Hər kəsin redaktə edə biləcəyi azad ensiklopediya olan

Vikipediyaya xoş gəlmisiniz!

Hal-hazırda Azərbaycanca Vikipediyada 218.805 məqalə mövcuddur.

Həftənin seçilmiş məqaləsi

Nyu-York — Nyu-York ştatında yerləşən Amerika Birləşmiş Ştatlarının əhalisinin sayına görə ən böyük şəhəri. Şəhərin ərazisi 778,2 km², əhalisi isə 2020-ci ilin siyahıyaalması ilə 8.804.190 nəfərdir. Nyu-York ştatının cənubunda yerləşən şəhər Nyu-York aqlomerasiya regionunun mərkəzidir, həmçinin ərazisinə görə dünyanın ən böyük aqlomerasiya regionudur. 2020-ci ilin statistikasına əsasən şəhər 20 milyondan çox əhali ilə həm də dünyanın ən sıx məskunlaşılan meqapolislərindən biridir. Nyu-York dünyanın mədəni, maliyyə və media mərkəzi kimi təsvir edilmişdir və ticarət, əyləncə, tədqiqat, texnologiya, təhsil, siyasət, turizm, yemək, incəsənət, dəb və idman sahələrində yer alır. Dünyanın ən çox fotoşəkil çəkilən şəhəridir. Birləşmiş Millətlər Təşkilatının Baş Qərərgahının yerləşdiyi Nyu-York beynəlxalq diplomatiya mərkəzlərindən biri və qlobal investorlar üçün etibarlı sığınacaqdır. Nyu-York bəzən dünyanın paytaxtı kimi təsvir edilir.

(Davamı...)

Həftənin yaxşı məqaləsi

Məysəlun döyüşü — 24 iyul 1920-ci il tarixində Anti-Livan dağlarında, Dəməşqdən təxminən 25 kilometr qərbdə yerləşən Xan Məysəlun yaxınlığında Suriya Ərəb krallığının qüvvələri ilə Fransa Levant Ordusu arasında baş vermiş və təxminən dörd saat davam etmiş hərbi qarşıdurma.

1918-ci ilin oktyabrında Britaniyanın dəstəklədiyi ərəb üsyanı zamanı Haşimi əmiri I Feysəlin rəhbərliyi altındakı ərəb qüvvələri Osmanlı imperiyasına qarşı mübarizə çərçivəsində Dəməşqi ələ keçirmişdir. Bundan sonra Feysəl müttəfiq hərbi işğal administrasiyasının "OETA East" adlandırılan idarə sistemi çərçivəsində, əvvəlcədən mövcud olmuş İngiltərə–Fransa modusuna uyğun şəkildə hökumət formalaşdırmışdır. (Davamı...)

Həftənin seçilmiş siyahısı

Ronald Reyqanın filmoqrafiyası — 28 illik aktyorluq karyerası (1937-ci ildən 1965-ci ilə qədər) boyunca çəkildiyi filmlər və televiziya işləri daxildir. Onun radio, kino və televiziya sahəsində karyerası 33 il davam edib. Ronald Reyqan İkinci Dünya müharibəsi zamanı ABŞ Hərbi Hava Qüvvələrində xidmət edib və burada müxtəlif müharibə mövzulu filmlərin yaradılmasında iştirak edib. 1947-1959-cu illərdə altı dəfə ABŞ Kinoaktyorlar Gildiyasının prezidenti seçilib. 1950-ci illərin ortalarında Reyqan filmlərdə daha az rol ifa etməyə, televiziyada dah çox görünməyə başladı. Səkkiz il ərzində o, CBS, NBC və ABC kanallarında bir sıra proqramlarda iştirak və çıxış edib. 1957-ci ildə Qızıl Qlobus mükafatına layiq görülən Reyqanın şərəfinə 9 fevral 1960-cı ildə Hollivudun Şöhrət xiyabanında ulduz həkk edildi. 1965-ci ildə Reyqan aktyorluq karyerasını bitirərək siyasətə atıldı.

(Davamı...)

Günün seçilmiş şəkli

Xəbərlər

İngiltərə millisinin və "Bavariya"nın hücumçusu Harri Keyn (şəkildə) "Qızıl top" 2026 mükafatının qalibi olub.
İstanbulda daşqınlar səbəbilə 8 nəfər ölüb və 6 nəfər itkin düşüb.
Cənubi Afrika hüquqşünası Navi Pilley "Nobel" sülh mükafatına layiq görülüb.
Corc Rassell Bakıda keçirilən Formula 1 — 2026 Azərbaycan Qran-prisinin qalibi olub.
Vəhşi pişiyin yeni bir növü rəsmi olaraq müəyyən edilib.

Aktual hadisələr: İran müharibəsi • Rusiya–Ukrayna müharibəsi

Son ölümlər: Zaur Rzayev, Teymur Yəhyayev, Natiq Rəsulov, Növrəstə Yusifova, Aqşin Ağkəmərli, Ayaz Vəfalı, Pərviz Heydərov

Bilirsinizmi?

Kris Dikerson (şəkildə) Mister Olimpiya 1982 yarışmasını qazanaraq Mister Olimpiya tarixində qalib gələn açıq ilk və yeganə gey bodibilder olmuşdur.
Ağdam rayonunun Mərzili bələdiyyəsi Azərbaycanda yeganə bələdiyyədir ki, bələdiyyə birləşməsi haqqında qanunda adı göstərilməyib, amma yeni siyahıya da daxil edilmədiyinə görə qanunla deyil, öz qərarına əsasən ləğv edilmişdir.
Açıq göz rənglərinə (boz, mavi və ya yaşıl) sahib olan insanlar qəhvəyi və ya qara gözlülərə nisbətən qaranlıqda obyektləri daha yaxşı görə bilirlər.
2002-ci ildə baş verən futbol böhranı nəticəsində Azərbaycan təxminən 400 gün ərzində heç bir rəsmi futbol tədbirində iştirak etməmişdir.
Avstriyada Holokostun inkarına görə ilk məhkumluqlar 1990-cı illərin əvvəllərində, neonasist qrupların fəaliyyəti nəticəsində baş vermişdir.

Tarixdə bu gün

29 oktyabr:

1863 — Anri Dünan Beynəlxalq Qızıl Xaç hərəkatının əsasını qoydu.

1922 — İtaliya kralı III Viktor Emmanuel Benito Mussolinini hökumət başçısı təyin etdi.

1923 — Türkiyə Cümhuriyyəti elan edildi və Mustafa Kamal Atatürk onun ilk prezidenti seçildi.

1929 — Nyu-York fond birjasının iflasa uğraması ilə ABŞ-da iqtisadi böhran başladı.

1955 — Sevastopolda sovet "Novorossiysk" linkorunun batması nəticəsində 604 nəfər həlak oldu.

1956 — Süveyş böhranı zamanı İsrail ordusu Misir sərhədini keçərək Sinay yarımadasını işğal etdi.

2015 — Çində 1979-cu ildən tətbiq edilən tək uşaq siyasəti ləğv edildi.

Digər günlər: 28 oktyabr – 29 oktyabr – 30 oktyabr

Arxiv – İlin digər günləri – Haqqında

Kömək səhifələri

Vikipediya

Ana səhifə

Vikipediyaya xoş gəlmisiniz!

Vikimedia Fondunun digər layihələri