Philipp Lahm

Philipp Lahm

Personleg informasjon
Fødd	11. november 1983 (42 år)
Fødestad	München
Høgd	170 cm
Posisjon	Vingback
Klubbinformasjon
Noverande lag	Bayern München
Nummer	21
Ungdomsklubbar
-1995 1995-2003	FT Gern München Bayern München
Seniorkarriere*
År	Lag	Kampar (Mål)
2001- 2003-05	Bayern München Stuttgart (lån)	260 (8) 53 (2)
Landslag
2003 2004-14	Tyskland U21 Tyskland	3 (0) 113 (5)
* Seniorklubbkampar og mål berre telt for nasjonal liga og oppdatert 3. mai 2014 ‡ Landslagsmål oppdatert 6. august 2026

Philipp Lahm (fødd 11. november 1983 i München i Bayern) er ein tysk tidlegare fotballspelar som spelte for Bayern München i tida 2005-17 og det tyske landslaget 2004-14. Han vart i 2014 verdsmeister for Tyskland. Eitt året i førevegen vart han trippelvinnar med Bayern München, då laget vann både bundesligaen, DFB-pokalen og den europeiske meisterligaen. Venstrebacken Lahm var kaptein under alle desse triumfane.

Karriere

Klubbspel

Etter å ha vore fostra opp i Bayern München, fekk Lahm sin debut i tysk bundesliga hausten 2003 for VfB Stuttgart. Sommaren 2005 drog han tilbake til Bayern München, der han dei neste tolv åra var med på den eine store triumfen etter den andre. Då han la opp i 2017, stod han med åtte bundesliga-pokalar og seks DFB-pokalar. Prikken over i-en kom i 2013 då Bayern München, i tillegg til dei to nasjonale triumfane, også sigra i meisterligaen med 2-1 over Borussia Dortmund. Lahm var då FC Bayern sin lagkaptein.

Landslagsspel

Lahm spelte 113 landskampar i tida frå 18. februar 2004, til han sa nei til vidare landslagsspel etter finalen i Fotball-VM 2014. I denne perioden var han fast på venstrebacken til det tyske landslaget i samtlege tre europameisterskap: 2004, 2008 og 2012, og ditto tre verdsmeisterskap: 2006, 2010 og 2014. Unnateke Fotball-EM 2004, var han med på å vinne medaljar i dei andre fem turneringane. Høgdepunktet var sigeren 1-0 over Argentina i VM-finalen i Rio de Janeiro den 13. juli 2014. Lahm var fast lagkaptein for Tyskland frå hausten 2009. Han var kaptein i 51 kampar og skåra 5 landslagsmål.

Merittar

• Verdsmeister: 2014 for Vest-Tyskland
• VM-bronse: 2006 og 2010 for Tyskland
• EM-sølv: 2008 for Tyskland
• EM-bronse: 2012 for Tyskland
• Vinnar av UEFA-meisterligaen: 2013 for Bayern München
• Tysk ligameister: 2006, 2008, 2010, 2013, 2014, 2015, 2016, 2017 for Bayern München
• Vinnar av DFB-pokalen: 2006, 2008, 2010, 2013, 2014, og 2016 for Bayern München

Kjelder

• Denne artikkelen bygger på «Philipp Lahm» frå Wikipedia på tysk, den 5. august 2026.

• eu-football