Prest daukagu udazkeneko egitaraua.
Zer da Emakumeon* Etxea?
Emakumeon* Etxea emakumeok emakumeontzat eraikitako espazioa da. Emakume anitzak ezagutzeko aukera emango digun lekua da, gure interes berdinak izan ditzaketen emakumeekin elkartzeko eta hainbat gai lantzeko.
Aisialdirako gune aproposa da eta, horrez gain, guretzat beharrezkoak diren hainbat zerbitzu eta bidelaguntza eskaintzen ditugu. Beste emakumeekkin saretzeaz gain, elkartuta sentitzeko guneak ere badira.
Zer eskaintzen dugu?
Berdintasunerako bidea urratzeko estrategia gisa proposatzen ditugu Ahalduntze Eskolak; izan ere, gizarte berdintzale bat eraikitzeko, beharrezkoa da emakumeak* ahalduntzea. Eskola horiek gorputz-mugimenduari, arteari eta eskulanari, zein emozioen kudeaketari eta autoestimuari buruzko ikastaroak eta tailerrak eskaintzen dituzte.
“Topaguneak” Saregile-ren talde finkatu eta autogestionatuak dira; ikuspegi feministatik gai zehatzei buruz lan egiteko, hausnartzeko eta ideiak partekatzeko espazioak.
-Mundu osoko emakumeentzako topagunea
-Amatasun-esperientziak partekatzeko espazioa
-Irakurketa-taldea
-Feminista gazteak
Hitzaldiak, tailerrak, emanaldiak, antzerkia, bakarrizketak, bilera irekiak… Saregileren jarduera guztiak gure egitarauan aurkituko dituzu.
Hainbat sektoretako profesional feministen doako laguntza izan dezakezu egoera ezberdinetan:
-Lege-aholkularitza
-Laguntza psikologikoa
-Sexu- eta harreman-arloko aholkularitza
-Genero-indarkeria kasuetarako arreta eta bideratzea