Tuisblad

Welkom by Wikipedia, die vrye ensiklopedie wat deur enigiemand verbeter en uitgebrei kan word.	Donderdag, 29 Oktober 2026 Hier is tans 140 054 artikels in Afrikaans.
Help ons om ’n wêreldklas-ensiklopedie in Afrikaans te skep.

Inleiding • Hulp • Kontak

Gebruikersportaal • Voorbladartikels • Kategorieë • Stel ’n vraag

Voorbladartikel

Die nasionale vlag van Griekeland (Grieks: Σημαία της Ελλάδας, Simaía tis Elládas), waarna algemeen verwys word as die Blou-en-wit (Grieks: Γαλανόλευκη, Galanólefki) of die Siaan-en-wit (Grieks: Κυανόλευκη, Kyanólefki), is op 22 Desember 1978 amptelik in gebruik geneem en word as een van Griekeland se nasionale simbole erken. Dit vertoon nege horisontale bane in wit en blou afgewissel met ’n wit Griekse kruis op ’n blou agtergrond in die skildhoek wat Christendom verteenwoordig. Die blasoen (heraldiese beskrywing) van die vlag is asuur, vier bane in silwer; in die skildhoek ’n Griekse kruis. Die vlag se blouskakering het in gebruik verander, insluitende helder- en donkerblou, laasgenoemde word sedert die laat 1960’s meer gebruik. Die vlag is op 13 Januarie 1822 vir die eerste keer deur die Eerste Nasionale Vergadering by Epidaurus in gebruik geneem. Die amptelike vlagverhouding is 2:3.

Alhoewel die nege strepe geen amptelike betekenis het nie, verteenwoordig hulle volgens die gewildste interpretasie die lettergrepe van die frase Ελευθερία ή Θάνατος (“Vryheid of die Dood”): die vyf blou bane vir die lettergrepe in Ελευθερία en die vier wit bane vir dié in ή Θάνατος. Daar word ook gesê dat die totaal van nege bane die letters van die woord ελευθερία (“Vryheid”) verteenwoordig. Wit en blou kan ook die Griekse hemel en meer se kleure verteenwoordig.

...lees verder

In die nuus

Die FIA kondig 'n ooreenkoms met Rwanda aan, waarvolgens dié land vanaf 2030 vir tien jaar 'n Afrika Grand Prix mag aanbied. Suid-Afrika beywer hom steeds vir 'n terugkeer van die Suid-Afrikaanse Grand Prix.
Die 2026-Nobelprys vir Vrede word toegeken aan die Suid-Afrikaanse juris en menseregteaktivis Navi Pillay "vir haar pogings om vrede en internasionale reg te bevorder".
Die Internasionale Krieketraad en Krieket Suid-Afrika maak die Krieketwêreldbeker 2027 se wedstrydskedule in Kaapstad bekend; dié toernooi sal op 2 Oktober in Windhoek begin en die eindstryd sal ná ses weke se wedstryde in Suid-Afrika, Zimbabwe en Namibië op 21 November op Wanderers in Johannesburg beslis word.
'n Reeksmoordenaar is moontlik in die Oos-Rand-gebied in Gauteng, Suid-Afrika, aktief. Die lyke van twaalf vrouens is sedert Julie 2026 gevind.
Op Griekwapark in Kimberley klop die verdedigende kampioen Griekwas tydens die eindstryd van die Curriebeker 2026 die Pumas met 23–16 en palm sodoende hul vyfde titel in.

Het u geweet...

... dat die eerste duikboot reeds in 1620 gebou is? Die Nederlandse Cornelis Drebbel het een vir die Engelse koning gebou en in die Teems getoets.

... dat 'n groot aantal immigrante uit Cornwall in myne in Suid-Afrika kom werk het? Die tinmyners het op die goudmyne in die ZAR gewerk en onder andere 'n rol gespeel in die vestiging van rugby as 'n sport in Suid-Afrika.

... dat Pretoriabrug 'n hefbrug in Ottawa, Kanada is? Dit is vernoem na Pretoriastraat wat in 1902 van Janestraat hernoem is om die Britse oorwinning in die Anglo-Boereoorlog te vier.

... dat Hattie McDaniel die eerste Afro-Amerikaner is wat 'n Oscar gewen het?

... dat die Wes-Kaapprovinsie drie amptelike tale het? Die amptelike tale van die provinsie is Afrikaans, Engels en Xhosa en die 1998-grondwet is in al drie tale beskikbaar. Volgens die 2011-sensus praat 49,7% van die bevolking Afrikaans, gevolg deur Xhosa (24,7%) en Engels (20,2%).

Vandag in die geskiedenis

29 Oktober: Republiekdag in Turkye (1923).

1787 – Mozart se opera Don Giovanni word vir die eerste keer in Praag opgevoer.
1938 – Gebore: Ellen Johnson Sirleaf, 24ste president van Liberië.
1956 – Die Suezkrisis begin: Israel val die Sinaiskiereiland in en dwing Egiptiese magte terug na die Suezkanaal.
1998 – Ná meer as 30 jaar keer die 77-jarige ruimtevaarder John Glenn terug na die ruimte om die invloed van ruimtereise op ouer mense te bestudeer.
1998 – Die Waarheid-en-versoeningskommissie bied sy verslag oor gebeure onder apartheid in Suid-Afrika aan.