷᱟᱹᱡᱤᱭᱟ ᱾
ᱵᱷᱮᱜᱟᱨ ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱛᱷᱳᱨᱟᱱ ᱫᱚ ᱜᱟᱡᱚᱨ, ᱦᱟᱹᱨᱭᱟᱹᱲ ᱵᱤᱱᱥ, ᱵᱟᱸᱫᱷᱟ ᱠᱳᱵᱤ, ᱦᱟᱹᱨᱭᱟᱹᱲ ᱵᱤᱞᱟᱹᱛᱤ[᱒] ᱥᱮ ᱯᱟᱞᱚᱝ ᱛᱮᱦᱚᱸ ᱵᱮᱱᱟᱣ ᱜᱟᱱᱚᱜᱼᱟ, ᱱᱚᱣᱟ ᱥᱚᱵᱽᱡᱤ ᱠᱚᱫᱚ ᱟᱹᱨᱤᱪᱟᱹᱞᱤ ᱞᱮᱠᱟᱛᱮ ᱠᱮᱨᱟᱞᱟ ᱨᱮ ᱵᱟᱝ ᱧᱟᱢᱚᱜ ᱠᱟᱱ ᱛᱟᱦᱮᱸᱫ ᱾ ᱮᱛᱚᱢ ᱠᱮᱨᱟᱞᱟ ᱨᱮ ᱵᱮᱱᱟᱣᱜ ᱠᱟᱱ ᱟᱹᱨᱤᱪᱟᱹᱞᱤ ᱨᱮᱥᱤᱯᱤ ᱨᱮᱫᱚ ᱨᱟᱹᱥᱩᱬ ᱵᱟᱝ ᱠᱚ ᱵᱮᱵᱷᱟᱨᱟ, ᱢᱮᱱᱠᱷᱟᱱ ᱱᱮᱛᱟᱨ ᱫᱤᱱ ᱨᱮᱫᱚ, ᱨᱟᱹᱥᱩᱬ ᱟᱨ ᱯᱮᱭᱟᱸᱡᱽ ᱦᱚᱸᱠᱚ ᱢᱮᱥᱟᱭ ᱜᱮᱭᱟ ᱾
ᱟᱨᱦᱚᱸ ᱧᱮᱞ ᱢᱮ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ Robert Bradnock, Roma Bradnock (2000). South India Handbook. Footprint Handbooks.
- ↑ "Pacha Thakkaali Thoran". Archived from the original on 8 July 2011. Retrieved 14 July 2008.
ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]Media related to [[commons:ᱪᱷᱟᱸᱪ:If then show|ᱪᱷᱟᱸᱪ:If then show]] at Wikimedia Commons