ᱥᱟᱯᱲᱟᱣᱢᱮ ᱠᱩᱛᱷᱵᱟᱯᱚᱞᱞᱤ (ᱦᱟᱹᱴᱤᱧ)

==ᱱᱟᱜᱟᱢ==
ᱠᱩᱛᱷᱵᱟᱯᱚᱞᱞᱤ ᱫᱚ ᱯᱚᱱᱰᱤᱪᱮᱨᱤ ᱨᱮᱭᱟᱜ ᱯᱩᱭᱞᱩ ᱢᱚᱥᱡᱤᱫᱽ ᱠᱟᱱᱟ ᱢᱮᱱᱛᱮ ᱠᱚ ᱫᱟᱹᱵᱤᱭᱟᱹ, ᱡᱟᱦᱟᱸ ᱫᱚ ᱯᱩᱭᱞᱩ ᱫᱷᱟᱣ ᱣᱟᱭᱤᱴ ᱴᱟᱣᱩᱱ ᱨᱮ ᱵᱮᱱᱟᱣ ᱞᱮᱱᱟ᱾ ᱑᱖᱙᱓ ᱥᱟᱞᱮ ᱨᱮ ᱯᱚᱱᱰᱤᱪᱮᱨᱤ ᱠᱤᱞᱟᱹ ᱨᱮᱭᱟᱜ ᱰᱚᱪ ᱢᱮᱯ ᱞᱮᱠᱟᱛᱮ ᱵᱟᱰᱟᱭᱚᱜᱼᱟ ᱡᱮ ᱚᱸᱰᱮ ᱵᱟᱨᱭᱟ ᱢᱚᱥᱡᱤᱫᱽ ᱢᱮᱱᱟᱜ ᱛᱟᱦᱮᱸᱠᱟᱱᱟ ᱠᱤᱞᱟᱹ ᱵᱷᱤᱛᱨᱤ ᱨᱮ᱾ ᱢᱤᱫᱴᱟᱹᱝ ᱫᱚ ᱠᱩᱛᱷᱵᱟᱯᱚᱞᱞᱤ ᱟᱨ ᱫᱚᱥᱟᱨ ᱫᱚ ᱢᱤᱨᱟᱯᱚᱞᱞᱤ ᱢᱮᱱᱛᱮ ᱠᱚ ᱯᱟᱹᱛᱭᱟᱹᱣᱟ᱾ ᱑᱘ ᱥᱟᱭᱟᱱᱟᱜ ᱨᱮᱭᱟᱜ ᱯᱩᱭᱞᱩ ᱚᱨᱫᱷᱮ ᱨᱮ ᱢᱤᱨᱟᱯᱚᱞᱞᱤ ᱫᱚ ᱱᱤᱛᱚᱜ ᱡᱟᱦᱟᱸ ᱡᱟᱭᱜᱟ ᱨᱮ ᱢᱮᱱᱟᱜᱼᱟ ᱚᱸᱰᱮ ᱠᱚ ᱩᱪᱟᱹᱲ ᱠᱮᱫᱮᱭᱟ, ᱮᱱᱠᱷᱟᱱ ᱠᱩᱛᱷᱵᱟᱯᱚᱞᱞᱤ ᱫᱚ ᱣᱟᱭᱤᱴ ᱴᱟᱣᱩᱱ ᱨᱮᱭᱟᱜ ᱯᱟᱪᱮ ᱱᱟᱠᱷᱟ ᱨᱮ ᱑᱗᱖᱑ ᱥᱟᱞᱮ ᱨᱮ ᱤᱝᱨᱟᱹᱡᱽ ᱠᱚ ᱣᱟᱭᱤᱴ ᱴᱟᱣᱩᱱ ᱵᱟᱹᱨᱵᱟᱹᱫᱽ ᱠᱮᱫ ᱫᱷᱟᱹᱵᱤᱡ ᱛᱟᱦᱮᱸ ᱮᱱᱟ᱾ ᱱᱤᱛᱚᱜᱟᱜ ᱵᱮᱱᱟᱣ ᱫᱚ ᱑᱘ ᱥᱟᱭᱟᱱᱟᱜ ᱨᱮ ᱦᱩᱭ ᱞᱮᱱᱟ᱾

᱑᱙᱔᱘ ᱥᱟᱞᱮ ᱨᱮ ᱰᱩᱯᱞᱮᱠᱥ ᱨᱮᱱ ᱯᱷᱨᱮᱸᱪ ᱥᱤᱯᱟᱹᱦᱤ ᱠᱚ ᱱᱚᱣᱟ ᱢᱟᱨᱮ ᱢᱚᱥᱡᱤᱫᱽ ᱵᱟᱹᱨᱵᱟᱹᱫᱽ ᱨᱮᱠᱚ ᱪᱷᱩᱴᱟᱹᱣ ᱞᱮᱱ ᱛᱟᱦᱮᱸᱫ, ᱢᱮᱱᱠᱷᱟᱱ ᱚᱸᱰᱮᱱ ᱠᱚ ᱢᱩᱥᱞᱤᱢ ᱠᱚ ᱟᱨ ᱚᱠᱛᱚ ᱨᱮ ᱚᱵᱽᱫᱩᱞ ᱨᱚᱦᱢᱟᱱ ᱦᱮᱡ ᱥᱮᱴᱮᱨ ᱠᱟᱛᱮᱫ ᱱᱚᱣᱟᱭ ᱵᱚᱸᱫᱽ ᱠᱮᱫᱼᱟ᱾<ref name="ananda">{{cite book |author1=Price, J. Frederic |author2=Rangachari, K. |title=The Private Diary of Ananda Ranga Pillai - Dubash to Joseph François Dupleix - Governor of Pondicherry |volume=5 |page=308 |url=http://www.columbia.edu/itc/mealac/pritchett/00litlinks/pillai/vol05/05_298.pdf |year= |publisher=Columbia University |isbn= }}</ref> ᱯᱷᱨᱮᱸᱪ ᱫᱚ rue De la monnaie ᱧᱩᱛᱩᱢ ᱵᱚᱫᱚᱞ ᱠᱟᱛᱮᱫ rue Victor Simonel ᱠᱚ ᱫᱚᱦᱚ ᱠᱮᱫᱼᱟ᱾ ᱡᱚᱥᱮᱯᱷ ᱯᱷᱨᱟᱝᱠᱚᱭᱤᱥ ᱰᱩᱯᱞᱮᱠᱥ ᱟᱜ ᱥᱟᱥᱚᱱ ᱚᱠᱛᱚ ᱨᱮ Rue De la monnaie ᱫᱚ rue De la mosquee ᱧᱩᱛᱩᱢ ᱛᱮ ᱵᱟᱰᱟᱭᱚᱜ ᱠᱟᱱ ᱛᱟᱦᱮᱸᱫ᱾ Rue De la mosquee ᱨᱮᱭᱟᱜ ᱤᱝᱞᱤᱥ ᱛᱚᱨᱡᱚᱢᱟ ᱫᱚ "ᱢᱚᱥᱡᱤᱫᱽ ᱥᱴᱨᱤᱴ" ᱠᱟᱱᱟ᱾