5 Oktober

5 Oktober is die 278ste dag van die jaar in die Gregoriaanse kalender (279ste in skrikkeljare). Daar volg nog 87 dae in die res van die jaar.

Gebeure

649 – Begin van die eerste Lateraanse sinode. Dit eindig op 31 Oktober.
710 – Pous Konstantyn begin sy reis na Konstantinopel.
1543 – Giovanni Maria Ciocchi del Monte (later Pous Julius III) word kardinaalbiskop van Palestrina.
1823 – Pous Leo XII word gekroon deur kardinaal Fabrizio Ruffo.
1864 – Kalkutta, hoofstad van Brits-Indië, word amper totaal verwoes deur 'n sikloon waarin meer as 60 000 mense sterf.
1877 – Nez Percé en sy bende gee hul uiteindelik oor ná meer as drie maande se gevegte met die magte van die Verenigde State; ’n tog van meer as 1 000 myl oor Oregon, Washington, Idaho en Montana, en ’n beleg.
1908 – Prins Ferdinand word die eerste tsaar van Bulgarye sedert die Ottomaanse inval in die 14de eeu.
1930 – Die Britse lugskip R101 stort op sy nooiensvaart in Frankryk neer; dit was onderweg na Indië. 48 van die 54 passasiers en bemanning sterf in die ongeluk.
1970 – Lede van die Québecse bevrydingsbeweging ontvoer 'n Britse diplomaat, wat lei tot die Oktoberkrisis in Montréal, Kanada.
1999 – ’n British Rail Klas 165-diesellokomotief en trein bedryf deur Thames Trains bots met ’n hoëspoedtrein van First Great Western in Londen; 31 passasiers sterf.
2009 – Australië wen die eindstryd van die sesde Kampioenetrofee in Suid-Afrika met ses paaltjies teen Nieu-Seeland.
2018 – Ná Banksy se werk Girl with Balloon vir 'n rekordbedrag van £ 1 042 000 tydens 'n Sotheby's veiling in Londen verkoop is, word die werk onverwags versnipper en sodoende 'n nuwe kunswerk geskep wat later bekend sou staan as Love is in the Bin.

Geboortes

1713 – Denis Diderot, Franse skrywer en Verligtingsfilosoof († 1784).
1829 – Chester A. Arthur, 21ste President van die Verenigde State († 1886).
1844 – Francis William Reitz, president van die Vrystaat († 1934).
1858 – Prins Hendrik van Battenberg, morganatiese afstammeling van die Huis van Hesse († 1896).
1878 – Louise Dresser, Amerikaanse aktrise († 1965).
1882 – Robert Goddard, Amerikaanse vuurpylpionier († 1945).
1888 – Mary Fuller, Amerikaanse aktrise († 1973).
1920 – Milla Louw, Afrikaanse aktrise en stemafrigter († 2012).
1923 – Glynis Johns, Suid-Afrikaanse aktrise († 2024).
1929 – Richard F. Gordon, Amerikaanse vlootoffisier en toetsvlieënier, chemikus en Nasa-ruimtevaarder († 2017).
1930 – Anne Haddy, Australiese aktrise († 1999).
1945 – Riaan Cruywagen, Afrikaanse nuusleser en stemkunstenaar.
1952 – Imran Khan, Pakistanse krieketspeler en 22ste Eerste Minister van Pakistan.
1960 – Dan Plato, burgemeester van Kaapstad en voormalige provinsiale minister van gemeenskapsveiligheid in die Wes-Kaap.
1975 – Kate Winslet, Engelse aktrise en rolprentster van Titanic.
1988 – Shabnim Ismail, Suid-Afrikaanse internasionale vrouekrieketspeler.
1988 – Kevin Olusola, Amerikaanse musikant, beatboxer, rapper, albumvervaardiger.
1992 – Danie du Toit (Reënwolf), sanger en sakeman.
1992 – Kevin Magnussen, Deense Formule Eenrenjaer.
2006 – Jacob Tremblay, Kanadese akteur.

Sterftes

578 – Justinus II, Bisantynse Keiser (* 520).
1056 – Keiser Hendrik III (* 1016).
1880 – Jacques Offenbach, Duitsgebore Franse komponis, tjellis en impresario (* 1819).
1917 – Bernard Petrus Jacobus Marchand, predikant van die Nederduitse Gereformeerde Kerk, en een van die stigters van die arbeidskolonie op Kakamas (* 1853).
1933 – Renée Adorée, Frans-Amerikaanse aktrise (* 1898).
1936 – J. Slauerhoff, Nederlandse digter en skrywer (* 1898).
1967 – Clifton Williams, Amerikaanse ruimtevaarder (* 1932).
1976 – Barbara Nichols, Amerikaanse aktrise (* 1928).
1981 – Gloria Grahame, Amerikaanse aktrise (* 1923).
1997 – Brian Pillman, Amerikaanse sokkerspeler en stoeier (* 1962).
2003 – Timothy Treadwell, Amerikaanse dierebeskermer, regisseur en vervaardiger (* 1957).
2004 – Rodney Dangerfield, Amerikaanse komediant, akteur, regisseur en skrywer (* 1921).
2010 – Alba Bouwer, Suid-Afrikaanse kinderboekskrywer, joernalis en maatskaplike werker (* 1920).
2011 – Steve Jobs, Amerikaanse sakeman en medestigter van Apple Inc. (* 1955).
2015 – Henning Mankell, Sweedse toneelregisseur en skrywer (* 1948).
2015 – Jos Vandeloo, Vlaamse skrywer en digter (* 1925).

Vakansies, vierings, en waarnemingsdae

Republiekdag in Portugal (1910).