ᱥᱟᱯᱲᱟᱣᱢᱮ ᱫᱷᱟᱢᱟᱞ (ᱯᱷᱤᱞᱢ ᱥᱤᱨᱤᱡᱽ) (ᱦᱟᱹᱴᱤᱧ)

===''ᱰᱳᱵᱚᱞ ᱫᱷᱟᱢᱟᱞ'' (᱒᱐᱑᱑)===

ᱢᱟᱬᱟᱝᱼᱟ ᱯᱷᱤᱞᱢ ᱟᱛᱨᱮ ᱠᱷᱚᱱ ᱱᱚᱣᱟ ᱯᱷᱤᱞᱢ ᱛᱚᱸᱜᱮ ᱪᱟᱹᱞᱩᱜᱼᱟᱹ ᱯᱩᱱᱭᱟᱹ ᱡᱚᱴᱟᱣ ᱨᱳᱭ, ᱟᱫᱤ, ᱢᱟᱱᱚᱵ ᱟᱨ ᱵᱳᱢᱟᱱ, ᱚᱠᱟ ᱠᱟᱹᱢᱤᱨᱮᱜᱮ ᱵᱟᱝ ᱜᱟᱱᱚᱜ ᱯᱩᱱ ᱡᱚᱴᱟᱣ ᱱᱤᱛ ᱦᱚᱸ ᱟᱠᱚᱣᱟ ᱥᱩᱠ ᱞᱟᱹᱜᱤᱫ ᱦᱚᱲ ᱦᱟᱨᱠᱮᱛ ᱨᱮᱜᱮ ᱢᱮᱱᱟᱜ ᱠᱚᱣᱟ ᱾ ᱢᱤᱫ ᱫᱤᱱ ᱟᱠᱚᱠᱚ ᱧᱮᱞᱼᱟ ᱟᱠᱚᱨᱤᱱ ᱵᱟᱹᱭᱨᱤ ᱠᱚᱵᱤᱨ ᱟᱹᱰᱤ ᱥᱩᱠᱟᱱ ᱠᱟᱨ ᱜᱟᱹᱰᱤ ᱢᱚᱨᱥᱤᱰᱤᱡᱽ ᱮ ᱪᱟᱹᱞᱩ ᱮᱫᱟ ᱾ ᱚᱱᱟ ᱧᱮᱞ ᱟᱠᱚ ᱵᱮᱥ ᱵᱟᱠᱚ ᱵᱩᱡᱷᱟᱹᱣ ᱞᱮᱫᱟ ᱟᱨ ᱠᱚᱵᱤᱨ ᱪᱮᱫ ᱞᱮᱠᱟᱨᱮ ᱩᱱᱟᱹᱜ ᱫᱟᱢ ᱨᱮᱱᱟᱜ ᱜᱟᱹᱰᱤ ᱪᱟᱹᱞᱩ ᱮᱫᱟᱭ ᱚᱱᱟ ᱥᱮᱱᱫᱨᱟ ᱨᱮᱠᱚ ᱪᱷᱩᱴᱟᱹᱣ ᱮᱱᱟ ᱾ ᱵᱩᱡᱷᱟᱹᱣ ᱠᱟᱛᱮᱫ ᱠᱚ ᱵᱟᱰᱟᱭ ᱠᱮᱫᱼᱟ ᱠᱚᱵᱤᱨ ᱫᱚ ᱟᱡ ᱵᱟᱹᱦᱩ ᱠᱟᱢᱤᱱᱤ ([[ᱢᱚᱞᱤᱠᱟ ᱥᱮᱨᱟᱣᱚᱛ]])ᱭᱟᱜ ᱴᱟᱠᱟ ᱯᱩᱭᱥᱟᱹᱛᱮ ᱪᱚᱲᱟᱜ ᱠᱟᱱᱟᱭ᱾ ᱯᱩᱱᱭᱟ ᱠᱚᱲᱟ ᱠᱚᱵᱤᱨ ᱥᱟᱶ ᱵᱮᱯᱟᱨᱮ ᱥᱚᱦᱮᱫ ᱮᱢᱚᱜ ᱞᱟᱹᱜᱤᱫ ᱠᱚ ᱵᱞᱟᱠᱢᱮᱞ ᱠᱮᱫᱮᱭᱟ ᱿ ᱤᱠᱷᱟᱹᱱ ᱟᱠᱚ ᱵᱟᱠᱚ ᱵᱟᱰᱟᱭ ᱛᱟᱦᱮᱸᱫ  ᱠᱚᱵᱤᱨ ᱠᱟᱢᱤᱱᱤ ᱟᱨ ᱟᱡ ᱤᱨᱤᱞᱛᱮᱫ ᱠᱩᱲᱤ ᱠᱤᱭᱟ ([[ᱠᱚᱸᱜᱱᱟ ᱨᱟᱱᱟᱣᱚᱛ]]) ᱦᱟᱜ ᱵᱷᱮᱜᱟᱨ ᱜᱮ ᱩᱭᱦᱟᱹᱨ ᱢᱮᱱᱟᱜᱼᱟ ᱾ ᱠᱚᱵᱤᱨ ᱩᱱᱠᱩ ᱛᱟᱭᱚᱢ ᱨᱮ ᱢᱤᱫ ᱛᱩᱱᱠᱷᱤᱭᱟᱹ ᱵᱟᱴᱟ ᱵᱷᱟᱭᱤ ([[ᱥᱚᱛᱤᱥ ᱠᱚᱣᱥᱤᱠ]]) ᱮ ᱞᱟᱜᱟᱣ ᱠᱟᱫᱮᱭᱟ ᱾ ᱵᱟᱴᱟ ᱵᱷᱟᱭᱤ ᱫᱚ ᱢᱤᱰ ᱯᱟᱨᱴ ᱴᱟᱭᱤᱢ ᱰᱚᱱ ᱠᱟᱱᱟᱭ ᱾ ᱯᱩᱱ ᱡᱚᱴᱟᱣ ᱵᱟᱴᱟ ᱵᱷᱟᱭᱤ ᱭᱟᱜ ᱴᱟᱠᱟ ᱠᱚ ᱠᱩᱢᱵᱲᱩ ᱠᱮᱫᱟ, ᱟᱨ ᱠᱚᱵᱤᱨ ᱫᱚ ᱱᱩᱠᱩ ᱴᱷᱮᱫ ᱠᱷᱚᱱ ᱮ ᱠᱩᱢᱵᱲᱩ ᱠᱮᱫᱼᱟ ᱾ ᱠᱚᱵᱤᱨ ᱟᱨ ᱟᱡᱟᱜ ᱜᱷᱟᱨᱚᱸᱡᱽ ᱯᱩᱱ ᱡᱚᱴᱟᱣ ᱵᱟᱴᱟ ᱵᱷᱟᱭᱤ ᱴᱷᱮᱰ ᱜᱚᱡ ᱚᱪᱚ ᱞᱟᱹᱜᱤᱫ ᱵᱟᱹᱜᱤ ᱦᱚᱴᱚ ᱟᱛᱮᱫ [[ᱢᱟᱠᱟᱣ]] ᱠᱚ ᱧᱤᱨ ᱮᱱᱟ ᱾ ᱤᱠᱷᱟᱹᱱ ᱠᱩᱠᱩ ᱯᱩᱱᱭᱟᱹ ᱡᱚᱴᱟᱣ ᱦᱚᱸ ᱠᱚᱵᱤᱨ ᱢᱟᱠᱟᱣ ᱨᱮᱱᱚ ᱯᱟᱸᱡᱟ ᱧᱟᱢ ᱠᱮᱫᱮᱭᱟ ᱾ ᱟᱠᱚᱣᱟᱜ ᱨᱩᱯ ᱵᱚᱫᱚᱞ ᱠᱟᱛᱮᱫ ᱠᱚᱵᱤᱨᱼᱟᱜ ᱥᱩᱠ ᱪᱟᱵᱟᱭ ᱞᱟᱹᱜᱤᱫ ᱠᱚ ᱵᱩᱫᱷᱤ ᱠᱮᱫᱟ ᱾ ᱨᱚᱭ ᱠᱤᱭᱟᱹ ᱫᱩᱞᱟᱹᱲ ᱨᱮᱱᱜᱟ ᱮ ᱪᱷᱩᱵᱤ ᱠᱮᱫᱼᱟ ᱟᱨ ᱟᱫᱤ ᱠᱚᱱᱤᱨ ᱭᱤᱡ ᱥᱮᱠᱨᱮᱴᱟᱨᱤ ᱞᱟᱹᱜᱤᱫᱼᱮ ᱪᱷᱩᱵᱤ ᱠᱮᱫᱼᱟ ᱾