ᱥᱟᱯᱲᱟᱣ ᱪᱟᱞᱟᱜᱠᱟᱱᱟ ᱪᱟᱸᱫᱚ ᱜᱟᱱᱦᱟᱣ

[[File:Lunar Total Eclipse on July 27, 2018 (100 2006) (43696968392) (cropped).jpg|thumb|]]

'''ᱪᱟᱸᱫᱚ ᱜᱟᱱᱦᱟᱣ'''

[[ᱥᱮᱨᱢᱟ]] ᱠᱷᱚᱱ ᱫᱷᱟ.ᱨᱛᱤ ᱛᱮ ᱡᱟᱦᱟᱸᱭ ᱢᱟᱨᱥᱟᱞ ᱮ ᱟᱲᱟᱜᱮᱜᱼᱟ ᱩᱱᱤ ᱜᱮ ᱪᱟᱸᱫᱚ ᱾ ᱥᱮᱨᱢᱟ ᱨᱮ ᱵᱟᱨ ᱞᱮᱠᱟᱱ ᱪᱟᱸᱫᱚ ᱢᱮᱱᱟᱜ ᱠᱤᱱᱟ, ᱩᱱᱠᱤᱱ ᱫᱚ ᱢᱤᱫ ᱫᱚ '''ᱥᱤᱧ ᱪᱟᱸᱫᱚ''' ᱟᱨ ᱫᱚᱥᱟᱨ ᱫᱚ '''ᱧᱤᱸᱫᱟ. ᱪᱟᱸᱫᱚ''' ᱾ ᱥᱤᱧ ᱪᱟᱸᱫᱚ ᱫᱚ ᱩᱱᱤ, ᱡᱟᱦᱟᱸᱭ ᱥᱤᱧ ᱵᱮᱲᱟ ᱫᱷᱟ.ᱨᱛᱤ ᱠᱷᱚᱱ ᱥᱮᱨᱢᱟ ᱨᱮ ᱡᱩᱞᱩᱜ ᱞᱮᱠᱟᱭ ᱧᱮᱞᱚᱜᱼᱟ ᱟᱨ ᱫᱷᱟ.ᱨᱛᱤ ᱛᱮ ᱥᱤᱛᱩᱝ ᱟᱨ ᱢᱟᱨᱥᱟᱞ ᱮ ᱟᱲᱟᱜᱮᱜᱼᱟ ᱾ ᱧᱤᱸᱫᱟ. ᱪᱟᱸᱫᱚ ᱫᱚ ᱩᱱᱤ, ᱡᱟᱦᱟᱸᱭ ᱧᱤᱸᱫᱟ. ᱵᱮᱲᱟ ᱫᱷᱟ.ᱨᱛᱤ ᱠᱷᱚᱱ ᱥᱮᱨᱢᱟ ᱨᱮ ᱞᱟ.ᱴᱩ ᱢᱟᱪᱷᱟ ᱜᱩᱞ ᱜᱮᱭ ᱧᱮᱞᱚᱜᱼᱟ ᱾ ᱟᱨ ᱛᱮᱨᱫᱮᱡ ᱢᱟᱨᱥᱟᱞ ᱫᱷᱟ.ᱨᱛᱤ ᱛᱮᱭ ᱟᱲᱟᱜᱟ ᱾ ᱪᱟᱸᱫᱚᱣᱟᱜ ᱜᱟᱱᱦᱟᱣ ᱦᱚᱸ ᱦᱩᱭᱩᱜᱼᱟ ᱾ 

* ᱑. ᱥᱤᱧ ᱪᱟᱸᱫᱚ ᱜᱟᱱᱦᱟᱣ

* ᱒. ᱧᱤᱸᱫᱟ. ᱪᱟᱸᱫᱚ ᱜᱟᱱᱦᱟᱣ ᱾

===ᱥᱤᱧ ᱪᱟᱸᱫᱚ ᱜᱟᱱᱦᱟᱣ===

[[File:Solar eclipse 1999 4 NR.jpg|thumb|ᱥᱤᱧ ᱪᱟᱸᱫᱚ ᱜᱟᱱᱦᱟᱣ]] 
ᱥᱤᱧ ᱪᱟᱸᱫᱚ ᱫᱚ ᱢᱤᱫ ᱟ.ᱰᱤ ᱢᱟᱨᱟᱝ ᱡᱩᱞᱩᱜ ᱰᱷᱤᱯ ᱾ ᱫᱷᱟ.ᱨᱛᱤ ᱟᱨ ᱧᱤᱸᱫᱟ. ᱪᱟᱸᱫᱚ ᱫᱚ ᱢᱤ-ᱢᱤᱫᱴᱟ.ᱝ planet ᱟᱨ satellite ᱠᱟᱱᱟ ᱾ ᱫᱷᱟ.ᱨᱛᱤ ᱫᱚ ᱫᱤᱱᱟ.ᱢ ᱜᱮ ᱟᱡᱟᱜ ᱮᱠᱡᱤᱥ ᱨᱮ ᱞᱩᱴᱷᱩ ᱞᱮᱠᱟᱭ ᱟ.ᱪᱩᱨ ᱤᱫᱤᱜ ᱥᱟᱶᱛᱮ ᱥᱮᱨᱢᱟ ᱨᱮ ᱢᱤᱫ ᱫᱷᱟᱣ ᱥᱤᱧ ᱪᱟᱸᱫᱚᱭ ᱟ.ᱪᱩᱨ ᱯᱩᱨᱟ.ᱣ ᱮᱭᱟ ᱾ ᱧᱤᱸᱫᱟ. ᱪᱟᱸᱫᱚ ᱦᱚᱸ ᱫᱷᱟ.ᱨᱛᱤ ᱨᱮᱱᱟᱜ ᱵᱮᱲᱦᱟᱭ ᱮ ᱟ.ᱪᱩᱨᱚᱜ ᱥᱟᱶᱛᱮ ᱟᱡ ᱛᱮᱫ ᱛᱮ ᱦᱚᱸᱭ ᱟ.ᱪᱩᱨᱚᱜᱼᱟ ᱾ ᱱᱚᱝᱠᱟ ᱟ.ᱪᱩᱨ ᱟ.ᱪᱩᱨ ᱢᱤᱫ ᱫᱤᱱ ᱱᱚᱝᱠᱟ ᱥᱮᱴᱮᱨᱚᱜᱼᱟ , ᱫᱟᱦᱟᱸ ᱫᱚ ᱫᱷᱟ.ᱨᱛᱤ ᱟᱨ ᱥᱤᱧ ᱪᱟᱸᱫᱚ ᱛᱟᱞᱟᱨᱮ ᱢᱤᱫ ᱥᱚᱢᱟᱱ ᱜᱟᱨ ᱨᱮ ᱧᱤᱸᱫᱟ. ᱪᱟᱸᱫᱚᱭ ᱛᱟᱦᱮᱸᱱᱟ ᱾ ᱧᱤᱸᱫᱟ. ᱪᱟᱸᱫᱚ ᱫᱚ ᱫᱷᱟ.ᱨᱛᱤ ᱠᱷᱚᱱ ᱰᱷᱮᱨ ᱛᱮᱫ ᱜᱮᱭ ᱦᱩᱰᱤᱧᱟ ᱟᱨ ᱫᱷᱟ.ᱨᱛᱤ ᱠᱷᱚᱱ ᱥᱟᱺᱜᱤᱧ ᱨᱮ ᱢᱮᱱᱟᱜ ᱛᱮ ᱱᱚᱶᱟ ᱨᱮᱱᱟᱜ ᱩᱢᱩᱞ ᱜᱚᱴᱟ ᱫᱷᱟ.ᱨᱛᱤ ᱵᱟᱭ ᱮᱥᱮᱫ ᱫᱟᱲᱮᱭᱟᱜᱼᱟ ᱾ ᱱᱚᱶᱟ ᱩᱢᱩᱞ ᱫᱚ ᱫᱷᱟ.ᱨᱛᱤ ᱨᱮᱱᱟᱜ ᱛᱤᱱᱟ.ᱝ ᱵᱷᱟᱜᱽ ᱨᱮᱜᱮ ᱧᱩᱨᱩᱜᱼᱟ ᱾ ᱚᱠᱟ ᱵᱷᱟᱜᱽ ᱪᱮ ᱡᱟᱭᱜᱟ ᱨᱮ ᱧᱤᱸᱫᱟ. ᱪᱟᱸᱫᱚᱣᱟᱜ ᱩᱢᱩᱞ ᱧᱩᱨᱩᱜᱼᱟ ᱚᱱᱟ ᱡᱟᱭᱜᱟ ᱨᱤᱱ ᱦᱚᱲ ᱫᱚ ᱥᱤᱧ ᱪᱟᱸᱫᱚ ᱵᱟᱠᱚ ᱧᱮᱞ ᱫᱟᱲᱮ ᱟᱭᱟ ᱾ ᱚᱱᱟᱛᱮ ᱱᱚᱶᱟ ᱜᱮ '''ᱥᱤᱧ ᱪᱟᱸᱫᱚ ᱜᱟᱱᱦᱟᱣ''' ᱵᱚ ᱢᱮᱛᱟᱜ ᱠᱟᱱᱟ ᱾ 

ᱧᱤᱫᱟ. ᱪᱟᱸᱫᱚ ᱫᱚ ᱜᱩᱞᱟ.ᱭ ᱟᱨ ᱥᱤᱧ ᱪᱟᱸᱫᱚ ᱠᱷᱚᱱ ᱦᱩᱰᱤᱧ ᱠᱷᱟ.ᱛᱤᱨ ᱛᱮ ᱵᱟᱨ ᱞᱮᱠᱟᱱ ᱩᱢᱩᱞ ᱥᱤᱨᱡᱟ.ᱣᱜᱼᱟ ᱾ ᱢᱤᱫ ᱫᱚ ᱯᱩᱨᱟ. ᱩᱢᱩᱞ ᱟᱨ ᱢᱤᱫ ᱫᱚ ᱛᱟᱨᱟ ᱩᱢᱩᱞ ᱾ ᱫᱷᱟ.ᱨᱛᱤ ᱨᱮᱱᱟᱜ ᱡᱟᱦᱟᱸ ᱡᱟᱭᱜᱟ ᱨᱮ ᱯᱩᱨᱟ. ᱩᱢᱩᱞ ᱯᱟᱲᱟᱣᱜᱼᱟ, ᱚᱸᱰᱮ ᱫᱚ ᱯᱩᱨᱟ. ᱥᱤᱧ ᱪᱟᱸᱫᱚ ᱜᱟᱱᱦᱟᱣ ᱦᱩᱭᱩᱜᱼᱟ ᱾ ᱟᱨ ᱛᱟᱨᱟ ᱩᱢᱩᱞ ᱯᱟᱲᱟᱣᱜ ᱡᱟᱭᱜᱟ ᱠᱚᱨᱮ ᱫᱚ ᱛᱟᱨᱟ ᱥᱤᱧ ᱪᱟᱸᱫᱚ ᱜᱟᱱᱦᱟᱣ ᱦᱩᱭᱩᱜᱼᱟ ᱾

===ᱧᱤᱫᱟ. ᱪᱟᱸᱫᱚ ᱜᱟᱱᱦᱟᱣ===

[[File:Lunar eclipse April 4 2015 greatest Alfredo Garcia Jr LA.jpg|thumb|ᱧᱤᱫᱟ. ᱪᱟᱸᱫᱚ ᱜᱟᱱᱦᱟᱣ]] 
ᱧᱤᱫᱟ. ᱪᱟᱸᱫᱚ ᱜᱟᱱᱦᱟᱣ ᱫᱚ ᱠᱩᱱᱟ.ᱢᱤ ᱨᱮ ᱦᱩᱭᱩᱜᱼᱟ ᱾ ᱮᱴᱟᱜ ᱫᱤᱱ ᱨᱮᱫᱚ ᱵᱟᱝ ᱦᱩᱭᱩᱜᱼᱟ ᱾ ᱪᱮᱫᱟᱜ ᱥᱮ ᱱᱚᱶᱟ ᱫᱤᱱ ᱨᱮᱜᱮ ᱥᱤᱧ ᱪᱟᱸᱫᱚ ᱟᱨ ᱧᱤᱫᱟ. ᱪᱟᱸᱫᱚ ᱛᱟᱞᱟᱨᱮ ᱫᱷᱟ.ᱨᱛᱤ ᱢᱤᱫ ᱥᱚᱱᱟᱱ ᱨᱮ ᱛᱟᱦᱮᱸᱱᱟ ᱾ ᱚᱱᱟᱛᱮ ᱫᱷᱟ.ᱨᱛᱤ ᱪᱮᱛᱟᱱ ᱨᱮ ᱥᱤᱧ ᱪᱟᱸᱫᱚ ᱨᱟᱯ ᱧᱩᱨᱩᱜᱼᱟ ᱟᱨ ᱫᱷᱟ.ᱨᱛᱤ ᱨᱮᱭᱟᱜ ᱩᱢᱩᱞ ᱪᱟᱸᱫᱚ ᱴᱷᱮᱱ ᱯᱟᱲᱟᱣᱜᱼᱟ ᱾ ᱚᱱᱟ ᱦᱚᱸ ᱡᱚᱛᱚ ᱠᱩᱱᱟ.ᱢᱤ ᱨᱮᱫᱚ ᱪᱟᱸᱫᱚ ᱵᱟᱭ ᱜᱟᱱᱦᱟᱣᱜᱼᱟ ᱾ ᱪᱮᱫᱟᱜ ᱥᱮ ᱡᱚᱛᱚ ᱠᱩᱱᱟ.ᱢᱤ ᱨᱮ ᱥᱤᱧ ᱪᱟᱸᱫᱚ, ᱧᱤᱫᱟ. ᱪᱟᱸᱫᱚ ᱟᱨ ᱫᱷᱟ.ᱨᱛᱤ ᱢᱤᱫ ᱥᱚᱢᱟᱱ ᱜᱟᱨ ᱨᱮ ᱠᱚ ᱛᱟᱦᱮᱸᱱ ᱨᱮᱦᱚᱸ ᱢᱤᱫ ᱥᱚᱢᱟᱱ ᱩᱛᱟ.ᱨ ᱨᱮ ᱵᱟᱠᱚ ᱛᱟᱦᱮᱸᱱᱟ ᱾ ᱧᱤᱫᱟ. ᱪᱟᱸᱫᱚ ᱨᱮᱱᱟᱜ axis ᱕ ᱰᱤᱜᱽᱨᱤ ᱠᱚᱬ ᱠᱟᱛᱮ ᱛᱟᱦᱮᱸᱱ ᱛᱮ ᱡᱚᱛᱚ ᱠᱩᱱᱟ.ᱢᱤ ᱨᱮ ᱜᱟᱱᱦᱟᱣ ᱵᱟᱝ ᱦᱩᱭᱩᱜᱼᱟ ᱾ ᱚᱱᱠᱟ ᱜᱮ ᱫᱷᱟ.ᱨᱛᱤ ᱟᱨ ᱧᱤᱫᱟ. ᱪᱟᱸᱫᱚ ᱟ.ᱠᱤᱱ ᱟ.ᱠᱤᱱᱟᱜ ᱦᱚᱨ ᱨᱮ ᱟ.ᱪᱩᱨᱚᱜ ᱡᱚᱦᱚᱜ ᱢᱤ-ᱢᱤᱫ ᱫᱷᱟᱣ ᱱᱚᱝᱠᱟ ᱠᱤᱱ ᱛᱟᱦᱮᱸ ᱜᱚᱫᱚᱜᱼᱟ ᱡᱮ ᱫᱷᱟ.ᱨᱛᱤ ᱨᱮᱱᱟᱜ ᱩᱢᱩᱞ ᱪᱟᱸᱫᱚ ᱨᱮ ᱧᱩᱨᱩᱜᱼᱟ ᱾ ᱚᱱᱟᱛᱮ ᱧᱤᱫᱟ. ᱪᱟᱸᱫᱚ ᱜᱟᱱᱦᱟᱣ ᱦᱩᱭᱩᱜᱼᱟ ᱾

ᱱᱚᱶᱟ ᱧᱤᱫᱟ. ᱪᱟᱸᱫᱚ ᱜᱟᱱᱦᱟᱣ ᱦᱚᱸ ᱵᱟᱨ ᱞᱮᱠᱟᱱᱟ ᱾ ᱢᱤᱫ ᱫᱚ ᱯᱩᱨᱟ. ᱜᱟᱱᱦᱟᱣ ᱟᱨ ᱢᱤᱫ ᱫᱚ ᱛᱟᱨᱟ ᱜᱟᱱᱦᱟᱣ ᱾ ᱫᱷᱟ.ᱨᱛᱤ ᱫᱚ ᱜᱩᱞᱟ.ᱭ ᱜᱮᱭᱟ ᱟᱨ ᱥᱤᱧ ᱪᱟᱸᱫᱚ ᱠᱷᱚᱱ ᱟ.ᱰᱤ ᱦᱩᱰᱤᱧᱟ ᱚᱱᱟᱛᱮ ᱱᱚᱶᱟᱨᱮ ᱵᱟᱨᱭᱟ ᱩᱢᱩᱞ ᱧᱩᱨᱩᱜᱼᱟ ᱾ ᱢᱤᱫ ᱫᱚ ᱧᱩᱛ ᱩᱢᱩᱞ ᱟᱨ ᱢᱤᱫ ᱫᱚ ᱡᱷᱟᱯᱥᱟ ᱩᱢᱩᱞ ᱾ ᱪᱟᱸᱫᱚ ᱡᱩᱫᱤ ᱱᱚᱶᱟ ᱧᱩᱛ ᱩᱢᱩᱞ ᱥᱚᱡᱷᱮ ᱨᱮ ᱯᱟᱲᱟᱣ ᱮᱱᱟ ᱮᱱᱠᱷᱟᱱ ᱪᱟᱸᱫᱚ ᱢᱚᱴᱷᱮ ᱵᱟᱭ ᱧᱮᱞᱚᱜᱼᱟ ᱟᱨ ᱱᱚᱶᱟ ᱜᱮ ᱯᱩᱨᱟ. ᱜᱟᱱᱦᱟᱣ ᱫᱚ ᱾ ᱟᱨ ᱡᱩᱫᱤ ᱪᱟᱸᱫᱚ ᱱᱚᱶᱟ ᱡᱷᱟᱯᱥᱟ ᱩᱢᱩᱞ ᱨᱮᱭ ᱯᱟᱲᱟᱣ ᱮᱱᱟ ᱮᱱᱠᱷᱟᱱ ᱪᱟᱸᱫᱚ ᱛᱟᱨᱟ-ᱛᱟᱨᱟᱭ ᱧᱮᱞᱚᱜᱼᱟ ᱾ ᱱᱚᱶᱟ ᱜᱮ ᱛᱟᱨᱟ ᱜᱟᱱᱦᱟᱣ ᱫᱚ ᱵᱚ ᱢᱮᱛᱟᱜ ᱠᱟᱱᱟ ᱾

==ᱵᱟᱨᱦᱮ ᱡᱚᱱᱚᱲ==

* [https://www.youtube.com/watch?v=wuhNZejHeBg "Lunar Eclipse Essentials": video from NASA]
*[http://alienworlds.southwales.ac.uk/lunarEclipse.html Animated explanation of the mechanics of a lunar eclipse] {{Webarchive|url=https://web.archive.org/web/20130603050300/http://alienworlds.southwales.ac.uk/lunarEclipse.html |date=2013-06-03 }}, University of South Wales
*[http://aa.usno.navy.mil/data/docs/LunarEclipse.php U.S. Navy Lunar Eclipse Computer] {{Webarchive|url=https://web.archive.org/web/20110813225301/http://aa.usno.navy.mil/data/docs/LunarEclipse.php |date=2011-08-13 }}
*[http://eclipse.gsfc.nasa.gov/lunar.html NASA Lunar Eclipse Page]
*[http://xjubier.free.fr/en/site_pages/lunar_eclipses/5MCLE/xLE_Five_Millennium_Canon.html Search among the 12,064 lunar eclipses over five millennium and display interactive maps]
*[http://www.mreclipse.com/Special/LEprimer.html Lunar Eclipses for Beginners]
*[http://www.nyip.com/ezine/outdoors/eclipse.html Tips on photographing the lunar eclipse from New York Institute of Photography] {{Webarchive|url=https://web.archive.org/web/20110714220146/http://www.nyip.com/ezine/outdoors/eclipse.html |date=2011-07-14 }}

[[Category:!Main category]]